譽麵坊

营业中

休息中

經過呢度平平無奇，門面並沒有餐牌內裏也沒什麼裝修就是坐滿一枱枱，好奇心之下就入左去，眼看人人必點的是南乳炸雞球米線呀當然要一試。招牌菜，南乳雞球米線，一上枱香噴噴炸成金黃色脆卜卜，雞皮咬落似食薯片般有南乳味，沒有油膩感怕肥的我也大口大口吃下，炸漿均衡夠薄，脆皮包着內裏嫩滑雞肉，的確好吃，怕不夠飽肚配上的米線也是心思之作，米線上洒上雪菜冬菜和葱加埋沒有味精的湯，真係好好食。另一道點的是豬手撈粗，豬手夠淋夠入味，但略嫌過多肥膏，但仍是好吃的，配上的豉油撈粗反而有點失色，簡水果太重，吃幾啖根本吃不下去炸雞翼撈粗，撈粗情況與上面的一樣。但炸雞翼也炸得非常好吃，金黄色脆卜卜，沒有南乳雞球的味道，但就是單純的炸雞翼，好吃極了！其次還點了：蘇炸魷魚鬚，魷魚鬚太幼細，但又炸得太過火，一般。炸排骨，與一般炸豬扒無異，不過不失啦。

或者以下3個原因可以吸引到咁多人黎食：1. 客量大- 每當放lunch都見到好多學生及上班的人於門口排隊，舖頭裡面人來人往，坐滿客人2. 質量好- 如果覺得韓國炸雞好味，這裡的炸雞加上南乳醬應該可以是香港的代表了。熱騰騰的炸雞件，肉質滑滑。可能人多的關係，雞件不會翻炸，新鮮奉上，而且加上南乳醬的味道，出面餐廳吃不到3. 性價比高-  一碗唔不需要30元的南乳炸雞球米線，每件雞球大概5cm，大概5至6塊放滿一個小碟，而且米線上有雪菜，清啖的湯底。分量男士一定足夠，女士通常都要將1-2件雞件分給其他人食。而且炸雞件配南乳味道做得好好味，就算先把炸雞全部吃掉，淨低的米線配上湯底及雪菜都能夠滿足地全碗吃完另外南乳雞球撈麵(可以揀粗麵或者幼麵)都係29蚊，份量亦多這間譽麵坊我5年前開始於它在馬頭圍道幫襯，都是以性價比取勝，男老闆曾經呻過食材貴而生意難做，但他搭多一句：始終做學生生意多，賣貴了學生負擔不起怪不得每次來多半是學生。就算如此，我跟成班同事都堅持每星期在這裡跟學生爭位坐，就算食多會熱氣都沒法子了。如果加上一杯13蚊的台式飲品，一個滿足的lunch就係咁簡單。最後提一提未食過的人要小心，因

馳名南乳雞球米線雞球即炸 外脆內juicy 再配以 鹹香南乳醬 好食自製墨丸 幾得別大大粒 清嘟嘟 食到小小墨魚粒落足料稱唔上 但味道唔錯加埋附有榨菜既米線盛惠$35 算係抵食好食會再光顧

中學時代在土瓜灣讀書，當時的LUNCH TIME經常和同學一起來這餐廳吃飯，畢業之後一直也沒什麼機會，轉眼就十年了。這天難得的到訪土瓜灣，怎可錯過這裡呢？這裡最好吃最好吃的就是南乳雞球米線，可以說是首選！大大碗的米線，份量十足。配上炸得剛剛好的雞球，雞球每塊都很大件，外面炸得皮薄又鬆脆，咬下去的雞肉嫩滑，形成強烈對比，非常美味。再配搭著那無可取代的南乳醬，那一盤小小醬汁散發著濃厚的南乳味，咸咸的非常惹味。配著剛新鮮出爐的雞球可以說是天衣無縫的組合，難怪午飯時間總是排著長龍，無論學生或是OL都慕名到訪。而且價錢優惠，於這個物價上升的時代也只是$29的街坊價，實在非常值得支持，人情味無價。

我相信在土瓜灣或何文田讀書的朋友一定都聽過譽麵坊吧。見證譽麵坊由海悅地下的小舖，搬到一樓的大舖，再搬到街舖，再到現址。10多年來在土瓜灣依然屹立不倒自有它的吸引之處有超過一半的客人都會點南乳雞球米線，雖然現在已加價至$29, 但在同區的餐廳中仍然是很便宜又美味的一餐雞球數量不少,而且是即叫即炸,所以自然受學生喜愛$29 可以吃到這個水準的米線真的不能再要求什麼了

南乳雞球米線。土瓜灣。$29。 雞球的確好好味，香脆可口，食落又唔覺得油淋淋，反而米線就一般，無乜特別。價格平民相宜，份量亦足夠。如果雞球配飯或撈麵效果更佳。

今晚專登黎依度食豬手撈面同牛肚撈面，首先豬手撈面豬手有3嚿，大大件好入味，足料，豬手冇毛；另外牛肚撈面，牛肚超多，起碼有十幾件，好諗鬆軟，好好味，下次一定會再黎食。

夜番屋企，又懶得煮野食，就落街搵野食。第一時間就諗到譽麵坊，由以前最初在海悅廣場樓上大店，做到搬落大街，係咁搬搬搬，甚至譽麵坊由$17食到而家$27都食緊佢，都係做街坊生意的小店。最好就係全日均價，開店到收店都係同樣價錢。土瓜灣愈黎愈多豪宅相繼落成，引致附近餐廳價格都急升。如果當晚飯，土瓜灣黎講，$27應該得呢到有。無架，無套餐，無環境衛生可言，無賣任何特色，只賣一碗麵。這裡是鄰近中學學生的聚腳點，有D著住校服拎住個足球，有D係未賺錢的學生小情侶，就係貪佢平；又或者一家大小懶得煮，同收左工落黎食碗麵，小店平靚正。老中青食客都會去食，個個衣著都好街坊，不是特別打扮的裝束。唔知點解D待應嬸嬸個個都好似樣，佢地服務唔會特別好，都係用把好尖的聲同好豪氣的腔調同你落單上菜。南乳雞球米線應該係鎮店之寶，先至可以令譽麵城打響名堂，名聲響絕土瓜灣。當日見好多人都係叫南乳雞球米線。甘香鬆脆的雞球，配上他們秘製的南乳醬。好香！南乳雞球勝在炸得不油不膩，份量充足，滿佈全隻碟，同米線分開上，不會浸稔。南乳醬仲可以無限量追加。另外可以推介墨魚丸米線，雖然其他配料有大概五粒，但如果嗌墨魚丸米線，就淨係得4粒。不過

兩年多無食，難得來到土瓜灣一心想再嘗，見到舊址變了酒吧，以為已結業，有點失落。幸好多走幾步便發現原來只是搬了。與友人點了南乳炸雞球及炸豬扒米線，風味依舊，雞球外脆，肉嫩多汁，加上南乳醬配搭一流！豬扒略嫌乾了點，如有醬汁會好點。總括而言，廿幾蚊一餐，抵食夾大件，美味飽足，來到土瓜灣一定要試！

食物：雞球/肉排（夠味但熱氣）、油翼（甜但肉不鮮嫩）、牛柳片/牛肚（有口感） 溫馨提示：食河或米線記住加腩汁，滋味倍增喔！ 個人不太喜撈麵同豬排（太乾，無漿） 飲品：珍珠奶茶一般 (貢茶比它好)芒果紅茶/綠茶ok(有茶香同少量芒果粒係底)價錢：唔算貴但一路升 環境：乾淨但狹窄，一人多就好快無位-3-服務：大多友善，但我試過比人無視，叫左同等左好耐都無人理，結果自己要走過去落單（那時人不多）

呢間由我小學食到依家 性價比高 份量好多有多款小食配搭 (我只食過瑞士汁雞翼和以下兩款)+清湯米線(有d雪菜同蔥花)/ 撈粗幼麵炸雞球米線配南乳醬 $25即炸雞球  雞皮炸到透哂 岩岩好熟幾時黎食都咁嫩滑 有肉汁豆漿個人黎講就偏甜 $6/支酥炸豬扒米線$25炸豬扒就無醬 感覺乾咗d 但都ok*米線份量都好多 女生可以嗌少米線;)

轉左地址第一次幫襯.叫左:南乳雞球米線,鮮豬潤撈麵,青瓜海蜇,菜心南乳雞球米線:雞球香脆肉質嫩滑,南乳醬十分野味帶小小酒香,米線好滑唔會爛,雪菜超好味夠鹹香味,湯底係現成清雞湯底所以一定好味.鮮豬潤撈麵:豬潤處理得好好,爽口唔嚡唔會有異味,份量唔小.粗麵口感幾滑幾彈牙.青瓜海蜇:好多海蜇超底食,幾爽口彈牙,個麻油好香.菜心:清甜嫩口,好正.整體:真係底食又好食,繼續支持平民小店.