譽居

营业中

休息中

此店已經開咗已經一個月有多了, 因為怕新店開張場面混亂, 所以今日先第一次幫襯.星期四大約六點半去到, 店內已經八成滿.店內裝修十分中國風, 但空間不夠, 坐位與坐位之間十分狹窄.倆口子被安排坐一張二人枱, 枱的面積都好細.坐底就有人送上茶, 之前係無人問你飲咩茶, 即是無得揀.看看餐牌, 叫了三款食品蜆芥鯪魚球 $48鯪魚球新鮮熱辣炸起, 味道不俗.點吓碟蜆芥醬汁, 嘩~~~咸到爆, 同鹽水無分別試試粒蜆芥, 同樣咸度十足, 食多粒都驚個腎頂唔住.去骨海南雞飯 $68餐牌內標明用新鮮雞, 心裡有些期望, 可惜結果係失望.是否新鮮雞小弟食唔出, 只係食到咸味.無錯, 又係咸味, 除咗咸味, 食唔到任何雞味.而且, 雞肉一啲都唔嫩滑, 十分 "鞋" 加 "韌""呀嘅"魚頭粥 $42成餐比較好(應該叫正常)的一款.粥底是無米粥的類型, 魚頭有半個食完埋單要自己出去收銀位比錢收加一, 另外 $2 一位茶錢, 總共 $178.收費唔平, 食物質素唔得, 應該沒有下次了.

青衣城到星期五六日都好難搵位，譽居比較兩旁餐廳已經快少少，但都要等30分鐘.....入到去桌子比較細，舒服程度一般，服務員都好忙，預左等一等。叫左譽居叉燒炒飯，刴椒蒸魚雲，熱蛋白杏仁茶。下單個時諗緊落唔落杏仁茶先，服務員話要整20-25分鐘，咁梗係落左先~等左15分鐘，杏仁茶已經黎左..... 因為太肚餓，甜品變頭盆食。 幾滑，味唔係好濃，怕杏仁既朋友都食到。之後個譽居叉燒炒飯黎到，d飯口感好好，長尖形既米，d菜圃好爽好開胃。等左40分鐘先到，d 飯食哂，如果唔係d汁伴飯真係一流!!食就幾好食，不過管理有待改善.....

新加入青衣城的譽居, 取代了原來的一粥麵, 看了門口的餐牌, 是貴價的粥粉麵店, 但也想一試這裡的冷氣較強, 建議自備外套..這杯熱茶絕對是取暖的最佳方法!!水餃麵, 十分普通叉燒燒腩仔飯, 叉燒很讚!!不肥不乾, 而肉質很"林", 必食之選 炸兩, 份量較少, 腸粉幼滑, 但沒有蝦米的存在!為了叉燒, 會再來光顧的!

譽居是一間連鎖店,但又不至於18區都有,上次在將軍澳譽居雖則環境夠大.坐得舒服.但可惜服務其差.今次在青衣城見到譽居 新開張.就給它一次機會.眼前只有十多人等位.但我等候入座時間也足足20分鍾.但環境以中國色彩設計.如果2人就有80%要塔枱,座位亦坐得不舒服.我光顧當天是第一日開張.人手也不足,運作頗亂凍檸茶:走了甜.想試真茶味.但可惜茶味薄弱.檸亦少,也不出味.整體味淡.難同茶記比較.义燒燒鵝瀨:瀨粉湯底是大地魚味淡湯.聞就好香.但味道淡淡.不夠清甜.燒味反而不俗.燒鵝無肥油.皮熱辣辣相當香脆.肉嫩.味道鮮甜.义燒蜜味什重.鬆化,亦有豬肉應有鮮味.水準高.譽居主要是賣粥.粉,麵,飯,總有一樣合大家心意.