象泰宴

营业中

休息中

今日老公係屯門附近收工，我地約左屯門置樂等，因為有錶位可以泊車，之後行去附近搵食，西餐，日本料理以排食得多，今日我地去食泰國菜，因為真係太耐冇食啦。坐低後，餐廳送上一客泰國炸蝦片，蝦片有小小辣，食落好香好脆，不油膩每次黎到泰國餐廳都會必點串燒沙嗲（$88）有3串雞，3串豬，都好大串，豬肉好軟腍，一點都不柴口，雞肉亦好嫩滑，燒得好香，而且還好重香芧味，正泰式肉碎生菜包（$78）肉碎炒得乾身，唔會出晒水，清爽可口的生菜包著香辣惹味的肉碎一齊食，真係好開胃，而且比既生菜都好足夠粉絲蝦煲（$138）蝦不算太新鮮，只有2隻，粉絲炒得乾身，份量好多，但竟然有我最唔鐘意既芹菜。蝦醬肉碎炒飯（$78）份量好多，未食已聞到好香好香，超有鑊氣，炒飯炒得乾身，粒粒分明。椰汁冰（$26）唔太甜

見呢間餐廳網上好多好評，而且價錢抵食 ,朋友提議嚟試下。裝修不錯，地方寬敞，樓底夠高，坐得好舒服。估唔到卡位仲有usb頭提供，可以充電。餐牌分門別類， 有粉麵飯類，蔬菜類，肉類，BBQ類，海鮮類，甜品，飲品等等，選擇十分多呢！一坐低即刻送上一碟蝦片，超好味！一定要食！感覺像熱浪薯片，微辣微咸，好香口的又邪惡的小食。前菜點了我最喜歡的泰式酸辣鳳爪沙律$68,估唔到咁大碟。鳳爪冇骨，酸辣味道恰到好處，我喜歡吃辣，感覺辣度是小辣，酸度令人食得開胃，不會嗆喉。蟹肉炒粉絲$68 ,冇諗過呢個價錢都有咁大碟！粉絲鹹味剛好，蟹肉已拆成絲，因為粉絲和蟹肉都是軟綿綿的，所以配菜加了蘿蔔絲、芽菜、洋蔥等一起炒，增加爽口感，還有蛋花增添香味呢！整體味道不錯。豬頸肉椰菜苗煲$76 (馬拉盞), 用鍋上， 上桌時熱辣辣，聽著醬汁在鍋裏卜卜作響，香味撲鼻！椰菜苗鮮嫩，很鮮甜又爽口，這是我最喜歡的泰國菜之一，因為吃中菜的話就沒有椰菜苗食。豬頸肉肉質爽口，馬拉盞醬汁香濃，加了蝦乾一起煮，本來平凡的蔬菜變得十分惹味，而且豬頸肉的分量也不少，這個菜算抵食呢！月亮蝦餅$88 ,一碟有八件， 不是平時食開的半圓形，而是薄餅形

好耐冇食過泰國餐，今日突然想食下，就黎左屯門呢間象泰宴，位於三聖輕鐵站附近，行十分鐘左右就到，都算方便。一坐低，店員就請我地食蝦片，鹹鹹辣辣，好惹味啊，搞到我一直食唔停。飲品方面呢，就點左個鮮椰青，多清甜仲可以解辣。前菜當然唔少得泰國既特色小食，豬頸肉生菜包啦。用左好多泰國香料去炒既豬頸肉，好入味，包係生菜入面，減去一啲油膩既感覺，絕配啊。仲有我最愛既月亮蝦餅，滿滿既蝦肉，炸到香脆金黃，睇已經好吸引啦，我推薦大家一定要點埋泰式辣醬一齊食，酸酸辣辣好開胃嫁。最後，主角係焗青咖哩麵包雞，滿滿既青咖哩，裏面除左雞，仲有豆角蔬菜。個麵包焗到好脆口，加上吸滿咖哩汁，每一啖都有香濃既咖啡味。咁佢就唔太辣既，一般人應該都可以接受。

今天為左陪朋友子黎買野，專登入左去屯門。買完野已經好晏啦，當然要順便醫醫肚啦。好耐冇食過泰國野，見到都幾多人，一於就試試佢。泰國金柚子蝦沙律，聽個名以為係普通沙律再加少少柚子，點知係好多柚子!!!!!大家可以睇圖。滿滿既柚子，實在太好味啦！到左期待萬分既海南雞飯啦，雞肉非常嫩滑，冇令我失望。不過醬汁只有一種，大家要留意番☺泰式香矛魚餅，非常有心思的一道小食。魚餅是用香矛串住，所以散發住陣陣香矛味，好吸引！點都要叫個菜食既，而芥蘭係我既至愛☺最後黎到甜品芒果糯米飯啦！糯米飯係柴黃色相隔，好花巧而且好食。芒果清甜，完全勾起哂我係泰國玩既回憶。

一講到食泰國菜，第一時間會諗起九龍城。今次朋友揸車，載我們入屯門食。食肆門口及附近頗多咪錶位，附近又有巴士出入九龍及接駁V-City西鉄站，可謂十分方便。蒲坐下，待應便送上蝦片小食，炸得很 脆，還帶少少辣味，幾好蝦餅通常是薄薄一片，好似漢堡扒咁樣。呢處的月亮蝦餅，厚切又彈牙; 制作時還先在外面舖上粉皮後，才拿去煎炸，令成品上層脆口，豐富了層次感 鹽燒尖吻魚外舖粗鹽、內放香茅薑片，將魚腥味通通除去。魚皮將水份保存在內，就算經烤焗，也能保持肉質有彈性和 "juicy"，好好味椰菜本無味，是一種經常出現嚮泰式餐牌上的食材，呢碟泰式鹹魚炒椰菜苗，有淡淡鹹魚香，唔錯如果唔講，憑相片估唔估到這是甚麼呢？ ....香芒糯米飯是也。紅糯米經處理過，甜甜的、暖暖的，還很煙韌的呢泰國12月氣溫，仍高踞廿五度以上，這杯百香芒芒，感覺似沙冰，應是當地消暑之選。香港雖未至於咁熱，仍是合適時宜的

去屯門探我朋友間小食店班，順便在附近食埋晚飯啦！今次揀既呢間係食泰菜既象泰宴，店舖面積不算是很大，🈶️三張卡位，加埋其餘檯都大約可坐40幾人吧。去之前睇過下openrice，知道呢度有咩特色或出名既小菜，倆個人點左四個菜、一個椰青，四百蚊埋單。◇◇◇◇◇首先上桌既係碳燒豬頸肉ᴴᴷ$78天氣開始有點涼，好喜歡這道菜的硬件設計，一片片薄身的豬頸肉漂亮的排放在網上，而下面點著小蠟燭🕯️， 除了保持微溫外，也悄悄地把肉裡的油逼出來。有豬頸肉爽脆的口感，卻沒有油膩感，淡淡的碳香在嘴裡散發出來。♛♛♛♛♛♛♛♛♛♛♛♛♛♛♛♛再來就是月亮蝦餅ᴴᴷ$88其實不明白它為何與月亮扯上關係😂，外型不像。味道方面很不錯，我和男友都大愛！外面薄薄一層炸得非常脆，裡面有蝦膠、蒜頭和蔥粒，口感彈牙。一定要點附上的醬，除了平常的泰式甜酸醬外，不吃得辣的朋友仔可以點甜甜地的酸梅醬，兩個醬配炸物都好正！😋♛♛♛♛♛♛♛♛♛♛♛♛♛♛♛♛泰式馬拉盞炒椰菜苗ᴴᴷ$68出街食飯好多時都多肉少菜，依家想健康點，所以會點菜食。如果有椰菜苗通常都會點，因為平時少食。馬拉盞調味適合港人口味，味道偏淡，不過有咸香的蝦醬味，面頭的炸蒜也增加

朋友推介咗一間大件夾抵食嘅泰國嘢👅👅  一坐低點咗杯青檸梳打，用嘅係好出名嘅象牌，好夠氣，一個字：爽😊 黃咖哩炒大肉蟹，蟹肉鮮甜，配合黃咖哩真係可以送兩碗飯👅👅🤭 食泰國嘢必食串燒，我哋叫咗半打😏 三串豬三串雞，串燒本身有底味嘅，沙嗲另上，鐘意點幾多就幾多另外叫咗泰式經典明爐烏頭，佢唔係用平時見開嘅gas爐坐熱嘅，係用紫色嘅啫喱再點火，感覺幾新鮮😯 烏頭都算大條，有好多調味料，一開頭有啲酸之後就好辣😛😛😛啱晒我

屯門置樂平日晚市星期五行過附近既食店都好少人唯獨呢間都幾滿座食物方面叫左生蝦 海南雞飯 冬陰公 同炒通菜非常老實地說 味道不算難忘冬陰公湯既火唔知有無點過定一上就熄左🤔驚喜既係生蝦一杯杯咁上好有氣勢✨有2隻味好有心思但似一早解凍 食落又無冰凍既感覺最突出既係百香芒芒上面有一層奶蓋 咸咸地芒味十足👍🏻👍🏻👍🏻但係好公道咁講平日食飯唔洗加一 菜單上好多選擇我會黎食多幾次侍應服務好好又有一張大枱 令我平時食飯又多個選擇

最近發現屯門有間幾有正既泰國菜😋😋😋環境清靜 裝修格局好有feel☺️☺️☺️幾岩三四個人黎gathering😇😇😇而且仲有露天座位 都幾岩二人世界👫最鍾意食炭燒豬頸肉🐷🐽🐖肉質軟淋唔韌 非常之入味再加埋濃濃既醬汁 真係唔錯 想再encore😋無骨海南雞飯既雞好嫩滑👍🏼👍🏼👍🏼👍🏼泰式生海蝦🦐一個杯一隻蝦賣相幾靚 幾岩相機食先📸📸📸食落去都好甜好新鮮👍🏼👍🏼👍🏼👍🏼

泰國菜都喺我喜愛菜式，今次係屯門區又搵到一個新餐廳-象泰宴餐廳位於置樂，前身餐廳都喺泰菜，不過，環境比較迫餐廳裝潢唔錯，光缐充足，座位舒適，枱與枱之間，唔太迫，相對舒適牆上設有义電，可以満足客人不時之需，相當窩心只要喺Facebook like 下，椰青即是送到椰青味道淸甜，十分解渴星州咖喱大肉蟹肉蟹肉質雪白，蟹肉新鮮甜美啖啖肉，口感不錯，蟹蓋蟹膏豐富，超級鮮香蔥蒜蓉包蒜蓉包呈長方形，外面香脆，裡面仍然柔軟，加左香濃蒜蓉，味道十分吸引又可以蘸埋咖喱蟹醬汁來食，令人回味泰式鹹魚炒椰菜苖椰菜苖幼嫩，唔靱，用左鹹魚炒，咸咸地又惹味

屯門的泰國餐意外的不外要適者生存質素就是關鍵月亮蝦餅在台灣的泰國餐廳很流行上點了一客上枱後份量超巨型蝦肉極厚切手工打成口感極佳份量多四人分享最合適再點了泰式芭堤雅燒雞半隻等二十分鐘上枱熱辣辣香噴噴重點是雞肉的醃製調味做得相當好具泰式風味之餘肉質又嫩滑馬拉盞炒通菜惹味跟白飯食一流香葉辣椒肉碎飯是泰菜中的經典加多一顆煎蛋更是畫龍點睛香料味濃郁惹味可吃上兩碗白飯一杯青檸梳打一個椰青這個晚上又獻給了泰國了

今日為左就女友，就入屯門食飯，果然係廿四孝男友，好耐無食泰國野，本身之前食開小飛象，但轉左另一間泰國菜，一齊試試泰式明爐烏頭比我平時食的明爐烏頭更入味，料菜加湯底都已經好入味。烏頭就算唔沾附加的醬汁都已經夠晒😆。我個人酷愛食魚，但今次我都覺得好好味。炭燒豬頸肉比我想像中靚，豬頸肉的份量都幾多，而且仲有個火加熱，一d 都唔怕會凍，幾有心思。去骨海南雞飯味道正正常常，但沒有太大驚喜。雞件都算滑的，但我開頭以為無飯，結果食到有少少飽。網包鮮蝦炒金邊粉炒金邊粉都幾野味，網包是薄薄的一片蛋，比時都比較少見，內𥚃仲有幾隻蝦，好幾足料下青檸梳打汽水好飲😆，可能我一向都好鍾意飲，而且去食泰國菜我都一定會飲梳打汽水。火龍果汁火龍果汁係幾好飲，好甜下，但上面的cream，味道怪怪的，所以我無混合。蝦片幾脆口，而且有少少辣，不過不知不覺間就食晒😂入面都幾方便，仲有手機的叉電位

過往經常去呢到食泰國餐，裝修過環境確實係比以前靚好多，當然要入去試試啦！價錢又唔係吸引，點咗個青木瓜沙律，簡直係精緻啦！細到好似BB囝個拳頭咁多嘅份量，跟著再嚟海南雞飯，味道都可以同埋飯夠熱，之後order蒜蓉炒椰菜苗亦好味，不過個待應突然行埋嚟話椰菜苖成本貴要加10元，我都照樣可以，最後蕉葉烤焗烏頭，條魚好重泥味，問個男待可唔可以比小小泰式生蝦嘅辣醬我，佢居然回覆我話唔會供應，因為我無點生蝦喎，問佢有無冰水，無！有無常温水，無！有無一個位置無咁大冷氣吹到的，又係無！門面幾好都無用啦，咁嘅服務態度！邊留到街坊會再幫襯呀！

今日到屯門朋友屋企攞嘢，當然順便揾個地方食埋飯先，大家都喜歡食泰菜，就試新開的象泰宴一份泰式生海蝦有6隻，每隻獨立用小杯子裝住有兩款唔同醬汁，每杯有蒜頭、辣椒，好惹味，生蝦幾爽口我較喜愛招牌焗黃咖喱麵包軟殼蟹 ，麵包內滿滿是咖哩汁同軟殼蟹切開麵包食，掛滿了香濃的咖哩汁泰式菠蘿海鮮炒飯有得多配料，例如有魷魚、青口、肉鬆、腰果、菠蘿......炒飯粒粒分明月亮蝦餅配上泰式醬幾match，直得一提邊位很脆友人想食椰汁西米糕 ，一碟六件，椰汁🥥味幾香芝士沙冰系列-百香芒芒 ，面層芝士有少少咸，口感幾特別都有不少人特意前來光顧

剛剛和媽媽，弟婦逛置樂時，巧遇她的同事，她問我們吃了飯沒有，我們說未，她說附近有間新開業的泰國菜不錯的，叫我們不妨一吃。媽媽的同事是吃貨，她所推介的好吃。象泰小食拼盤包羅萬有，有泰式炸春卷，炸蝦餅，炸雞翼與串燒，蝦餅表層炸得金黃，飽滿豐厚，嚼起來彈性十足，蝦味濃重。泰式炸春卷外皮酥脆，包裹著各式鮮蔬，用料豐盛，吃完絕不空虛。炸雞翼脆不可擋，咬開雞翼的瞬間，嫩嫩的雞肉瞬間噴汁，吃時要小心燙口。媽媽十分欣賞這裡的串燒和沙嗲醬汁，她說沙嗲醬汁非常正統，是近年來少數出色的醬汁。至於雞肉和豬肉串燒烤功不俗，雞肉軟嫩不乾柴，豬肉頗有嚼勁，肉汁完美鎖住。泰式菠蘿海鮮炒飯伴隨菠蘿的香氣讓人難以抗拒，擺盤簡單不花巧，炒飯沒有加入太多調味，反而靠配料如肉鬆，腰果，葡萄乾發揮炒飯的美味，飯粒粒粒分明，清爽不膩味。泰式明爐冬陰公烏頭相當驚艷，從外到裡花上不少心思。先從冬陰公湯說起，湯底不只靠香料調味，同時用了大量蝦頭熬煮，蝦膏融入湯中，帶有海鮮的甘甜，清爽溫和，不死酸死辣，胃口大開，也能提出烏頭的鮮甜度。烏頭魚肉嫩得不很，肉質細緻且骨刺少，搭配冬陰公湯別有一番風味。意想不到的是湯裡還有粉絲呢，第一次吃明爐烏頭