豐盛閣

营业中

休息中

之前去staycation，住宿套票中包左個四道菜的豐盛晚餐 ($328/位)夜晚來坐窗邊位好正，可飽覽180度大海景加青馬大橋，好啱拍拖來食！首先來兩款前菜，分別有西瓜蟹肉沙律 同蜆肉周打湯！西瓜蟹肉沙律 ，呢呢個配搭幾清新，蟹肉都幾多又鮮甜加上西瓜一齊食幾特別！蜆肉周打湯，香滑又濃郁，仲有包可配一齊食更正！而主菜就有六款可以揀，我地就分別就揀左焗開心果黒毛豬鞍配燒汁及蜜桃醬同香煎比目魚柳配菊花檸檬忌廉及青豆蓉，黑毛豬鞍好大份，豬味香濃☺️我就好愛香煎比目魚柳，啖啖肉又鮮甜，醬汁亦好好味！最後仲有甜品拼盤，包括三款以花主題嘅蛋糕，玫瑰紅桑子蛋糕、紫羅蘭黑莓蛋糕及茉莉牛奶朱古力蛋糕，三款都好睇又好味😋，特別鐘意玫瑰紅桑子蛋糕，酸酸甜甜又好香玫瑰味，好有層次，蛋糕亦鬆軟！

和朋友到了挪亞方舟酒店Staycation住兩日一夜，住宿套票包了每人一份6道菜海陸盛匯精品晚餐，比起walk-in 非常抵食！更可以一邊用餐一邊飽覽青馬大橋無敵靚景，有一種遠離塵囂嘅感覺。一個set份量好十足，有海鮮凍盆、前菜、湯、主菜、甜品、飲品，有如自助餐般豐富。凍盆有凍海鮮盆、雜錦刺生，擺盆好豐富好colourful ，有原隻龍蝦、小白蝦、青口、扇貝、三文魚、吞拿魚、海蝦、油甘魚等等，食落都好新鮮。龍蝦湯質地黏稠味道夠濃，一啖一啖暖心頭。香煎鴨干配黑醋醬好香口，鴨干嘅油脂滲透多士，食落甘香可口。Menu上嘅主菜有齊豬、牛、雞、羊、魚，人人都有啱食嘅野。胡椒香料煎牛肉眼配雜菌及洋蔥汁 牛扒七成熟剛剛好，肉質細嫩肉味濃。香煎比目魚柳配煙肉茄蓉及紫蘇薯蓉 啖啖魚肉非常細滑，無腥味非常好。七味照燒豬鞍配胡麻汁 厚切香燒鎖住肉汁，肉質軟稔，小小辣夠醒胃。慢煮雞胸配松露忌廉及時令蔬菜 雞胸肉質濕潤，保留雞胸嫩滑口感，小朋友都食得好滋味。第二個胃都開動！甜品拼盆—玫瑰紅桑子蛋糕、茉莉牛奶朱古力蛋糕、綠茶奶凍、焦糖千層餅、榛子朱古力忌廉泡芙。每款都好精緻，味道唔太甜。食飽飽後，可以行出海濱長廊

跟小朋友在酒店staycation，朝早來個豐盛的自助早餐。日間於餐廳所看到的青馬大橋景致更為清晰，邊望海邊吃早餐十分寫意。而坐位之間亦不會很擠迫，十分舒適。食物方面種類都頗多的，主食可選擇粥品丶日式湯烏冬丶炒麵丶麵包及沙津。其他食物還有腸仔丶薯餅丶炸魚丶茄汁焗豆丶炒雜菜丶水果等，最特別的莫過於松露炒蛋，自助早餐來説較為少見。飲品方面除了茶及咖啡，亦有果汁及鮮奶。小朋友看見那麼多食物都好開心，食完又可以繼續周圍探索了。如非staycation package, 則原價$118每位。

對上一次去馬灣同埋去呢到食BUFFET已經係疫情前再一次黎到呢到 已經唔同晒了 人煙稀少 環境亦都差左好多近窗邊一排坐座又不能坐 浪費了.天陰陰黎呢到食個休閒午餐. 其實都無抱好大期望黎食野真係諗住是是但但食餐就算 但就有驚喜有兩塊餐牌 一塊係中式 一塊係西式每塊都有成十幾二十款選擇 熱愛西餐既我 又唔想食意粉最後選了墨西哥牛肉卷 朋友就選了紅酒燴牛肋貝殼粉墨西哥牛肉卷 真係有驚喜 以為個樣平平無奇但入面除左有好淋身同埋多汁既牛肉條之外 仲有好多蔬菜係入面青椒呀洋蔥之類 成個口感好豐富 仲有好多汁係入面應該係即刻整 因為都等左十分鍾有多 而且個餅皮係脆脆地 熱辣辣 最開心係沙律菜伴碟 仲有三種醬汁 佢無講明係咩醬 純粹以平時食開卷餅去大約判斷鮮蕃茄香草他他、牛油果青醬、正常係酸忌廉 但我食落似greek yogurt另外加$20有中/西湯 餐飲 中湯好好飲另外個個貝殼粉亦都好高分呀,非常之Al dente!!岩岩好. 個汁亦都唔會水浸咁. 岩岩好掛住每一粒貝殼牛肉好淋身及入味

位於挪亞方舟酒店內，可以看到美麗的青馬大橋景。今天的下午茶有鮑魚撻，有鵝肝等食物，但整體表現一般，食物不是太出眾，味道也一般。還要不像一般的酒店服務員來點餐，反而將快餐店的做法先點餐後坐下，格調不高。

跟小朋友到挪亞方舟渡假酒店staycation，晚上便到豐盛閣食晚餐，真的是非常豐盛！餐廳可以眺望青馬大橋及汀九橋的夜景，美食配美景實在令人心情放鬆。前菜：凍海鮮盤 (龍蝦、小白蝦、青口、扇貝)及雜錦刺身單看前菜已經十分豐盛，凍海鮮盤有龍蝦、小白蝦、青口及扇貝，龍蝦真的是啖啖肉又多膏，肉質鮮甜。而雜錦刺身亦非常新鮮，尤其是三文魚厚切又肥美，份量亦很足。香煎鴨肝配黑醋醬鴨肝香氣撲鼻，加上黑醋醬酸酸的中和了油膩感，十分開胃，配上脆脆的多士令口感更豐富。龍蝦湯及餐包又濃又creamy，充滿龍蝦鮮味，喝完整個人暖暖的感覺好滿足！主菜：可以自選，我們選了兩個大人餐丶兩個兒童餐胡椒香料煎牛肉眼配雜菌及洋葱醬牛肉肉質嫩滑，充滿肉汁，脂肪分佈平均帶出陣陣油脂香味七味照燒豬鞍配胡麻汁豬肉多汁嫩滑不會韌，配上胡麻醬口感更加清新芝士尖通粉 (兒童餐)其實還有肉醬意粉可選擇，不過兩兄妹也選了芝士尖通粉，雖然是兒童餐但份量也蠻大的，通粉佈滿了芝士碎看起來很吸引，小朋友也吃得好開心甜品拼盤：玫瑰紅桑子蛋糕丶茉莉牛奶朱古力蛋卷丶綠茶奶凍丶焦糖千層餅丶榛子朱古力忌廉泡芙 全部細細件非常精緻，看得出餐廳的用心，當中最喜

嚟得挪亞方舟度假酒店住，識嘆一定係瞓到自醒然後施施然去豐盛閣享受自助既「假日任食經典早餐」啦！估唔到原來早餐嘅款式都真係好多選擇，中式靚粥同豉油王炒麵、日式麵豉湯烏冬、西式黑松露炒蛋、茄汁豆、炸魚柳...,不得不讚個滑蛋真係炒得好滑好出色！飲品方面選擇都好多，除咗一般嘅咖啡、檸茶、檸水，仲有果汁同埋鮮奶可以揀，滿足不同口味需要。餐廳風景都好靚可以一邊欣賞青馬大橋及汀九橋既美景，一邊享用豐富嘅早餐！完美嘅一天就係由食個靚早餐開始！

挪亞方舟度假酒店，全新推出「單車樂悠 - 食住玩套票 低至$1608/2位 」，包含多項旅遊玩樂設備，我雖然身在香港，但有置身於海外的度假感覺呀。豐盛閣 - 假日任食經典早餐 ，供應時間為8時至11時半。使用套票的客人可免費享用，而非住客則$118/位。自助形式供應的早餐非常豐富，包含中式、港式、日式和西式美食，例如: 粥品、豉油皇炒麵🥢、火腿、烏冬🍜、腸仔、黑松露炒蛋🥚、炸魚柳、炸薯餅🥔、豬柳漢堡、香草麵包、果醬麵包🥯、沙律和雜果等等。我們一邊享受海天一色的良辰美景☀️，一邊享用仼食早餐，身心愉快。炸魚柳超大一塊，香脆可口，沾上沙律醬後更美味。炒蛋同樣質素不俗，想吃多少有多少😂。補充完能量後，便出發去環島單車遊啦~套票包括: •1晚雙人/大床客房 •豐盛閣精選早餐/假日任食經典早餐 •豐盛閣海景下午茶 •四道菜豐盛晚餐 或 六道菜海陸盛匯精品晚餐 •免費活動: 環島單車樂3小時、萌趣動物微景盆栽工作坊、Art Jamming工作坊、自遊探索馬灣行

挪亞方舟度假酒店，全新推出「單車樂悠 - 食住玩套票 」低至$1608/2位，除了有遊樂活動，更包含三餐，我們玩得開心，亦食得很滿意唷~ 套票包括:•1晚雙人/大床客房•豐盛閣精選早餐/假日任食經典早餐•豐盛閣海景下午茶•四道菜豐盛晚餐 或 六道菜海陸盛匯精品晚餐•免費活動: 環島單車樂3小時、萌趣動物微景盆栽工作坊、Art Jamming工作坊、自遊探索馬灣行豐盛閣 - 花語 · 春日海景下午茶 ✨，是酒店的招牌菜式。使用套票的客人可免費享用，而非住客則$438/2位。供應日期由即日至3月31日，時間為下午3時至5時。能飽覽整個馬灣風光的下午茶，吸引大量訪客光顧，打卡、拍照、慶祝一流! 當日人頭湧湧，我建議大家一定要提前預約呀!下午茶包括: 5款鹹點、5款甜點 和 咖啡或茶。鹹點有 芒果龍蝦牛角酥、三文魚籽松露醬釀蛋、鮑魚雜菌酥盒、鴨肝慕絲配紅桑子啫喱 和 意大利火腿脆片。矜貴的龍蝦和鮑魚，令下午茶變得豪華、變得更有氣派☺️。如果酥盒和牛角包烘熱呈上，就更加完美啦～甜點有 紫羅蘭野莓雲呢拿蛋糕、白桃甜品杯、蛋白檸檬撻、士多啤梨軟芝士餅 和 紅豆綠茶卷。玫瑰花形的雲呢拿蛋糕 和 心心形的

挪亞方舟度假酒店，全新推出「單車樂悠- 食住玩套票 」低至$1608/2位。套票包括:                •           1晚雙人/大床客房                •           豐盛閣精選早餐/假日任食經典早餐                •           豐盛閣海景下午茶                •           四道菜豐盛晚餐 或 六道菜海陸盛匯精品晚餐                •           免費活動: 環島單車樂3小時、萌趣動物微景盆栽工作坊、ArtJamming工作坊、自遊探索馬灣行當日我們二人入住，客房舒適寬敞，而且竟然有室外露台，想享受月光景色的朋友仔，可以選擇到室外用膳呀～六道菜海陸盛匯精品晚餐，非常豐富。包含:海鮮拼盤、刺身、前菜、湯、主菜和甜品，令我們飽足又滿足～使用套票的客人可免費享用，而非住客則$478/位。由於入住當日禁止晚市堂食，所以我們便在房內用餐啦。氣勢非凡的海鮮拼盤，有龍蝦、小白蝦、青口 和 扇貝。龍蝦肉潔白如玉，有滿滿的蝦膏，肉質彈牙，新鮮美味。小白蝦則很鮮甜，不沾醬吃也可以唷～

早餐方面可以選擇在早上8:00到11:00內享用，基本都是自助形式，有中式西式，粥粉麵基本上都齊全，而且有嘢飲，例如橙汁、咖啡等等。（如非套票，單食每位$118）假日任食經典早餐 (適用於六、日及公眾假期)早餐景觀吸引，而且選擇齊全！我比較喜歡吃啲包括了粥品，粥品比較特別是淮山粥，也可以自由配搭香蔥及脆片。另外也比較喜歡味增湯烏冬，比較有日式和風感覺，不過烏冬還是比較熱會更適合我。黑松露炒蛋有很多人也吃，質感香滑而且黑松露味濃郁。旁邊也有很多肉類包括香腸、火腿、雜菜、豉油王炒麵，任人選擇。喜歡吃麵包或者沙律的也有多款選擇，例如同行男友就喜歡選擇了漢堡包及炸魚柳等等，不過我早餐還是比較喜歡中式/日式熱辣辣的。所以就不停拿取了粥品及黑松露炒蛋等。

趁着假期一家人嚟咗挪亞方舟酒店staycation, 疫情下雖然餐廳晚餐時段唔開放，但係呢度週末限定既「海陸盛滙精品晚餐」）真係豐富到不得了！而且係自選時間，佢哋會準時送上房間俾我哋慢慢享用，準備來玩嘅朋友記得留意番入住日子啦！😍先來有暖笠笠又香濃既龍蝦湯配餐飽，仲有煎鴨肝配黑醋醬，鵝肝外脆內軟好誘惑，再加上酸酸甜甜嘅黑醋夠晒開胃，配埋脆卜卜嘅多士，實在太正啦！凍海鮮盤都好豐富，開邊龍蝦啖啖肉又多膏而且海水味重、小白蝦、青口、扇貝都好新鮮！仲有雜錦刺身拼盤，件件都好厚切！配埋日式豉油同埋Wasabi成個感覺真係猶如置身酒店餐廳享用緊自助餐一樣咁豐富！主菜方面我揀咗胡椒香料煎牛肉眼配雜菌及洋葱醬（5成熟），牛肉好嫩滑好似小牛排一樣，連配菜都好好味😋老公揀咗慢煮雞胸配松露忌廉及時令蔬菜，雞胸都煮得好Juice，配埋佢哋嘅松露忌廉汁都好特別！兒童餐都好豐富，我哋揀咗肉醬意粉同埋芝士尖通粉，小朋友都好鍾意食呀！最後仲有豐富嘅甜品紅桑子玫瑰蛋糕沒理牛奶朱古力蛋糕抹茶奶凍焦糖千層餅榛子朱古力忌廉泡芙甜品都好用心製作，全部都好有水準呀！再配埋個餐茶！估唔到喺酒店房食晚餐都可以咁豐富同滿足呀！

由於入住時，正值晚市堂食暫停嘅防疫措拖依然生效，未能到餐廳用餐，所以會改為在客房中用膳Room Service，可以選擇六點、六點半或者七點，餐飲實在太豐富，兩個人都未必食得晒。6道菜的海陸盛匯精品晚餐 (適用於星期五、六及公眾假期) （如非套票，單食每位$478）最令人驚喜嘅係佢有多款海鮮，刺身，鴨肝多士做前菜，主食亦有多款選擇可以於入住時決定。也有餐包，飲品，餐湯是龍蝦湯等等。如果冇特別要求，大概八點左右會上甜品，甜品都有五款！多款餐包提供凍海鮮盤 ( 龍蝦 · 小白蝦 · 青口 · 扇貝) 個款海鮮都係比較清新嘅凍盤，份量都好多，有一隻龍蝦，四隻蝦，數隻青口及兩隻扇貝，本身味道比較鮮，較為淡口味，可以點上醬料提升豐富度及鮮味。雜錦刺身 刺身方面有多款包括三文魚，吞拿魚，另外一款油甘魚及赤蝦刺身，整體頗有鮮味，有提供芥末及刺身豉油。香煎鴨肝配黑醋醬我最愛呢款係香煎鴨肝，非常香脆要趁熱食，而且裏面熱辣辣好濃郁嘅香氣，加上香脆多士及黑醋醬，多款水果包括草莓、藍莓等等，令整體口味清新得多。龍蝦湯 龍蝦湯方面也是比較前期享用，口味香濃，龍蝦味比較真。自選主菜 胡椒香料煎牛肉眼配雜菌及洋葱醬

放假想讓真正完全relax，相約朋友走進度假勝地，望著美景歎番個Afternoon Tea，放眼盡覽蔚藍的青馬大橋、汀九橋及沙灘180度海景。疫情之下，會特別揀選一些空間較闊落的餐廳，貪其枱與枱之間夠寛敞，令人坐得較舒服安心。Tea Set 以 「花語·春日海景下午茶」為主題，一共十款美點，鹹點甜點各有5款，粉色為主，部份美點有食用花點綴，或以花朵為造型。我自己向來較喜歡吃鹹點多些，覺得口感味道往往較有層次。當中比較鍾情有「鴨肝慕絲配紅桑子啫喱」，賣相幾好，口感上既有鴨肝鹹香，亦有酸甜的紅桑子，味道夠fresh，亦解了鴨肝的膩。「三文魚籽松露醬釀蛋」 有鮮味的魚籽融匯松露香味，在口內爆發。而「芒果龍蝦牛角酥」配搭新奇得來又夾到，其芒果汁與龍蝦肉汁融合，味鮮而清新！而「鮑魚雜菌酥盒」的小型鮑魚亦煮得夠腍身，不過口感同平時吃鮑魚又分別不大。鹹點尚有一款為脆卜卜的「意大利火腿脆片配鮮蜜瓜汁」，脆片一如其傳統做法鹹度極高，必須以蜜瓜汁來中和一下。甜點方面，我較鍾意成朵玫瑰花的「紫羅蘭野莓雲呢拿蛋糕」及 粉紅心心型狀的「士多啤梨軟芝士餅」，最適合打卡！而「白桃甜品杯」味道甜甜地又清清地，有層粉紅

我係book咗 兩日一夜單車樂悠食住玩套票（如非套票，單食$438@2位） 原來由即日起至3月31日供應，可以望住個海景嘆高質素下午茶真係一個唔錯嘅放假享受！可以安坐餐廳裡，就欣賞到青馬大橋、汀九橋及東灣沙灘 180度醉人海景，啱晒拖友或者同閨蜜一齊嚟盡情打卡。總共有10款不同嘅食品，包括五款鹹點，五款甜點，其實食下午茶我最擔心就是太多款式嘅甜點，感覺會太飽，或者太滯。但係佢呢個恰到好處，兩款各一半，令人感覺到剛剛好。鴨肝慕絲配紅桑子 啫喱酸酸甜甜而且鴨肝有鹹香，非常match！三文魚籽松露醬釀蛋 三文魚籽比較有鮮味，加上松露將啲香氣，令清新嘅蛋白層次更為豐富。鮑魚雜菌酥盒上面有一隻小型鮑魚，配搭裏面嘅Juicy雜菌及乾爽鬆化酥盒，鹹鹹地又有少少清新。意大利火腿脆片配鮮蜜瓜汁依個真係非常特別！平時食意大利火腿都係食濕嘅，但係佢呢個直情係脆片，加上佢個蜜瓜係做咗個蜜瓜汁，咁樣食個感覺好Fresh。芒果龍蝦牛角酥比想像中夾好多，芒果比較甜香，龍蝦就鮮味十足，牛角酥香脆之餘亦都比較甜，小清新。白桃甜品杯甜甜地又清新，有少少啫喱feel！蛋白霜檸檬撻上面好香脆，但係食到入面有好香濃嘅檸檬醬，下