譚仔三哥米線 (晨光大廈)

营业中

休息中

不嬲都係譚仔3哥狂熱分子，吾知點解就係有種癮。今次經過觀塘，見到原來忌廉哥既分店就係依度，就順便食埋個lunch最愛3哥既湯底就係3哥酸辣同埋煳辣。今次嗌左煳辣竹笙 最正係煳辣可以嗌辣度 我就嗌左3小。好爽竹笙份量都多，加上吸晒啲湯底一咬就更滿足了 。煳辣個味係好似土匪雞翼陣味，孜然粉既香氣。今次嗌左細既蒜泥白肉，同朋友吾夠食囉。細真係吾多塊，所以嗌大就大滿足啦依間分店除左食好正既米線同白肉，仲可以同忌廉哥影相，好開心！

當日病病地，想食得清淡一D，於是淨係叫左個清湯金菇米線，大大碗，湯底十分鮮味，略帶微咸，腐皮煮得好腍但又唔會爛曬，芽菜脆口，米線粗幼適中，滑溜彈牙，金菇既份量亦都唔少，食落爽口帶有清清的甜味。整碗米線雖然簡單，但各方面都做得好好，最後加多杯凍檸茶，埋單價錢又實惠，是很好的貼地之選。

食譚仔一定要食三哥，呢間仲要同忌廉哥cross over。三哥個三哥酸辣湯底係必叫，以前得麻辣湯個種辣我覺得好化學，好似叫十小五小個湯都係米白色，d 麻味唔個點黎咁。但係三哥酸辣就好唔同，係有辣椒紅卜卜gei，呢種辣味先岩口味。每次都會叫雞肉米線三哥酸辣，再加土匪雞翼同白肉，佢gei 小食都真係幾好食，不過就要等耐d la，同埋有時都會有漏單情況，等太耐都要同姐姐追追

食咗咁耐譚仔，淨係知道佢係分譚仔或者譚仔三哥，以為都係同一樣野，食嘅嘢都係一樣。但係今次朋友先至話俾我聽原來譚仔同埋譚仔三哥已經係分咗兩間唔同嘅餐廳，所以食嘅嘢有少少唔同，當然啦最簡單嘅湯底會係一樣，而譚仔三哥獨有嘅就係糊辣同埋麻酸辣嘅口味。平時我都係食開再普通嘅酸辣口味，今次見到呢度多咗兩隻唔同嘅口味就好想試吓，諗左好耐都唔知嘗試邊隻味。。。最後就決定咗食個麻酸辣口味，一次過可以集齊三種口味於一身，唔使心思思。叫咗一碗過橋米線，呢碗過橋米線個份量好大，兩個人share食啱啱好，入邊嘅配料有齊餐牌上咁多種唔同嘅材料，例如雞肉，五花腩，酸菜，肉醬等等呢個味道就用返佢嗰種唔辣嘅湯底，另外再加啲麻酸辣各種唔同嘅配料落去，但係我覺得食落去就冇酸辣咁好食。呢一種味道攞出嚟已經係成浸醋味，麻味就唔係好覺，辣味就係辣椒油味，但又唔係佢平時酸辣嗰種辣椒味，感覺硬係爭啲，一般。另外再叫左個口水雞，口水雞嘅味道幾好，辣度屬中辣。雞肉尚算滑，切成左一件件小件，方便食。聽聞之前未分家的譚仔又好，依家分裂左出嚟嘅譚仔三哥又好，都係三哥自己親自去內地取經煮米線，所以三哥入邊嘅口味會比譚仔創新，同埋比較多啲。唔知係

鍾意食譚仔，仲要一定係三哥先食lolOffice係觀塘，周不時都會黎呢間。環境大，裝潢靚，暫時我去過坐得最舒服既譚仔三哥lol 服務仲好好添！我鍾意食三哥酸辣湯底(小辣) 朋友話糊辣湯底最正今次我只單點一款餸 - 墨魚丸，原來有6粒的Wow！再加必叫既土匪雞翼

見有d餓唔知食咩，咁岩見到譚仔，呢間係三哥個人認為好食過譚仔過橋米線先黎一杯凍檸檬茶，冰唔算好多，一d都唔傷牙齒米線加7蚊又幾抵，皮蛋+淨米線 $17+$18呢個係絕對係好抵食，又正既組合淨米線個湯清清地，充滿魚湯味，鮮味十足每啖米線我都會連埋D湯食埋，D湯越熱越好，凍左唔好味皮蛋望落勁多辣油，但味道一d都唔辣蒜蓉係面頭，但味道唔算話好惹味陣味少少膠膠地，嘛嘛地

吃過三哥已兩次，而觀塘呢間就係第一次，要不是下圖我對面果個拉我黎，要不是我這貓痴要睇下cross over 忌廉哥，我是未必會來的，因為一直覺得普通譚仔味道總比三哥好，今次再試一次三哥，看看會不會改觀～來到呢間喵喵譚仔，室內環境光猛，目測乾淨，佈置環境加少少分啦，除左有忌廉哥的卡通公仔，牆上還有牠真貓的相片，湯碗都印有喵頭～十分可愛～酸辣雞肉米線 配擰tea湯底唔夠味，米缐林度適中，份量一如以住多配菜有少少，芽菜韮菜，雞肉份量都少喎。朋友叫左炸醬味道麻麻～有真心去試味，可惜始終都係普通譚仔好！我這個貓痴有個小夢想，日後如果養貓喵，喺不太騷擾貓咪嘅情況下，我要做＂星媽＂，我都想我隻喵有甘多fans同甘多人識呀～

忽然想食少啲肉，唸起有雜誌講過譚仔三哥有素麻辣米線，就走咗去試。佢哋嘅素麻辣米線同普通麻辣米線一樣，都可以揀辣度，而餸菜方面都係平時既選擇，不過就係唔揀肉咁⋯唔多選擇惟有叫小食搭夠。食開五小辣的我同樣叫咗五小辣，配芽菜、腐竹、竹笙。湯底係濃郁既腐竹湯，加咗少少酸度提味，同平時既湯底比係清淡啲，而辣度比平時淡咗，叫咗阿姐係廚房加辣先叫有返啲味。由於個米線始終唔夠辣，就加埋口水汁 (心唸咁神奇加極都唔辣⋯)。口水汁木耳個醬汁同澱粉質又幾夾，本身好味到食極唔夠。明白米線店做素湯底好唔容易，又要似，又要素，又要濃。我都好開心有多一個green Monday 既選擇，希望以後可以有得試其他口味幾素湯底啦。

今日去九展睇戲 !! 但...場火未攪掂...唔想係九龍灣留咁耐...自己又好想食三哥 !! 最後決定去官塘食完先去九展 ! 哈哈 ~~今日試自己未食過既野 ~~ 口水汁拍青瓜 !! 說真的...少少都唔辣 !! 係咪真架 ?? 雖然我都唔食得辣...但...少少都冇喎 !! 哈哈 ~~ 另外叫左意式醋雲耳 ~~ 呢個平時都有食開，我覺得好食既 !! 仲有個細既蒜泥白肉，呢個都係例牌要叫既 ~~ 今日係冇叫雞翼 !! 哈哈哈 !!而兩碗麵呢 ~~ 我就叫左腩肉炸醬酸辣走九 !! 腩肉份量唔食...我每次叫左都要俾人一齊食...個炸醬我就兜得好食過對家...冇咁多肥同勁油...酸辣亦都好夠...味道次次黎都好平均 !! 反而米線...我覺得今次好似幼左...唔知係咪轉左呢...男友果碗係竹笙4小辣，睇見佢都辣...

是日中午口痕想食米線，當然就入左譚仔，唔係好食得辣既我，仍然可以食十小辣既墨魚丸米線，話說墨魚丸同其他餸既價錢唔同，可能好多人都會揀食豬肉雞肉等等，但我就獨愛這一味墨魚丸。因為，出面雖然有好多米線鋪，車仔麵鋪，都有得食墨魚丸，但好食既墨魚丸，彈，滑，少粉，多魚，有粒粒墨魚塊咬口，這些素質缺一不可，但出面就好難食到(好難食到既意思, 係好難有機會食到呀大佬)。但譚仔既墨魚丸係唔錯既，雖然可能未去到神級，但都算我食過之中，中上上級數，加埋好味既麻辣湯底，爽。

小弟雖不是一個貓痴，更不是近年瘋靡一眾貓迷的尖東忌亷哥的粉絲，但絕不可以否認的一點是，這所"譚仔"內和忌亷哥有關的插畫及擺設都是可愛到極點....就連去到洗手間，竟也能看到如此有趣的....每一款這兒的推介或名物，都有一幅插畫來作配合，很具心思....當然我們今夜點的吃的，絕對不會少了這兩樣....自己不算是一個十分喜歡吃米線的人，但同樣並不能否認的一點是，這裡的米線 (我說光是米線本身，不計配料)是我吃過一眾米線店中做得最好之一，入口微微有韌性彈牙絕不會糊糊的...湯底少不免有師傅滲至其中。此時最上上之策，就是馬上對之避之則吉可也....配料方面我個人最喜歡是她的腩肉及雞肉，前者肥的部份是爽口的；後者則質感不嚡不韌醃味充足....另外本身為大配角的酸菜及肉末，前者醃漬得甜與酸度平衡啱啱好食後非常令人開胃；後者帶少許的惹辣不論淨食以至伴米線甚至米飯都很好....小食方面固然少不了經典的土匪雞翼....香料味極重的它肉算是入味又存在著肉汁的。用來伴米線吃永遠都是最合適....不是米線迷的我都食得滿意，更何況是一向對這個品牌甚有信心兼身為米線粉絲的太太及小友了....最後臨行前，看到這個同

做飲食怎樣才叫成功?我覺得，你能夠做到客人背得出你份menu 的話，你已經是非常成功!相信大部分的香港人，都能夠背得出三哥的menu。一坐低，睇都唔使睇，就話落單。今日，我又黎到食三哥，依然都係叫同一樣野，勿(小)。三哥的面線真係同出邊唔同，食落好彈牙，但又不至於太硬，十分適中有口感。而墨丸也題十常彈牙，食落新鮮，有墨魚味!最鍾意佢個麻辣湯底，不是只有辣，而且是十分香麻，不錯!

水準真係每況愈下，今餐又中招，湯底超咸，食完碗米線超級口渴，成餐勁飲水我就叫左一碗生菜魚蛋煳辣米線，而老婆就叫左一碗雞肉魚腐扭紋薯粉配三哥秘制酸辣湯底。湯底過份咸，而且味道極平凡，都無人地講得咁好。值得一讚嘅係尖椒皮蛋，個汁好正。米線同薯粉嘅份量極多，食唔晒。七點半食飯時間人流稀疏，一入到黎就安排坐門口位，環境同座位一般，員工態度一般。尖椒皮蛋好味，上面個碗係生菜魚蛋煳辣米線，湯底有少少煙燻嘅味道，食落去有少少辣，似土匪雞翼咁嘅味，並不如坊間所說講咁好食。 魚蛋就係小吃咖哩魚蛋個種，無咩好講。下面個碗係雞肉魚腐扭紋薯粉配三哥秘制酸辣湯底，第一口飲左啖湯就知道賴野，咸到無朋有，不過酸度同辣度都ok，都係個句啦，唔覺得好食。

譚仔係我最中意食嘅米線鋪，所以每星都一定會幫襯！今次同朋友叫左個套餐，因為大家都想食中辣，再叫左個口水汁蓮藕同埋皮蛋中辣又同之前食嘅唔同了，今次又冇咁辣，上次食就辣爆咀，好無奈次次嘅辣度都唔同！搞到唔知點樣叫辣度好，睇黎下次我都要叫清湯先得！套餐份量都保持到，但係啲豆卜變壞了，希望佢地可以時時檢查自己嘅出品，尤其是咁嘅天氣！至於個皮蛋，值得一讚佢呢個汁，口水汁好好味，唔太辣又夠味！希望下次黎佢米線嘅辣度要正常返喇！

今日外賣左個 竹笙牛丸麻辣五小！今日個米線淋到一堆野咁...食得勁唔開心！個湯比平時食既五辛辣...師傅失手...其實可唔可以將米線出水既同時...店員都試下先呢...