許記車仔麵

营业中

休息中

是日放工就去左牛池灣都知果邊2025年可能就會無，咁都知入面有幾檔叫隱世小店，其中一檔就係今日食既車仔麵，另外一檔係茶記咁重有一檔係酒樓，今日食左車仔麵先，因為見佢無落場時間同埋都易搵😂叫左2個分別4餸既車仔麵，埋單88蚊簡單講佢要炆既野真心可以叫，如：冬菇(真心推介)、牛腩、牛筋同牛肚，覺得有淋又入味，其實有機會想食埋佢個粉腸同豬腸🫠，今次蠢左無叫🙃，見到對面果個人食粉腸覺得好吸引😂，下次一定要試🫠

復活節留港吃喝，今天又去牛池灣試試一間已有幾十年歷史的車仔麵。聽聞這個車仔麵已在牛池灣村幾十年，味道不錯咁話。牛池灣村清拆在即，要去吃就要快D去了。去到都系叫最基本的牛腩豬皮魚蛋米粉，湯頭味道糸懷舊的味道，跟深水埗文記有些不一樣，可以自己加咖哩汁，立刻令我諗起澳門的咖哩麵，如果加多D咖哩汁，風味差不多的。味道都可以，關鍵糸不可以落‘師父’，吃完後口渴我會永久在我的食物鏈裡delete. 順帶一提，上星期去深水埗文記車仔麵吃完後今次口渴都不得了，所以文記吾會再去了。許記糸冇口渴嘅，可以再去。

餐廳位於牛池灣村，地鐵站C出口斜路直上轉右直行就到，以往印象嗰度好污糟，不過餐廳入面都乾淨嘅👍🏻門口叫餸之後入去坐，車仔麵個湯底冇咩味，好似清湯咁🫠見到有啲咖喱汁喺枱面，加落個麵度好食咗🫶🏻，但要用好多先覺得夠🤕菜比嘅分量好大方😍，豬大腸唔係滷得幾入味🥲，冬菇都係普通🙏🏼蘿蔔大舊清甜冇渣每個餸$8/$10，麵底$8平就好平！回頭率：👅👅性價比：👅👅👅👅👅打卡值：👅

當年游泳前吃車仔麵，游泳後再吃車仔麵，這間好似是游泳前吃的那家😂抱住個瞓覺靚仔仍然要來吃的車仔麵，它的味道依然不變，麵條份量不太少不太多，豬大腸的味道夠香夠濃，不會太過硬或是骯髒，這間車仔麵的辣醬更加好吃，好像一球一球雪糕一般，香辣得來又不算非常之嗆，亦都不算是麻辣那種味道。牛腩沒什麼特別、豬腸也是非常出色，爽彈大件，香濃、酸齋吸點湯，不算特別酸，味道也很好。呢啲天氣就最好，不是大熱天時，秋高氣爽的時分，吃過少許辣的車仔麵，暖和一下，然後再去野餐跑動

平時搭車都會係經過牛池灣龍池徑外邊, 見到好多大牌檔同茶檔, 今次行入黎睇下仲有好食, 唔算好餓就食個車仔麵超級懷舊, 要係門口排隊再揀麵底同餸, 老闆同時會煮2、3個客嘅麵, 正宗this this noodles, 當然入面都有貼張menu方便大家選擇, 飲品就係雪櫃同老闆講計埋就自己去拎雞翼尖 \ 牛筋 \ 蟹鬆 \ 西洋菜 豬紅 \ 豬腸 \ 滷蛋 \ 魷魚要辣就會加上秘製咖哩汁, 可以揀加炸香蒜粒更惹味, , 材料炆到入味, 雞翼尖接近皮骨分離, 小店稱不上獨特或者係美食, 始終都係車仔麵, 但價錢實惠走平實路線, 係值得支持下嘅舊式小店

牛池灣墟主要有3間嗱渣麵，1間之前介紹過只得番串燒，另一間就係呢間許記。舖面就係五張摺枱摺凳，例牌都係先喺門口執咩餸、麵底，俾完現金就自己捧麵入去食。冇咩花肖裝修、冇咩好特色標榜自家製另類車仔餸，賣嘅係純粹車仔麵。勝在價錢真係相宜，四十蚊有找食到碗三餸車仔麵，份量夠女人小童食。菜仲幾新鮮仲要俾好大撮（見有通菜張圖）。牛腩係腩碎，個人口味鍾意腩碎，夠腍夠入味又冇咁易攝牙罅，如果偏好大大舊牛腩就要慎選。牆上寫有款餸叫「蝦條」，實物係類似魚腐卷嘅條狀魚蛋。飲品有罐裝有盒裝，收費十蚊八蚊有找，自己喺門口凍櫃攞咗叫老闆記番數就ok。以牛池灣墟嘅嗱渣程度嚟講，呢間舖亦相對衞生。

有時阿媽在家中一早已經煮飯，但是阿媽煮的肉類甚少會有「燜牛腩」，這款晚餐指定要享用的食品，只有「雞肉」跟「魚肉」而已。我會選擇食完少量「雞肉」跟「白飯」，乘坐小巴在附近享用「牛腩河」，當作補遺晚餐。今個星期三晚上，我正正就遇到這樣的狀況發生，所以我在食完阿媽在家中煮的「雞肉」餸菜跟白飯之後，馬上看看附近還有沒有我未光顧過的「牛腩粉」食店。可惜我未光顧過相關食材的食店，在「西貢」已經找不到了。於是我改為光顧位於「牛池灣鄉」，近着在「西貢」小巴站旁邊的港式車仔麵店「許記車仔麵」。我進入店舖裡面，發現原來「許記車仔麵」的廚房，還有製作售賣一般潮州粉麵食品。所以我將在「許記車仔麵」裡面的目標食品，由三餸「車仔麵」轉變變成「牛腩河粉」，至少不需要每次光顧食店，每次享用晚餐都指定「白飯」加「牛腩」加「雞肉」三款食材組成的組合。當時食店由一位年長男性跟一位女性負責看店，於是我點了「牛腩河粉」食品，再加上「郊外油菜」，以及罐裝「雪碧」汽水飲品。雖然我也覺得自己需要多食蔬菜，但是「郊外油菜」實際份量，感覺比我預期還要多。至於「郊外油菜」裡面的蔬菜，我本來比較想食「菜芯」多一點，可惜「許記車仔麵」當時裡面

最近又食返許記車仔麵了～中學時期有個唔係住附近既同學介紹，反而我住附近唔知😑又細食到大，質素都無點變過，以前超平，之後加過一兩次價，但仲係平。每次我都係淨係食紫菜/通菜、牛肚、魷魚（得好少兼好快賣哂）。之後我介紹哂俾屋企人同R君食，牛肚都獲得好評。大家都隔一排又會食😂另外水餃同魚皮鮫都好食，再落埋咖哩汁超正！！！😋😋有時如果老細負責煮，佢老婆就會收錢同幫你捧埋碗麵去你個位。環境方面不算好，但都可以接受，同埋有電視睇😂

味道一流👍🏻滷水雞翼入味豬紅細滑蘿白香甜滷水大腸入味款式多配上獨製咖哩汁與炸香蒜，只此一家♥️價錢十分優惠， 很難得於這年代還可找到價廉物美的美食，一碗麵足以滿足你的味蕾，一試愛上。本土小店的味道比起連鎖或大集團好食多了👍🏻 萬分支持， 望能一直保留，食回舊有的味道💘不要遺忘本地小店的用心製作，一個小小嘅湯底以及每一個餸嘅製作，都是店主每早用心經營，十分寶貴值得推介給大家，支持本土小店嘅製作。

牛池灣是老舊區域，大部份都是舊式茶餐廳與大排檔式食肆，覓食非常困難。對於筆者來說，Mc Café已經區內最美味的選擇。總不能一天三餐都吃麥當勞，這天就來嚐嚐車仔麵。牛池灣村有三家車仔麵檔，其中以《許記車仔麵》味道較好及服務較佳。麵底選了米粉，餸菜選了冬菇、生菜及通菜。 老闆會在每碗加入秘醬汁，而且可自行添上咖哩汁與炸蒜粒，更覺惹味。米粉煮得軟度剛好，生菜及通菜份量十足，而且新鮮爽脆。冬菇小小的肉不算厚，但也炆得入味。廿多塊錢的一碗麵，能得飽飽的，雖然稱不上美食，但吃的是老香港情懷，大抵也不必要求太多了。

游完國慶早水好肚餓，剛好岩經過細細個長大的地方牛池灣村，就很想吃車仔麵~ Yummy Yummy!我選擇了最愛的伊麵作底，餸菜選了冬菇、炸支竹及通菜。 冬菇不是用很大那種花菇，但尚算入咪。炸支竹吸收了湯的精華，非常入味。個人不喜歡大軟身的伊麵，因此要求硬一點，如果喜較軟身的朋友，建議和東主講聲，多煮一點時間。平時食車仔麵，我都一定叫蔬菜，十分欣賞此家的菜分量十分足夠。抵呀!!本想飲無糖豆漿但這邊都是已調好，一支支的甜豆漿。豆漿豆味還好，真的不太甜!!非常好。

今日早咗到斧山道運動場，見仲有大半小時空檔拎咗locker就行番去食少少野。起初諗住食串魚旦，但凍凍地就食車仔麵啦。果頭有兩間有得食車仔麵，平時經過依間成日都排長龍（可能在路口最就腳吧）。為免食得太飽跑唔郁，最後只叫淨餸。牛筋、豬紅、豬皮和西洋菜四個餸，起初叔叔話$32，我瞪大眼望住佢，佢又再計一次，最後收我$27，比咗錢之後拎埋位坐底；自己再計一次⋯點解$27？？？ 我計來計去都係$25細問下主理叔叔話每碗另收$2，仲大聲話：「我唔會計錯嘅！」第一次食車仔麵另收碗錢車仔餸的選擇坐定定後再望望牆上張貼的錢資料⋯其中一張最低寫了「每碗加$二元」⋯ 但真係不明所以？！$2係洗碗錢？即好似茶錢咁？堂食錢？論食物，是不過不失的車仔麵食！

唔知大家有冇陷入過一個迷思就係明明食到好飽去游水，但係游完水，又唔知點解係餓到連牛都食得落呢？🤔斧山道游泳池旁邊有一牛池灣村鐵皮屋細細間，非常經典先到門口叫麵叫餸選擇繁多，由於早兩小時已食咗一碗車仔麵，餸嘅組合會選擇上次冇食嘅嘢叫咗魷魚，蘿蔔，水餃上面嘅汁同炸蒜可自行加炸蒜内加咗冬菜，令味道更加豐富雖然餸都係預先煮好，食前只加熱湯，但係湯底夠熱，所以問題不大友人蝦卷同牛腩都唔錯電視機還是舊舊的店內雖然好舊，但冷氣夠涼

另一間車仔麵竟然是在同一日食的🙄，就是游泳過後，感到有點兒肚子餓，本來我是想去看看窄巷那一間串燒店，隨便吃一兩條串燒便離開，但是看到這一間舊式車仔麵，看來甚具風味，而且裏面人流極多，群情洶湧，吾等即被吸引進去。在門口挑選麵食，這次不敢再吃豬大腸，因為一天吃兩次車仔麵，如果都食豬大腸的話好像太過肥膩了。點了牛腩、蝦條、以及豬耳，蝦條的味道不錯，因為兩旁比較硬，但有沒有雪氣，以及還有少許蝦粒，味道香濃，剪開都有四、五舊。牛腩，有些比較瘦，而其他幾舊肥瘦均勻，味道不錯。這一間車仔麵比剛才那一間出色的地方就是比較濃味，湯底比較濃香，調味料亦都比較多亦有炸蒜、冬菜可以選配，但是其他餸其實比較一般，例如蘿蔔很多渣，皮沒有去清，牛腩也比較瘦，豬耳黏著很多毛。結論：兩家車仔麵各擅勝場，皆不算完美無瑕，不太值得回頭，下次到牛池灣，到茶餐廳試試更佳😏。

Hui Kee is probably the best noodle shops in Choi Hung.Although it is not located at a very convenient position, it still attracts many eaters from all around every day. Whenever during lunch time, you can see lots of students coming for quick but delicious lunch.You can choose different noodle types and add any toppings as you like. All you have to do is shout out to the boss cook your choice and he will make for you.Some good recommendation:Vege Dumplings: fresh and rich ingredientPork slides: