豚豚食堂

营业中

休息中

又係lunch去附近商場搵食嘅時候，今次佢有位就試吓佢，見佢Menu好多選擇，可以自由配搭主食食同埋小食，真係令人花多眼亂。🌟午市輕盈套餐個套餐有一個輕盈拉麵🍜，同埋一碗叉燒炒飯🍚。叉燒拉麵得兩小塊肉，而叉燒炒飯比較好，炒飯都算乾身，粒粒分明。其實兩樣都平平無奇，但係絕對夠飽，係lunch time填飽個肚嘅好選擇！同埋啱晒咩都想試少少嘅你。😋推薦指數：7/10

呢間餐廳裝修好靚，門口左邊有一棵好大嘅粉紅色櫻花樹可以俾人打卡，亦都有好多日本燈籠，坐落去感到好舒服。👍我地叫咗：❤️親子丼（滑蛋雞肉飯）滑蛋的蛋香與雞肉的鮮嫩相互襯托，讓人食指大動。❤️白豚拉麵是一種豚骨湯底的拉麵，搭配嫩滑的豬肉片和各式配料。豚骨湯底濃郁鮮美，帶有微微的甜味，配上彈牙的拉麵和鮮嫩的豬肉，好食。❤️芝士年糕濃郁的芝士香氣和年糕的彈性口感。甜中帶鹹，芝士的濃郁與年糕的Q彈相得益彰，非常適合喜愛芝士的人品嚐。😋❤️芝士雞翼一道美味的小吃，將雞翅膀與芝士結合在一起，經過烤制而成。外酥內嫩，芝士的濃郁融化在口中，帶來豐富的口感和美味。❤️燒牛舌以牛舌肉經過特殊調味後燒烤而成。經過燒烤後散發出濃郁的肉香。

豚豚食堂🐷今日帶埋寵物嚟到寵物友善嘅Mikiki商場，行到咁上下覺得肚餓，就入咗一間價錢非常相宜既日式餐廳醫肚！🤰🏻🫃🏻我就揀咗佢哋嘅一人套餐，只係$95就有交易，一個套餐可以揀一款拉麵或者飯，同埋一個小食！😍😍 主食總共有18款可以選擇，而小食就有12款選擇，選擇可以話係非常之多元化！最後我就決定揀咗海老拉麵（另加$10） 同埋 廣島炸蠔！拉麵湯底非常濃郁，有濃厚嘅豬骨味，佢哋嘅拉麵用咗幼身嘅拉麵🍜，可以令到拉麵更加掛湯，味道就自然更加濃郁啦！😋😋而小食廣島蠔一份有三隻，即叫即炸，外脆內軟，一樣咁正！✅✅另外朋友就選擇咗單點定食，炸雞塊奄列咖哩飯套餐＄75 ，估唔到內容都非常豐富，定食套餐仲包埋咗粟米沙律、滷水蛋🍳同埋麵豉湯🥣，仲可以用半價優惠加配飲品添！👍🏻👍🏻我哋另外仲嗌咗多一個小食，芝士雞翼🐔$40 ， $40就有兩隻大大隻可以拉絲嘅芝士雞翼，鍾意食雞翼嘅朋友可以一試！🤟🏻🤟🏻

今日去完朋友屋企，之後去咗啟德附近商場食飯。朋友介紹咗呢間餐廳，話食過都唔錯。我哋嗌咗個二人餐，包2款主食加3個小食$242▪︎咖哩炸雞塊飯▪︎(跟餐)呢款咖哩係日式嗰種有少少甜味嘅咖哩，好耐無食過呢種味道，唔知點解食到日式咖哩時會有種剎那間覺得好幸福嘅感覺🤣好似覺得有啲暖咁。個蛋都夠滑，襯咖哩一流，不過個炸雞略嫌有啲乾得濟同炸粉多左少少。▪︎黑豚拉麵▪︎(跟餐)朋友食呢款，係黑蒜油拉麵，佢話好味👍▪︎燒魚餅▪︎(跟餐)小食一般都好食🤣魚餅合格▪︎煎餃子▪︎呢個日式餃子食落幾juicy，食完一隻又想再食，下次都會嗌！！！▪︎芝士年糕▪︎(呢個另外叫)芝士年糕都唔錯，入面食落似糯米糍質感同入面既芝士味好夾，外脆內軟正。▪︎ 炒魷魚鬚 ▪︎(跟餐)呢個都好食，個汁好味之餘， 魷魚鬚口感適中，唔會太硬太淋，又係要再食既小食！▪︎牛肉壽喜燒鍋定食▪︎$82 配蛋、烏冬朋友叫既，我無食到😂朋友話正常發揮👍掛住食都唔記得影下餐廳內部嘅格局，有啲似日式飯堂既感覺，木既裝修😂下一次會再黎食😎

Airside開左幕之後, 黎mikki 都方便左好多, 今日同同事係附近放工就搵左間餐廳食👍🏻呢間豚豚食堂, 餐牌選揀超級豐富, 有各種丼飯之餘, 仲有日式咖哩同鍋物, 真係好多選擇!🥰我就揀左個一人套餐: 可以揀一 款主食, 一個小食同飲品❤️我揀左吉列豬扒奄列咖哩飯, 加吉列炸蠔: 個飯份量好足, 夠晒大碟, 奄列包住個飯, 熱辣辣! 吉列豬扒整得相當好味，炸得夠脆，仲有個吉列蠔，個蠔入面仲保持咗水份，好好味😍朋友揀咗個牛肉鍋，佢仲加多咗份牛肉，牛肉鍋用個鐵鍋上，佢個湯相當香濃，上到枱先用個爐去煮熟，啱晒凍冰冰嘅天氣食😋呢間餐廳性價比相當高，選擇又多，如果我住附近一定成日嚟幫襯😊

好耐冇同隔離 team 同事食晏，今日喺 pantry 撞到，約埋一齊食 lunch，揀咗公司附近呢間「豚豚食堂」。午市以套餐為主，選項都幾豐富，有咖喱、精選烏冬、丼飯、弁当、拉麵和定食，另外亦有一、二人自選套餐可供選擇。點咗個自選一人套餐 ($95) 同 吉列豬扒奄列咖喱飯午市套餐 ($68)。一人餐可以任選 1 款拉麵或飯 + 1 款小食或叉燒炒飯，揀咗鰻魚丼 (+$10)，鰻魚肥美肉厚，食落有魚脂香，入口即化。米飯軟糯有咬口，配埋微甜嘅鰻魚汁，啖啖滋味。小食選了炸豆腐，入口外酥內軟滑，面頭灑滿了木魚絲，食落香口惹味。套餐唔包飲品，不過 +$5 已可配熱飲一杯，非常經濟。至於另一客咖喱飯，水準亦唔錯，套餐奉送前菜及味噌湯。吉列豬扒炸得很香脆，肉質鬆軟彈牙。雞蛋滑溜富蛋香，米飯圓渾煙韌、入口粒粒分明，咖喱味濃又不失甜味，用嚟拌飯一流！

👉🏻自選2人套餐（2主食+3小食）$242超抵食 不過要留意返部分選項係要加💰 👉🏻主食揀左招牌牛油拉麵🍜 上面真係有塊牛油🧈係面😆自己放入熱湯熱溶 邪惡既湯底就形成左🫣 麵質彈牙好食/ 另外揀左白豚拉麵 呢款麵質同另一款唔同 呢款係幼身啲腍啲 叉燒偏瘦但都幾厚身🤭👉🏻小食揀左炒魷魚🦑鬚/吉列蝦/牛油炒草菇 魷魚鬚好彈牙 唔會韌 唔錯 吉列蝦炸得酥脆唔厚粉 好食😋 小食專登揀左冇咁飽肚既 但都飽到不得了🤣🤣🤣

到新蒲崗稅務大樓辦完手續，肚子餓了～搵到間新開抵食日本野😍裝修好有日式風格！以木系為主～認住大大棵櫻花樹就對了！基本的日本菜都有得選擇～最後決定來個一個人的浪漫!來過一個人壽喜燒！🫰🏻牛肉壽喜燒鍋定食🐮牛肉充滿了壽喜燒醬汁，加上生雞蛋，都是滑滑的！由於我是食肉獸追加了一份豚肉片，都係$22有大量蔬菜豆腐，金菇，本菇！一個人的大滿足🤤加多杯冰凍蜜桃茶就是爽！都算係新蒲崗食物唔錯，性價價比高～坐得舒服的日本食堂！

門面好靚，得個樣，俾佢呃咗入去嗌咗個二人餐，二百九十幾蚊落樓，拉麵份量少，豚肉叉燒勁鞋，個湯底似屋企煮既即食拉麵得個咸字。芝士雞翼個味奇怪好乾，啲芝士唔知去咗邊？煎餃烚完之後煮左一分鐘？得幾達煎過嘅痕跡，食落同水餃冇分別，好唔惦🤢

✨今天下午我和朋友們二人來到位於新蒲崗Mikiki商場的豚䐁食堂吃午餐🥩🥟✨今天我們二人選擇吃一個二人套餐，可以自選三款不同的小食，也可以自選二款不同款式的拉麵🍜或不同款式的飯🍚等👍✨所以，我們的二人套餐就選擇了雜錦拉麵🍜和吉列豬扒奄列咖喱飯🍛作為我們的主菜💕小食方面就選擇了燒牛舌🥩自家製餃子🥟炸雞肉塊(4件裝)🍗✨我覺得吉列豬扒炸得很香脆，咬落去時卜卜聲👍好香口💕飯上面仲有滑蛋👍好像在吃蛋包飯的感覺💕✨雜錦拉麵有蛋，有蟹柳，有豬軟骨，拉麵煮得好爽口🍜湯底香濃👍太美味💕🥟餃子有六隻👍牛舌燒得好脆😆炸雞塊大大件又脆口🥰好食既真心講🥰🥰✨環境風格像日式料理的風格，裝飾也精美吧😆📍豚豚食堂📍新蒲崗太子道東638號MikikiG樓G23號舖

午市套餐一碗味X質素既拉面(味精湯咸到飛天，又冇乜配料，自己煮公仔麵應該仲好食）加上一塊一開二既番薯餅一罐汽水午餐咁樣既陣容盛惠9 6店主你真係勇氣可嘉我從來未見過人劏水魚劏得咁盡咁光明正大上一次當已經足夠冇下次

價貴量少午市套餐輕食拉麵，拉麵只有兩小塊豚肉叉燒炒飯，炒的很難吃，幾小塊叉燒，其餘全是洋蔥和飯，沒有味道看旁邊座位的咖哩好像還可以不要點輕食拉麵圖片誘人，實際上難吃量少

日式人氣餐廳主打性價比平靚正抵食之選，今次叫咗水餃套餐，燒牛肉定食兩個，呢間餐廳落單係用手機落單嘅，落完單之後大約2分鐘左右侍應就將你點嘅餐送到去你嘅面前，非常之快手都非常之禮貌，而味道超級好食。份量亦都啱啱好。最重要嘅就係佢坐得好舒服。

Mikiki商場有許多餐廳選擇,這間日式餐廳價錢平民化,份量適中。晚餐叫咗咖喱牛肉飯及豖肉飯。咖喱牛肉飯有著濃濃的日式咖喱味,牛肉也算有咬口。環境方面可以説睇落算衛生和舒適,感覺良好。

豚肉壽喜燒鍋定食 $ 76豚肉都有7～8塊，淥熟咗之後味道唔錯，有一定嘅油脂～ 所以幾香。另外有少量雜菜，包括金菇、豆腐兩切、生菜🥬等等。跟餐都有一碗白飯、幾夠食網燒雪花牛扒定食 $ 132除了牛扒、還有一座椰菜絲刨成的小山⛰️膳食纖維嘅份量非常之足夠。牛扒都係加咗醬料之後先再網燒，味道唔差，就咁入口都好味。但有啲surprise，原來點左沙律醬味道都有昇華👍🏼芝士雞翼 $38 味道唔錯～ 裏面都有少少芝士味道