譽麵坊 (已搬遷)

正所謂毒L 去食碗麵🤣譽麵坊係不錯既選擇✨南乳雞球撈麵/米線$38我就簡左撈麵感覺上出面少有d雞球好多好大件 望落仲多過麵話明撈麵就緊係有碗湯跟身加杯香芋珍珠$15 埋單都係$53整體不錯 價錢親民各位毒L快啲食麵喇Wei🤣…查看更多

呢間由中學食到依家一有黎機會番黎土瓜灣就會過去食由中學到依家我諗佢大大話話都搬左4次鋪啦 不過水準依家keep到成日都希望在食緊既時候可以撞到以前既同學不過都係無試過記得以前15蚊一碗麵 (好似係)係中學時候既抵食又飽肚仲要好好食 所以成日lunch time 都坐滿同學仔食完lunch 都仲可以有錢剩不過依家咩都加價 無計所以佢依家都無甘平廿不過佢好食係真既 所以都係會過黎食佢既人 都仲係好多我地主打 雞球米線佢既米線有雪菜係面清清地但係好好食😬炸雞球係南乳炸雞肉 仲有南乳點添而且又唔會炸得太過乾份量又多 真係好抵食 成日食完d麵 都未食得晒d雞球同埋佢d雞球真係即炸既 次次都係熱辣辣希望呢間小店一世都係到 可以回味下同埋唔好再加甘多價啦😂 …查看更多

晏晝去依到食lunch, 大概1230到! 幸好早到，因為遲少少就好多學生架啦!Order左南乳雞米線! 好抵，有成5舊乒乓球咁大既炸雞! 原本以為係用南乳調味既炸雞，點知原來係生炸雞肉，外加南乳醬! 其實我好少點醬，因為個醬比較鹹，況且唔點都夠味!個麵冇咩特別需要介紹，OK既!值得推薦! 正…查看更多

平到不能令自己相信，雞球米線只售28元，南乳醬獨特的口味已成為呢間店的特色，而且酥炸雞球分量夠多，湯麻麻地，雲吞好大粒，半價就可以加特飲，好似珍珠奶茶，紅豆冰，米線配料幾好，之前有幾次打完波去食簡直一流，又飽又好食。以前係九龍有好多分店，但易家好似得返土瓜灣呢一間。…查看更多

食過好多次,但今次第一次同佢寫食評.叫左:南乳雞球米線,鮮豬潤撈麵,青瓜海蜇,菜心南乳雞球米線$25:雞球香脆美味肉都算滑,南乳醬野味帶有小小酒香,米線好滑唔會爛,雪菜超好味夠鹹酸味,湯底係現成清雞湯底所有一定好味.:)鮮豬潤撈麵$25:豬潤處理得好好,好爽唔嚡唔會有異味,份量都唔小.粗麵口感幾滑幾彈牙.青瓜海蜇$30:好多海蜇超底食,幾爽口彈牙,個麻油好香.菜心$13:清甜好嫩口,唔錯.整體:真係底食又好食,必試之選.…查看更多

當天去尖沙咀上堂後.就坐車去土瓜灣.我是特登來此店.原因我不會提.但真係有點複雜..譽麵坊一個名字頗有心思的食店.屹立在土瓜灣多年.總有原因的.環境光猛.衛生程度佳.而店員服務也不俗,以多年老店而言.不錯.客人流量亦高.我到場時已經下午4點,仍然人客源源不絕進來.可見此店受街坊歡迎.介紹完衛生同服務.價錢亦是賣點.平均25元一碗麵.份量足以令人飽到嘔.以百物騰貴的社會中.十分便宜.而飲品12至13元有交易..不足40元就有交易.凍柑桔蜜13元:其實味道頗淡.我好辛苦地攪拌才有丁點味道.不過亦有利有弊,淡味得來也有味道.就不會太甜.南乳雞球米線:當天我點完菜後,見到其他人多數要豬扒.首先評論碗米線,加了雪菜,令湯底味道更佳,而米線,仍然滑身.軟硬度適中.不會太林..很好的.而南乳汁,我最初覺得有少許酒味.帶點甜,味道好特別.雞.老實說,肯定是平價雞.但炸雞丁點油膩感也沒有.肉質仍然滑身.而吃下去.質感像薯片,十分香脆.食物無分貴賤,好味是皇道.雖則便宜也有特色的.份量,更是食極仍有...埋單37元..有份量.味道不錯,服務不錯.肯定值得再去.題外話.凡是也有盡頭.將來的土瓜灣可能都是豪宅區,到我年老時譽麵坊此類平價老店.可能改革.消失.趁末18區同一味道時..我們要珍惜好的食店.身邊的人同事.到事物.人物消失..我們無奈只可接受.然後忘記傷痛.繼續生存..人總要向前望的...珍惜.知易行難..但願大家安好.…查看更多

曾經每個星期六都在土瓜灣流連, 吃過不少北帝街一帶的食店, 唯獨是譽麵坊, 卻始終未有光顧過. 前陣子的星期日, 剛好要到土瓜灣辦點事, 便順道來此店試試. 下午一時多, 正值午飯時間, 店內坐滿了食客, 而店外也有人在等位. 我們不欲站在門外等位, 決定半小時後再來. 果然一如所料, 店子有空枱, 直接入內安頓後, 便看看有甚麼好吃的. 正如其他食家所描述的一樣, 差不多每枱都點了南乳雞球米線, 如此著名, 豈可不試?! 既然來到, 也順道試試其他食物, 所以也點了老媽愛吃的豬手和老爸喜愛的豬扒.店子就像其他位於土瓜灣區內的食肆一樣, 都是樓面面積較小, 以家庭式經營為主. 店內裝修簡潔, 夠光猛, 冷氣也足夠, 不會吃到一身汗.店員先送上剩米線, 還以為是弄錯了! 原來米線與餸是分開上的, 食物不會被湯浸腍, 又可以與人分享來吃, 多試其他款式, 值得一讚! 米線份量頗多, 不過卻煮得太腍, 影響口感; 清湯湯底沒有味道, 像開水一樣, 淡而無味. 南乳豬手米線 $23所謂的豬手其實是豬腳, 一碟有三件. 豬手煮得很腍, 不需用力也可輕易咬開! 不過南乳味道很淡, 不夠入味,  所以只是一般.南乳雞球米線 $23每件雞球都很大塊, 已經去骨, 所以啖啖肉! 外層的炸粉不厚, 炸得香口又不油膩;  雞肉不嚡, 尚帶有肉汁, 但可惜沒有雞的甜味, 所以要靠點南乳汁來給予味道; 南乳汁很杰身, 說是汁, 其實更像醬多一點, 味道濃重而不鹹, 反而帶幾分甜味! 向來對南乳沒有太大的好感, 所以只是淺嗜而已.和風豬扒米線 $23和風豬扒, 原來即是炸豬扒. 雖然是"和風" 豬扒, 但卻不是用天婦羅粉炸的, 反而是用炸雞球的方法.  ，豬扒雖然較薄身, 但炸得很香口, 內裡的豬扒仍有肉汁, 一點也不乾, 是最好吃的一道.泡沫炭燒咖啡 $10吃得八八九九的時候, 覺得有點口渴, 想點個凍飲, 而且價錢也很便宜得令人吃驚, 只是十元附近便有交易! 向來無啡不歡, 當然點了凍泡沫炭燒咖啡來飲.  咖啡很大杯, 看起來跟在台式食店供應的差不多. 咖啡味道偏甜, 奶味重, 但咖啡味一般, 炭燒味也過於淡薄, 口感像白咖啡多一點. 對於怕咖啡苦味的人來說, 誠然是不錯之選, 但對於喜愛濃味咖啡的我來說, 這個就不是我的那杯"啡".這間小店價錢平, 食物質素和招呼尚可, 所以客人很多. 現在百物騰貴, 能像這間以三十元附近, 就可以吃飽一餐的地方著實不多, 除了在深水埗和土瓜灣等舊區以外, 也很難再找到......…查看更多

土瓜灣譚公道長城大廈16-20號南乳炸雞 米線 ＄23南乳炸雞同米線分開容器上，就唔怕湯沉腍了炸雞，好多麵店都唔會咁細心照顧到，叫d炸雞翼就貪方便放埋入麵到，未食已腍。南乳醬 有點像甜醬，幾分的甜味又濃。炸雞份量足每年都有半個拳頭大，外皮鬆化而一點都不油膩，去埋骨全塊都肉仲有肉汁呀！一大碗先＄23，碟炸雞塊基本上是店招牌，每一台都見其踪影。＄32嘩，便宜又大碗，飯量有兩大碗，分了一半比朋友飯盒都比成碗飯餘。排骨炸好即灑上炸好的蒜同鹽 , 蒜香撲鼻。辣醬更是亮點竟有xo 醬一樣，用來撈白飯都令到更好味加＄6可以有台式飲品一杯，我都點了杯珍珠奶茶青瓜海皮＄30加了麻油，有支醋，伴醋吃開胃, 超大碟!!!!! …查看更多

中學係土瓜灣讀書，成日都黎譽麵坊食lunch!我已經好耐無黎食，今日經過土瓜灣，就工話不說黎譽麵坊喇！講到譽麵坊，佢既黃牌美食就係南乳雞球米線喇 $23十個客人，有7個都會叫呢款米線！原因好簡單，就係好味佢呢到既雞球好足料，雖說係雞球，但件件都好似雞塊咁大仲要係即叫即炸，所以送黎個時，都有少少熱，唔會話凍哂，雞皮林左！不過佢最受客人歡迎除左係雞球，仲有就係南乳汁！佢呢到既南乳汁係自己秘制，係稀式既，南乳汁唔會好咸，唔洗邊食邊飲水，唔夠南乳汁仲可以叫佢加tim!!!碗米線軟硬適中，湯底係清湯，無咪精！碗上面個d係亞菜，可以以個人喜好叫佢多／少。最後我加左$6，要枝豆漿。不過完全唔凍，好失望:(之後問返係因為岩岩開鋪所以雪唔切。整體味道同以前食既無變，不過枝唔凍唔暖既豆漿成為敗筆。…查看更多

Lunch 時段店內滿坐, 可幸是早一步到達, 剛好有位子馬上就坐坐位有點小擠迫, 不過吃完便走, 也沒啥所謂了三個人, 大家都點了相同的 南乳雞球米線 $23雞球和米線分開上桌, 雞球看起來很大碟剛炸起的雞球, 肉質嫩滑, 外皮小脆熱熱的本身雞球沒啥味道, 必須蘸旁邊的南乳醬一起吃南乳醬味道小甜, 搭配雞球不錯米線入口順滑, 份量對女生來說剛剛好:)可惜的是沒有 Lunch set, $23是一碗雞球米線的價錢飲品要另外點+$6 可選豆漿/汽水/或是指定罐裝飲品…查看更多

九龍城舊區的食店，出名好味，價錢相宜。今次友人帶路，初嘗譽麵坊～進內，眼看四周，差不多每位客人也是點雞球米線～細想，那必定是招牌菜～看看餐牌，才$23？！我已不欲多想，立即點菜～眼見別人的雞球一大碟，怕浪費的情況下，已order少米線．．．誰知．．．量仍然很多．．．雞球跟米線是分開的，這樣就不怕酥炸雞球被浸淋了。米線湯底咸咸的，面頭有些雪菜點綴，使湯底更是鮮甜，米線彈牙，恰到好處。雞球熱騰騰的，剛炸好，點南乳汁齊吃，非常可口。我們小妮子四人，還外加一碟煎墨魚餅，墨魚餅亦是熱騰騰上碟，配凍冰冰的沙律醬，冷熱分明而且酸酸的，美味醒胃。餐廳提供台式飲品，配上一杯珍珠奶茶，珍珠煙煙韌韌，為今餐的口感再下一城。PS: 傳聞這是某女新人父親開的店，不知道屬真屬假呢～…查看更多

25號晚去了土瓜灣做野，見不太肚餓，於是便想想吃碗麵來充充飢，當前一看，便是譽麵坊；等了一分鐘便有位，看看食客門同聽過侍應大姐的推介，我便點了個南乳雞球米線加碟菜心。南乳雞球和米線分開，使到炸雞球不會變淋，賣相10分我俾9分！估不到$22蚊的一碗粉會咁正咁大碗，湯底濃厚，吃完不口乾，有雪菜增加美感口感，主打雞球細滑不鞋不乾身南乳味適中, 不夠味可再點醬，總數有6件，足料。菜心碧綠新鮮，但弄得不夠淋身，爭少少。 這兒坐得𣎴太舒適，人流算幾旺，好多時亦見有客人等位呢。…查看更多

譽麵坊屬抵食飯堂之選在現今香港$21一碗麵加上份量十足味道可口的配餸還有什麼要求呢推薦南乳雞球及椒鹽排骨另外香脆雞翼及豉油王雞翼也不俗晚上6時後有飯供應餸的份量增加但價錢同時增加了一半值不值得就見仁見智了一般我會叫咖哩牛腩飯 (咖哩牛腩麵的話,餸不另上, 就不推薦了)咖哩味道很不咖哩當成是有辣味的炆牛腩應該不會失望…查看更多

是日幫龜龜去診所攞完藥,就同男友食埋晚飯先走~上網見土瓜灣一帶都幾多食市,行行下就見譽面坊,都係心水之選~見有位就入去食,價錢二十零蚊一碗面又幾抵喎~我叫咗碗[炸醬拌米線],男友就叫咗[南乳雞墨丸雙拼米線],同一杯香芋珍珠[炸醬米線],可以講係唔辣,不過個醬好好味,好多汁同肉碎,原來拌住米線食係咁好味[南乳雞墨丸雙拼米線],見好多人都叫南乳雞球米線食,當然要試下,好似加$3蚊有雙拼就拼埋墨丸,但原來雙拼係好唔抵架,見人人碟雞球都好大碟,但我哋個碟就好細同埋只得兩粒墨丸,覺得蝕咗:(不過雞又真係幾香脆,墨丸又彈牙都好好味既~最重要係平,同好食,不過下次真係唔好再雙拼~…查看更多

南乳雞球米線真係好好食. 每一次去刀一定會叫XDXD味道：味道好好抵食 (但比起以前貴了)環境：唔錯 服務：街坊式服務 衛生：良好 PS. 平日GE LUNCH時間好多學生刀食咖..所以唔想逼OR唔想等GE話.一係就早D or 夜d去啦…查看更多