譽麵坊 (已搬遷) 新店位置

土瓜灣有兩間面店是我光顧了很多年的，一間是「譽麵坊」，另一間是「倫記」。說到「譽麵坊」，從以前的商場二樓，一直到現在的地鋪，應該都充滿不少人的集體回憶。基本上我每次去點的東西都一樣：南乳雞球米線、酥炸魷魚鬚、鮑魚片肉鬆湯飯。南乳雞球米線：永遠支持的米線、永遠支持的雞球，配上南乳醬真的天衣無縫。這個南乳雞球米線絕對是鎮店之寶，唯一美中不足之處，就是有點熱氣，哈。酥炸魷魚鬚：魷魚鬚炸得很香很好吃，吃一口便能感受到跟普通魷魚鬚的不同。鮑魚片肉鬆湯飯：這個湯飯我猜很少人點，不過我自已就很喜歡。用料之足，實在令人驚喜。雖然我知道鮑魚片不是真的鮑魚，但相比真的鮑魚片，我絕對會喜歡這個。所以，來土瓜灣開飯的朋友，一定要來試試「譽麵坊」！

10月29日，跟兩朋友到農圃道青協青年空間搞萬聖節活動，為小朋友帶來一個驚險刺激的萬聖節晚上。裝飾的工作可真辛苦，所以也需要一頓美味的午餐慰勞自己。跟朋友推介，到譽麵坊吃東西。這是一間坐落於土瓜灣譚公道、門面小小的、毫不起眼的小店。一進去就有服務員招呼，給我們安排了位子。店裏面的桌子都是長形並給排得有點像是一個飯堂。雖然如此，環境還算整潔，光猛。拿起餐牌一看，價錢便宜，選擇也多。有個朋友要了雞球米線（這裡最有名的東西），另一人要了雜錦撈麵，聽朋友說雜錦是有牛筋、牛肚和炸魚片，一次可以嘗試三樣東西？！毫不猶豫地，我要了一碗雜錦河粉，因為我比較喜歡吃伴湯的河粉嘛。另外每人也要了一罐玉露。雜錦河粉（$21）普普通通的賣相，卻不是普普通通的味道。吃湯麵或者湯粉，一定要先嘗一口湯。腩汁的味道極佳，濃得來不會過膩，而且喝起來應該不含味精，所以吃後也不會特別口渴。擺在上面的食材：牛筋，非常入味，但可惜煮得有點過火。牛肚，金錢肚，煮得入味也不過火，每一個小孔都滲透著腩汁的香甜，咬著煙韌的牛肚，可口的美味在口腔中停留，讓人回味。炸魚片則只是普通貨色，不太有魚味。除了腩汁的出色外，令人驚喜的是，這碗河粉的

今晚等埋阿佬放工後到旺角轉小巴專程來到譽麵坊吃這裡的雞球麵。一進門已有服務生招呼帶位。約8點到達，餐廰裡的食客不到一半，看似大部份食客都是附近的街坊，和服務生說笑著打成一片，氣氛和諧歡欣。這裡的是現代式茶餐廳裝修設計，偏長餐桌，配以節省空間的圓木朾，能令到食客進餐時有足夠的空間來放置食物。但始終認為有椅背的朾還是坐得舒服多點。可能已過這區的飯市時間，因為客人不多，所以沒有出現追趕我們交枱的情況。服務生態度和藹，點菜後不需十分鐘便開始上菜；用餐後即有服務生來清理桌面。這裡的價格和快餐店相若。我們點了雙拼 南乳雞球/豬扒撈米線 和 南乳雞球/豉油王中翼撈米線，飲品點了豆漿。新鮮炸出來的雞球、豬扒，伴著頗多份量的韌度偏微軟撈麵，配以香葱粒和着色淡味醬油上碟。淡淡南乳香味雞球，連皮都被炸得分不清肉還是皮，整件都金黃脆口。不過這裡的雞球不是球狀也不是圓形，而是不規則形狀一舊舊的。豬扒在雞球的相對下，大大的打了折扣。豬扒外層口感欠缺，肉質還有點粗糙，味道淡味。豉油王中翼味道有點似鹵水，醃製入味，雞肉嫩滑。清湯撘上甜醬令撈麵味道更顯特出。豆漿是支裝的，豆味夠濃及冰凍，而且甜味不重。完膳後我們取了記帳

香脆好味南乳炸雞球, 椒鹽排骨 加 米線 豆漿今次係專承撘火車去到旺角再轉小巴品嚐茶餐式餐廳, 香脆程度又好似第一次食到味道：味道可以, 抵食 環境：一般 服務：街坊式服務 衛生：良好

是日晚上不用幫工下廚弄飯。時間緊迫，自己收工後回家途中，下車後逕自走到這裡，匆匆吃一碗米線便回家....這兒一向的賣點是食物便宜，所以無論任何時候，人都是塞滿於店中....招牌食物是南乳炸雞球，當然要點之；天氣悶熱，連我這個"飯桶"也受不了，要棄米飯而取米線。除雞球外，另再加三隻自家製的菜肉雲吞。一頓飯也就很豐富了....米線淥得跡近淰爛，可不用理會；湯底也只是得個鹹味，沒甚喝頭。不過雲吞大大隻，餡料塞得滿滿尤如一隻元寶。肉算是蠻鮮的，白菜也是翠綠夠爽的。若然啄得幼細一點當然更好，但於這一類街坊小店來說，當然有如此要求是太有些苛求。所以呢，還是可以收貨....雞球外皮炸得脆香，內裡的雞肉夠滑且醃得入味，縱然是無可避免的油了點，但確實是好吃，怪不得每枱都有這一味....雙併都只是二十四大洋，又可食得飽飽，於百物騰貴之時，實在是填肚之最佳選擇.....

好多年前, 我仲係附近學校讀中學, 已經常常光顧譽麵坊, 那時他還在海悅廣場~好多年無返去, 而家佢搬左去出去街, 見經過一於返去試下雞球米線有無變~~真係好喜歡食他的雞球米線!!! 雞球分開上, 不吾會"林"左, 雖然係炸, 熱氣左小小, 不過最喜歡那啖啖肉的感覺!!!! 正!!咁多年無食, 再次食到, 感覺特別!!!記得以前的價錢, 好似係$16左右........而家加曬價了!!這間餐廳有童年回憶^^"~~雖然係普通的米線, 我自己真係好鐘意食!!! 呢度的雞球米真係值得推--好多客人都叫佢!

成日走黎食就係為左個南乳雞球米!lunch時間會好迫人,話晒附近都好多學校,而且店面不算非常大,不過大部分人食完即閃,所以都好快.由一個麵16蚊,慢慢變今日既20蚊,仲有玉露都由5蚊變6蚊,通脹真係好勁!不過分量同味道一啲都無變!米線同雞球分開上我就從來吾點南乳醬,原汁原味米線就加少少辣油,少少就夠,吾洗多熱辣辣,雞球好大,吾太油,超好味.不過要小心太熱會辣親.雖然雞球係分開上,但係有時食幾啖都會浸下湯,係另一種風味同埋略覺雞球同米線相隔太耐先黎另外雞翼同菜肉雲吞都吾錯

我大約係小三/四,開始食譽麵坊了....我記得個陣間鋪仲係海悅廣場..第一次就食了雞球米..然後就一直記住個味道隔左大約5/6年後...LUNCH時,次次都見到勁多人,跟本冇時間等位... 佢啲雞球米真係好足料..一大碗米線+一碟雞球..啲雞球吾喊家..仲幾脆下.D米線都吾差吾會勁碎同喊.. 價錢好似係$19(吾記得)..幾抵食 BUT我已家都只係學校早放學先去食...因為真係好多人(1200-1330pm)而就係我每次去譽麵坊講嘅句子~!!

食左咁多年,招牌雞球米線仍然係我第一最愛,雞球炸得皮脆肉嫩上到枱放左成十分鐘依然燙口,沾上南乳醬簡直一流!!!!重點係每件雞球都可以保持大小均一,唔會一件太細一件太大,米線夠唒爽滑配上甜甜地既雪菜一齊食確係正!!!午餐或下午茶食都岩,幫襯多年,水準仍可保持值得一贊!!!另外,炸雞翼米線亦係推介之一,雞翼脆卜卜好好食夠大隻!!!以唔洗二十蚊就食到黎講完全超班!!!

＄１９一個面再加大大碟送　好抵食做晚餐可能唔係咁好但係午餐同下午茶都係唔錯既選擇自己調制既飲品宦唔錯　可以試試好多人都可能覺得水準唔高但一個咁平既米線，而且質素唔差可謂愈來愈少見

聽同學講話佢中學既時候成日黎譽麵坊食 今日行開土瓜環 特登黎試下!由於本人唔太喜歡食炸野 所以就叫左牛筋麵(牛筋好爽 好入味麵亦都吸收晒d腩汁 好入味 d湯底係豬骨湯! 另外叫左杯巨峰提子綠 不太甜!味道適中!! Good!!值得一提既 見到人地叫雞球 個賣相真係好吸引 !!真係好值得一試!!一定會叫其他朋友再黎食!!

上星期日同朋友諗住求祈去一間餐廳食，結果去左呢間野。叫左碗牛筋撈麵，d麵超多鹼水，浸完碗湯之後全部變哂黑色。。。超恐怖d牛筋又唔ok，　有鹼水味又勁濃味，完全唔掂。有個friend叫左坏野飲，茉香綠茶，完全無茶味，得個苦字。另外個friend叫左杯蘋果綠茶，d味超怪。。。除左炸豬排之外其他野完全唔掂。我覺得自從由海悅搬左過黎之後（如果有錯請指正）未試過，點知第一次食就咁差。已經blacklist左，以後都唔會再去。 牛筋撈麵hkd１９沒有餐，野飲＋hkd１０

今天真是吃得太開心了因爲説很久都没來吃所以趁今天放假便和姐姐來吃一入去不用等位於是就叫左兩碗南乳雞球米線加一罐可樂和蘋果玉露首先雞球有ｄdry，不過都OK米線d湯就好清，非常好喝，簡直一流今餐都吃到我好飽

譽麵坊是我經常用餐的地方之一我每次去都會點南乳炸雞, 因為它的味道香口, 吃下口也不覺的太油膩, 配上自家製的飲品, 可以說是一餐豐富的晚餐這次我選的也是南乳炸雞, 配以米線土瓜灣必吃!

約4,5年前也來過譽麵坊,這時仍在對面商場的鋪頭內,還記得冷麵是十分好食,是一碟又好味又經濟的冷麵.自從這餐廳搬來街鋪後,我一直也還未來過,本來今次來,是想再回味這個冷麵,可惜沒有了.由於沒有冷麵,我便選擇了-牛肚貢丸撈麵,我的母親大人便選擇了-香脆雞翼米.香脆雞翼米先送上給我們,所以我也忍不住吃了一小啖米線及一隻雞翼. 米線和雞翼分開上的,當職員送上這碟雞翼來,單看雞翼的外表,已經覺得雞翼炸得很黃金,由於我怕熱氣,所以先吃一口米線,米線真的不錯,夠煙韌,過了數分鐘後,我便吃一隻雞翼,雞翼真的好好味,除了炸得靚,通透外,還很夠味,咬了第一口雞翼,已經出煙了,真的正名是外暖內暖.吃了雞翼後,我order的雙拼牛肚貢丸撈麵也來了. 單看外表,也是擺得不錯,希望不會令我失望啦!先把麵和汁混在一起. 之後第一口便吃麵了,但可惜這個麵真的令我失望,因這個麵十分重"簡水"味,令我不健康的感覺. 雖然這個撈麵不太好味,但牛肚及貢丸也不錯. 如果我不揀這個撈麵,簡簡單單選擇湯米線,相反我會覺得今天兩個午餐真的平靚正.由於撈麵很重"簡水"味,食完後要多喝水來沖走口腔裏的"簡水",所以今餐總有些美中不足的