譚仔三哥米線 (晨光大廈)

营业中

休息中

原本今日諗住近近地去食個譚仔啦 估唔到食到成肚氣一入去果陣冇人排隊 我哋企左5分鐘都冇人理 咁我同朋友就入去搵位坐之後一坐低個姐姐就過黎好惡咁話 你兩個人唔好坐四人枱喎 之後佢又唔帶枱喎 我地就去左坐另一張四人枱啦 因為其他枱都俾人搭哂枱 因為我朋友比較大隻 所以佢推開左少少塊隔住隔離既版 之後個姐姐又行過黎話 冇得咁架喎塊版一定要中間 但我地隔離係冇人坐既 咁都算啦最過分係明明餐廳有好多空枱 佢都係咁帶人過黎搭枱 第一次帶兩個學生 之後佢地坐左去另一張枱 第二次又係兩個學生 一共帶左三次黎 每次有人入黎食都帶黎我地張枱 玩針對仲要放米線嗰陣超大力 搞到d湯倒瀉左 仲要望一望唔講對唔住就走左 今次真係我食嘢最差嘅體驗就係呢個姐姐 佢員工number係3212 黎譚仔唔係想食服務 但係佢態度真係差到唔係正常人咁

餐廳：譚仔三哥米線 (觀塘)地址：觀塘康寧道1-9號晨光大廈3樓譚仔三哥不嬲都喺香港人嘅平價飯堂，我最欣賞佢哋時不時就會有新搞作，推出全新湯式同菜式，唔會一成不變，值得一讚同埋去試吓😋最近見到羽毛球一哥伍家朗、滑冰女神馬曉晴同Viu TV台柱強尼去咗譚仔三哥試新嘢，包括螺酸湯豬皮螺片米線、椒麻涼拌魚爽肚同鳳梨藍蝶花香特飲，我都忍唔住要跟風一試呢幾款新款嘢食😎✝️螺酸湯豬皮螺片米線 所謂嘅螺酸湯，原來喺用深海煙韌彈牙嘅海螺切片，加上用咗古法醃製嘅酸筍同酸辣豆角熬製而成🔥，當中唔少得木耳絲同辣椒粒🌶️，入味而爽滑豬皮仲完美咁吸收晒湯底嘅鮮、甘、辛、酸、辣👍，豐富嘅口感，夠晒過癮😛，不過聞落陣荀味又真喺唔喺個個受到😂 ✝️椒麻涼拌魚爽肚 魚爽肚即喺魚鰾，喺魚類控制水中浮沉升降嘅器官，有豐富嘅蛋白質😍，涼拌整法加上三哥秘製嘅椒麻汁同手拍青瓜，食落開胃爽口，香辣得嚟同時帶有青瓜嘅新鮮口味，食唔停口👻 ✝️鳳梨藍蝶花香特飲用菠蘿同青檸調製，加入帶有紫色色彩嘅碟豆花，味道酸酸甜甜，一粒粒嘅菠蘿果茸隨住清新嘅特飲衝入口腔🍍，而且帶有清新花香，睇吓飲品面頭仲有朵食用花🌼

身為米線關注組成員 我可以三餐都食米線三哥新出螺酸湯米線配海螺片同麻辣豬皮一飲啖湯 好臭可能佢有太多荀同酸豆角起裏面 唔岩食🤢 個人口味 你鐘意食榴連既話 越臭越香啦 細妹相反佢地今次既送幾好味 豬皮大大塊同最緊要係沒毛

如果你鍾意等既話，你可以係度食，樓面手腳好慢，態度又差，見到人舉手可以唔理，廚房係出野快啊，咁點啊，樓面hea做啊，成間野既客人都充滿怨氣，連熊貓外賣男都等到忟，冇樓面就請人啦，同埋麻煩訓練返員工既工作態度同速度！每個人都唔知自己既崗位係做咩咁，出面門口又積滿哂人，有位又唔俾人入，個個望到入面咁都即刻搵第二間食，譚仔三哥姐姐依加質素差到咁既咩？以前好好嫁麻，定係得尼間先係咁？整d外賣單已經整到成半世咁耐，我地堂食既食客係咪當我地唔存在….

譚仔係好食，食第質素都保持到。不過d 店員既態度愈黎愈差。好似hea 得就hea 咁。客人多忙碌會明，但係當現場得十幾個客，都係唔理人，又hea 9 人。就好大問題，食個飯都要受氣。先講下入座。一開始又要人等，又叫入面d 店員帶位，但係帶到埋去，一句就走左。完全唔知坐邊，問佢又話"是但隨便坐，反正轉頭都搭檯"。如果是但隨便坐又洗唔洗問你同你講我幾多人。之後叫人落單，明明見到我舉手，又唔理。我知你個位唔係落單，但係你咪搵同事幫我落單。叫左2次先點點頭。最後都係我自己搵人落單。重點係：果時先12點幾，個場3分之1客都唔夠。真心服務態度愈黎愈差。

呢間譚仔環境幾闊落，員工服務都幾好，所以幾中意選呢間譚仔，而湯底方面最愛食煳辣。鍾意佢陣胡椒味。食完暖粒粒。加埋魚片頭同埋墨丸，真係食唔厭。皮旦都係必叫，好中意佢個汁，辣辣地，同埋一定唔會少得土匪雞翼！每次食譚仔都會叫呢幾樣。

————煳麻湯都幾夾今次嘅餸 但大家都可轉其他你鐘意嘅湯底🤣🤭❑魚爽肚好爽脆 每碗份量都足夠❏芥末魚籽鱈魚滑豆卜 食落彈牙 有微微芥末味 配埋豆卜 口感好創新 豆卜亦吸左湯嘅精華 健康版響鈴🤣🤭🙈( ⓛ ω ⓛ *) 題外話 有冇人鍾意用炸醬好似沾麵咁食米線😂🥰————全線譚仔三哥米線#winfat

譚仔三哥米線🍜揀咗胡辣～～太大碗啦啲米線食唔晒呀，食咗一半就要打包。炸醬份量非常之多🤩麻辣涼拌木耳，我覺得可以再辣啲，少咗啲麻辣香。但木耳都爽口，係個汁差啲。凍檸茶走甜😘

7點到7點半。超多人等外賣，等好耐先出一份。鴨血米線，水煮湯底夠辣但唔夠味，鴨血3小塊，米線有點硬，煮唔夠耐。總之唔太推薦觀塘呢間，等太耐係主要原因。幾人等到想退錢

三哥最近出咗一款新口味，佢就係花膠胡椒雞美線。無骨胡椒雞加上花膠，我地可以自選湯底或者加配料。除咗美線，我仲嗌左新飲品青蘋果梳打試一試。花膠胡椒雞美線份量十足，我選擇咗蕃茄湯底，裏面有成四大塊花膠同雞。雞件比平時嘅大，食落好滑，有淡淡的嘅胡椒味。花膠充滿骨膠原，有美顏作用。個湯仲有啲芫茜同胡椒粒，飲落好香。青蘋果梳打好清新、好好味。帶有果蓉嘅青蘋果梳打作飲品的基調，加上台式愛玉，非常之特別。飲品有氣，所以飲落好爽！愛玉好似寒天咁，質地QQ，令飲品飲落冇咁單調，好有口感。

平時少食譚仔三哥，早餐更係今日第一次食。服務員態度係好好既，而早上唔多人，呢度亦好寬敞。可惜，個蕃茄湯底太甜啦😅 不過佢既豬肉仍然係好食既，米粉都彈牙，亦夠大碗，咖啡都唔錯。

每個月一定食兩三次譚仔，見佢有出新嘢就緊係要試下，今次係酸辣撈薯粉，仲有夏日特飲～ lunch時間好彩都吾駛等位，即刻入座，就算係搭圓枱都仲有塊板係中間隔住，咁就吾駛擔心啦！酸辣撈薯粉 $39呢個岩晒大熱天時食呀😝，夠辣得黎又唔駛好似食湯米線咁熱，鐘意啲薯粉煙煙韌韌，好惹味既三哥酸辣汁，撈埋啲配菜，雲耳、豬耳、青瓜絲一齊食超爽口！蜜桃乳酸 +$10食辣野緊係要飲啲凍嘢gur下，仲有兩大塊果肉tim呀🍑

三哥全新特式酸辣汁，預設度由5 小辣起，辣、辣、辣到去特辣。佢係新登場嘅～～《酸辣撈薯粉》🥢🥄🥣豬耳、雲耳、薄脆加埋爽滑薯粉4式，口感層次豐富，酸爽脆辣，確係燜局嘅夏日最佳涼伴選擇😋。仲有勁爆辣小豬件同土匪雞翼都係必定！

每次自己一個食飯想食米線就會去三哥，今日同朋友來，見到新出左酸辣撈薯粉所以就叫左呢個，原來會有圍裙，因為怕客人撈粉時D汁會彈出泥，呢個位又幾體貼👍🏻..酸辣撈薯粉set左最低既辣度係5小辣，配料本身有木薯粉、豬耳、木耳、青瓜同薄脆，加埋酸辣汁撈均D配料，食啖薯粉，好有口感。我想講薯粉吸收哂D汁好惹味🤤 個汁愈食愈辣，辣得好爽好痛快!!! 不過如果唔食得太辣既朋友就要注意下..另外叫左蕃茄湯底既豬潤魚片頭米線，一如既往，蕃茄湯鮮甜無得頂，個人最怕D只有酸味既蕃茄湯。小食叫左蒜泥白肉之外，仲點左重慶口水汁豬脷同鹽香小豬件，豬脷切得好薄身，配埋醬汁好入味，不過都幾辣下，愈食愈辣。鹽香小豬件有D驚喜✨好惹味，簡簡單單既鹽香味，肉質軟滑，好juicy!!..食左咁多香口野，點可以唔叫返杯野飲爽下!! 叫左兩杯新推出既夏日特飲，分別係鹹檸梳打同蜜桃乳酸，加配價係$10/杯咋，大大杯，好抵飲! 首先，鹹檸梳打好解渴，大大粒原粒脆梅同檸檬既組合，感覺好潤喉，然後蜜桃乳酸真係好好味，酸酸甜甜咁，裡面仲有大大件既蜜桃!! 個人來講，我鍾意呢杯蜜桃乳酸多D

食咩都好見到有撈麵，諗都唔會諗一定叫撈麵黎食🤤 譚仔三哥新出咗酸辣撈薯粉🍜 又撈麵又薯粉，大愛呀🤤🔸 酸辣撈薯粉 $39有豬耳、雲耳、薄脆、同青瓜絲，再配合譚仔三哥獨家酸辣汁，加左$6要埋墨丸。薯粉煙靭又彈牙同酸辣汁好夾，而且配合埋d配料好有口感 😬預設咗既辣度係5小辣，唔好聽到5小辣就怕怕😂 薯粉加辣好岩夏天嘅時候食，辣得黎令我好開胃呀！5 小辣都接受到，下次挑戰增加辣度先🌶食呢個餐有埋一次性圍裙，太貼心啦😆咁岩我著左白色衫，著左圍裙我就可以放肆咁撈勻啲都唔怕整污糟件衫啦😎 .仲新出咗兩款特飲🔸蜜桃乳酸有2大塊蜜桃係入面🍑正~🔸鹹檸梳打檸檬再吉住原粒脆梅 ，飲落鹹檸味好出。食咗酸辣野再飲一啖～哇...解渴潤喉又令口腔嘅辣味消失咗咁