影片
食家推介
《豚豚食堂》豚骨海老🦐拉面 🍜📍新蒲岗太子道东638号Mikiki G楼G23号舖本身如果第一次试一间店，而又唔系主打虾拉面，我多数唔会拣，因为只要有虾嘅存在，其他味道会荡然无存。不过呢间店都食过好多次，试下啦。香味 (3/5)正正就系樱花虾嘅香味，其他香味冇乜，不过都算香。汤 (3.5/5)一如所料，咁多樱花虾，小弟不才，食唔到豚骨味。汤味道系不错，不过偏咸左d，未能饮到尽。面条 (4/5)中细面，直身，够爽口，几好嘅。点解呢间店我会常来，正因为佢嘅面系够好食。配料 (3.5/5)两只虾我认为以呢个价位来讲算有交代，够香够鲜够爽口。叉烧则正常好食。第一次试佢嘅炒饭，身为土生土长嘅香港人，加上食神讲过：要用隔夜饭炒呀，呢碗炒饭就唔系𠮶种粒粒分明嘅口感，都系偏向水份多同软身。不过咁，以我所知日本d中华料理店都系会朝早煲定饭，放凉后，有客order就即炒。以咁嘅大前提底下呢碗饭系好食，味道不错，够味唔会过咸。整体 - 值得小推荐 👍价位唔算进取，午巿套餐，连埋个炒饭都系 83 蚊，性价比高，所以整体系唔错。
继续阅读
自选一人套餐👤 $95入嚟呢间餐厅嘅原因都系因为见到呢一个自选套餐，每个套餐包括咗一款主食同埋一款小食，一个人$100都唔使就有交易，喺而家香港地嚟讲都算几抵食～主食方面，我就拣咗豚软骨拉面🍜 +$10 同埋 叉烧炒饭🐷（小），估唔到豚肉拉面个汤底都几香浓，呢个价钱绝对收货！吉列猪扒咖哩饭🍛$67几推介大家试吓佢哋嘅吉列猪扒咖喱饭，因为佢哋嘅吉列猪扒应该系即叫即炸，非常香脆！点埋日式咖喱酱直头系冇得输嘅配搭～另一重点系呢兜咖喱饭，只系需要60几蚊就有交易，非常抵食！炒鱿鱼须🦑$48净系食个饭好似有啲寡，所以我同朋友就决定叫个小食一齐share～第一眼就俾Menu上面呢一个炒鱿鱼须吸引咗！呢一个炒鱿鱼须嘅酱汁，绝对系加持呢度小食！鱿鱼须嘅份量都唔少，目测大约有20条左右，两个人share非常够食～
继续阅读
牛肉寿喜烧锅定食🐮甜酱油汤底清甜唔腻，牛肉片🐮浸两浸就吸晒汁！捞埋滑蛋🥚同粒粒分明白饭🍚，啖啖都挂汁～ 吉列猪扒奄列咖哩饭🐷🍛脆卜卜猪扒🐽撞上流心蛋包饭🥚🍛，淋埋浓郁日式咖喱汁！一啖咬落去「咔嚓」声，啲肉仲juicy到爆灯，食到舐舐脷！ 😋自家制饺子🥟🥟侍应姐姐认得我地，仲私人醒多两只饺子🥟🥟比我地添。即叫即煎，皮脆到似饼干！咬开爆晒肉汁，猪肉馅香喷喷，点埋酸醋一啖一只🥟，停唔到口啊！ 吉列虾🍤长长嘅炸虾🍤，外层金黄超酥脆！虾肉🦐弹牙唔会霉，点沙律酱仲邪恶，食完想encore～ --豚豚食堂香港新蒲岗太子道东638号Mikiki G楼G23号舖
继续阅读
今日同朋友两个嚟食晚餐🥣唔算好肚饿，所以叫咗一个套餐同埋小食share🔸一个人套餐$95▫️赤豚拉面（+$5）少少辣，几香🤣面幼身。▫️自家制饺子（4只）：唔洗点酱都够味，煎得几香～🔸吉列流心蛋猪肉饼（$32）呢个有惊喜！外层金黄酥脆、猪肉饼松软多汁，中间流心蛋一切开即流，层次丰富。😍😍，推介。🔸吉列猪扒$50外脆内嫩，唔会太厚炸粉。肉质唔鞋口，算系咁！呢个都可以试下。🔸烧牛舌（2串$55）估唔到口感几弹牙😂😂唔会太韧。整体嚟讲，呢间位置算多，又唔使等位。环境算阔落，同埋仲有丼饭、锅物选择。佢仲有二人餐可以选择添，都系二百几蚊有主食小食，仲要送蛋糕。
继续阅读
新蒲岗的美食可多了，位于Mikiki地下的「豚豚食堂」就是其中之一，有多种拉面、咖喱饭和小食，一人套餐和二人套餐都很丰富和抵食。精选二人套餐，可选两款主食加三款小食，还有蛋糕做饭后甜品。《杂锦拉面》有猪软骨、豚肉、蟹肉棒和温泉蛋，面身软硬适中，加入了栗米粒和海带葱花，丰富好吃。《白豚拉面》豚肉薄片软腍，面身幼滑，猪骨汤底香浓。三款小食有：烧牛舌、北海道南瓜炸薯饼、自家制饺子6只薄薄的牛舌片爽口有嚼劲，南瓜薯饼炸得外脆内软，很惹味。饺子一口一只刚刚好。《梳乎厘芝士蛋糕》最后还有一年梳乎厘芝士蛋糕做甜品，令人满足。
继续阅读