譚仔三哥米線 (荃新天地2)

营业中

休息中

我諗好多人都會好似我咁，間唔中又會想食下譚仔，不過呢段時間最好都係叫外賣。譚仔嘅外賣米線係會分湯，啲米線就唔使淋哂。一睇以為得個湯😂不過真心都真係唔算多餸，真係睇彩數。唔食得辣唯有食清湯，我都知食譚仔食清湯好傻仔。叫多兩個小食就啱啱好，食譚仔點可以唔食最出名嘅土匪雞翼👍🏻一大啖蒜，正。不過每次食都會喺度諗，到底點樣可以將啲腩肉切到咁薄🤔好想疫情快啲完，可以安心堂食。每樣野一個外賣盒，其實都真係幾唔環保。

譚仔真係係適當既時候, 你就會諗起佢, 想食一食佢隻味! 今次就同老婆兩個人外賣! 本身老婆細食, 自己一個食剩好多, 所以就第一次試下一齊叫一個過橋米線, 麻辣4小辣 (以前只係可以食到10小辣咋...)! 份量剛剛好, 又有好多款餸選擇, 算係滿足哂我地兩個人! 今次再叫埋5隻土匪雞亦, 兩個人Share真係唔會食到太飽! 本身好想叫多講皮旦, 仲諗住有早排疫情時lunch加1蚊多個小食既優惠, 點知無左啦! 唯有下次再叫過! 

早幾日520同🤴🏻食左米線，回想下之前14/3我地都食左個平價浪漫兩人情侶米線套餐，冇錯就係譚仔三哥3月14日限定1日‘辣之戀人-椒夕相對兩人套餐’價錢只要$112🎉🎉首先一坐低先送2粒5小辣嘅心型巧克力❤️落單後黎兩杯超特別嘅飲品-夠薑男朋友+麻辣女朋友！顧名思義兩杯都係辣味凍飲，之前有飲過薑茶都可接受陣味，但麻辣味真係好怪，仲要係凍飲就更難頂🤮，但兩杯外型顏色又幾靚幾吸引，係咪寓意世上男女唔好比一時外表吸引，有時唔夾就係唔夾😱😱套餐上其他食品平時都有賣只係名字前面加多個有d心思嘅形容詞1.溫柔手拍青瓜👏🏻2情竇初開雲耳👂🏻3.煙韌纏綿過橋米線🍜4.浪漫蒂克土匪雞翼（細）🐤真心要比讚👍🏻👍🏻，味道就唔講啦！大家心照啦！單憑譚仔三哥呢個心思能引起情侶間話題，已經係大成功🥰🥰有個小插曲係當時晚上9:00，溫柔嘅青瓜已經賣曬，侍應姐姐問轉唔轉其他野，我地問可以轉乜嘢？佢答只可轉雲耳！我再問可否加$轉其他？佢都係答只可轉雲耳！🤯🤯🤯咁你仲咩問我轉唔轉直接話換做雲耳咪得囉🥴🥴咁我係有兩碟‘情竇初開雲耳’只好同自己講‘好耳👂🏻成雙’啦🤣🤣

Chicken and Fish Maw with Chicken Soup Rice Noodle 花膠雞美線Since the noodle is Mother’s Day Limited Version, let’s give a try. They gave out chopped chicken legs, and it’s just the normal taste chicken legs. The amounts of given fish maws were more than what we thought. Each bowl had 4-5 pieces. But obviously, the cooking time of the fish maw was not long enough. If the texture of the fish maws was softer, that would be much better.

黎到三哥，最緊要麻辣，3小唔該。要埋杯凍檸茶，正呀。仲要叫個土匪雞翼(要小小時間，當常會遲少少先上到)咁先係一個最美味的米線。每次都會加埋竹生，火腿都岩哂，個人喜歡加e 兩樣，其他大家自行選擇。今次兩個人可能叫多個木耳，酸酸辣辣，值得一試，將d醬加埋落個面到都係一個唔錯的選擇，我每次都會咁做，大家試下。上餐速度好快，唔洗擔心餓親，環境同服務都咁上下，都可以接受，反正都係食靚野，無所謂啦，最緊要好味道。

三哥譚仔米線成日都食，今日經過荃新天地想食飯又不知吃什麼就來了食米線，沒想到都幾多一人來吃飯，幸好仲有一張二人桌可以坐，今日叫了四小辣加米線加腩肉和肉醬，價錢三十七元都有七成飽肚，食了一陣食物來到，但感覺上腩肉比較少，肉不多有點失望，而入面仲有腐竹同九菜，感覺上九龍區比較多點，米線煮得不錯，口感少彈牙，份量叫了小米線都可以，辣度四小辣如這間可以再多點辣，肉醬味道依然不錯，份量都夠食，而這裡坐得都舒服，可以慢慢食又不會有人趕不錯。

夜晚係荃灣食飯，周圍都爆多人，間間餐廳都排隊😭唯獨『譚仔三哥』唔洗排，不過都近乎滿座😅今次兩個人share一碗「過橋米線套餐」再叫左兩個小食：土匪雞翼（大）、辛味燒茄子「土匪雞翼」一如以往的惹味，Keep到好味道👍🏼新登場嘅「辛味燒茄子」一上枱勁香，不過一睇就知食完會勁口臭😂因為茄子面頭舖滿燒香左嘅蒜蓉同其他調味料，表面嘅調味料唔算辣，辣味都躲藏係茄子肉裏面😈係好香辣嘅味道，好刺激😂另外今次試胡辣湯底，唔知點解呢碗勁多肉，湯底又略嫌咸左啲😥下次都係食返酸辣好了⋯⋯

夜晚自己一個係荃灣,諗住隨便食D野就算,黎左呢間譚仔三哥。自己一個唔洗等就有位,叫左個腩肉,墨魚丸10小辣米線,可能夜晚時間,都等左成15分鐘。個米線黎到後,見到腩肉全部都係肥既,米線有D硬,今次真係有D失望。

一個人既飯堂，梗係選擇去食譚仔米線，叫左碗腩肉墨丸十小辣米線，湯底好飲，食到個咀唇有少少麻痹既感覺，麻辣要咁樣先正，腩肉正常無問題，不過墨丸食到開始有少少變壞。

突然好想食三哥既煳辣，所以就走左去食左碗過橋米線！雖然大家都話譚仔同三哥之間都有微妙既分別，不過呢個湯底係三哥獨有，就無得比較啦~過橋米線入面有太多配料我都好鐘意，豬肉、牛肉、雞肉、腩肉、火腿、豬膶、牛丸、墨丸、魚蛋、乍醬、豆卜、生菜、酸菜、芽菜、韭菜，同埋竹笙！不過其實我最推薦既係湯底：煳辣！係一款唔係淨係得個辣字既湯底，因為煳辣既味道偏向濃郁，而且有種好難形容既味道，因為三哥官方表示煳係代表食物經火變焦變黑，所以食落口既時候可能會有一點點苦既味道。呢種特別口味湯底相當有趣！

譚仔三哥就好多人都鍾意食，但其實每間三哥個廚房都總有一兩樣餸整得特別出色。荃新天地呢間三哥，豬潤係每次必嗌，今次就嗌左個豬潤麻辣十小辣做個簡單午餐。特別讚佢呢度啲豬潤，因為佢煮得唔耐而且厚薄啱啱好，好林好易咬，咬落去有脆口感覺，又夠甘香，連平時唔鍾意食豬潤嘅朋友嚟到呢間都會係咁夾哂我啲豬潤嚟食呀！即使已食十幾廿次我都仲未厭。另外近期既蕃茄湯都唔錯，有鮮蕃茄既香甜加上微辣調和，幾啱我口味希望佢啲豬潤可以一直保持住呢個水準！

譚仔三哥之前已經食過好多次，但係真係第一次食佢既小食，估唔到出乎意料地好食。土匪雞翼應該比較多人鐘意食，上面有好多調味料，辣辣地好香口好好味。蒜泥白肉雖然只係叫左碟細既，估唔到都有咁多塊肉。同酒樓食有d唔同，佢加左少少辣油同麻油落去，醋味少d，蒜泥好多，食曬d肉都仲淨低好多，如果好鍾意食蒜可以點餸繼續食。另外仲叫左碗米線，豬肉鬆化好味，魚腐唔算太鹹味道適中。黎三哥好多人都會揀辣湯底，但係我覺得清湯都好好味，芽菜韭菜會另個湯底有少少青味，唔會得肉鮮味咁寡。

每次經過三哥米線，諗都唔駛諗，就會好自然行左入去食，今次唔係食飯時間入去食，所以冇咩人，所以今次上餐都上得好快，每次黎到都一定會叫炸醬竹笙墨丸米線清湯，今次另外試下尖椒皮蛋。炸醬竹笙墨丸米線清湯（$42）炸醬唔算辣，份量都夠多，每次食完一碗都仲有，竹笙好爽口，好入味，墨丸好彈牙，米線，本身叫佢地煮得淋少少，又唔會淋到好難食，岩岩好，因為小朋友咬唔到。尖椒皮蛋（$20）黎到一見到心諗應該會好辣，竟然一d 都唔辣，食到好開胃，D尖椒加埋皮蛋好好食。

一直覺得譚仔三哥比譚仔好食米線比較有咬口及彈牙。配料都比較多。但最近一次食，質素比以前差左好多😟😟我點左-腩肉炸醬酸辣米線完全無酸味。辣味吾突出。米線好「林」。。一d都吾彈牙。無左以前個個口感了😥炸醬睇落好似會好惹味。但其實食落好淡口。似普通肉碎咁😣😣腩肉無咩味。但肥瘦適中。 中規中矩可以lunch time太多人，根本吾夠人手做。所以令到食物質素下降左咁多。keep吾到以前我食到既水準失望了

每天的難題又出現了，到底要去那裡吃午餐呢？今天同事💼提議去找三哥，雖然也是常吃的，不過也好了，不想再想太多了。一行四人就此出發💪🏻。到達後剛好有位置，太好了，不會浪費時間去等😌。很快就決定了食甚麼😎。腩肉豬潤麻辣米線🍜：最近不想吃太辣🌶，就點了一個三小辣。腩肉🐷帶有點點軟骨，肉質有點韌，不過還好了。豬潤🐽可能泡湯泡久了，有點過熟。米線🍜本身附有腐皮、芽菜等，性價比頗高。尖椒皮蛋🥚：同事💼最愛，配上蒜粒，辣度🌶剛好，很醒胃。湖南土匪雞翼🐥：必點之一！這次的雞翼蠻肥美，外皮酥脆，肉質嫩滑😋。總結：附近食店🍴雖然多，但這家還是我們常來的，勝在位置鄰近公司💼，性價比亦高，對於我們這種上班一族來說是不錯的選擇👍🏻。