豊勝手丼 (已搬遷) 新店位置

今晚去左銅鑼灣，呢間豊勝手丼之前都聽過朋友講幾好食，今次第一次去食下先。入到去其實地方都幾細但都已經坐滿客，仲要等一陣心諗一定真係好好食啦。我點了馥之丼，即係碎葱吞拿魚腩同黑松露火焰帶子，其實其他丼都好正，搞到我都心大心細先選左呢個丼，貪佢真係勁多帶子。一上碟，一set餐咁，即刻俾個丼吸引，好多帶子，仲要好大粒，cover晒成個碗面，係輕輕燒左少少嘅，不過我都未食個丼先，佢個餐有埋salad小前菜同味噌湯，salad不過不失，菜好fresh，前菜係螺肉嚟，吾錯，涼涼地。最正係個丼，帶子吾係刺身咁淋，燒左增加了咬口，加埋吞拿魚腩碎同飯一齊食已經好好食，佢嘅飯都做得好吾錯，平時我食丼都食加少少豉油落個飯度，但今次我冇咁做，因為佢嘅飯吾會一點味都冇，但又不是咸嘅，就咁食已經好正，係份量我厭少左dd，食完係夠嘅，但不可以話係飽，可能太好食，我先覺得吾夠喉吧，哈哈！好食嘅日本丼飯店，下次再試佢其他丼先，不錯。

豊勝手丼 其實都食過好多次 冇一次令我失望 魚生新鮮肥美性價比高 今晚又一個人嚟開餐啦其實一個人想食日本菜都幾困難 食壽司 又唔知要食幾多件先夠 一個人選擇性又少 食丼飯就唔同 大大碗飯 可以選擇自己喜歡嘅魚生 夠曬飽又夠彈性嘅選擇五品丼 魚生包含 三文魚 油甘魚 活帶子 赤蝦和日本海膽套餐還包括 沙律菜 餐前小吃和麵豉湯一向食開好嘢嘅我 望落去就知魚生夠新鮮 色澤亮麗 水潤光感廚師非常細心 赤蝦抽出蝦腸 令客人食得安心又放心帶子一開三 肉質依然肥美飽滿 非常新鮮鮮甜油甘魚 油脂味香三文魚 肥美海膽甘香 非常creamy旁邊仲有少量調味料 但我覺得唔使加任何調味 先可以食出食材嘅真鮮味丼飯選擇非常多 款款新鮮 賣相吸引 如果我有四個胃多麼好呢

今晚在銅鑼灣享用一人前的丼飯套餐 點了卜口丼 其實主要係吞拿魚 吞拿魚腩 碎蔥吞拿魚腩 全部都係吞拿魚 唔同部位 唔同質感$288套餐包括 丼飯一碗 新鮮沙律菜 熱辣辣麵豉湯 和芝士凍豆腐刺身鋪滿成碗飯 唔拎開啲刺身 基本上睇唔到底層嘅飯 感覺非常澎湃 丼飯旁邊還有鮮海苔 和 酸薑 作為配料 增加口感動味蕾嘅層次吞拿魚腩 油花相對比較多 咬落去超軟滑 有種難以形容嘅鮮甜味 入口即溶吞拿魚肉質相對較為結實 魚肉味更濃麵豉湯 咸道適中 有新鮮海帶和白蘿蔔 味道非常清新新鮮沙律菜 爽口 份量唔會太多豆腐清淡 芝士味濃 一濃一淡嘅組合 又幾夾喎晚飯時間 人頭湧湧 餐廳雖然唔大 但勝在有幾分溫馨 傳統嘅感覺丼飯選擇多 必定有一款啱你心水 係時候要諗定下次食邊款

放學約左同朋友食飯，咁耐冇見佢又話出黎做野請我食飯🤤就去左食魚生飯，依間都係我bookmark既其中一間日本野，想食佢既蟹丼好耐下😎見到個menu都流哂口水，目標係丼飯既我決定同朋友分享兩個丼🍚首先係依個迷人既松葉蟹丼，勁多蟹肉同味噌蟹膏，中間係滿滿既蟹籽，蟹膏勁鮮味，蟹肉又甜，拌飯一流，食唔停口🤤🤤五色丼都同樣吸引，有三文魚、油甘魚、赤蝦、帶子同海膽，同朋友啱啱好每人一件。三文魚肥美、油甘魚爽口有油脂（我係白身魚愛好者）、帶子鮮甜、海膽新鮮冇腥味、蝦肉又結實，食到我變心心眼😻加廿蚊隨餐附送湯、前菜同沙律，十分抵食，份量啱啱好😆

這間日式小店，店鋪細細，但刺身丼質素卻不可小看。在週日黃昏時間到來，似是店鋪剛剛下午落場完畢，所以不用等位。全店大約只有十多個座位，但幸好樓底好高，而且裝修乾淨舒適，整體環境是可以的。丼飯可以自選刺身，幾特別，可按自己喜歡的刺身作魚生飯。如選擇牡丹蝦，可以試玩一下店鋪的小遊戲，一手能拿下多少隻蝦，就可以那個數量用來作刺身飯。再配上自選刺身，就成了一碗很豐富的刺身丼。牡丹蝦大大隻，很有鮮味，拖羅魚蓉出奇地鮮味，絕不是普通吞拿魚弄出來的，海膽也不是普通貨色，很有鮮味。整體質素絕對有驚喜。另外一碗選擇了三文魚腩蟹子丼，三文魚肥美大件，有油香及很新鮮，蟹子則正常，整體也是不錯吃。此店特設添飯，大食人士就最合適不過了。總的而言，刺身新鮮美味，份量也不吝嗇，這個價錢絕對收貨。

⭐️⭐️⭐️⭐️⭐️實在太好吃的丼飯了！我叫了這個雲丹丼，一來到簡直嚇親我，竟然有一大阪的海膽，使用韓國和日本海膽，吃下去清甜，沒有苦味！吃得出是好貨色！😍除了海膽外 最喜歡 碎蔥吞拿魚腩，香蔥配合吞拿魚的油香味，攞嚟拌飯簡直一流！👍🏼五品丼 ，魚生新鮮肥美，而且切得很厚，感覺比飯還要多！😂 想不到小小的丼飯，居然 如此包肚！而且配菜 味增湯 也很清甜，味道不會太鹹啱啱好，而芝士豆腐 ，香濃的豆味配合芝士，簡直是另一個層次！❤️這裏除了有酒喝之外，也提供無酒精飲品，有白桃🍑和蘋果味，喜歡的朋友也可以一試啊！❤️忘記說了 小店的位置比較難找 大家記得使用Google Map啊😂

久聞銅鑼灣豊勝手丼很有日本築地風味，今日適逢去該區，一定要試試，本身甚少去銅鑼灣食飯，因為泊車比較麻煩，但去呢度又幾ok,因為車可以泊在伊利莎伯大廈，過對面就係，非常方便。餐廳檯唔算多，走日式裝潢，最入邊是廚房，雪櫃擺滿新鮮刺身，餐牌有很多款式可選擇，真的令人有點三心兩意其實有自選形式，逐樣計錢，都幾彈性。我朋友是海膽控，二話不說已決定點算雲勝丼，我份人比較貪心，想試多點口味，我點左海之幸丼朋友的丼飯先到，真的很震憾哦，三款不同來源的海膽堆滿飯碗上，我也偷吃了一點，韓國海膽鮮甜，日本海膽非常creamy, 鮮甜度爆晒燈，加拿大海膽很有層次，用來撈飯簡直絕配。到我的海之幸了，當然都有鮮甜的日本海膽，主菜是刺身，一望而知是高級食材，吞拿魚腩呈淺粉紅色，入口即溶，油脂含量極高，比目魚邊亦一樣，入口已感覺魚油，油甘魚爽口夠魚味，赤蝦極之大隻，蝦肉爽口鮮甜，松葉蟹鉗肉質夠實，非常新鮮，還有很多三文魚籽，魚油混和飯粒簡直是頂級享受。套餐還跟有面豉湯，日式芝士豆腐及沙律前菜。不消十分鐘，大家已吃清所有食物，非常滿足，丼飯水準真的有築地水準，下次再來試其他款式。

銅鑼灣有不少日式食店，但這一間隱世小店的確不好找。的士站對面，健身中心後面。幸好味道和服務值回票價！店內的丼飯種類不少，份量都不少，原板海膽上不過今次，我就食清淡少少，試一試馥之丼一個set有沙律、麵使湯、豆腐同丼。沙律味道酸酸的，特別用上三色椒切細絲，口感更清爽豆腐放上芝士再用火炙，芝士味道使豆味更突出！湯方面，就加入大量蘿蔔，清甜！再來就到重點丼飯：吞拿魚蓉 加 黑松露火炙帶子帶子火炙後依舊有厚厚的肉身，口感比生帶子略厚實，更俱質感，黑松露配帶子都是第一次，新嚐試，很不錯，但松露有點搶味吞拿魚蓉撈飯就不得之了，極幼滑，鮮味突出！最後食曬飯都未食未魚生，唯有加個飯，免費的

剛剛從台北回來！我的天啊！Annual leave用完！又要展開工作+master生涯，其實我還想去日本的！只好相約朋友來豊勝手丼止止心癮和口癮！店子小小，記得要打電話訂位啊，否則好可能沒有位！我是海膽控，當然選了三國海膽丼！其實是以套餐形式上的，除了丼飯，還有沙律、麵豉湯和芝士豆腐！我很喜歡這個小食呢，燒過的芝士半溶在豆腐上，很惹味！眼前看到的極為壯觀，滿滿的海膽，簡直是震撼！三國海膽，顧名思義，有三個國家的海膽，分別是原板韓國海膽、日本海膽和加拿大海膽！我自己會有一個次序來吃，由淡味到濃味！韓國海膽，淺黃色的，肉形偏細薄身，淡淡的海膽味，伴紫菜和飯吃一流！也是偏黃色的就是日本海膽，味道相對的清甜，入口有一點點黏稠的口感，吃到海水鮮味，很嫩滑！加拿大海膽是我的最愛，質地肥厚，泥黃色，口感滑不溜口，海膽味最濃郁！好滿足呢！飯中還藏有白飯魚呢，可增加鮮味！總結三款海膽都是鮮甜無比！朋友的海之幸丼也很不錯，刺身都很新鮮！這就是幸福的感覺吧！吃盡三國海膽都只是$288，其實一點也不貴，機票也省掉，絕對值吖！

依家仲未到月尾，緊係再食豪啲啦友人好鍾意食日本野，而我都好鍾意食魚生飯，咁大家都港島人就搵咗間佢呢個裝住芥末嘅青瓜整得好精緻，連微小嘅部分做得都唔馬虎黎到魚生飯嘅部分，魚生每種都有2片，每片都唔細片架！而且仲好新鮮，甜甜地嘅，仲有兩大隻蝦，唔會留咗啲蝦腸係度重點仲有3隻蟹腳，好少見魚生飯有蟹腳嘅出現XD 作為魚生飯佢嘅刺身有好多款而且一啲都唔腥唔會唔新鮮而飯方面，唔係凍冰冰嘅壽司飯，反而係暖暖地嘅，上面仲有少少嘅魚仔，加翻多一份嘅口感同味道，所以就咁食飯都唔會覺得齋雖然一個魚生飯需要300幾係有啲貴，但質素已經值得，偶然食/月頭食應該都可以滿足滿足下嘅：）

慢活的星期日，午餐想簡單食個丼飯，想起朋友介紹過的豐勝手丼，今天便可一試來到店地方不算大，但也不會覺得侷促，店員誠懇有禮，我已急不及待點餐，但花多眼亂不知道選擇哪款時候，店員介紹可試試廚師發辦，一於不用想了，就廚師發辦吧。季節魚廚師發辦 $258麵豉湯清甜，味道不會過濃。沙律菜新鮮爽脆，配上沙律醋，十分開胃。火炙芝士豆腐，豆腐有質感不易碎，配上香濃芝士，味道匹配。刺身舖滿得看不見飯，當中有拖羅，三文魚腩，日本海膽，深海池魚和磯煮鮑。色澤光鮮，食材十分新鮮。三文魚腩厚切加上很長一條很漂亮，魚味香濃。磯煮鮑鮮味，肉質嫩滑腍軟。深海池魚魚味較濃，口感爽嫩。海膽無腥味，味道清甜海膽味濃。拖羅魚脂極豐富，入口即溶，味道香濃余韻長。

朋友想吃丼飯作午餐，於是帶他來了最就近的豊勝手丼一試。這是我的二訪，於是點了上次初訪想吃而沒有點的《馥の丼 $238》。前菜有柚子汁蔬菜、燒芝士豆腐、味噌湯。燒芝士豆腐 - 芝士輕灼過，而豆腐無調味汁但豆味足亦有質感。帶子切成片，然後輕灼令其變得更有口感，迫出帶子的鮮味，再放上黑松露令整體味道更香濃。丼中間放有碎蔥吞拿魚腩，入口軟綿、味道香郁鮮甜，配上香蔥更提味。刺身下有珍珠米飯，看真一點其實米飯上灑上了白芝麻和白飯魚仔。整體不錯只是米飯略嫌乾硬，比較適合喜歡米粒有嚼感的人，而且男士還可以無限添加米飯呢！老闆在餐廳隔壁開了一間新店專吃燒魚的，身為魚控的我必定會去試試。

朋友推介這間丼，行完電腦展就來試試，店員推介我們試三國海膽飯同馥之丼，原來佢哋剛改了menu，呢兩個是新的，既然係咁，就order呢兩個每個丼都配上小食，有麵豉湯、沙律同芝士豆腐，最特別係個豆腐，輕輕燒過嘅芝士呈半溶狀態，超好味三國海膽飯 ($288)喜歡海膽嘅朋友一定要試，一次可以食三個國家嘅海膽，分別係韓國、日本同加拿大。呢個丼真係好震撼，成個碗都係海膽，韓國海膽原板上，日本同加拿大嘅就在碗上，顏色方面，加拿大嘅最深色，之後係日本，韓國嘅反而唔係金黃色，勝在非常大塊片片分明，紋理分明，又香甜又濃郁，日本嘅就入口即溶，不過無韓國咁濃，加拿大嘅就最柔軟，海水味濃，而我就最喜歡韓國的一向喜歡用紫菜加飯食海膽，本來個碗都已經有三大片，大到可以一開二，但係海膽實在太多，店員見我差不多無晒紫菜就即刻再加比我，真係好貼心馥之丼 ($238)朋友食咗呢個，有碎蔥吞拿魚腩同黑松露火炙帶子。吞拿魚腩蓉好幼細，好多油脂，入口即溶好肥美；一共有6粒帶子，沒有刺身般厚身，輕輕炙過後，周邊微焦，入口仍軟綿，上面仲加咗少少黑松露，增加味覺層次牡丹蝦 ($68)另外仲叫了兩隻牡丹蝦，真係好大隻，肉質肥美好又鮮甜，

收工之後，想食個魚生飯，所以行下行下就同同事嚟咗呢到喇！佢有預先設定好嘅丼飯，款款都好吸引！亦都有好似車仔麵咁，自己揀自己想食嘅配料設計一個魚生丼，再加＄20就有一個set 。燒鰻魚雖然薄d, 但燒得香同好有鰻魚味，油甘魚腩切得好身又鮮味，赤海老都好鮮甜，三文魚籽爽脆。蔥鮪魚整到入口即溶，厚切帶子亦都十分新鮮！ 幾推薦蟹味噌，佢係蟹膏，撈飯加蟹籽簡直一流。三文魚腩都係好厚身呢間店既飯可以無限添加，而且各種魚生都好新鮮，經開銅鑼灣都會再嚟食ga~

今天天氣陰霾，心情鬱悶，便自己一人到銅鑼灣打算吃餐好的。這餐廳位置不多，十來個座位而已。不過人流也不旺，中午時段只有絡絡續續少量人客。佈置很有日本居酒屋味道。小小的廚房亦有一份溫馨的感覺。它有套餐，亦可隨個人喜好自選刺身丼。它的選擇很多，彈性亦大，很適合像我這種不吃刺身魚的人。我最後選了一個蟹丼，價錢亦算合理，二百元左右。套餐還附有沙律、豆腐、麵豉湯。沙律酸酸甜甜的，開胃十足。麵豉湯味道偏淡。這豆腐我很喜歡。芝麻醬加凍豆腐，上面還有魷魚絲，香口之餘亦口感十足。最後是這主角蟹丼！很豐富，而且色香味俱全！蟹肉和蟹膏都鮮甜可口，而且足料！丼的飯量不多，碗底偏淺，但上面海鮮很足料！餐廳可免費加飯，大食的男士不妨試試，我就一碗已很足夠了。松葉蟹腳已經脫殻，很方便客人吃呢！蟹箝亦已脫殻，厚厚的蟹肉咬下還有海水汁呢！美味又滿足。吃完後在餐廳坐了好一會兒，見不多客人，便獨自靜靜坐著思考一下。真是難得的獨處時光！再加上吃完的豐盛的一餐，吃完後身心都得以滿足。