譽居 (已結業)

好耐都無去過哩度食野喇今次就趁假日去幫襯下出奇地唔洗等位同埋入面有好多位.今次叫左個set荔灣艇仔粥都算多材料的有魷魚 鯇魚片 豬皮 花生等不過味道就淡淡地加6蚊就可以配個豉油王炒麵超快就黎到 第一啖食已經係凍的唉 叮返熱就得掛?!?!另外 一坐底就當然想飲返杯茶啦但見到哩隻杯 真係唔多開胃==唔該洗乾淨d同埋洗完都check下

我諗有超過1年冇幫襯呢間鋪頭, 原因係成日都咁多人, 而且我又唔鍾意坐佢中間D位, 因為好似搭枱咁, 人地就坐你旁邊, 完全係同枱食飯feel, 但今日竟然見到有卡位, 於是走入去食~開頭入去都諗住自己行入卡位坐, 因為怕佢留返比d四位坐, 但竟然主動帶我地2個去坐果張卡位, 有少少出奇~是晚主要諗住食粥, 見佢個羔蟹粥有member價, 諗住叫呢個, 好彩老公提提我睇下張會員咭過期未, 原來已經過咗半年, 證明好耐冇嚟食過, 咁唯有叫夠一百五十蚊, 然後簽visa, 咁就有9折.................. 鮮滾豬腰豬肚粥粥底幾綿, 而且超滾熱辣, 證明真係啱啱起的~ 豬腰同豬肚各有3-4舊左右, 而且好林, 又冇乜怪味, 因為始終係內臟, 都怕佢有味, 所以碟粥都有好多薑蔥, 用以辟味~ 鮮滾豬潤肉丸粥豬潤起初食有少少難咬, 可能一來熱, 二來滾都剛熟, 所以到差不多食咗半碗時, d豬潤易咬好多, 不過只得3塊, 唔多夠~ 而肉丸又係得3粒, 不過就好有肉味, 一d都唔粉頭~ 燒腩仔撈麵食粥梗係唔夠飽啦~ 所以叫多個麵, 係就係貴咗少少, 而且d燒腩仔又細細粒, 但味道

朝早食左一餐之後..到夜晚11點先食第2餐..所以肚餓非常..照計..唔太好食都會因肚餓感而加分..但碟炒飯都仲係強差人意..升唔到呢..叫左38$ 叉燒粒炒飯..5mins到黎到..一睇就知有d中伏feel..d料竟然係得叉燒,三色豆個d cheap到爆,比盡多一隻類似瓜的綠色物體..整體d飯係唔乾身..炒得完全無鍋氣..真係叮飯都好食過佢..d叉燒粒又無乜特別..估唔到初次幫襯就中伏..間野外殼就令啦..成間酒家咁..但估唔到一般..仲有+10$要左個例湯..唔熱的..都冬哂同碟飯一樣..仲有唔係老火囉..飲得出...只係普通d中湯..要加成10$...真係槍錢...

在沙田逛畢, 想起一可以住這邊個朋友茶聚, 便臨時相約, 隨便選了這店雖然是下午茶, 但都可以認真一點吧, 叉燒湯麵的叉燒切得太厚, 像隨便斬下去一樣, 肉少肥多, 有點難接受, 甚至其中一整塊都是肥羔, 連一點兒肉都沒有皮很薄, 但油炸鬼太厚, 不好咬之餘又有舊油味, 又不夠熱, 很失望服務一般, 環境還可以, 但不夠空調, 令客人辛苦

其實因為試過I square的譽居覺得他們的弼好吃，才會再來幫襯，但今次實在太氣憤了，我是頭一次來買外賣的， 在櫃面落單時，我先讓她向她的員工説完話才開始下單，但我已經重覆了三次我要什麼，最後她還是問我第四次，所以我要指著餐牌再跟她説，她完全發著夢但也不會不好意思，可以怎樣？！之後更好笑了，我回來取外賣，等了好久覺得不對路，因為認為叉燒飯不會弄太久吧，而其他人的外賣也完成了，所以便問一問，原來我的叉燒飯要到外面部門向燒臘部提取的，他們的服務員寧願有傾有笑也不會向我提供幫助，如果𣎴是我提出，要再坐多久呢？我想講的是服務員的工作是服務客人和幫助客人需要，請你們有多點耐性對待你們的工作吧！

依日入沙田探外婆~2點幾佢話想食野反正我都有d餓~所以同媽媽落去食下午茶順便買埋"雲吞河"比外婆食呢媽媽要"雲吞麵"..我要"炸醬麵"炸醬料好惹味..麵質好爽彈~係份量太少媽媽知我like食雲吞(比左2粒我)~一碗得4粒一口雲吞..蝦肉新鮮少豬肉整體食物水準都好正~環境都ok..服務就不過不失不過叫外賣好怪~要去收銀處另叫..唔可以堂食叫埋另外..除左食物~要收每位$2/茶錢..仲有加一

呢間嘢由開張到宜家都咁多人, 成日想試都冇位, 但又唔想等位, 遲遲都未試, 今日終於有位, 仲要係卡位, 但果陣只六點十五分左右, 已經有一半人食緊, 我只係咁啱撞正有人走咋~~由於第一次食, 樣樣都想試, 所以叫咗6樣嘢, 但我地只係得2個人, 好夾硬先清佢場......... 柱侯牛筋腩牛腩好林, 牛筋仲好彈好爽, 個汁就普普通通, 同屋企自己落柱侯醬炆差不多, 但呢味餸一定要趁熱食, 因為果度太大冷氣, 吹到佢好快凍, 好快d牛油凍到變白, 好難食, 搞到我地要用d熱茶沖一沖先食到.................. 白灼黑柏葉白灼當然係冇味, 但點咗佢d汁就會好味好多, 個汁似豉油加d辣油咁, 有少少辣辣地, 好彩佢到細細舊, 如果唔係你係好難咬的, 因為都un un地.......... 爽脆鯇魚皮開頭我都驚佢會腥, 好彩只係少少, 點埋d汁就更加唔覺tim~~ d魚皮真係好爽好脆, 證明好新鮮~ 涼拌豬肚絲豬肚切到幼幼絲, 然後白灼完灘番凍, 再拌d醬汁, 淡淡到都幾ok~~ 砂鍋羔蟹粥真係成個砂鍋上, 送到上枱仲滾緊, 熱辣辣, 每鍋粥都有1隻羔蟹, 咁當然唔會好大隻啦

搭車經常路過，卻未有一試，難得在寒冷的年初一佢都照開工，就試試。也許不少食店也關門關係，全場滿座，看看餐牌吃的是茶記的粥粉麵飯，就來一碟薑蔥牛肉撈麵。牛肉經醃製，吃落雖軟熟鬆化但無牛味﹔麵底有咬口，混入薑蔥同吃，可口，尚算不錯﹗加埋碟油菜，加一，$50埋單，新年處處吃飯也加價，這價錢算可接受了﹗

廣東式的粥麵本是尋常之物，舊時老舖也只著重於乾淨企理，不知由何時開始，吹來了一股懷古風氣，除換了上世紀的裝環之外，更用上仿古木製的餐桌椅子，食材及款式上也是有所升格，當然意味著價錢有所提高，眼看下既有一些成功的例子，更多的經營者卻是失敗離場。今次所品嚐的譽居，也是走相若的風格，某天從舅夫及姨母間所得知此店存在，據他們所言，於這店所供應的粥麵，可以尋回舊時所嚐到的味道。剛好本週日也沒甚地方要去，與其吃一些不太稱心的點心，倒不如轉個口味。一行人來到沙田第一城的分店，約十一時坐下後，迎接的侍者還算有點親和力，餐牌的款式選擇不少，更由於早餐的餐牌供應至十一時半，可以用一個優惠價錢點上孖寶。看餐牌上有蟹粥及蝦籽撈麵供應，價錢倒是甚為實惠，立時各叫了一客，得知當天早上並沒有羔蟹供應，冬天時份也不是青殼蟹的當造期，心中也不覺太大遺憾。幸好還有撈麵作補償，約廿元一客之下，看麵底恰好是一人份量，所奉上的高湯更來得大碗，嚐了一口下的味道也屬清甜，亦沒有燥身及辛辣的情況出現。將幼麵與蝦籽撈個一番，麵質的爽韌程度來得令人滿意，可惜欠上若干麵香，入口更帶極輕微的鹼水味痕跡，雖然有下過「過鹼」這個功序，始終仍未能

有九折咭在手，所以閒時也會來「譽居」晚餐。這裡是餐廳格局，酒樓價錢，還要收取茶芥費。譽居叉燒炒飯：有獲氣，可是切粒的叉燒不新鮮。叉燒腸粉：腸粉皮薄，可是內裡的切粒叉燒總是不新鮮。叉燒撈麵：一碟上的叉燒，才可保持質素。撈麵另配上生菜和湯，不錯吃。

I have dined in nearly 10 times since its opening.To me, their signature dish is their breakfast.Today, I have ordered the set breakfast plus turnip cake.After the first bite of the turnip cake, I really want to shout out 'o-i-shi'It is full of dried little shrimp and it is extremely hot. It is full of turnip. I will give a full mark for this.The fried noodles are well fried, despite a little bit oily.The beef and oyster congree is wonderful. It contains 3-4 thumb like size oysters. (unluckil

我家樓下的譽居，都是走中上路線。吃的主要有燒味、粥、腸粉，也有小菜套餐。除了好抵的宵夜時段，平時也很少來吃。坊間有幾種不同炸醬麵的做法，我最愛橙橙色這一種酸甜辣的。宵夜價只是$20~$30，另加茶錢，是比茶記和24小時麥當當更健康的選擇喔。

朋友推介的一間中價食店, 是第一城福彩酒樓的姐妹店.店內太座位有點窄, 不太濶落.食物方面, 我們三大一小光顧, 要收三位茶錢, 每位2元. order 如下:◆名人蝦子撈麵+上湯一碗 ㊣㊣㊣㊣ 份量很少, 但味道還好, 蝦子不算太多. ◆蠔豉牛肉粥 ㊣㊣㊣㊣㊣ 好好味!! 粥底夠綿, 牛肉夠滑, 蠔豉出味, 水準之作~◆干燒伊麵 ㊣㊣㊣ 普通得很.◆咸蛋叉燒飯 ㊣㊣㊣㊣㊣ 好好味!! 是上等的叉燒, 半肥瘦, 夠淋, 夠味, 最正!◆燒鵝粒梅菜炒飯 ㊣㊣㊣㊣㊣ 好味!! 炒得夠乾身, 不油, 份量剛好, 燒鵝跟梅菜十分搭~◆鮮蝦雲吞撈麵+上湯一碗 ㊣㊣㊣㊣ 蝦夠鮮, 雲吞夠大, 麵份量ok.整體是可以再幫襯的水準, 也是早餐, 宵夜的好去處.

之前見開左呢間譽居, 有一天已想入去試下, 但係門口就聽到人講個撈麵好難食, 即時打退堂鼓 24/1 下午茶時段經過又未食野, 就入去試下 :坐低後無耐就有伙計遞上一壺茶, 喚, 原來呢度收茶錢 $2/位係下午茶餐牌叫左個柱候牛筋腩麵 $24, 細細碗, 腩汁好香濃, 食完又無話口渴, 唔係味精湯牛筋同牛腩好淋又入味, 一d都唔 un 麵質亦爽口彈牙, 有少少鹼水味但不重, 這個麵的軟硬度很合我口味, 唔錯喎可以加錢配其他食物或飲品, 比如配熱飲就要 + $4, 另有加一服務費以下午茶來講, 我覺得貴 , 份量又不多, 我食完都唔係好飽果隻, 如加埋熱飲同茶錢, 一個下午茶餐就要 $33, 環境就幾舒服, 中式裝修, 當日都唔多人, 幾清靜 由於只係食左呢款, 其他野得唔得就要下次再試

第一次到訪,食物質素及店舖裝潢是"想"走比較高格調方向,所以服務員的質素要多加留意及上菜的碗碟如能加熟才放菜,如可保持食物的熟度就會非常難得...那個傳菜服務員真直得讚,還比專業的有禮貌,其他看在眼內太多耳語又給我這個食客聽到,請別介意這裹提出,因你們的炸油條真是令我們欣賞,食市有改善空間及進步,成功我們オ可以繼續來訪.沙田有這樣的食市營業到零晨貳時實少見.這天點了:油條即叫即做,真的好味!粥做得綿亦材料多.一般,嫌粉味太厚.就是這個麵,入口時還感到鍍氣,但涼得快,不辣反而滿口是油,可惜!不過不失的街坊店.