豊洲水産海鮮丼専門店 (已結業)

香港既日本餐廳比較少有魚骨，🐯一直好期待係日本品嚐，可以係香港既日本餐廳遇上無理由拒絕睇餐圖以為只有手掌咁大，怕唔夠食叫左個小火鍋再加一個明太子蛋卷原來睇漏左餐牌寫咗三至四人份量一上枱，有無咁誇張有成40cm咁長好好彩咁似我哋可以食到中位置既魚骨肉之後見到人哋隔離叫既都無咁多肉應該係同一條魚掛粉粉地色嘅就係拖羅，比較深紅色嘅就係赤身雖然係魚骨，但係都好多肉，一定會飽真係好抵食建議大家叫一碗白飯 兩個人share 再叫一個小食就夠最後都食唔晒，餐廳姐姐建議我地拎返屋企煲湯

 朋友慶生，一行四人到銅鑼灣豐洲水產一嘗聞名的海鮮丼。店鋪樓底很高，空間感充裕食客滿場亦不會太嘈吵，設有吧枱可供選擇。海鮮丼可選預設配料或自選配料，客人可按口味選擇。相比其他日式丼料理店，這裡除海鮮丼外還有不少特色料理，給串燒、天婦羅、炸物、蛋卷之類，菜色十分豐富。為免吃得太飽，我們四人點了三個丼加幾個料理。個人推介飛天黑鮪大滿丼貫丼，此丼由兩款黑鮪拖羅、黑鮪赤身及黑鮪魚蓉組成。厚切拖羅入口即溶，油脂味香濃，刺身質感佳且十分鮮甜。雖則此丼只有黑鮪魚，但不同部位的刺身豐富口感，配合得宜。另外兩個丼的刺身都十分新鮮，刺身油脂分佈得宜，特別推介自選丼中的海膽口感結實，新鮮且味濃。料理方面，蛋卷及炸物均十分出色，我們點了鰻魚蛋卷及明太子蛋卷，蛋卷濕潤飽滿，配料與蛋的鮮甜配合得宜，只是只有三件略嫌太少。刺身料理我們點了活帶子及飛天黑鮪山芋蓉，兩款均十分出色。活帶子每隻六片厚切片，整隻巨型大帶子連殻上碟十分有睇頭，帶子的爽口及鮮甜令人一試難忘。飛天黑鮪山芋蓉以山芋蓉混合黑鮪蓉，底部再以山芋粒襯托，賣相很特別。山芋的爽口與鮮甜的黑鮪魚蓉十分夾，點上山葵醬油味道更豐富，此配搭令人眼前一亮。整體質素中上

難得相約了朋友吃生日飯，今次我們到了銅鑼灣.... 灣仔?! 吃日本菜 - 豊洲水產 ....也許又已經一段日子沒有到港島區，也許是我的路痴又再犯，找了一段時間才找得到餐廳。其實很方便，銅鑼廣場出口一出，向灣仔方向一直行，見到 新星之後過埋橋就見到餐廳就在對面。餐廳外觀盲已經很地遁日本裝潢，進到餐廳裡面就好像到了日本一樣。 餐牌很簡單 ... 亦可以說是很複雜，簡單是，因為他是一間出名吃刺身丼飯的餐廳，複雜的是..... 刺身也有很多選擇。我們都點了自己想吃的"配料"，然後又點了一些小吃。點菜時，店員更介紹了剛新觧到港的活帶子刺身。當然，我們都點了一客。開始要介紹吃過了什麼了吧 .....<自家製鰻魚蛋卷><自家製明太子蛋卷><飛天黑鮪大滿貫丼><油甘魚刺身><熊本縣產醋鯖魚><和味紫菜炸雞><唐揚炸鮭魚><飛天黑鮪山芋蓉><自選海鮮丼 x2>跟丼飯的麵豉湯，超美味~~~除此之外，我們有點了日本清酒，點清酒會跟送一碟伴酒小吃 - 燒雪魚片。

豐洲水產岩岩開果陣好紅，主打築地直送，開幕又搞全部半價，條人龍長到睇唔到熱潮過後，12:30黎到，門口無人，唔駛等即有位👍午餐佢有set 俾你揀，我就揀左豐洲壽司拼盤加熱烏冬再嗌左杯奇異果芒果乳酸野食黎啦！ 有7款唔同壽司，食落都幾新鮮，飯既質素都比較高，有口感，唔錯唔錯期間唔小心倒瀉烏冬湯，佢地服務好好，會幫你執好再整碗新既俾你，服務值得一讚！呢杯野飲都唔錯，初頭我嗌完驚會過酸，飲落幾fresh ，芒果同奇異果比例50 50 唔會過重奇異果或芒果 飲落唔錯食完令我不禁回想係築地既好時光呀

剛從日本回港，朋友見到好多美食靚相，一定要我陪佢食日本嘢！揀左豐洲水產海鮮丼專門店，聽聞店裏海鮮每天由日本空運到港，口碑唔錯。豐洲刺身拼盆$128刺身拼盆有中拖羅、三文魚、帆立貝、油甘魚，賣相已相當吸引☺️三文魚肥美，滿口油脂甘香，帆立貝入口綿滑略帶爽口，鮮味十足！油甘魚口感爽甜，中拖羅新鮮美味😋鮪魚鉸拖羅刺身！$128淡淡粉紅色既刺身，晶瑩剔透，濃濃的油脂甘香滿佈口腔，齒頰留香！😛蒲燒鰻魚、自家製明太子蛋卷丼$148鰻魚係朋友至愛，鰻魚本身夠大條，厚身肥美。微甜醤汁提升左蒲燒鰻魚既香味，沒有一絲的骨刺，證明師傅用心製作，飯粒沾上鰻魚汁好味！👍🏻暖暖既明太子蛋卷軟滑、日本蛋味好香，明太子微微咸香真係好夾！丼飯都跟上一碗麵豉魚湯，魚湯加入豆腐同大量蔥白，趁熱飲香濃唔腥。燒和牛串$58，熟度剛好。燒牛脷串$38和牛、牛脷切得幾大件，師傅燒得剛好，嫩身唔韌，保留肉汁，香濃美味！我這個牛牛擁躉好滿意！士多啤梨芒果石榴乳酸特飲$45在餐牌上見到幾特別，估唔到幾種水果mix埋一齊真係好好飲喎！酸酸甜甜好好味！抹茶蕨餅$18蕨餅係我最愛既質感，煙煙韌韌唔會太腍。甜度適中，抹茶味香濃微甘。我同朋友都好滿

銅鑼灣想食有質素而又唔太貴嘅海鮮丼，確實唔係太多選擇。今日行吓行吓行到一蘭附近，見到呢間門面好靚嘅豐州水產，老實說我真係俾佢嘅裝潢吸引到要一試！火灸鮪魚面頰刺身 $68店員姐姐非常熱心，大力推介你份吞拿魚''面珠燈''，話限量供應，之後聽到隔離枱話想要，就已經賣晒啦！灸燒過嘅面珠燈好軟綿，甘香而帶頗肥美，確實有種食緊拖羅既感覺。 秋刀魚刺身 $138刺身價錢好公道，比好多日本餐廳便宜而質素高。每片厚度平均，魚腥味不會過重，沾上薑蓉一齊食更好味。飛天黑鮪大滿貫丼 $298超滿足！呢個吞拿魚丼有齊大拖羅、中拖羅、赤身同吞拿魚蓉，可以一次過試曬唔同口感。吞拿魚色澤亮澤，大拖羅可以清楚見到紅白相間，非常肥美而且入口即溶。吞拿魚蓉可以放到紫菜上再加白飯一齊食，會更有口感而味道更豐富。豐洲水產海鮮丼 $248海鮮丼性價比唔錯，每款刺身都夠新鮮。當中最喜歡的是蝦同蛋。大家千萬唔能夠睇少隨丼飯附送的麵豉湯，當中加入好多魚肉，令麵豉湯味道變得鮮甜，唔係用粉開出黎既麵豉湯味。

我想到過東京的人，都應該認識築地，在東京築地的海鮮批發商豊洲水產，在香港開店，不用飛日本也可以享受到。水產供應是直接由日本築地運過來的，只要品嚐過一次，便知道是如此新鮮的海鮮丼。《豊洲水產豆漿系列》有薏米西米豆漿、粟米豆漿和綠豆西米豆漿，可選擇凍飲或熱飲 $20《火炙鰈魚邊、黑鮪、三文魚、魷魚明太子丼 配 鮪魚麵豉湯 $148》魚邊燒得香，魚油豐富，魷魚明太子比較少吃到，驚喜的是以為明太子濃郁但原來配上魷魚反而會增加了彼此的味道和口感；黑鮪、三文魚質素高，入口即溶，而且壽司飯口感剛好，整體都不錯。隨丼附送的鮪魚麵豉湯夠大碗又足料，魚鮮味極豐富。《自家製明太子蛋捲 $38》非常精緻的蛋卷，上桌時還是熱呼呼，蛋味濃厚而軟滑，明太子帶點辣，兩者味道都幾夾。《宮城產秋刀魚刺身一條 $138》很少食到秋刀魚刺身，一定要試試，宮城縣直送的秋刀魚刺身非常鮮甜軟滑，再蘸上一點薑和芥辣，鮮味份外突出。《三文魚西京燒 $48》三文魚上甜甜的西京燒汁，再燒熟，魚皮脆、魚肉嫩。《燒牛脷串 $38》牛舌肉質夠嫩爽口而不韌，牛味香濃。《和牛跟大根煮 $48》和牛極腍軟，牛味香濃，入口都粘口骨膠豐富，蘿白入口即溶，

每次到東京，都會到築地市場逛逛，這裡令我愛上了刺身，回港後都會讓人回味無窮。高興的是，原來豊洲水產來港開店，餐廳就在灣仔謝斐道，我知道後當然第一時間拜會，位於地鐵出口不到5分鐘的路程十分方便，餐廳裝潢典型的和式風格，一進門便看到掛上一幅色彩鮮豔的”大漁旗”。《薄燒日本和牛丼 $148》朋友不吃海鮮，所以點了薄燒日本和牛丼，和牛薄切，軟熟而且牛肉味濃郁，和牛的燒汁也惹味，上面帶有幼細的蔥絲，一起食用更美味，不過相比起海鮮丼的話就相對失色。隨丼附送的鮪魚麵豉湯夠大碗又足料，魚鮮味極豐富而且味道偏濃，入面的豆腐和海帶吸滿湯汁十分美味。《蒲燒鰻魚、自家製明太子蛋卷丼 $148》麵豉湯 超足料，有一粒粒魚肉，魚湯味十足，但又會蓋過味噌的味道，侍應叮囑要先飲這個湯，可能冷卻了就會有腥味。《鹽燒鮪魚鮫 $128》沒想到份量大到嚇親,十分抵食吾貴，面有燒得十分香口,入面的魚肉味濃夠滑身, 但預煮都有一段少時間,差不多最後才黎到,最後我地因為偏飽所以食吾完添....《自家製芝士松葉蟹肉蛋捲 $48》蟹肉味香，配上香滑的半溶芝士，再加上口感軟滑蛋味香濃的蛋捲，整體不錯。《熊本縣產醋鯖魚 $48》醋鯖魚平時

跟朋友會面，選吃日本菜，他提議到豐州水產。午餐的價位合理，不算太離地，我們各點了客定食，加兩碟玉子燒。小人的豐州定食包括炸雞三件、燒魚一塊、白飯一碗、玉子燒二粒、味噌湯和沙律。先嚐沙律，菜是新鮮的，不過小人不太喜歡那個柚子沙律汁，柚味太重。炸雞不過不失；燒魚未至於乾，卻不夠油香最重要的一點是少，只能佐到少半碗飯。味噌湯是日本定食之中少見的大碗，店員提醒必定要趁熱喝，不然會腥。喝下果然很多魚肉，味噌不算太強烈，是令人感覺舒服的一碗湯。幸好另外再點了兩碟玉子燒。鰻魚的不夠甜，鰻魚汁亦少，不怎麼樣。明太子的也是很少明太子在中間，發揮不出應有的鹹香。結果這一餐吃了很多蛋，略解饑困。

一直知豊洲水產出名新鮮，見lunchtime丼飯不過98蚊，覺得不妨一試，揀咗1.三文魚，油甘魚，蟹籽。三文魚新鮮度尚可，卻並非靚部位，油甘魚卻幾乎全熟，一無油甘魚油味，二亦無炙燒的香口味，兩頭唔到岸，甚感失望，或者不貪平嗌lunch set才可享受到築地鮮味吧。

※本文以用餐當日的環境、服務和食物質素為準，口味亦因人而異，文章只作參考之用。-話說小妹太愛食鮪魚刺身了，有一段時間久唔久就會去「豊洲水産」食返個鮪魚丼飯，每次都係去好近地鐵站既油麻地分店，有次仲咁岩見到師傅們係度剖緊原條鮪魚，刀法乾淨利落，一路睇都好震撼。所以佢地既刺身質素食落都好新鮮，偶然仲會推出日本限定款式既刺身同丼飯，選擇多，價錢公道。(之前在油麻地剛好遇到師傅們在剖魚)甚少假日出街既小妹，購買新玩具必要去到銅鑼灣，順便去「豊洲水産」食午餐。由於一開門就去，人流未算多可以先影下相。對比油麻地分店，銅鑼灣店稍細，一貫的木枱木櫈，坐得都算舒適。(剛好門面正在搭棚便沒法影相了)「豊洲水産」最出名應該係食「鮪魚」，有相關多時選擇和組合，連一些較少見既部位都有得食，包括「鮪魚骨排」、「鹽燒鮪魚餃」、「火灸鮪魚面頰刺身」、「火灸鮪魚腦天刺身」、「火灸鮪魚筋」、「和風汁煮鮪魚眼」等。當然唔少得大拖羅、中拖羅和赤身吧！餐牌試剩係丼飯選擇都唔少，仲有得自選丼飯，全部都有晒圖文並茂，令人款款都想試！話說去過幾次都已經食過「飛天黑鮪滿貫丼」、「飛天黑鮪三味丼」同「飛天黑鮪丼」，大部分都有鮪魚，每次既

星期六返工返半日，一放咗工就同同事去shopping，唔經唔覺shop到成六點九，我哋都覺得好肚餓，所以就去睇下有咩好食。途中經過鵝頸橋下面，見到有一間門面裝修得幾有日本feel嘅日式餐廳，喺門口睇咗餐牌之後，就決定試下先！一坐低我哋就即刻叫野食，我呢個鰻魚迷就叫咗個蒲燒鰻魚、自家製明太子蛋卷丼；而我同事就叫咗個豊洲水產海鮮丼。個豊洲水產海鮮丼材料非常豐富，有黑鮪中拖羅、黑鮪赤身、黑鮪魚腩蓉、三文魚子、帆立貝、牡丹蝦、北海道響螺、油甘魚、三文魚、松葉蟹、熊本縣產醋鯖魚、飛魚子同三文魚玉子蛋卷，總重量為500克左右！每個丼飯都配上一個麵豉湯，丼飯材料非常新鮮，個黑鮪拖羅入口即溶；三文魚子微鹹，有天然海水味；牡丹蝦好爽甜；帆立貝同響螺一啲都唔韌；油甘魚、三文魚夠肥美；其他刺身都好正！到我個蒲燒鰻魚、自家製明太子蛋卷丼，除咗有我鍾意嘅鰻魚，仲有明太子！鰻魚起碼有大半條，又燒得夠香脆；明太子蛋卷軟綿綿又夠味，真係食過番尋味！除咗以上主食，我哋仲叫咗兩個小食同一個飲品，小食分別係香炸蟹餅配他他醬同軟殼蟹天婦羅，炸蟹餅外脆內軟，配他他醬簡直一流；軟殼蟹炸得啱啱好，粉漿唔太厚，比個like佢！到個特

日本菜一向是我的最愛，今日就到灣仔試試最近人氣極高的豐洲水產海鮮丼專門店。星期日晚上不算太多客人，一坐低就當然先看菜單，因為是專門吃海鮮丼的，菜單基本上就是不用種類的配搭。如果本身已配搭的丼不合口味，仲有殺手鐧-自選配搭😆😆😆，完全適合我這種有選擇困難症的煩人，不用左揀右揀，就把想吃的都要了！選擇了三文魚，甜蝦，海膽丼，上菜的時候超級驚喜，原來本身丼就會跟吞拿魚蓉，撈飯一流😋😋😋食物質素高，刺身好新鮮，海膽無臭味，勁鮮甜🤤🤤 而且份量十足，絕對適合大胃既我👍🏻👍🏻👍🏻

銅鑼灣是個旺區，我經常在附近出入，辦事娛樂都有，都算係半個地膽，沿著駱克道或謝斐道向灣仔方向走，越來越多食店，食飯價錢較合理，天橋底開咗一間做日本刺身飯的店，已經一段時間，今日遇上跟拍檔在附近工作，辦完事就在這裏吃個飯，這家店最出名是黑鮪魚，所有刺身都是由築地即日運到，與黑鮪魚比較我更喜歡雲丹，今晚大出血，看中限量發售的雲丹丼伴三文魚子溫泉蛋，賣＄398，個真材實料，值！這個丼很豐富，見到雲丹分量真的多，顏色金黃，味道甘甜，配合溫泉蛋做法恰當，提升了飯的滋潤。飯後再來一個熱湯，原來是麵鼓魚湯，很有魚味。丼之中，這個的確豐富。鰻魚蛋卷，蛋超滑非常正！

豊洲水産是一間海鮮丼專門店，裝潢洋溢典型的和式風格。在壽司吧枱的附近，掛上一幅色彩鮮豔的旗番，時刻提醒食客餐廳的亮點。 首次到訪，對餐廳的強弱項一無所知，最穏妥的做法，當然是跟風點選人氣 No. 1 丼飯「豊洲水産海鮮丼」。 一碗「豊洲水産海鮮丼」約重 500 克，內裡包含黑鮪中拖羅、黑鮪赤身、黑鮪魚腩蓉、三文魚子、帆立貝、牡丹蝦、北海道海螺、油甘魚、三文魚、松葉蟹、熊本縣產醋漬鯖魚、飛魚子及三文魚玉子蛋卷共 13 款食材，份量十足，款式豐富。 整體來説，各刺身用料也十分新鮮。為免紫菜變腍，首先自製兩件三文魚子黑鮪魚腩蓉手卷品嚐。手卷外脆內綿軟，魚味濃香得來又夾雜少許鹹鮮味道。 帆立貝刺身色澤透白，鮮甜帶爽。吃前以青檸輕蘸表面，味道更佳。油甘魚選材肥美，甘香軟滑。 雖然黑鮪中拖羅與黑鮪赤身勻算質優，但前者明顯較肥美吸引。以中拖羅與大拖羅作比較，中拖羅在保留甘香味道的同時又不會太膩，屬小編最喜愛的鮪魚部份。 牡丹蝦屬小編另一至愛，滑溜清甜的味道令人回味！ 熊本縣產醋漬鯖魚因醋酸搶味，宜置於飯餐末段品嚐。細意品味，不難發現香軟米飯本身隱透出一份黏爽感，原來當中混入了