影片
乘坐 51K 绿色小巴到河上乡站，在居石侯公祠下车，向前直行约 50米即到达（有烟囱）。
继续阅读
电话号码
26392132
营业时间
今日营业
10:00 - 18:00
星期一至五
12:00 - 18:00
星期六至日
10:00 - 18:00
公众假期
10:00 - 18:00
以上资料只供参考，请与餐厅确认详情
食家推介
招牌菜
呢间喺上水嘅豆厂老字号，出边坊间都有做批发。我哋去果日见到有好多老人家旅行团系附近消费。如果有旅游车接送嘅话，性价比相对好高，本身热豆腐花都有提供$15任食，黄糖、姜水都系任拎（无任食冻豆腐花），舖头亦有卖腐乳、小食（烧卖、鱼蛋）、豆瓣酱、辣椒酱等产品，老少咸宜。口感方面，低糖原味鲜豆浆口感滑顺，带有淡淡豆香，以每樽$9/ 500ml嚟讲，性价比还好，一啲都唔稠。虽然系低糖配方但都有成5g/ 100ml，但相当甜🙂↕️，有啲失望嘅，美中不足系无添加糖只有1L樽装，选择有限制。风味方面，除咗平日常见原味黄豆之外，豆浆同豆腐花竟然有提供黑芝麻，今次我叫咗黑芝麻豆腐花（$11/碗），走姜水走黄糖，可能本身黑芝麻已经自带微糖，所以净豆腐花已经好够甜，豆腐花口感滑嫩，石膏粉份量适中，豆腐花挺身，入口即化，但略嫌黑芝麻味道偏淡，黑芝麻唔系太够，味道可以再进取多啲。舖头地点始终比较偏远，工场为主，真系有私家车/想喺附近踩单车一日游，得闲无聊先好嚟，唔系嘅话，汗流浃背专登嚟都真系几失望。始终系村屋入边嘅小食店，应该支持吓嘅😂 Made in homekong😋
继续阅读
假日打算去上水大水管拍照在上水乘搭51K小巴在总站落车。行咗几分钟左右，右手边见到有间食豆腐花舖头，好奇入去一看，原来唔止豆腐花，还有好多小食，于是乎先在这里坐坐最特别呢度有豆腐花任食$15，不过只限于热食，而我哋食咗冻嘅，每碗$10，豆花香浓豆味，赞买咗一支一公升不加糖的豆浆两份饮$12，非常抵饮，同样香浓豆味见到佢其实出面有几间舖头都有得卖，不过就唔知系咪同一个价钱。煎豆腐 $15（5件）即叫即煎，买咗之后有一张飞仔畀你，你要睇住萤光幕同佢会有广播提你出去攞。新鲜热辣煎出嚟 ，外面香脆而里面好嫩滑当天搭小巴之前喺上水广场食咗嘢，又惊太阳落山影唔到大水管， 所以匆匆食咗少少嘢就走了择日重赛，我哋依然食冻豆花，不过今次一黑一白，黑色即是黑芝麻豆腐花，但系我觉得白色比较出色， 可能我钟意白色豆味重少少。上次冇食嘅煎酿豆卜$18 (8件)，应该酿咗少少鱼肉，呢个必食，外面好香脆煎素鸭$15 (6件)，相比自己在家中煎的，香脆好多，又够干身今次拎定环保大袋，买咗支竹，扁腐皮，豆卜，腐乳返屋企呢度地方宽阔，虽然喺室外，但系有帐篷，一啲都唔晒。呢两次都系假日去，唔系话好多人，我仲拣同一张枱坐，感觉好舒服
继续阅读
周末同朋友去咗郊外行山，天气好好，心情都特别舒畅。行完山之后，大家都肚饿难耐，于是就决定去附近揾间餐厅食晏。我哋行咗阵，就见到豆腐花店。我哋之前都听过呢间店嘅口碑唔错，所以就决定入去试吓。我哋叫咗几碗豆腐花，分别系原味、黑芝麻味同埋姜汁味。豆腐花一上枱，我哋就已经忍唔住哗咗一声。豆腐花真系超级滑，入口即溶，好似食紧云朵咁。豆香味亦都好浓郁，食落去好有口感。我个人最钟意系黑芝麻味豆腐花，芝麻味好浓郁，每一啖都食到满满嘅黑芝麻，仲有少少甜，正！姜汁味豆腐花都唔错，姜味好够，食落去好温暖。除咗豆腐花之外，我哋仲叫咗煎酿三宝、鱼蛋同烧卖。煎酿三宝炸得好脆，入面嘅馅料亦都好足料。鱼蛋弹牙，鱼味浓郁。烧卖外皮松软，内里鱼肉鲜美。总括嚟讲，我哋对呢间餐厅嘅食物都非常满意。豆腐花真系超级美味，煎酿三宝、鱼蛋同烧卖都做得非常好。如果你钟意食豆腐花，或者想试吓新口味，呢间餐厅绝对值得一试！
继续阅读
今日踩单车去上水，听住系上水嘅朋友讲，呢间豆腐花铺头几好食，所以黎试下。有8蚊任食豆腐花，不过我唔系好食得，所以单点算。今次叫左1原味豆腐花、芝麻豆腐花，热食$8，冻食$9，呢间豆腐花嘅质地比较实，唔系出面入口即溶个种，但豆味都好浓郁，我觉得原味同芝麻味都好食。😆2:煎酿豆卜$17我觉得呢个豆卜超好味，煎得非常好，外面好脆，里面好软绵绵，加埋佢地嘅秘制酱料，我地叫多咗一碟黎食。🤣🤣3:香煎豆腐$14香煎豆腐好滑嫩，即叫即煎，入口热辣辣，豆腐好滑，踩完单车食好正🥹🥰消费价钱：3人75结论：踩单车入去上水会食餐厅名称：豆美味豆花团餐厅地址：上水河上乡1049地段地下
继续阅读
今日去完马草垄行山，见到附近有呢间食豆腐花嘅舖头，见唔系行得太远，就过嚟试一试。食嘢嘅地方系户外，有好多位，环境都几舒服。我哋叫咗呢度最出名嘅豆腐花，豆腐花同豆浆都有原味或黑芝麻味。我见出边好似少啲见黑芝麻豆腐花（热既$8, 冻既$10), 所以拣咗。黑芝麻味好香，豆腐花超滑。另外再加多咗个店长推介既香煎素鸭 ($15 六件），香脆得嚟又唔油，好食👍🏻。店长推介另外仲有煎酿豆卜同香煎豆腐。等下一次嚟先试埋先。
继续阅读