豪酒窖 (已搬遷) 新店位置

睇左咁耐神之水滴，有幾期講有個係Burgundy開酒莊既日本人，佢既酒一直都想試好耐，但搵極都唔見有酒鋪有最近有老友同我講話呢間酒鋪有呢隻酒賣，尋日得閒走來望望，果然真係有。同埋款式好齊，聽店員講2010年新貨剛剛返，咁入去看看價錢，支Bonne Mares 09要成千九，其他村酒就都係400至500左右，最後就買支Ladoix09返去飲。開左支酒，約15分鐘到支酒既車厘子同花香出哂，酒身不算太厚，飲落去士多啤梨味好重呢支酒都係$390，但因為係香港唔多地方有呢條村既酒賣所以都算較為特別少少。店員講埋，聽日星期五晚會開支天地人氣酒俾大家試飲，到時叫埋班老友落去，試左後再俾comment。同埋呢間酒鋪既Brugundy真係好多好多，睇到小弟都頭痕，因為好多村同田真係係其他酒鋪都未見過如果要搵d好似Fixin, Ladoix同埋Beaune既Burgundy酒既話，真係一個不錯選擇。