譽麵坊

营业中

休息中

之前有位同事, 中午特登走去土瓜灣食lunch, 仲買咗D南乳雞球返嚟請我哋食. 雖然已經凍咗但係都覺得好好味. 前幾日咁啱去到付近，一定要試吓. 星期日嘅中午，熱到呢... 好彩只係等一陣就可以入去了. D位迫到呢... 有湯麵or撈麵. 叫咗招牌南乳雞球撈麵 ($33), 同墨魚丸湯麵 ($33). 碟雞球一上枱, 大碟到不得了, 又十分香. 咬落去唔覺油膩, 好薄粉, 又多汁, 熱辣辣, 本身已經好夠味, 點少少南乳醬, 再香口D. 以平時去D台灣炸雞店,$3x 先有210g 炸雞粒, 呢個南乳雞球冇得輸. 墨丸係自家制, 一碗有4粒, 質感好特別, 極鬆軟, 好似食緊棉花糖咁, 我就覺得好正, 不過老公就唔鐘意, 覺得唔夠彈牙. 好飽, 好滿足, 性價比高! 係迫咗少少.

同朋友行街緊系為左穩好野食啦，本身吾系住依面，所以就行行下，又聽朋友介紹，就試下食依間，我最中意就系食依到d炸野，仲系要30蚊左右，真系冇得輸，又平又好食，又香又脆，真系吾話得

lunch time 例必要排隊, 不過真係值得等, 而且大家都食完就走唔會等好耐呢到既南乳雞球出名大份夾抵食又好食, 今次除左食呢個招牌, 再試埋炸豬排。可以揀米線或者撈麵, 雞球份量都係一如既往咁多, 有成5-6件, 仲件件都好夠份量! 男仔都夠飽!同平時一樣, 雞球岩岩炸起, 熱辣辣, 外皮唔會炸得過硬, 非常香脆, 配埋南乳汁一流炸豬排(無影相)都好大件, 都係炸得非常好, 不過就無配南乳汁, 少左個風味!撈麵味道不錯, 唔會好重揀水味, 不過個人比較喜歡食米線, 感覺無咁乾無咁熱氣!一碗食到飽都係$33, 宜家既市道下 性價比都算很高~值得回味

唔係住依區， 但食完一次之後成日都想黎食。 特別係肚餓時。雞球米線十罐綠茶真係好爽皮。 加埋都係42 左右。難怪次次去都咁多人。雞球大大件。再加南乳醬又好夾。仲有個雪菜都好食。食完都大滿足離開。 聽聞椒鹽肉排都好似。 下次會試

久別重逢之行經一再試1. 南乳雞球米線 招牌菜 品質佳 比較熱氣2. 香芋珍珠奶茶 品質一般。味淡 珍珠差3. 雜錦粗麵 品質高 麵軟硬並重 餸多 抵食總結 ： 抵食 品質好 土瓜灣實力推薦之食店

唔係講笑，我中學時代已經會去海悅廣場食譽麵坊，時間飛逝，咁就過左十幾年，但呢間街坊小店搬舖後依然屹立不倒，水準keep到，每次去都包冇失望！呢間小店主打米線，咁多年來都冇咩加價，$33蚊碗米線份量足，餸多，超抵食！另外店入面都有台式飲品，平日飲開芋香珍珠都好好味！其實我次次去都一定會叫個南乳雞球米線，雞球大大塊，有成五、六塊，舊舊都炸得好juicy，唔會乾爭爭。記住唔好一上菜就即刻咬，一定熱到皮都甩！佢個南乳汁都係製過嘅，帶酒香，好正。米線都係一般貨色，勝在唔會太淋，加埋雪菜，咸咸地清清地，加埋炸物食都唔會漏。家人叫左個菜肉雲吞拼椒鹽肉排，一樣大讚。椒鹽味好出，好香口惹味，但略嫌小小靭，牙力唔夠可能食雞球會輕鬆啲。菜肉雲吞料足皮薄，讚！$39蚊雙拼有三粒雲吞，四件肉排，抵到不得了！

譽麵坊一早已經被納入我心中必試其中既一間小店，大約7點到，仲有last一張檯，雖然好近門口，但至少唔洗等位！隔左一陣，姐姐就過黎叫我地落order..我叫左個椒鹽肉排米線，男朋友就叫左南乳雞球撈麵，呢個時候呀姐問左個問題，我地聽唔清楚，問多左1次問咩，呢個時候，姐姐就即係西太后上身，大聲話“撈粗定撈幼?車仔麵d麵都有粗有幼”！ 真心sorry~下次會叫對耳仔sharp醒d...同埋要做定功課先再食！好啦～重點黎啦米線＞唔好對湯底有任何期待，真係好無特別椒鹽肉排熱辣辣，d骨細細粒，好好味，感覺到係即炸，正！南乳炸雞原來南乳配炸雞會咁match...雞件都大件，有好幾舊，好過連鎖炸雞店！建議大家叫撈麵＞米線！總括黎講，炸物太出色，但炸野真係間唔中食下好啦……價錢非常貼地，33蚊一碗米線/撈麵會唔會係10年前價位好味指數

中學時期已經開始幫趁的小店...呢到好多post都係"老"顧客...有咁多回頭客... 就知呢間店真係有實力...南乳雞球米線... 水準完全無下跌...雞球size大細剛好... 炸的時間亦岩岩好...外脆入面好juicy... 南乳醬少時唔好... 依家發現有另一番風味...米線+湯底叫中規中舉...多雪菜就更好味~同埋加映有位外賣客話佢叫$19食到食家$34我都忘了當年我食幾多錢了... lol

今日我和男友去試屋企附近的食店，我們都係第一次食這間，這店長期都好多人食，看他們門口排隊的人隊就知😄！今次我們去食這店有名的南乳炸雞球，我們叫左南乳雞球拼五香牛肚撈麵及南乳雞球拼五香牛筋撈麵，2罐橙汁汽水，南乳雞球好香南乳味，但不會好感，牛肚及牛筋勁淋又入味，我們都叫幼麵(可要求粗麵)，個撈麵醬好香蠔油味(附上一碗清湯)，2人共食左45元，都不算貴！😉😉😉~上菜速度算快，但冇咩服務，坐位距離較窄

中學時代和同學們最愛吃這裡的南乳雞球米線, 大大碗米線雞球又是即炸, 配上他們獨有的南乳醬, 就是美味。天氣熱了, 今天選擇了撈麵, 味道一樣岀色, 麵也爽口彈牙, 夏天不想吃熱湯是不錯的選擇。回憶的味道, 總是美好的。

有次無意中去開土瓜灣, 就上網SEARCH 下有咩好食~見到好多人介紹呢間譽麵坊既南乳雞球米線~所以特地黎試下係咪真係咁好食!!佢地店內地方唔大, 位置只有二十個左右;下午黎到都幾多人食~~炸得好香口既雞球新鮮熱辣咁上台, 旁邊配有南乳醬；個南乳醬好香, 點黎食味道好突出~~就算唔點醬都好好味, 皮脆內裡好嫩滑!!!跟米線既雞球份量都幾多, 件件都好大件;差唔多有成 6舊, 個人覺得好抵食"*但係小心食多幾件會喉嚨痛呀~

呢間係我中學時都幫襯開的餐廳，可惜我搬左屋。事隔多年再幫襯，佢已經由商場遷出到街鋪。我最鐘意呢間的炸野，尤其係南乳雞球，我相信男仔一定鍾意，啖啖都係肉，好香南乳味，炸得脆，可口，吾油膩！！！其次係佢地的小食，我自己非常推介，不過米線偏向淋身

平時既摰愛係南乳雞球同咖哩牛腩，不過今日突然心血來潮想試下個柱侯牛根，於是叫左個牛根拼雞球撈幼麵。南乳雞球個醬係精髓，好香南乳味，食極都唔厭雞球雖然睇落炸得有啲乾，但食落唔算鞋。而第一次試嘅牛根就一般般啦，其實牛根煮得好腍好入味，真係好少食到咁腍既牛根，但我唔太鍾意個柱侯醬既味，有少少酸。其實我唔知係咪正常因爲好少食柱侯醬。但我諗下次都係叫返咖喱牛腩了。值得一題係佢嘅份量，面嘅份量正常，但係餸係有超級多，以一個＄40唔到嘅價錢來講真係好抵食。

譽麵坊之前搬過一次，今次去搵間新鋪真係搵左一大輪，入邊坐位都夠，坐得幾舒服之前食過幾次都感覺唔錯，個南乳雞球炸得恰到好處，唔會太燶又保留有肉汁，再點個南乳醬真係一流，今次就試左個豉油雞翼飯，都係四十零蚊個白飯既份量真係超大，成個湯碗咁樣，絕對食得飽。d雞翼都有6隻，隻隻都炆到勁入味，同埋都好淋，一咬就幾乎骨肉分離，連我本身唔多鍾意食皮既人都連皮食，損到乾乾淨淨，以四十零蚊既價錢黎講，呢個飽到上心口既飯絕對係超值之選!

七點前到達，今天離奇地沒有太多人呢，我們二人就佔用了一張四人桌。因為不是太餓所以只點了南乳雞球米線，炸豬扒米線及墨魚餅小食。這裏只售米線，通常米線是跟餸分開上的。米線的分量不少，上面還加了蔥及不少的雪菜。如果愛吃辣的話記得要試試他們的辣油。南乳雞球~ 來店舖的人大部分都是點這個南乳雞球的。連皮雞球上的炸漿只是薄薄的一層，沾上南乳醬，入口鬆脆又多汁。但以前好像好吃多了…… 雖然雞球這麼大塊可以保留很多肉汁，但吃起來沒以前方便 ; 而且南乳醬怎麼變咸了? 我們這次竟然連碟上的醬也用不完呢，難道有很多像我們般要求加醬的客人嗎？炸豬扒的份量也不少，差不多有兩塊吧。味道挺不錯的，炸得剛好不會太乾，炸漿也很薄，不會讓人覺得太膩。推介的是墨魚餅 外面的不是炸漿而是雲吞皮，外脆內彈，咬下去就聽到“擦?”一聲，然後吃到裡面彈牙又鮮甜的墨魚餅，中間還有不少墨魚粒呢這裡的其實是大米線，份量真是很多的（亦可能是太多炸物令我們飽了），每次也會吃剩，所以我早有準備啦！每碗米線預先留起一些，回家再炒個菜明天又可以帶飯了。每次來都又食又拎，心滿意足地回家去了