象屋 (已結業)

見到元朗大熱cafe係友愛開左分店，一心想去試下。但當日實在太多人，見到隔離新開左間泰菜就去試下。首先環境方面，從遠處睇裝修算幾好。餐廳有早餐，午餐，下午茶提供。當日我就是下午茶時段去食嘅。進入餐廳後，可能新開？都有一半位子滿坐。我地被安排安卡位。但所有櫈上都有明顯的污漬。好奇怪？唔係新開架咩？俾人一種經營左十年的茶記嘅感覺。價格方面，係屋村商場相比似乎偏向較高檔的路線，但內在的環境，員工服務就同茶記相差不大。我地兩個人點了下午茶蠔仔肉碎泡飯同泰式辣肉碎煎蛋炒飯，每份就HKD48。蠔仔肉碎泡飯的份量非常少，味道普通。而炒飯的辣味足夠，但卻缺乏泰式香料味道。餐飲叫了奶茶及檸茶都無乜茶味。唯一優點應該係下午茶時間沒有收加一。小總結📌新開但坐位勁污糟📌水是自助式📌係屋村商場黎講定位偏高📌食泰菜屯門都大把選擇

冬陰功海鮮湯 $118 細呢個係小編食過冬陰功湯辣得最過癮嘅地方，因為小編平時鍾意食川菜，所以都算幾食得辣。平時冬陰功湯感覺係少少辣幾開胃。呢間係辣得非常過癮，食到海蝦香茅蕃茄味道之餘，仲要升到接近中辣嘅味道！而且冬天食完都幾暖身！非常推薦青檸汁燒安格斯牛 $148呢度少菜非常新鮮，牛肉應該係猛火燒兩邊之後就上菜，因為兩邊牛肉都食到燒烤焦香入邊嫩滑嘅肉感！而且青檸汁亦令到牛肉相對冇咁油膩。幾開胃！極推薦！酸辣青檸明爐魚 $218呢個小編比較少見！口味有少少似食酸菜魚，但辣度再多少少，而酸度呢款就接近清新嘅酸。烏頭就大條多肉肥美，呢個價位非常抵食！泰國清甜椰青 $45大大隻 椰水好清甜 食完辣嘢再飲真係好fresh🤩🤩

經過愛定商場見到新開咗間泰國餐廳，環境舒適好吸引，一於入去食下先海鮮椰青焗飯 $118這道菜以新鮮的海鮮和椰青為主要材料，搭配泰式香料和米飯烹製而成。每一口都散發著椰香和海鮮的鮮味，令人難以忘懷。而且仲要用原隻椰青上菜，認真特別豬頸肉生菜包 $108豬頸肉口感鮮嫩多汁，搭配上辣椒和醬汁，味道更加豐富。生菜的脆爽為整道菜增添了口感層次咖哩軟殼蟹黃金包 $228酥脆的軟殼蟹搭配香辣的咖哩醬汁。蟹肉與黃金包的香脆完美結合，咖哩醬汁的微辣帶出了整道菜的風味。每一口都充滿了濃郁的咖哩味，令人回味無窮。芒果沙冰 $38龍眼冰 $36

以前食泰國嘢就多數去九龍城最近有人話原來屯門都有間唔錯嘅安定友愛依個商場經過裝修咗之後入註咗好多唔同類型嘅餐廳，選擇又會多咗酸辣青芒果沙律 $78整體覺得比較偏酸左少少，但青芒口感爽脆，作為開胃菜都唔錯泰式牛肉濕炒河 $118係正宗泰國嘅粗河粉，濕炒味道更加濃郁，吾會碎濕濕炭燒豬頸肉 $108份量其實真係好多，而且燒得焦香口感，配埋泰式醬汁一齊食好惹味泰式粉絲焗大頭蝦煲 $228粉絲嘅份量好多，絕對可以幾個人share，好大陣香茅南薑味道，大頭蝦3隻開邊椰青 $45整體價錢中規中矩，但裝修幾靚而且坐得幾舒服

愛定商場新開泰菜，被環境吸引，聖誕假過嚟試吓，一於來個泰式聖誕大餐啦🤣🤣有戶外座位👍戶外地方超大，座位闊落，仲有大枱適合一家大細新張期間仲有八五折優惠，聖誕假期都有，認真抵讚☺️全間店成日都聽到泰文，菜式應該很地道吧😌生蝦刺身～每次食泰菜必點，一隻一小杯，食得方便醬汁調得非常好，唔會太辣，適合香港人口！同蒜片一齊食，惹味，生蝦鮮甜爽口🥳🥳海鮮椰青焗飯有驚喜🤩原隻椰青连椰肉一齊焗，面頭加上椰絲椰汁同腰果，仲有海鮮添🥰🥰非常考功夫，面頭keep住脆口，椰香滲落飯度，海鮮有魷魚大蝦等等出色火山排骨好有看頭一大碟蒜香撲鼻，建議多人一齊嗌會好啲因為份量實在太多，豬骨入味好嫩滑唔惹味醬汁啖啖肉泰式火鍋冬陰功😛性價比超級高！冬陰功唔會太辣，反而多咗椰香酸酸辣辣 ，冬天飲好適合非常地道一大碟配料，三大隻虎蝦、蜆、青口、生菜、粉絲兩個人食都非常足夠原來冬陰功粉絲咁絕配😍😍縱觀菜式份量較大，環境舒服😌店員服務仲好好添，趁佢新張優惠一於嚟多兩次🤤

屯門愛定商場新開左間泰式餐廳，聖誕假期去左試下佢，餐廳裝修簡約整潔，座位闊落都幾好坐，下午會有lunch set，大約$40-70，今日呢餐係我同另一半既聖誕大餐，所以食豪少少，冇叫lunch set😆😆冬陰功湯冬陰公湯材料好足，有大蝦，魷魚同青口，湯既味道好好酸同辣味好平均，又有唔少香料既味道，係咁凍既天氣下飲番碗，即時暖番小食拼盤（春卷蝦餅）兩款小食都係岩岩炸起，上到臺都仲熱辣辣好脆口，春卷中間有蔬菜同粉絲，而蝦餅就好香蝦味同好彈牙泰式乾炒雞河炒河上臺果陣好開心，因為佢既河粉係泰式果款，比香港果款河粉濶身同煙靭，唔係間間泰式餐廳會有呢款河粉，河粉炒得好有鑊氣，雞肉唔會過熟，真係食到泰國既味道明爐魚條烏頭本身都幾大條，加上仲有唔少配菜，成碟餸裝到好滿好高，條魚好多肉，肉都幾嫩滑，魚肉加上酸酸味味既湯，係幾好味，仲有唔少粉絲索埋啲湯汁，愈食愈開胃🤤熱咖啡，芒果沙冰熱咖啡係正常既咖啡質素，有咖啡香又冇酸味，而個芒果沙冰就超大杯，沙冰都打得幾幼滑，上面會有少少芒果果肉，沙冰都幾重芒果味，又唔會過甜

難得入屯門朋友介紹在愛定商場開了一間新的有質素的泰國餐廳「象屋」，位置在鄉事會路2A號愛定商場地下A區124-125號舖，搭巴士或輕鐵就可到。餐廳環境舒適，燈光明亮， 座位寬敞，食物款式多元化，份量十足，價錢也合理。必點「冬陰功海鮮湯」食材豐富，有2大隻鮮蝦、魷魚及青口等，辣度容易入口，香茅味重，層次分別，喝到有酸、辣、鮮。「 咖哩牛腩煲」有選青/黃/紅咖喱，我選了黃咖喱，味道帶甜及椰香味，加上「金磚蒜蓉包」 簡直是完美配合，令咖喱更添蒜香味。「馬拉盞炒通菜」勁大碟份量超多，通菜爽脆，咸咸香香，夠香辣惹味。「 泰式鮮蝦炒金邊粉」金邊粉用蛋包起，旁邊拌花生碎及沙律菜，賣相很美。而且炒到金邊粉軟硬度適中，上枱時熱辣辣香噴噴，味道甜中帶酸，鮮蝦爽脆，泰有風味了！「芒果沙冰」 真材實料，用新鮮芒果打汁而成，入口啖啖清香甜品，像食生果一樣，新鮮，so fresh ！