譚仔三哥米線 (荃新天地2)

营业中

休息中

夜晚無飯食又想食米線就去食嗌左2碗都係竹笙雞肉麻辣米線同麻辣皮蛋但一上黎變左一碗係竹笙雞肉麻辣米線 但另外一碗變左係炸醬雞肉米線明明佢覆單個陣都係講兩碗竹笙雞肉仲要講左幾次先明先換番俾我地野食方面麻辣皮蛋無之前咁重麻辣味米線都ok 不過份量都係唔多竹笙得三條 少得可憐🙈

今日喺十五...係一個要素食嘅日子...去到荃灣荃新天地...又唔發現佢哋有素食店...但係竟然發覺三哥米缐有素湯米缐雖然款式唔夠多，但係都比其他素食者有一個特別嘅選擇其實食一碗米線加小食59元都唔係好貴啊我叫咗呢個皮蛋...唔係太辣都幾易入口....不過一個人食一碟分量就好似多咗啲我就叫咗呢個豆腐煲卜，腐皮加金菇既素湯米線。 米線都算幾彈牙雖然冇乜特別....但係都算係比素食者多一個選擇...........

每次去到星期五六日晚又係最頭痛既日子，到處都係人，到處都要排隊，諗食咩真係諗到頭都痛埋，同黎 m 一樣咁煩躁呀 🌝 譚仔三哥既米線相信都係唔小人既熱門飯堂，有時簡簡單單食乜都覺得好幸福 (首先你要有個身邊人) 😂 而你地身邊有冇個米線怪呢！！！定時定候都有鋪米線癮成日叫住要食 😂你地又中意食咩湯底既米線呢？清湯？糊辣？麻辣？酸辣？蕃茄？Baby 就多數食酸辣或者糊辣！仲記得第一次食糊辣果時問糊辣係咩味，姊姊就話糊辣係胡椒味既湯，心諗只係有邊讀邊，糊辣就係糊椒掛 🙄 實則個味比較難形容，比較係濃同鹹既小小辣味既胡椒湯，不過好似都係酸辣比較正比較開胃！你地又中意食咩餸呢？Baby 就叫開墨魚丸、魚腐、豆卜、腐竹、魚蛋！有時想重口味會叫埋炸醬 😆 除左呢啲之外，小食係必叫土匪雞翼，真係數一數二既正 🤤 你地又認唔認同呢？而家仲做緊優惠，凡叫碗米線或粉 +$12 就可以換到指定既小食，慳荷包之選！——————————————————————#米線配一款食材 $28#加食材 +$5#湖南土匪雞翼 $22/3 $30/5——————————————————————#譚仔三哥米線

不同分店質素參差，在旺角吃過不錯，這店中下。點了麻辣蓮，炸醬，三哥酸辣（小辣）。炸醬味道過咸，肉亦鞋。另外米線湯底亦過咸，從未試過不喝米線湯，今次吞不下。米線偏淋。蓮藕則只油，不夠味。三哥應該留意各店的質素管理。

OT後黎左食譚仔三哥，同事話佢鍾意譚仔多啲，但間分店真係唔知係邊，去左商場裏的三哥，個人鍾意三哥多啲，啲湯底淡啲同碗粉大碗啲，其他野就差唔多啫。多左湯底揀？定係太耐無黎啦，印象中去到糊辣，之後好似有蕃茄湯？是但啦，反正都你揀酸辣。落單覆單都啱，但出到黎張單就係錯嘅，問完後發現落少左個送……同張幾個阿姐講都好似好唔明咁，算啦，最後落單個位發現錯咩，補返個送錢。同事的豬潤酸菜清湯少米，豬潤同酸菜都幾多。自己碗冬菇魚片頭酸辣少米，魚片頭三塊，冬菇四朵，都ok啦，好似之前都差唔多。酸辣湯底不太辣，酸十足，合我口味，米線爽口，ok。譚仔幾時都係快靚正，唔怪得成日都咁多人。

行經荃灣，又見有D肚仔餓，又未食過三哥，今日就試下啦！見有幾款小食做緊優惠價12蚊，就叫埋～～口水汁蓮藕，有藕味，中口味的，所以不太辣⋯⋯蓮藕亦十分爽脆，好開胃！等多陣後，我碗墨丸2小辣來喇，都算夠辣，米線都好彈牙，好味！

譚仔譚仔～心情5好既時間一定係食譚仔，又抵又飽又多野簡～例牌就酸菜腩肉走韮其實三哥酸菜比起譚仔好食啲，會有爽口啲～而且大小，適中，一條酸菜一啖米線配就最正既配搭～加上配菜腐皮芽菜，真係令人都係無從抵抗三哥既誘惑如果可以食埋香草雞翼就非常滿足啦我記得細食既人嗌小米，會減一蚊之餘唔會做大晒鬼麻

在荃新天地睇戲，見開場時間尚早決定簡單地解決晚餐。過去都係幾年先食一次譚仔，今年竟然食第三次。唔想食太多，簡單地叫咗蕃茄湯底配豬潤，少米，可以減一蚊。份量一如既往的大份，豬潤都好多，蕃薯底偏甜。一人一小食值得推薦，尤其是意川醋香蕃茄。呢種醋食的方法都係第一次。本以為蕃茄已經酸再加醋點食？估唔到意外地夾，唔會太酸，但又好醒胃。蒜泥白肉就太肥，初嘗幾啖覺得唔錯，食到後面太膩放棄咗，連加酸醋都解唔到。總體來講比以前好食咗。

譚仔 簡直香港地標 好似7仔咁行幾步有一間(如果2兄弟加埋) 聽講內部不和而分裂本人好鍾意食米線 香港米線有好多 我食過好多間米線 但譚仔我人生以來只食左2次 2次都好伏 好難食 剩一半首先第一次食我係叫左湖辣 個辣好5自然 好似化學野 個湯好簡水 食得好5舒服 心諗可能湖辣5岩我口味第2次食係因為荃新2期同朋友睇完戲 個商場冇乜野食 係零零舍舍得個譚仔 心裡5想不過冇得選擇 果然又中招 呢次叫左酸辣 d酸又係好5自然 感覺又係化學野 辣同樣5自然 由於我有小小感冒 飲左廿四味 但食米線都有廿四味果種苦味 每一口都變左廿四味不過我下午食 xx酸辣粉同樣都有飲廿四味冇事wo 5通譚仔米線可以突出苦藥味😂 或是碗野本身苦 真係食5落點解咁多人鍾意食譚仔 5通我口味與眾不同? 不過個土匪雞亦的確好食 好有味 好夠料

同bestie落堂出荃灣行下，近排手頭又有啲緊，唯有食譚仔三哥解決晚餐。 大大碗嘅雲南米，入邊肉幾多下，兩個人都食唔曬。 雞翼控嗌咗兩份雞翼，呢份就小熱氣，味道一般。 口水雞翼，鹹咗啲，冇機場果間做得好食。 我平時就好少食譚仔，偶爾食下都唔錯。 不過呢間啲枱實在太細張，基本上擺兩碗粉就已經好迫，食起身唔自在。

叫凍0茶走冰變走甜叫三小辣變清湯再變三哥酸辣 叫兩餸變一餸 (唔想再馬煩人 錢照比算)嘢食又上得慢 好彩唔趕時間咁多嘢錯 明明都冇話佢地 巳經唔該前唔該後仲比人黑面😰要讚下葵涌廣場既員工 佢地幾忙都好 都好好禮貌 啲速度又快 特別係個經理 👍

喺荃灣shopping完，見肚餓就貪方便揀咗譚仔食米線。因為平日，所以當然唔洗等位！環境： 店面細 枱唔多 但都坐得舒適，ok嘅！服務：我哋未嗌嘢食，就有待應俾咗張隔離枱嘅單我。做嘢有啲馬夫，之後嗌咗個雞翼，食哂成碗麵都未嚟！又聽到啲waitress好亂咁問對方啲食物係邊張枱。好似佢地都新嚟，好混亂咁。食物：（1）肉腩豆腐卜荳芽米線 #$31（唔辣) - 唔好食，雖然話清湯底，但米線同個超級清湯好似2個個體咁，唔入味！米線份量多！（2）香草新疆雞翼 #$19（唔肯定個名）- 幾好食，脆卜卜，但可能唔係個個鐘意果隻味。價格：算平！但唔好食就會覺得$31都唔想俾。總結：建議食其他分店，因為真係唔一樣！ 

譚仔個人晚餐，腩肉炸醬清湯米線，現場由小貓三數隻到臥走時幾近坐滿，想不到晚上這麽多人外出吃米線。炸醬，每次都有些不同，這次的好像有些一絲絲的連著，不太好看；味道仍然一樣，微辣的肉醬般。腩肉，好像又回復以前最初那麽多了，因為之前有段時間少得只有三數片，這次至少五六片。但米線就無論去到哪兒，都比舊日少了許多。以往感覺吃極也總有米線在底下，現今卻少得不夠癮般。。。現在墨丸竟是一項貴價食品，有沒搞錯

因為要趕在這商場看戲~見到這家沒什麼人，不用等位就決定在這吃午餐。雖然說這家的酸辣/麻辣湯底是出名的~ 但個人來說怕這裡的辣度接受不來就選了清湯底。清湯底是免費的~其他的則按個別另外加錢~一味餸$25 ，之後每款餸另外+$5 (原理跟車仔麵差不多?)不過試清湯底後就有點後悔了 >__< 因為真的沒有什麼特別之處。倒是這個皮蛋 ($17)超好吃啊 >< 雖然有點辣~但原本皮蛋就是沒什麼味道，所以ok~(最後因為覺得清湯底真的有點淡~就加了少少這個辣汁在米線~好吃 ^^)最後+$7 要了一杯奶茶 .__. 這個真的很難飲~茶味也奇怪~ 

叫左一個酸辣套餐，另外一個雞肉墨魚丸小辣米線。個酸辣套餐先上，確實幾大碗，两個人食剛剛好。諗住個套餐樣樣餸都有，點知又無落豬肉，又無落火腿，啲湯又無乜味道，米線又太淋。食到有Ｄ嬲。跟住家姐個雞肉墨魚丸小辣米線上枱，家姐話點解得雞肉，一粒墨魚丸都無，得两個餸都比少，係唔係有心想欺騙顧客？   於是叫個阿姐嚟問下，個阿姐臭哂面，我又話比她知個套餐少左火腿同豬肉。她態度极差咁指住豬干話係火腿，我頂她唔順咁話：阿姐你近視呀？跟住另一位阿姐走埋嚟問發生什麼事，她竟然細細聲咁話：他們自己食左之後又話無。我一聽到火到嚟，我鬧她係唔係有病，旁邊同枱的一個小姐都話：人地點會為左二三片火腿去騙你們，我碗套餐都少左２粒丸啦！個阿姐即刻走開，扮無事發生。另一個阿姐拿出三片火腿比我話算啦，比返你。我仲嬲，我問他有無投訴電話或投訴紙可以寫比他老闆？他連答都唔答我就走開。我真係又嬲又好笑，咁都有？！ 我以前係深水涉其實識得三哥，我希望他會䏲呢個網頁。你碗米線愈做愈差，我Ｄ朋友都話難食，再加上班阿姐連基本禮貌都無，你間鋪一定做唔長。請留意，班阿姐的態度好有問