豊勝手丼 (已搬遷) 新店位置

今晚約左朋友食飯、在銅鑼灣上班的他提議不如吃壽司丼、帶了我來豊勝手丼。說真的、要不然有朋友帶路、我絕不會走進那條路覓食的。其實它並不是太偏僻只是沒有留意、就在伊利莎白大廈旁邊的路走進去、幾步就到。餐廳十足日本壽司小店、木製桌椅排滿、旁邊綴以日本裝飾、感覺親民。吞拿魚和帆立貝都是我至愛，點了這個馥之丼。送上來時就如盛放的鮮花、馥之丼恰如其名。中間的碎䓤吞拿魚腩、好香用來撈飯好綿滑美味。帆立貝飽滿新鮮、火炙過再鋪上黑松露。松露香氣溢出、有點兒蓋過帆立貝的鮮味。個人還是較喜歡無添加的帆立貝另外，前菜的沙律菜都好新鮮、以醋調味後味道清新。微微炙過的芝士豆腐亦有有特色。

經過豊勝手丼，門口較隱蔽、就在FFG 街口行入去。由外面看進去、小小的店子平日晚上都坐滿人，心想必定有其吸引之處。身為海膽迷的我、翻開餐牌立刻被這個三國雲丹丼吸引。上面有原板韓國海膽、日本海膽和加拿大海膽則鋪滿整個丼。首先試日本海膽、淡淡鮮甜味滲出、撈埋飯一起吃好香好滑。日本海膽與加拿大海膽感覺味道都差不多、反而我最喜歡的是韓國海膽。體積較細小、然而口感實淨、唔會太稔，光吃海膽唔會太膩、而味道完全唔會腥、仲好鮮甜！

夏天天氣悶熱，令人提不起勁，唯有好料吃吃，振奮一下，不想吃熱的東西，就選擇日本餐吧，朋友說這間丼飯不錯，價錢又合理，就來這裡吃吧。北海蟹丼$198一個丼飯，配湯、沙律、前菜，好豐富呢，這麼精緻的美食，顏色又豐富，見到都開心！個沙律蠻爽口的，可惜沒有沙律汁，感覺好乾和寡，可是朋友的餐來了才知道，原來是有醬汁的只是忘了加給我，這時我已吃完。前菜是芝士豆腐，烤過的芝士半溶，芝士味濃郁，配豆腐食法不常見，效果不錯呢。麵豉湯有蘿蔔、豆腐等，湯的味道太鹹，對健康不好，有待改善。主角丼飯有松葉蟹肉、松葉蟹腳、松葉蟹鉗、味噌蟹羔、蟹籽，賣相精美吸引，其中兩隻蟹腳拆了肉，另外兩隻也開了邊，好容易取出肉，十分細心，蟹鉗亦已除殻，吃得方便，蟹肉都頗新鮮有鮮甜味道，蟹羔亦很幼滑濃香，蟹籽份量不少，充滿脆卜卜口感。將蟹肉、蟹籽、蟹羔和帶有醋香的壽司飯一起吃，真是滋味，人生一大美食。壽司飯還可以免費添加呢，原本份量也足夠我吃，所以沒添，這裡的丼飯真有水準，材料新鮮，吃得滿足，茶也好喝，推介！

之前已經對豊盛手丼這家魚生飯店的美名趨之若鶩，曾經一試。難得今天又放假，約了好朋友到銅鑼灣逛街，朋友是個喜歡和食又總吃不長肉的女孩，當然要帶她一同再嚐這美味！令人十分嫉妒的吃不胖特性，讓我朋友可以任性的嘗試任何高卡路里高的食物，當然她也很慷慨地讓我試試她那板豐盛的韓國海膽，鮮甜美味！連side dish 都敢於創新，記得上次來是炆豬肉，今次已經轉了新款，是創新的芝士豆腐，燒得半溶的芝士之下是滑溜的豆腐，口感很好。期待已久的終於出現了，令人垂涎欲滴的三文魚親子丼！幾片大大片又肥厚的三文魚，切得厚薄均勻！ （佩服師傅刀工！ ）不單止令到賣相加分，而且深感這種厚薄令到三文魚的肥美發揮得更加淋漓盡致！加上極鮮美的三文魚子，吃到口中卜卜脆的流出魚子醬，加上濕潤且軟硬適中的醋飯，讓我可以一口一口的大快朵頤！ 對，當然留意到這家餐廳是可以免費添飯的。從側面看，飯碗的大小還算中等，但是吃下去，卻很有份量的，完全沒有添飯的需要（自問也算是食量很大的，但是這碗飯吃到大半已經有飽足感），相信一般女孩，都沒有添飯的需要了……

今日行開銅鑼灣 居然俾我發現細細間日本野 好彩嗰時早 6點幾 舖頭仲係冇乜人 一睇之下 原來係食丼飯嘅 既然啱食 咁一於就試試佢😂店內有精選既丼飯 但如果你都揀唔啱 可以試下自己揀食邊款都得 另外仲有鰻魚燒玉子好似都好正咁🤤🤤 好想食埋佢雲丹卜口丼 係碎葱呑拿魚腩同海膽既完美配合 海膽係韓國既 但品質至係王道 好cream 好鮮 一羹飯加上海膽 再加葱呑 真係唔需要多講 perfect!! 碎呑拿魚腩好多 唔整開啲都唔會見到飯 絕對唔會食食下得番飯冇哂呑拿魚食😂 啖啖肉🤤仲有沙律 味增湯同前菜 包大胃王都夠飽😂食食下至發覺 宜家原來like Facebook page 就可以用優惠價玩一手抓海蝦 捉到幾多隻就可以食幾隻🤤 下次一定要再黎 try try

每一次想食丼飯，都會諗起呢間小店，記得上次食完之後一直念念不忘...... 親切的店員介紹新menu上的食物，於是我哋揀咗兩款新嘅試吓！小食芝士豆腐，輕輕燒過嘅芝士呈半溶狀態，超好味三國海膽飯 ($288)何謂三國？即係韓國、日本及加拿大。韓國海膽原板上，非常大塊片片分明，雖然顏色唔係金黃色，海膽肉上嘅紋理唔算明顯，不過出奇地鮮味超級濃郁，又甜又甘香濃郁，質感實淨；日本海膽嘅色澤徘徊在似韓國又加拿大之間，紋理比韓國嘅清晰，入口即溶，甘甜但比韓國嘅清淡；加拿大海膽係最肥厚嘅，紋理最清晰，色澤亦都係最靚，口感柔軟，不過唔係好甜，海水味超重帶微微澀味。食完三種之後，我最愛嘅係韓國>日本>加拿大！飯好有嚼勁，煙韌充滿彈性，喺索索聲嘅紫菜上加啲飯，放一片海膽一齊食，WOW世界末日又如何？！海膽嘅數量多到就算啖啖飯都加一片上去，都仲有剩！$288超抵價食齊三國海膽，食到有初戀嘅感覺~馥之丼 ($238)有碎蔥吞拿魚腩及黑松露火炙帶子。吞拿魚腩蓉打得幼細，油脂豐腴，入口即溶；6粒帶子唔算好厚身，但輕輕炙過後，周邊微焦脆中間軟綿，加少少黑松露點綴吓，為成粒平凡嘅帶子添上獨特香味牡丹蝦

早前聽朋友介紹過銅鑼灣有一間魚生丼飯，味道唔錯，今天在港島區工作，於是一試餐廳細細間，座位唔多，最好預早訂枱餐廳有多款魚生丼以供選擇，不過，如果想自己揀魚生丼亦可以，每個魚生丼只需揀3款便可，可以滿足不同客人需要呢度壽司飯重可以免費加飯喜歡食蟹既我，㨂左北海蟹丼侍應送上北海蟹丼，前菜有螺肉、麵豉湯、沙律菜及蟹丼螺肉爽囗，有囗感蟹丼好豐富，松葉蟹腳及蟹鉗放左兩旁邊，中間擺放一大堆紅紅蟹籽，滿満雪白蟹肉及味噌蟹膏喺上面，顏色鮮豔，賣相相當吸引蟹肉分量一尐都唔少，鮮甜美味，而味噌蟹膏味道濃郁，十分新鲜將蟹籽、蟹肉、蟹膏拌飯一齊食，令到味道更到層次松葉蟹腳啖啖肉，有口感呢個北海蟹丼，令我大満足，下次一定要再試其他

I can't keep away from this place because I love Katte dons.This time I tried the uni don because it feels so good having a whole board of uni to yourself.The uni was just creamy and delicious that I kept downing the rice and had to ask for more.The minced tuna had some texture to it because they put mini crispy fishes that gave it some flavour.The eel was as good as before but presented in a slightly different way.

呢間人氣丼飯店，相信大家都唔陌生，佢係第一批坐落謝斐道的日本食店。今次我都唔係第一次嚟到呢度，但好開心佢每次都依然令我好滿意。呢度最出名的是勝手當，即係自己揀丼飯的配送，就好似食車仔麵咁，個idea真係幾得意。而今次我就想試吓佢哋設計好的丼飯。有追開我文的朋友應該都知道，碎葱吞拿魚腩同海膽一向係我最愛，而今次我就揀咗呢款丼試吓大廚的手藝。落單紙都好簡單易明。呢度仲有一樣好，就係壽司飯可以無限添加，啱晒一眾大食男士。落完order之後店員仲介紹我飲呢期嘅特飲，第一啖飲落去好似梳打水，但係桃味慢慢爆發出嚟，好滿足。之後就見到我個定食，其實佢哋的定食都幾抵。只係加＄20就有齊前菜沙律同埋湯。主菜當然係我最鍾意的蔥花吞拿魚腩同埋海膽呀。兩樣野的賣相都好靚，色澤好光，睇得出係新鮮貨。海膽粒粒分明，一板海膽充分滿足晒我味蕾，鮮味湧到喉嚨。店員話原來係韓國海膽，估唔到韓國海膽的質素都可以媲美日本海膽咁好食呀！蔥花吞拿魚腩有好香油脂味，吞拿魚蓉打得好幼細，不得不讚佢哋真係好足料，吞拿魚蓉鋪滿飯面之餘足足有成2cm厚。整體而言呢個係非常之好食，好滿意。順帶一提朋友的親子三文魚丼睇落亦非常豐富同吸引啊！好

總括而言。。豊勝係我係香港食過最好食既丼飯雖然店鋪細細，但係材料鮮味程度已經可以彌補一切而且地方又係正鬧市之中夠哂方便，所以我經常去幫襯五品丼套餐！套餐有附加沙律and麵豉湯！沙律菜夠哂清新，麵豉湯比較濃味。套餐仲有芝士豆腐~幾香滑又有芝士濃香五品丼既刺身有赤蝦，日本海膽，活帶子，深海池魚，三文魚。每款各2件！又係厚切既關係所以非常夠食見圖已經見到食材新鮮到一個點啦色澤光鮮實在不得了~赤海蝦肉質嫩滑彈牙，又夠大隻~不能同放題貨色比較！深海池魚魚味度較濃~配上薑味度更佳。厚厚既帶子綿綿細滑海膽全無腥味~鮮味非常可能我太愛海膽既關係~所以相對下覺得海膽少左 dd壽司飯更係免費添加真係唔怕食唔飽呀

銅鑼灣謝斐道好像一條食街，多間食肆雲集，有哪間你嚐過?今晚隨機走進一間具日本風的小小居食店享用晚餐，店面不算大，只能擺放4-5張台的食客，蠻喜歡店內的裝置，特別是那些手寫的木牌。小店主食是刺身丼，除了餐牌上的套餐，客人亦可自選剌身，自由配搭。牙T選擇了五品丼，是含5款刺身的丼飯套餐，分別有三文魚、深海池魚、赤蝦、活帶子和海膽，份量完全蓋過了飯面，太滿足啦。厚切刺身不失禮，而且入口鮮甜；配上日本海膽，入口軟滑細膩，帶微微海水鹹味，一口溫熱壽司飯一口海膽，配合天衣無縫。以女士的胃口來說，丼飯套餐有味噌湯、和風沙律和涼菜，份量絕對剛剛好；但對男士們來說可能就不夠囉，所以免費添加丼飯的主意是很棒的！男士追加半碗丼飯！

入到去就有日本磯燒餐既Feel, 好似置身係日本咁, 零舍不同, 感覺唔錯, 一間專食魚生丼既地方, 我反正選食燒鰻魚, 哈哈, 一來好奈無食過燒鰻魚, 2來唔想食咁多生冷野先食個沙律先, 沙律菜份量岩岩好, 佢個SAUCE 酸酸地, 好開胃, 令食鰻魚時都無咁膩, 有心思, 前菜係芝士炙燒豆腐, 經火炙之後芝士融化在豆腐上面, 入口鬆化, 芝士既香令豆腐生色不少再食個鰻魚飯啦, 佢係原條上, 仲有星鰻添!, 蒲燒鰻魚同星鰻鋪上珍珠米飯上面, 星鰻頻色較淺, 外層微微焦香脆身，肉質較腍身，味道得宜。蒲燒鰻魚夠肥美鬆化無細骨，而且有焦香，無得輸, 鰻魚一樣香噴噴，醬汁偏甜啱哂送飯珍珠米配上紫菜絲，甜度剛好之餘，分量又多, 大滿足

今天朋友相約我到銅鑼灣，原來又是吃我喜愛的日本菜呢。曾經吃過餐廳的饅魚飯，份量多得驚人，今天一於再次嚐試吧。原條鰻魚 原條星饅$198晚餐包括: 丼飯，前菜，沙律，味噌湯。前菜是醃製魷魚，豆腐味噌湯有點略鹹。主角鰻魚飯與上次的賣相擺法不一樣，令食客有新鮮感。二條鰻魚二條星饅，兩種不同的味道和口感饅魚大條肥美，肉質軟嫩，腍滑鮮美，帶有濃郁炭燒味，雖有少骨，但味道極好。星饅魚肉細膩，鮮美更佳。米飯沾滿饅魚醬，美味極了。

位於銅鑼灣的 豐勝手丼，是一間日式丼飯專門店。今天相約好友來到吃晚餐，我已經獨自吃了一整天，晚上終於有人陪我啦。松葉蟹膏 松葉蟹鉗 松葉蟹腳 松葉蟹肉 蟹籽$198四重松葉蟹丼阿，呈上時已令我非常興奮。松葉蟹膏，松葉蟹鉗，松葉蟹腳，松葉蟹肉，蟹籽整齊排列，賣相超級吸引。採用一整隻松葉蟹，真的令人大滿足阿。松葉蟹膏膏香濃郁，滑溜回甘，拌勻米飯好好吃呢。蟹鉗肉質結實彈牙，蟹腳嫩滑鮮甜，蟹肉預先拆殼，啖啖肉，方便至極。蟹籽份量多，充足拌勻整個米飯呢

位於銅鑼灣旺區既魚生飯店，當係有番咁上下質素之前就聽朋友介紹過，今日一於跟友人一試餐廳生意好好，7點半去到已經接近滿座裝修簡單，不花巧，專注點都放在食材上了兩個女人仔，一人叫一個set!好豐富上台就「嘩」了出來一個set有大大配魚生飯+一個沙律+一個面鼔湯+一個小食小食係芝士豆腐，芝士微微燒過好味沙律就當然係開胃既，加了酸酸地既dressing, 好快就食哂我食既係蟹丼！好豐富有蟹子、蟹肉、蟹膏、仲有松葉蟹腳！真係岩哂蟹既粉絲好邪惡既感覺好鍾意！但又怕膽固醇不過好似有研究話蟹肉其實膽固醇唔高，於是我放心地大吃蟹丼內既一塊青瓜佢連青瓜都好用心， 師父刀工好啖啖肉蟹腳好新鮮，食到少許海水味，肉質唔會散，正試試朋友個碗佢主打海膽，有成板既海膽，當然要幫佢食係鮮甜既海膽，唔會有陣味creamy當然唔少得飲品聽店主講，桃味是最近新加的的確幾好味！喜歡佢夠清配魚生飯很不錯很豐勝既一餐