豊勝手丼 (已搬遷) 新店位置

公司會計小姐突然飯癮起，仲話好想食魚生飯，小肥午前就喺網上睇吓區內有啲咩選擇，結果俾細佬搵到一家以北海道聞名o既「勝手丼」起名o既「豊勝手丼」。店內牆身o既黑板以日文道出日本三大市場之一o既「釧路和商市場」最出名食「勝手丼」。小店只有四張四人枱，中午時分最旺，搭枱亦屬必然。抬頭一望，可見餐店好貼題地用上漁網及貝殼裝潢，腦中自然諗起捕魚業及食海鮮。啱啱舊年同屋企人東瀛遊時，從旅遊書得知「勝手丼」之來由，喺釧路同函館更親身品嚐過。XO仔之前喺遊記上都有提及到此丼物o既一段故，在此亦想重複多次，希望睇過o既讀者唔好嫌小弟長氣：「字面上「丼」即「飯」，而「勝手」則可解作為「是但」或「隨便」。據超閃旅遊書記載，話說十多年前喺北海道釧路，有幾個餓著肚子o既窮書生好想食魚生飯，卻因餐廳o既價格過高而轉場去直接同啲魚檔老闆提出要求，希望可以低價購下賣剩o既魚生，然後再去買碗白飯自砌魚生飯。久而久之，魚市場內就越黎越多舖頭散賣白飯同廉價魚生，任客人「勝手」地（即隨意地）揀選魚生放喺白飯上製出「勝手丼」。」店子明顯取此為題，附上彩圖簡介，任由食客於點菜紙自選丼物之魚鮮配料。唔想自選魚材o既朋友唔洗擔心，餐

I am really hesitant to write this review because I don't want to reveal this treasure and have to line up for it. BUt this place is simply AMAZING! It is by far the BEST don place in Hong Kong! The price is very reasonable for the quality of seafood. And the sushi rice has FREE REFILL!!! Usually, you have more seafood left over and would actually need more rice to finish it.I usually order the uni and onion tuna don. The uni is really fresh ALL THE TIME. (I've been here at least 5 times in the

趁住放年假的最後一日，去食個最滿足的午飯，重拾元氣準備開工。雖然地方細細，但是木製的桌椅，加上掛在牆上的掛布，增添了日式漁市場的風味。點了一個 原板韓國海膽+日本海膽+赤蝦+碎葱吞拿魚腩 定食。呢個餐真係好豐富，除了飯上鋪上四款好物之外，仲有一碗麵豉湯、沙律和凍豆腐。麵豉湯 的味道濃濃的，但一點不嗆喉，很快便飲到見底了~沙律食落很爽口，而凍豆腐淋上芝麻醬和粒粒芝麻，甜甜地涼涼地很開胃。講回這碗飯，赤蝦是超爽甜，肉質很彈牙。而兩款海膽各具特色，日本海膽非常滑和鮮甜，非常容易入口，另外原板韓國海膽的份量差不多整個智能電話般大，味道較清爽，口感更結實，給味蕾一次過享受兩種不同的感受。最令我回味的是碎葱吞拿魚腩，肉質剁得黏黏的帶點起膠，加上適量的葱花和芝麻一齊食，口感滑滑的帶點清香。

上次吃過一次後，一直念念不忘，決定今晚再吃一次店舖座位不多，大概只有16個位，我們大概十時才來到，所以不需等候便入座了。每次最難抉擇的時刻便是要再那麼多款的魚生中挑選我朋友點的魚生丼先到，三文魚腩是真的很厚和大塊，加拿大海膽也是很鮮甜，完全沒有一點腥味。蔥碎吞拿魚超好送飯，自家製鰻魚燒蛋也不錯！太好味，友人還另加了一碗壽司飯呢我點的也來了。今次點了赤海蝦，是很肥美的size，很鮮甜，連蝦頭也很好味！松葉蟹肉也是很好送飯的，加上這家小店的壽司飯會配上芝麻和魚仔，令原本的壽司飯更加鮮甜！這家店的魚生，兩次到訪也是十分新鮮和好味，真的很難忘！而且，每次點餐後，也需要點時間等待，足見他們的認真。想吃魚生丼，強烈推薦這一家！

星期五收工晚上約了友人去銅鑼灣行街。來到花多眼亂既銅鑼灣都唔知食乜好，行過呢間舖頭前面打量了一會，店舖員工隨即出來招呼。誠意非常十足，於是便決定去試這家。店裏面嘅座位不多，大概只有五張枱，尚算擠迫。佢個餐牌總括嚟講主要有兩種，第一種係已經幫你諗好，第二種係自選，魚生刺身每款去計。好清晰標明左價錢。我同友人叫嘅嘢差唔多，我叫左一板海膽($148)加帶子($56)加中吞拿魚魚腩($88)。海膽，刺身尚算新鮮。略嫌豉油咸了些少。這裏的壽司飯是可以免費添加！店員加茶意識比較弱。這裡環境不算太，應該可以做到一眼關七呢！Btw, 支持小店!你地要加把勁，務求進步！

剛從大板回來，食魚生食得唔夠喉，有朋友介紹呢間食日本丼，一於去試下！😋 朋友臨時有會開，本來放下畫，結果2點先走得。🙄 我地2點半去到，唔駛等，舖頭地方雖小，但佈置得好特別，感受到店主既用心！🤗好特別既字體！佈置好別緻個天花板都好特別！我叫左個沢豊海~幸丼，因為有我最喜歡既三文魚子同海膽！😍 友人就叫左沢豊雲丹丼。Menu個丼set仲有一個湯同兩個前菜！個麻醬豆腐好滑，d麻醬好香！另外個南瓜都好好味！ ☺d魚生真係好新鮮，左口魚上有點松露醬，個味道實在太夾！原來佢地係朋友，真係唔試唔知，又學到野！😉 個 toro 好肥美，入口即溶！ 其他魚生都唔錯，冇令我失望！友人個海膽真係不得了，成板上，幾有氣勢！ 👍🏼👍🏼👍🏼  d海膽都好新鮮，完全唔腥，贊！ 😍值得一提係白飯任裝，好啱d大食既朋友！我地兩個女仔就剛剛好，唔駛加飯！ 🤗整體而言食物質素高，服務態度友善，下次會再來！☺

有日放工經過銅鑼灣，心思思唔知食乜好，比我見到間食日本丼飯嘅，就入去試吓。雖然兔仔細細，但係就好有日本傳統食店嘅風格。有好多嘅清酒樽同埋日本嘅紙牌喺度。未食過蟹肉數嘅丼飯，叫咗一個北海蟹丼＄198。蟹飯賣相好精緻，有前菜，面鼓湯，麻將豆腐，前菜係煮蘿蔔，一味係日本嘅家常小菜，但係香港就好少食，食落幾好味，蘿蔔唔會煮得過諗，個湯底都幾清幾甜。到個蟹飯了，個蟹飯裏面有蟹子，蟹膏，蟹肉，仲有蟹腳同蟹鉗添。蟹腳好長好大條，蟹鉗好大舊肉，然後我將其他材料撈埋一齊食，個蟹膏非常之香。不過最敗筆嘅係我加左啲Wasabi落去食，令到成個飯變咗Wasabi味，所以大家千祈唔好加Wasabi食。之後我仲叫咗個海鰻食。海鰻肉質好嫩滑，味道清甜。

朋友啱啱去完旅行返嚟，今日特登同我食飯，梗係要搵好嘢食啦。 我哋兩個都好鍾意食日本嘢，之前見朋友介紹呢間食丼飯，就決定今日嚟試一試。小店裝修得好有日本feel, 牆上嘅裝飾酒樽同埋木牌，都給人一種仿如去左日本既感覺。Menu 款款都好吸引，但我地都貪心，樣樣都想試值得一提嘅係，佢哋有個一手抓赤蝦，你一手攞到幾多就食幾多，98蚊，男士手大絕對值得一試！ （$338）- 有油甘魚，左口魚，吞拿魚腩，三文魚子，日本海膽，赤蝦和松葉蟹鉗。 魚生 全部都好新鮮，食落唔會有腥味，最好食嘅當然係吞拿魚腩，有入口即溶嘅感覺。三文魚籽咬落卜卜聲， 日本海膽非常鮮甜， 松葉蟹鉗師傅已經開埋殼，食落好方便。呢碗丼飯有齊咁多款式，滿足曬我哋每一個味蕾~尺豊海雲丹丼 （$308）- 首先一嚟就當然係畀原版 海膽吸引咗啦，成板咁多，簡直流曬口水。 海膽係來自韓國嘅， 入口鮮甜無苦味， 仲配埋紫菜，用紫菜包飯加海膽慢慢歎一樂也~ 其餘有赤蝦，碎蔥吞拿魚腩。赤蝦好大隻，等我吊起佢比張相大家睇睇先~ 碎葱吞拿魚腩剁得好蓉，口感好好，配丼飯一流~總括黎講，食物質素高，吸睛指數亦高，要再encore~

位於銅鑼灣伊利沙伯大廈後面的小行內，有一間令我每月必到的日本餐廳，刺身飯就經常食啦，但係真係唔係間間都可以一直保持擁有水準。但係佢由始至終都冇令到我失望，鋪面雖然唔大但係都十分乾淨企理，丼亦都可以選擇自己所喜歡嘅刺身和種類及數目但我始終最愛的都是-沢豐雲丹丼原板韓國海膽+日本海膽+ 赤蝦+碎蔥吞拿魚腩日本海膽味香甘甜，口感紮實豐富，肉質豐厚而韓國海膽肉質鮮甜而幼滑，二種加上去令我回味無窮，食極都唔夠，這裹的赤蝦是比我的手指還要長, 肉質細緻鮮嫩, 肉甜而清, 我最喜歡是它那塞得滿滿蝦膏的蝦頭鮮味。碎蔥吞拿魚腩，我喜歡他那青蔥加魚肉的味道食落去有一種清新嘅感覺

原本有約唱k點知臨時友人黎唔到所以取消經友人介紹試下呢間海鮮丼店舖一個字ｰｰ細ｰｰ真係好細，只有16個座位食法係可以自選刺身，全部都配埋丼，加$20有前菜同面豉湯前菜有麻醬豆腐同蘿蔔冬菇主角海鮮丼我叫左松葉蟹腳、大拖羅、馬刀貝同煮穴子個飯有啲特別，食落喊喊地俾我發現有啲白飯魚撈埋啲飯到松葉蟹腳 ｰ 兩條幼幼既蟹腳有啲喊左啲大拖羅 ｰ 有兩片，無筋亦都無咩魚油，我覺得一般般馬刀貝 ｰ 三片，有啲腥煮穴子 ｰ 我只能說佢同呢碗飯唔太夾食完埋單要$300有啲貴

朋友話佢搬咗返港島區住兩個月都冇出過銅鑼灣食飯，咁我哋就相約在銅鑼灣啦🤣，同埋亦都已經選好食丼飯。店鋪空間有限只有16個位，地方亦有少少迫，但裝飾都好有特式，而我哋亦好好彩剛去到就有人結帳，咁我哋就直接坐底先唔需要等位。我就貪心少少選了三文魚腩、明太子、蟹羔、鰻魚玉子燒和一板海胆（同朋友share)丼飯。刺新相當新鮮，三文魚腩油脂分佈得好平均，咬落口好肥美又有口感，蟹羔亦冇腥味、明太子就冇太大味道我只鍾意食佢個口感，鰻魚玉子燒個賣相就已經好靚，仲有板海胆鮮甜可口一啲腥未都冇，我同朋友都好欣賞。PS. 順帶一提其實而家香港經營店鋪都好困難，坐我對面既一對情侶兩個人就只點了一份餐，女方就享用晚餐，男方就全程打機，如果係一間大餐廳我覺得冇問題，但對於一間只得16個坐位既餐廳而言確實有點而那個，如果真係唔太肚餓都可以點一、二個小食當支持下。

唔好以為黎到銅鑼灣就好難搵到好野食。其實只要繞過大街，走入小巷，我地依然可以發掘到週邊美食。 就好似呢間豊勝手丼，位於銅鑼灣廣場2期後街，唔係專登行入去，都幾難發現。店鋪門口不大，一不留神都會行過左。鋪內亦最多只可容立16位顧客。店內掛有日本字黑板及木板，不失日本風味。主要就有九種飯丼選擇，我地糾結左好耐最後揀左沢豊雲丹丼同二重鰻丼。講返個丼先，黎到果時我地都嚇左一跳。可以講真係色。香。味俱全。師傅砌得好靚，好有心機，十足十真係去左日本食咁。當然整得咁靚，緊係相機先食喇一個set, 前菜就有醬油蘿蔔同埋味付螺肉。蘿蔔整得好入味，而且忟得好冧，好快就比我清左。螺肉就好新鮮彈牙，味道唔會太咸，剛好。麵豉湯雖然普通左啲，但岩晒唔好太濃味既我。最重要當然係講個飯丼喇。嗜海膽既我一見到成板海膽就留晒口水。一板既係韓國海膽，味道係清甜而且鮮味夠，筷子夾唔會夾散，最重要係冇腥味，啫係咩呀？一個字呀：新鮮。日本海膽份量雖然冇韓國海膽咁多，但甜度俾韓國膽更優勝。至於兩大隻赤蝦，蝦肉爽口清甜，啜埋個頭，鮮味洋溢，鮮味直情係喺個喉嚨頂度徘徊。個丼入而亦有蔥花吞拿魚碎， 剁碎左既吞拿魚連埋蔥花豉油飯一齊放入口

舖內地方唔算大，有 16 個座位，裝潢花了心思，仿似身在日本。丼飯定食有九款，附有前菜同味噌湯。兩款前菜有蘿蔔同螺肉。日式煮法白蘿蔔，上面放上木魚絲，蘿蔔清甜，好好既開胃菜。螺肉彈牙新鮮，完全無雪藏味，味道亦剛好，唔似得出面食既甘鹹。熱騰騰既味噌湯，味道適中，唔鹹唔淡。沢豊雲丹丼 $308🍴原板韓國海膽+日本海膽+赤蝦+碎葱吞拿魚腩賣相色彩繽紛，用料上乘，尚算新鮮，未食已好吸引。👉🏻韓國海膽夠哂肥美，味道較淡，但原板上真係令人流口水。👉🏻赤蝦大隻，肉質爽口、鮮甜，有漿口感覺，朋友更將蝦膏吸乾吸淨😄。👉🏻碎蔥吞拿魚腩，份量很多，入口即溶，充滿邪惡感。👉🏻日本海膽肉厚，色澤新鮮，入口甜美濃郁，比韓國海膽好食，拌飯一流。二重鰻丼 $198🍴原條鰻魚+原條星鰻醬汁早已被鰻魚鎖住，肉質豐滿，趁熱食，仲霧緊煙既感覺真好。而星鰻比較薄，但相比前者星饅更鮮甜，我同友人都更喜歡星鰻。饅魚配上滿滿既紫菜絲拌飯夠哂滿足。店舖小，但食物質素唔差，水準不俗，唔洗去日本都食到好既日本野，哈哈。

星期二又落雨，已經落左幾星期了，人都悶曬都唔避得咁多，照約朋友出街食飯，調劑下心情餐廳就喺銅鑼灣廣場2期後面，一出地鐵過斜對面就到了，好日式既門口就吸左我地入去餐廳細細但裝修好靚，似日式居酒屋7點去到已經有兩三枱客了，幸好還是即時有枱，唔駛等餐廳主打魚生丼，好多選擇，無論你鍾意食咩或唔鍾意食咩都會揀到你想要既combination赤蝦，海膽跟蔥碎吞拿魚腩都是本人至愛，好快就揀左呢個沢豐雲丹丼前菜既蘿蔔整得入味全板海膽要分三次夾紫菜食，大滿足呀赤蝦鮮甜唔在講，大大隻，啖啖肉蔥碎吞拿魚腩好香，蔥香加埋綿綿既碎吞拿魚腩，不得了壽司飯亦都記一功，會令你忍唔住一口一口咁食曬成個丼

呢間日本餐廳入面得十幾個位想食一定要提早黎  唔係真係要等好耐食物價錢算係貴 但係都日日爆場  因為佢真係新鮮 高質素一分錢一分貨  樓底好高  寫齊晒有咩刺身呢到真係食魚生為主熟的好似得鰻魚  鐘意食刺身一定要試原板韓國海膽+日本海膽+赤蝦+碎蔥吞拿魚腩 $308真係成大塊海膽  無偷工減料有分韓國同日本海膽食落兩個都好鮮甜  入口即溶咁送飯真係連鼓油都可以唔洗落至於刺身亦都好新鮮  赤蝦大大隻兩隻真係唔夠  因為好味到停唔到如果覺得唔夠飽  仲可以免費加飯吞拿魚+吞拿魚腩+碎蔥吞拿魚腩 $248吞拿魚迷一定要試呢款個人最愛魚腩  真係好肥美  食落完全無根  無雪味  而且份量好多  碎蔥吞拿魚腩就可以撈埋飯一齊食 好夾成個餐飲埋個湯份量岩岩好