豚豚食堂

今日第一次去幫襯呢間食店， 一入去見到左手邊 個lock頭 已經有兩個同事喺度瞓緊覺， 一坐低店完馬上畀一個QRcode我，叫我自己掃碼落單，咁我都覺得冇問題。 而家香港好多食店都係自己落單， 但係到埋單時佢要收加一我就覺得莫名其妙。…Read More

自選一人套餐👤 $95入嚟呢間餐廳嘅原因都係因為見到呢一個自選套餐，每個套餐包括咗一款主食同埋一款小食，一個人$100都唔使就有交易，喺而家香港地嚟講都算幾抵食～主食方面，我就揀咗豚軟骨拉麵🍜 +$10 同埋 叉燒炒飯🐷（小），估唔到豚肉拉麵個湯底都幾香濃，呢個價錢絕對收貨！吉列豬扒咖哩飯🍛$67幾推介大家試吓佢哋嘅吉列豬扒咖喱飯，因為佢哋嘅吉列豬扒應該係即叫即炸，非常香脆！點埋日式咖喱醬直頭係冇得輸嘅配搭～另一重點係呢兜咖喱飯，只係需要60幾蚊就有交易，非常抵食！炒魷魚鬚🦑$48淨係食個飯好似有啲寡，所以我同朋友就決定叫個小食一齊share～第一眼就俾Menu上面呢一個炒魷魚鬚吸引咗！呢一個炒魷魚鬚嘅醬汁，絕對係加持呢度小食！魷魚鬚嘅份量都唔少，目測大約有20條左右，兩個人share非常夠食～…Read More

牛肉壽喜燒鍋定食🐮甜醬油湯底清甜唔膩，牛肉片🐮浸兩浸就吸晒汁！撈埋滑蛋🥚同粒粒分明白飯🍚，啖啖都掛汁～ 吉列豬扒奄列咖哩飯🐷🍛脆卜卜豬扒🐽撞上流心蛋包飯🥚🍛，淋埋濃郁日式咖喱汁！一啖咬落去「咔嚓」聲，啲肉仲juicy到爆燈，食到舐舐脷！ 😋自家製餃子🥟🥟侍應姐姐認得我地，仲私人醒多兩隻餃子🥟🥟比我地添。即叫即煎，皮脆到似餅乾！咬開爆晒肉汁，豬肉餡香噴噴，點埋酸醋一啖一隻🥟，停唔到口啊！ 吉列蝦🍤長長嘅炸蝦🍤，外層金黃超酥脆！蝦肉🦐彈牙唔會霉，點沙律醬仲邪惡，食完想encore～ --豚豚食堂香港新蒲崗太子道東638號Mikiki G樓G23號舖…Read More

今日同朋友兩個嚟食晚餐🥣唔算好肚餓，所以叫咗一個套餐同埋小食share🔸一個人套餐$95▫️赤豚拉麵（+$5）少少辣，幾香🤣麵幼身。▫️自家製餃子（4隻）：唔洗點醬都夠味，煎得幾香～🔸吉列流心蛋豬肉餅（$32）呢個有驚喜！外層金黃酥脆、豬肉餅鬆軟多汁，中間流心蛋一切開即流，層次豐富。😍😍，推介。🔸吉列豬扒$50外脆內嫩，唔會太厚炸粉。肉質唔鞋口，算係咁！呢個都可以試下。🔸燒牛舌（2串$55）估唔到口感幾彈牙😂😂唔會太韌。整體嚟講，呢間位置算多，又唔使等位。環境算闊落，同埋仲有丼飯、鍋物選擇。佢仲有二人餐可以選擇添，都係二百幾蚊有主食小食，仲要送蛋糕。…Read More

新蒲崗的美食可多了，位於Mikiki地下的「豚豚食堂」就是其中之一，有多種拉麵、咖喱飯和小食，一人套餐和二人套餐都很豐富和抵食。精選二人套餐，可選兩款主食加三款小食，還有蛋糕做飯後甜品。《雜錦拉麵》有豬軟骨、豚肉、蟹肉棒和溫泉蛋，麵身軟硬適中，加入了栗米粒和海帶蔥花，豐富好吃。《白豚拉麵》豚肉薄片軟腍，麵身幼滑，豬骨湯底香濃。三款小食有：燒牛舌、北海道南瓜炸薯餅、自家製餃子6隻薄薄的牛舌片爽口有嚼勁，南瓜薯餅炸得外脆內軟，很惹味。餃子一口一隻剛剛好。《梳乎厘芝士蛋糕》最後還有一年梳乎厘芝士蛋糕做甜品，令人滿足。…Read More

日式定食最鍾意就係親子丼~好鐘意依間嘅親子丼(⁎⁍̴̛ᴗ⁍̴̛⁎)定食包味噌湯同前菜(醬油雞蛋同粟米沙律）😗親子丼調味好好，雞肉啖啖肉又柔嫩，冇雞皮👍🏼滑蛋甜甜地，半生熟，一啲都唔老，配上洋蔥，煮得啱啱好，夠入味，分量十足，食得飽飽~^^…Read More

《豚豚食堂》豚骨海老🦐拉麵 🍜📍新蒲崗太子道東638號Mikiki G樓G23號舖本身如果第一次試一間店，而又唔係主打蝦拉麵，我多數唔會揀，因為只要有蝦嘅存在，其他味道會蕩然無存。不過呢間店都食過好多次，試下啦。香味 (3/5)正正就係櫻花蝦嘅香味，其他香味冇乜，不過都算香。湯 (3.5/5)一如所料，咁多櫻花蝦，小弟不才，食唔到豚骨味。湯味道係不錯，不過偏鹹左d，未能飲到盡。麵條 (4/5)中細麵，直身，夠爽口，幾好嘅。點解呢間店我會常來，正因為佢嘅麵係夠好食。配料 (3.5/5)兩隻蝦我認為以呢個價位來講算有交代，夠香夠鮮夠爽口。叉燒則正常好食。第一次試佢嘅炒飯，身為土生土長嘅香港人，加上食神講過：要用隔夜飯炒呀，呢碗炒飯就唔係嗰種粒粒分明嘅口感，都係偏向水份多同軟身。不過咁，以我所知日本d中華料理店都係會朝早煲定飯，放涼後，有客order就即炒。以咁嘅大前提底下呢碗飯係好食，味道不錯，夠味唔會過鹹。整體 - 值得小推薦 👍價位唔算進取，午巿套餐，連埋個炒飯都係 83 蚊，性價比高，所以整體係唔錯。…Read More

好友約我食拉麵，我地由啟德地鐵站C出口，經過 AIRSIDE 商場2樓的行人天橋，去到位於新蒲崗太子道東638號 Mikiki G樓G23號舖的《豚豚食堂》，環境舒適，坐得舒服。我地點左個自選二人套餐：主食 x 2🥢豚軟骨拉麵🥢鰻魚丼小食 x 3🥢自家製餃子（6隻）🥢燒魚餅🥢燒牛舌豚軟骨拉麵賣相吸引，豚軟骨好大塊又有3塊，外脆內嫩好好味，軟骨係軟到食哂落肚，拉麵軟硬適中，湯底濃郁；鰻魚係蒲燒的，魚肉香嫩好味；自家製餃子餡料充，煎得香口好食；燒魚餅好味；燒牛舌係薄切，燒得爽脆好味。…Read More

好耐無黎呢度食，因為之前服務好麻麻，食物又整得慢，所以好耐無食，但今次食覺得職員態度好有禮貌同埋上菜速度好快，證明係改善左值得讚下，叫佢地俾多個芝麻醬我都即刻俾到，我地叫左一份牛扒定食，牛扒切好左網燒又唔鞋口，肉質嫩滑好有燒烤醬味。另一份牛肉丼牛肉份量都幾多加配飲品，座位舒適，麵豉湯唔會好咸，丼飯用左日本珍珠米好軟熟，牛肉肉汁比較多唔會太肥加埋洋蔥好夾。呢度入面擺放左好多日式燈籠裝飾都幾特別，環境都幾好坐。…Read More

📍 豚豚食堂 Tonton Shokudo🌍新蒲崗太子道東638號Mikiki地下G23號舖Shop G23, G/F, Mikiki, 638 Prince Edward Road East, San Po Kong📝整體評分：9／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝Airside 果邊無野岩食，走去Mikki睇下～▸ 牛肉壽喜燒鍋定食 ◂ $86✿ 湯底甜而不膩帶醬油，煮咩都好好食，特別是野菜更清甜好味😋 烏冬勁彈牙，但下次可以叫飯加雞蛋煮炊飯，應該會好正～▸  自選一人套餐（主食加小食各一客）◂ $95✿ 燒雞扒咖喱飯，雞扒本身都醃到好香，雞肉嫩滑，咖哩香濃。✿ 自家製餃子，肉餡勁鮮甜juicy，皮薄但煎得唔夠脆。▸ 吉烈流心芝士豬肉餅 ◂ $32✿ 香綿薯泥混合左肉碎，加埋芝士奶香，香脆可口！…Read More

今日去咗新蒲崗呢間豚豚食堂，同朋友兩個人食，提供唔同拉麵同埋咖喱飯，非常好食🔥海老拉麵海老的鮮味充分融入湯中，讓每一口都充滿海洋的氣息。麵條彈牙，吸附了豐富的湯汁，令整碗拉麵更加美味。搭配新鮮的蔬菜和海老，讓這道菜更添色彩與口感，是一個絕佳的選擇！吉列豬扒奄列咖哩飯豬扒外脆內嫩，奄列的蛋香味濃郁，咖哩醬汁則香氣四溢，帶來了一股暖心的感覺。整體口感層次分明，每一口都讓人感受到幸福。這道菜適合喜愛咖哩的食客，讓人回味無窮！😋炸豆腐炸豆腐外酥內嫩，口感十分出色。豆腐吸收了外層的香脆，搭配醬油或辣醬食用，風味更佳，是一道非常受歡迎的小吃。吉列流心蛋豬肉餅外層金黃酥脆，內部的流心蛋與豬肉餡的結合，讓人驚喜不已。每一口咬下去都能感受到流心蛋的滑順，搭配豬肉的香味，讓整體味道更加豐富，是不可錯過的美味！…Read More

今晚係Mikiki商場行街順便搵野食，見到呢間日本菜咁多人，就決定入去試下自選一人套餐 $95吉列豬扒奄列咖喱飯 +$5配小食 炸雞肉 2件個吉列豬扒同炸雞都好香脆,脆得黎又好juicy,新鮮熱辣辣咖喱汁甜甜哋，好配個蛋包飯，啖啖滿足照燒雞排烏冬 $76雞排燒得夠乾身，個皮夠脆口，雞肉都好滑，烏冬彈牙湯底都唔錯串燒雞翼 $38雞翼燒到脆卜卜，十分吸引凍檸茶 $11Coke Zero $11加配飲品都唔貴既，好滿足既一餐…Read More

今日同朋友去咗間日式食堂試吓佢哋嘅自選二人套餐，真係幾抵食！吉列豬扒奄列咖哩飯豬扒熱辣辣炸得外脆內嫩，啖啖肉汁，配埋奄列同香濃咖哩，飯粒又夠軟熟，整體口感豐富，好滿足！ok wor 👍🏻招牌牛油拉麵唔錯，湯底濃郁得嚟唔會太膩，牛油香味撲鼻，拉麵彈牙有咬口，配料都幾足料，食落去暖笠笠，好適合呢排涼涼哋嘅天氣。雜錦串燒有雞軟骨+雞翼+大蔥，每串都燒得剛剛好，外皮微焦，內裡多汁，特別係雞翼，肉質嫩滑，加埋七味粉👍🏻超正！炒魷魚鬚超驚喜👍🏻魷魚鬚爽口彈牙，炒得夠鑊氣，加埋啲蒜片同日式醬汁，超級惹味。堅正！燒牛舌真係要讚，牛舌雖然係薄切，但燒得好香，牛味濃郁，加少少檸檬汁更加提鮮，食到停唔到口！總括嚟講，呢個二人套餐性價比高，每樣菜式都做得有水準，份量亦足夠，絕對值得再encore！…Read More

拉麵塊豬肉勁大雪味和豬腥味，我真係咬一啖要吐返出嚟….然後隔籬枱杯檸檬茶竟然冇檸檬…要個客自己出聲要返塊檸檬然後一入去嘅時候，好多吉位，我見到有對情侶打橫坐卡位，咁我同朋友就都打橫坐，但個店員同我哋講唔可以，話繁忙時間咩差別待遇…等咗好耐都未上菜:(又見其實真係冇乜人，咁我又問多次可唔可以打橫坐。個店員話等陣先，但到我食完走，都冇人答返我:(到我埋單走，我已經企喺個counter，攞好埋錢，個店員喺counter入邊。佢竟然唔順手幫我賣咗張單先，而係行出去安排啱啱到門口嘅客入座，跟住我企喺度等佢兩分鐘:(咁嘅食物，咁嘅服務，都收我+1，我真係想叫商場唔好再租個舖位俾佢留返個位比其他高質啲嘅拉麵店。…Read More

今日下午去咗餐廳叫咗三樣嘢，一個定食+兩個咖哩飯. 定食一早到咗另外兩個咖哩飯等咗半個鐘頭都未見有, 問職員點知原來漏咗單, 竟然同我哋講話個廚房冇出單, 唔知係咩理由. 叫咗個 漢堡咖哩蛋包飯, 兩塊漢堡細到好似迷你一樣, 完全同 menu上嘅圖事實不符.職員態度一般， 午餐還要收加一服務費😑…Read More