譽麵坊

营业中

休息中

上星期試完南乳雞球米線，唸住今日（星期一）再食過，點知原來逢一休息😅講返上次食，第一次食叫招牌南乳雞球都唔會錯得去邊。的確，啲雞炸得脆卜卜，經調製過嘅南乳醬恰到好處，唔太鹹又夠惹味。比起譚仔、南記，呢間嘅湯底就搶唔到咩分，不過炸雞遠遠跑贏前兩者！係一間良心店鋪價格夠哂街坊。

獨自午餐，舊同事大推之下長途跋涉１５分鍾ＬＵＮＣＨ　ＴＩＭＥ行到黎土瓜灣都要食佢。嘿嘿諗都無諗，南乳雞球米線！一上台，嚇左跳足足５舊成個網球咁大既炸雞球！應該事先已經調左味先炸，因為唔點南乳醬都好好味，南乳醬好濃結，所以味道比較重。鍾意南乳味既人有福。嘿嘿雖然主角好似係雞球，不過米線亦都很不錯，因為偏向上海風味，有Ｄ酸菜，落埋有海鮮味道既辣醬真係好味到哭。嘿嘿睇圖睇唔出有幾大，確實呢個價錢黎講食物係非常超水準。所以坐滿哂人。嘿嘿

說來慚愧，一直都知道譽麵坊在土瓜灣算是聞名遐邇，是不少中學生的指定食堂，但身為由小住到大的街坊，今晚竟才首次光顧。其實，本來是一心光顧不遠處的某點心店，但由於全店滿座，須在店外等候，於是即管到此試試。稍看餐牌，店裡的食物價錢彷彿停留在2000年。記得兩三年前，在旺角的二三線小街吃碗雲吞麵，也要接近40元，吃完肚子依然「空虛」，但身處2016年的今天，這兒絕大部分食物居然只是31元，絕對是「平到笑」！之不過，甫坐下阿姐便幾乎立即要求點菜，需先打發她走而後再點菜。看到叫了南乳雞球撈麵的一枱正吃得津津有味，便也叫了一份，再點一份椒鹽肉排米線。不少店舖都會將肉與湯線放在一塊，但此店會分開另上，盡量保持香味與脆度，而整體質素亦相當不俗。雞球炸得酥脆，肉質雖未算嫰滑卻絕不粗硬，調味也適中，好吃！椒鹽肉排的肉質同樣合格有餘，味道適中，但相較起來還是前者吸引多一點！對此類餐廳的服務，其實也不能有甚麼要求，惟在就餐期間，彷彿聽過兩三句指我們吃得慢的埋怨，雖語氣不差亦非正面對著說，但仍須略扣服務分數。況且，當時只是即將滿座，仍能挪出空位，絕無如此說話的需要，對否？

呢間土瓜灣小店譽麵坊 絕對係平靚正又好食大大碗米線加埋個餸都只係$31!而我次次黎都係叫南乳雞球米線 ($31)而我又發現呢度既人個個都係叫呢個南乳雞球米線!可想而知佢係幾咁出色!雞球大大件,炸到好香口,加埋個南乳醬真係頂瓜瓜一路打一路想去再食返碗

我是睇食評去的，真是超級抵食！南乳雞球米線，雞肉滑嫩、入味！牛肚米線，大大舊，起碼有10舊！兩款都係31蚊，較同一區，抵食到爛！炸魚皮是用豬油渣，好香豬油味，但食多會有D漏！

每次出街 要諗食咩都好頭痕 而且連好多朋友出街都問埋我18區有咩好食🤔 我是人肉行動版Openrice 麼😂今次不如講下土瓜灣有咩平靚正好食👅-我諗區內好多人都對譽麵坊唔陌生 今次都算叫做忍痛公開 你地唔好同我爭排隊😭先嚟個每枱都嗌 n 我每次都嗌 - 南乳雞球米線 ($31)每份都有4-5件南乳雞球 仲要大大件 上枱時仲有陣陣熱氣 食落外脆 但內裡肉汁爆棚 wuah 雞件又醃得入味 成件都好香南乳味 啱哂我呢啲重口味患者至於個麵呢 就喺清湯再搭啲雪菜 不過我覺得清湯是配得幾好 因為南乳雞件已經喺重味 如果連湯底都咁重口味 就會變得食兩啖就覺好膩-咖喱牛腩撈麵 ($31)通常食撈麵 都喺食開蠔油多 今次喺咖喱都幾新奇有趣 不過呢度嘅咖喱都幾出色 拎嚟撈中式麵其實都幾好食👅而且雖然話喺牛腩 但牛筋份量非常多👍🏼 炆得入味又軟糯 食落真喺好入味好好食❤

南乳雞球米線🐔($31)，呢間小店既招牌菜，炸雞球份量好多好大碟，而且新鮮即炸好香口，連雞皮都炸到好似薯片咁脆卜卜唔油膩，點埋佢個南乳醬就更惹味，碗米線就不過不失啦，上面有d雪菜同米線都幾爽口。btw以前讀中學既時候幫襯過，果陣覺得好抵食，畢左業幾年，重遊舊地，感覺同味道依然冇變😋有時簡單食個comfort food已經好滿足😊

來到土瓜灣上課，看看時間是晚上6點30分，有時間便找找馳名的麵店。入到來地方小小，但有很多人吃東西，坐下便立即叫他們的招牌菜，南乳雞球，我選擇撈麵。不到5分鐘便送到，賣相尚可，試試他們的雞球，好老土都要講，正雞有雞味，外脆內有少許肉汁味，但不至於滑，配合少少的蠔油，效果更入味。撈麵可以，爽口但不是彈牙，軟身麵配上熱湯水更快淋，所以不能放得太久。味道不錯馳名的麵店果然名不虛傳

久聞此店南乳雞球米線的大名，難得老細不在，可以遠些來這頭LUNCH當然順便一試。果然名不虛傳，雞炸得香脆美味，肉身厚而軟滑，仲好大件。米線口感好幼滑，非一般米線店可比。雪菜調味都恰到好處，難怪此招牌菜如此有名!

讀預科果陣，時不時都會幫趁！今日重遊土瓜灣，點可以無左佢位置已經搬左，但幸好有open rice 所以搵得番佢！雞炸得非常美味，可以自行選擇點唔點南乳我就鍾意一開始唔點，食到一半先點，兩個味都食到！米線口感非常好！比其他專做米線的店更美味！上面的雪菜是畫龍點睛，湯頭很清，配埋雪菜，perfect match!

 此店在土瓜灣立足多年，以往的舊店的位置，面向大馬路，幾年前搬走後由已有三四間食肆經營，但全部也做一段時間便關門大吉，相信與位置不太方便有關。這家譽麵坊，並不起眼，賣的都是普通的麵食，唯一出名的，便是這客南乳雞球，坐下來前後左右的食客點的八九成也一樣，絕對為鎮店之寶。我每次也點了南乳雞球麵線，今次來點另的…南乳雞球撈麵，等了5分鐘便已呈到面前，南乳雞球份量絕對毫不吝嗇，件件大大件兼且淡淡肉，略數也有5-6件，雞皮炸得有如薯皮的香脆，雞肉卻是多汁香滑。光靠炸雞份量及味道已是賣點，再配上南乳汁，食落另有一番風味。人人到來都是幫襯南乳雞球，撈麵的蛋麵，就不用說了，蜆水味重得利害，接近不能接受的地步…下回還是點回米線比較穩妥。40蚊有找，只食雞球都值回票價。 

一入舖頭，個個枱面都有大大碟炸雞！見到都食欲大增。即刻叫左個南乳雞球撈粗，啲炸熱辣辣新鮮送上，脆卜卜，雞肉滑滑，沾一沾南乳醬，好美味！至於個撈粗，覺得有啲乾，但有碗湯仔俾你撈，同埋有啲唔夠味。下次都係食米線

來到附近造傢具, 晚餐當然要問問住這裡的街坊朋友, 他向我熱烈推薦幾間沒有太多評論的餐廳, 最後我選了這家看起來簡單平常的米線店.差不多每位都點這個(炸)雞球米線, 愛炸物愛米線的我怎會錯過!米線很快便到, 大大大大碗米線食得很爽, 湯底清而夠味。雞球要等一會因為要現炸的, 一上台我和朋友都驚訝~一大碟滿滿雞肉, 配上特調的南乳醬, 好好味! 第一口要小心，　因為真的很熱！＄３１雞球米線大胃如我都征服不了, 又不忍心放棄, 最後塞給友人消滅它! 哈哈

譽面坊真係由細細個已經開始食! 由佢海悅食到佢搬去馬路~再去到依加既內街! 鋪面真係一個比 一個細><黎親都剩係會叫佢既招牌南乳雞球湯粉~~我通常就會要河粉~佢呢到D河粉係比較晶瑩通透幼少少果隻~~比較湯D!  我個人唔太中意白色又粗又闊果隻~  由$17食到佢依加$31~真係差唔到一個double. 但其實$31係香港食到碗有水準既面都稱得上係抵既!依然係有永遠都食唔哂炸雞球~呢到D炸雞球真係次次都熱辣辣嫁!( 我個人認為炸野如果唔夠熱 個調味調得幾好都係冇用><“)再配上永遠都比我點到一滴不漏既南乳醬! (我唔知係咪獨家啦~~不過我又真係冇乜係其他面鋪見過><“)完美xd都差唔多年幾兩年冇黎過lu! 份量冇多到都冇少到! 水準依然keep到! 見到在場唔少人都係食撈面~~如果黎緊夏天熱辣辣唔想食湯粉既~可以試下撈面=)

回憶過去之雞球米之行，位於土瓜灣之譽麵坊，乃是讀書時期之常顧小店，舖面不大，坐位不多今次與友人重溫舊地，點了招牌菜，南乳雞球米，這可是鎮店之寶！雞球盛滿一碟，配上南乳醬，口味極佳！只是略嫌米線有點過咸，吃完後要喝上大量既飲料解渴