豐鍋雞煲 (京瑞廣場1期)

营业中

休息中

之前已經試過呢間嘅椰子雞湯同麻辣湯底，今次試吓//滋補螺片花膠雞煲 $218湯底已經有好多螺片同花膠，加埋半隻雞更加滋補養生打邊爐前一定要飲兩碗雞湯！花膠筒就繼續滾，口感淋啲更加好味// 極品本地手切牛頸脊 份量唔少，兩個人食都足夠牛肉厚薄適中，牛頸脊嘅油分唔會過多，食落柔軟，牛味又香濃 //自創爆芝響鈴完全冇油膉味，中間嘅芝士半蓉，加埋超脆響鈴，好有驚喜！// 十優狀丸有五款口味嘅丸黑松露墨丸同黑墨魚丸 幾惹味蝦丸丸同墨魚丸 好彈牙鯪魚丸 無骨抵讚// 玫瑰柚子 $38// 藍蝶雪梨 $38打邊爐梗係要飲凍嘢，特飲夠大杯 ，正 *我係星期四walk in食晚餐，7:30pm前離席所以全單8折🥰

石門愈黎愈旺，今日同朋友過左黎搵野食！落雨又濕又凍，去左京瑞一樓食雞煲。豐鍋雞煲，朋友食話話唔錯，點左小辣半份，另外點左牛同餃子店面唔算大，但四四方方，簡潔乾淨。雞煲大概等十分鐘左右，拎到黎已經好香～份量都幾多，而且雞件處理得唔錯，食落無雪味。醬汁同辣度都好惹味。比較特別係魚皮，佢係成塊咁上，魚皮厚身，咬落好脆口👍🏻安格斯牛小扒（小份），切得好靚，入口軟嫩，重牛肉味。餃餃陣，韭菜餃、魚皮餃、鮮蝦雲吞、麻辣雲吞，都整得幾唔錯！最特別係麻辣雲吞，麻辣味好香口惹味！

豐鍋招牌麻辣雞煲 $178半隻 叫咗BB辣，兼且即刻拎走咗幾隻辣椒，所以都唔算太辣，啱啱好，入面好多配料，整體非常惹味！不過雞肉未至於好滑，但即使好重配料都食到有d雞味  頂級黑豚豬腩片$125係我食過最好味嘅豬肉片🤤，超級新鮮，豬肉嘅紋路原來都可以咁靚，覺得自己好似食緊肥牛咁，一啲都唔韌，超好味！  脆鯇魚腩$98 好新鮮、好大塊，不過要小心會有d骨，而且的確魚如其名，超脆👍🏻 餃餃陣（鮮蝦雲吞＋魚皮餃＋韭菜餃＋麻辣雲吞）（8粒） $88除咗韭菜餃之外，其他餃都有蝦ge成份🍤不過略嫌雲呑皮有d鹼水味，整體都係皮薄餡靚，不過如果多人食可能逐隻款嗌價錢會抵啲  牛舌芯$118 黎到擺盤已經好靚，勁多件牛脷，切得好薄，淥熟咗之後有牛舌嘅彈牙口感，新鮮！  大檸茶$34成功走飲筒✌🏻*豉油每位要加$8, 加唔加就睇自己la~

我時常都覺得喺餐廳入面食會好過外賣好多，始終個食物溫度的控制是非常重要，基本上大部份的中式餐飲食品都係要熱辣辣先至好味道，不過今日幫襯咗呢一間雞煲店令我有少少改觀，估唔到外賣一個雞煲返屋企食竟然同喺舖頭入面食都有9成神髓。一家三口食，叫咗半隻雞，因為屋企人都食得辣所以叫咗中辣。講咗幾點去攞，去到只係等咗一散就有得拎，由石門個商場返到屋企大約20分鐘，加上天氣都熱，所以返到屋企個雞煲仲係熱辣辣架。佢D雞都幾新鮮，D肉都有彃性，另外佢雞煲入面D其他配料都非常惹味，我地自己煲個白飯，就係好豐富的一餐了。

豐鍋雞鍋今日同老婆行碩門，發覺碩門變左好多，變左美食綠洲，咩類型美食都有，老婆即刻俾條難題我，叫我搵間雞煲餐廳食，咁我道搵左間豐鍋雞鍋。去到發現原來都幾多人食，6點鐘已經坐左8成滿。去得依度，緊係揀佢地招牌雞煲食豐鍋招牌麻辣雞煲：有唔同辣度揀，我地道揀左個bb辣，佢地d雞煲醬係自家製，所以唔似出面咁死咸，而且仲係即叫即整，唔係翻熱。隻雞又唔會好肥，啖啖肉，雞味好濃。十優狀丸：黑松露墨魚丸/蝦丸/墨魚丸/黑墨丸/鯪魚丸，全部手工打，新鮮彈牙，好足料。餃餃陣：鮮蝦雲吞/魚皮餃/韭菜餃/麻辣雲吞，全部都係自家製，即日新鮮包，皮薄餡靚。頂級雪花肥牛（大）：每塊d牛似油脂好平均，牛味好重，又厚又大塊，份量都幾多。大話七：杯底有粒咸話梅，再配埋七喜，咸咸酸酸甜甜，好開胃又解渴。龍鳳檸樂：多片厚切檸檬再加埋可樂，食完咁濃味野，飲番啖即刻順晒。

逆市擴張營業是堅的！石門太多嘢食，要揀間高質嘅指標都係睇人流！今日六點零鍾過到嚟已經好full,皆因食物質素真係好唔錯，食得好滿足！一入餐廳就一大陣雞煲香料撲鼻而來！忍唔住叫咗半隻雞煲！真心好味！好濃好麻好香但無味精。推介！啲雞新鮮，肉質結實。邊爐材料新鮮！高質！出去打邊爐一般都唔鍾意叫饍片，因為嫌佢切得太簿，骨衫衫之餘又無口感，但見到隔離枱叫咗，好厚身就點左，無失望！厚實爽口！八味手工餃好味！涵料豐富！餃子結實！手打丸超彈牙，強調返無乜味精食到！

作為一個稱職嘅「雞煲愛好者」真係就算咩嘅情況都阻止唔到食雞煲嘅心。就響呢個好熱好熱嘅夏日熱辣辣中午時份，我去咗呢間好多「沙田友」都試過嘅「豐鍋雞煲住家小廚」。餐廳位於石門站隔離嘅京瑞商場，出閘之後轉眼就到，都幾方便架。午市時間，見到餐廳都有唔少捧場客，我哋坐好之後就叫咗個「豐鍋招牌麻辣雞煲」先，半隻雞、BB辣嘅辣度。然後再嗌其他配料，點知餐廳都好快手，稍為等一等之後，雞煲已經準備上枱喇！惹味呢兩個字已經唔夠形容佢嘅味道，難得嘅係半隻雞嚟講都唔算細隻。雞肉滑溜之餘、醬汁亦調味得恰到好處，唔知遮住咗雞嘅肉味。講番啲配料，一定要揀牛肉先，「頂級雪花肥牛」，要個大份嘅先夠盡興。上到枱面賣相唔錯，食落都好嫩滑。「特級牛柳粒」都叫咗一份，賣相唔會輸俾頭先果碟肥牛，食落嚼頭十足，肉味香濃。食雞煲唔可以漏咗豬皮，因為我最鍾意嘅食法係趁佢啲醬汁仲好濃嘅時候，千祈唔好加湯，要加啲豬皮去吸收鍋入面嘅精華。炸枝竹都可以有類似嘅效果，最後加湯，食埋唐生菜就圓滿嘞。

之前俾朋友帶過去食一次豐鍋。對於個個爆芝紫菜響鈴念念不忘，所以就特登約埋朋友仔一齊走入去石門度食多次。由於朋友仔唔食得辣，所以今次就無食到招牌既雞煲。就試試咁辣既花雕藥食雞煲。佢啲雞係分開上，等個煲滾咗先放落去。一睇個樣都估到係新鮮雞，個湯一滾起嗰陣時啲花雕香味極濃，鍾意有啲藥膳味嘅朋友仔一定會好鍾意。叫咗個牛頸脊，係靚靚牛個個質素。十優丸就係雜錦手打丸，粒粒都好足料。最正都係個爆芝柴菜響鈴。一定唔可以落得耐，一兩秒就要攞返上黎。一咬落去個d溶化芝士塞滿咗個口，咬多兩下之後就到d花雕湯同埋柴菜味接力，簡直係完美配合！之後都會再返黎食。😆

嚟到石門豐鍋食雞煲火鍋，雞煲底有多款選擇，雖然花膠雞煲好吸引，但最終都係決定食招牌麻辣雞煲（$178半隻雞），雞煲上枱時，已經熱辣辣香噴噴，醬汁包滿每一件雞、雞肉嫰滑，加上洋蔥、西洋菜，配BB辣已經非常惹味，雞件切得很好，容易進食，好快已經食清光😋店員加水後，即刻進行第二輪進攻：打邊爐手工鯪魚球（$60）圓轆轆好光滑，口感幾得意，黑椒味濃，但係冇遮蓋鯪魚肉味，每粒鯪魚球上面仲有好多蟹籽，快熟可以食，味道的確唔錯！頂級雪花肥牛（$118）雪花肥牛上碟好靚，鋪滿成隻圓形碟，雪花好均勻，因為切得厚薄均勻，好快就可以灼熟，新鮮！貴花蚌（$125）珊瑚蚌（$125）擺盤超級靚，打卡用啱晒🤭，新鮮爽口有𡁻頭，乾淨冇雪味，盡情吸收到雞煲湯底精華，入口掛滿野味麻辣湯汁，過癮！店內陳列架仲有好特別嘅冰雕出售鍾意飲酒嘅朋友可以一試👍🏻👍🏻

椰子雞煲真係每次黎親都必定會點！湯底清甜，可以係放雞落去之前飲咗先，滾完雞個湯底就再升華左～再配火鍋料👍🏻👍🏻👍🏻雞可以唔洗一次過放晒落去，慢慢淥就好滑口！仲一定要點個粉，可以索晒湯～今次點左冬瓜片，冬瓜吸晒個湯底精華，超甜同入味！手工丸可以一次過試幾款，黑松露丸 超濃黑松露味！🔸椰子雞煲🔸羊肉片🔸冬瓜🔸薯粉🔸手工丸豐鍋雞煲 (京瑞廣場1期)地址: 沙田石門安群街3號京瑞廣場1期1樓137號舖

今晚放工約咗朋友一齊去食雞煲，位於沙田石門的豐鍋雞煲，主打正宗四川麻辣雞煲火鍋和海鮮火鍋，每日都用新鮮的三皇雞和海鮮，提供優質食物😍====—====—====—====—🐥🌶️麻辣雞煲是一道著名的四川經典菜餚。雞煲採用加入多種辣椒和香料，配以雞肉、精心烹制而成，形成了獨特的麻辣風味。雞肉鮮嫩多汁,配合辛辣的醬汁，讓人唇齒留香👅雞肉切成小塊，入湯後保持了嫩滑的口感，完美地吸收了湯底的香辣味道。湯底裡還加入了豆芽、豆腐和蔬菜，增添了豐富的口感和營養價值👍🏻🥰⋄🥩極品本地手切牛頸脊來自於當地飼養的高品質牛隻，經過精心挑選，牛頸脊肉質緊實，纖維細膩，口感鮮嫩多汁，肉質能夠完美保留其原有的香氣和口感👍🏻👍🏻⋄🐚貴花蚌品嚐貴花蚌細嫩的肉質如絲綢般滑膩，咀嚼間散發出清甜純正的海洋味道，使味蕾陷入難忘的享受之中😛⋄🦀日本蟹柳日本蟹柳肉質鮮嫩彈牙，細膩的口感和純正的海鮮香氣交織在一起🤤🤤====—====—====—====—.📌店名：豐鍋雞煲📍地址：沙田石門安群街3號京瑞廣場1期1樓137號舖

【沙田•豐鍋雞煲】@ππππππππππππππππππππππππππππππ沙田石門商場中既隱世雞煲食店花雕藥膳雞煲半隻牛胸爽鮮雞件半隻脆鯇魚腩油麥菜椰青及zero「花雕藥膳雞」將花雕酒的香氣與藥膳的營養結合在一起。雞肉質地鮮嫩，且肉汁飽滿，炮製出豐富的口味和香氣。「牛胸爽」以牛胸肉為主要材料，軟嫩多汁。「脆鯇魚腩」鯇魚肉質鮮嫩，入口肉質爽脆，保留了其原始的鮮美味道。"油麦菜"打邊爐入邊唔小得，爽口且清甜！"椰青"夏日邊爐少不了，清甜且解渴！餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 700✨✨✨✨✨✨✨✨✨✨✨✨✨#沙田美食 #豐鍋雞煲 #web3沙田豐鍋雞煲 (京瑞廣場1期)沙田石門安群街3號京瑞廣場1期1樓137號舖

今日我哋去咗石門嘅豐鍋雞煲，當然叫咗佢哋嘅招牌麻辣雞煲，我哋揀咗半隻雞BB辣，份量真係好足夠，仲好好味！雞肉好嫩滑，配料都好豐富。雖然唔係好辣，但係好吊味。食完雞煲之後，我哋就加返湯，變成咗一鍋打邊爐，真係唔錯！除咗雞煲，我哋仲叫咗幾款其他嘅食物。我哋揀咗「餃餃陣」，入面有手工嘅雲吞，包括鮮蝦雲吞、魚皮餃、韭菜餃同麻辣雲吞。全部餃子都好靚仔，餡料好飽滿，鮮蝦好新鮮，豬肉好多汁，真係好推薦呀！肉類方面，我哋叫咗細嘅頂級安格斯牛肉，佢嘅油花好均勻，切得唔算太薄，但係肉質好腍而且好嫩，真係重牛味，極度推介！份量都好豐富，真係食得好滿足。另外，我哋仲叫咗一個特別嘅配料，即炸爆芝紫菜響鈴。即炸響鈴入面仲有芝士同紫菜，呢個組合真係好特別，金黃色同酥脆，好少見呢個配搭，好好味！最後，我哋叫咗一份唐生菜，生菜好新鮮翠綠，好適合平衡下重口味嘅雞煲，帶嚟一種清新嘅感覺。至於飲品方面，我哋揀咗龍鳳檸樂，入面有鹹檸檬同鮮檸檬，甜甜鹹鹹嘅感覺好夾，另外鹹檸七都係一杯好大杯嘅fresh飲品。

▫️滋潤椰子雞煲（半隻）($198)👉🏻湯底本身有椰子片、竹笙、紅棗同杞子，當湯滾嗰陣就可以將雞同新鮮椰肉刮落去👉🏻雞肉超級嫩滑，就算食到最後煲咗好耐都唔會變老😮而椰肉就非常厚實鮮甜！成個湯底好清甜真係冇得輸😋⭐️⭐️⭐️⭐️⭐️.▫️頂級安格斯牛小排（小）($198)👉🏻牛小排雪花紋分佈得好平均，細Size份量都唔少，2 個人非常足夠🙆🏻‍♀️肥牛肉質鮮嫩，牛味濃郁⭐️⭐️⭐️⭐️⭐️.▫️滋潤養生三寶 ($138）👉🏻三寶有花膠魚肚同竹笙，花膠口感軟滑黏口而且冇腥味，魚肚非常爽脆，竹笙索滿雞湯，咬落去爆汁，打邊爐真係必點🥰⭐️⭐️⭐️⭐️⭐️.▫️手工即炸魚皮 ($54）👉🏻魚皮係原塊拎去炸，所以勁大塊😳咬落好酥脆，帶有微微鹹香味⭐️⭐️⭐️⭐️⭐️.▫️ 新鮮肥鵝腸($112）👉🏻 鵝腸食落煙韌有咬口，質感Q彈爽脆⭐️⭐️⭐️⭐️⭐️▫️醬油費($8@）——————評分：9/10.平圴消費：~$350

我今日放工後，約同好友去位於沙田石門安群街3號京瑞廣場一期1樓137號舖的豐鍋雞煲食雞煲。環境舒適，坐得舒服。我和好友點左個 滋補螺片花膠雞煲（半隻）$218，十優狀元（黑松露墨魚丸＋蝦丸＋墨魚丸＋黑墨丸＋鯪魚丸）（10粒）$108，白鱔片$102，滋潤養生三寶（花膠＋魚肚＋竹笙）$138，雜菜籃（白菜仔＋油麥菜＋菜心＋唐生菜）$70。待清湯火煱湯底滾起來，就將整碟螺片花膠雞（生肉）放落煲裏滾6-7分鐘（滾起才計時），這時的雞肉最鮮嫩甜美，待食完雞肉；再加清湯做火煱，將十優狀元（好爽口彈牙）、白鱔片（厚切鱔肉好美味）、竹笙（飽滿好味）、花膠（爽口）、魚肚（厚切）、雜菜（新鮮又鮮甜） 。整體黎講係材料新鮮又豐富。