譚仔三哥米線 (福榮街)

营业中

休息中

價錢大約在18-22 蚊左右, 我食左碗肉醬牛丸雲南米線, 大碗,多料, d 野多到流出黎, 好鬼誇張, 真係大件夾抵食, 最好係佢會放多幾條菜落去, 幾營養,健康。

其實食物不錯, 但個個亞姐都黑口黑面, 落單成日錯, 錯又唔認, 唉, 三個字, 無禮貌重復又重復, 好討厭

4個女仔去食...我同其中一個叫左個米線套餐...即係乜都有ge...清湯底...我地2個都唔食腩肉同豬膶所以無要...d料好多...以豬牛雞肉最多...牛丸魚蛋墨魚丸就各得一粒...米線以2人份量黎講就少左d...我地2個食完都唔算太飽...炸醬好好味...酸菜唔知點解仲辣過炸醬...=.=收錢果個阿姐好慢...通常同一張單分開比錢...比左果個就畫左個價錢...但係佢要另外寫過...再慢慢篤返個數...唔通佢信唔過電腦出果張單???

小人has ever gone to 5 間譚仔分店,分別是JORDON,永隆街,福榮街,青山道,西洋菜南街分店,令我最心刻的,是各間分店的湯底,我試過各種湯底,包括特辣,酸辣和清湯,但它們有1個共通點,是湯底有一鼓忌廉雞湯味,令我上癮,這是我最欣賞的 我食譚仔大約1年,這裡的米線相對硬,不過,如果浸耐些就OK 不過,這裡的環境相對擠迫,真是會背貼背,而且常常要WAIT SEAT ，但是譚仔阿姐效率高，這補償到不足之處 總言之，譚仔是1間好餐廳

講真，食左譚仔好幾年，都叫長期顧客，但一個食評都冇打過，哈哈！以前癲既時候可以連續食四日，而家可能熱情減低，不過都兩星期就有一次，可以話ＡＤＤＩＣＴＥＤ！呢期再食，Ｄ米線唔同左，幼左好多，亦都好快就稔哂，冇以前咁好食喇！今次特登打呢個食評，主要原因係想譚仔轉反以前果隻米線，因為而家呢隻，實在太唔掂！今次同男友去，一定係例牌野，竹生牛肉走９菜３小辣；男友要左竹生雞肉酸辣湯既味道次次都唔同，成日變，辣既程度又間間都唔一樣，搞到我今次食到成頭汗！譚仔仍然係咁迫，仍然係咁嘈，仍然係咁多人，生意好到唔憂做一樣，呀姐既態度亦相當唔錯，咁多要求都記得實，抵讚！

(31/12/07)同事介紹說土匪雞翼、米線、雞肉餸好好食。今晚與老公品嚐。雞肉酸辣米線,炸醬酸辣米線。雞肉我諗係雞胸肉o拿腍左,其實味道較清淡。炸醬真的好肉醬,碎碎的,mm...味道沒驚喜。酸辣湯底夠酸且微辣,好喜歡啊!土匪雞翼、新疆香草雞翼。前者味道好味d,因為新疆香料味都幾重。不過真係要讚是,雞翼真係炸得外脆內軟,沒過火,好滑呢!

沒試過正宗雲南米線的人是不會知，正宗雲南米線是叫雲南過橋米線，他們根本就不是雲南之米線，應叫味精米線才對，一碗米線内只有小量牙菜腐皮再加一味自選餸更收二十多元，沒有用心來做也收二十多元更是太貴。但無話可說他又那麽多人光顧，真不知香港人為什麽會喜歡這垃圾食品文化！

我好喜歡食雲南米線,見佢咁多人等位,以為好好食,都知道好多人一定係好迫架啦,無問題!我叫左個酸辣湯+墨丸(因為真係諗唔到食咩)米線,食左1/3就再食唔落啦!咁大個女未試過咁浪費呀!!!個湯好酸,酸到有d反常!因為係寡酸,所以一d都唔好味!個湯令所有配料都變成酸,無晒其他味!食咁多雲南米線,最差呢間!!!!!!

成日見佢出面爆晒...今日走去試下..點知一味大碗..唔覺間野有咩特色..水準同我自己煮差唔多..叫凍檸水...真係檸檬+水only...

很多人吃雲南米線也加辣，甚至是要求要中辣、大辣，但譚仔最得我心的是那清湯底！例牌點雞肉和腩肉作配料，貪其能配襯清湯的簡約。別家的腩肉多數是很入味和辛辣的，但這家店的腩肉則吃落不太油膩，儘管它連著些脂肪。雞肉則很夾清湯，也頗為吸湯，吃落清淡滑漏。但始終坐得較迫，幾乎貼著前後左右的背脊。但為了那一碗清清淡淡的米線，還是甘願的迫著來迫著走。

其實之前到寫過譚仔米線麻麻，欠特色，湯底同米線質素都只屬一般。奈何今日好肚餓，附近又無一間可取的米線店，求其之下買了碗外賣豬潤雞肉米線(唔辣)。個湯真係好清，不過無咩鮮味。雞肉幾嫩，but 無鮮味可言；豬潤不過不失，不是黃沙潤，因此不算很爽口。兩樣食材質素都只屬一般。米線ok，可能係因為在回程途中已將米線焗到淋咗，無咁硬，咁樣反而o岩我囉！一如以往對譚仔ge 食評，質素只屬一般，不見其出色之處！

本人住在長沙灣, 譚仔的亞姐服務好差.有一次叫了碟菜，請亞姐蠔油另上，因為我和老公兩個人食，一個對蠔油敏感，但亞姐堅決不能蠔油另上...跟住我致電投訴熱線，打了幾日都無人聽。而且d土匪chicken wing仲好咸...以前老細三哥久唔久在場的時候..好好多...

我兩三年前成日起Sham Shui Po & 長沙灣出沒，所以經朋友介紹下就去試，我有個朋友非常誇張，日日都要食一次先安樂。我一試，非常鐘意，果時叫個雞肉清湯米線，d 肉好滑，個湯非常好味！米線都好好，又大碗。後黎試麻辣更加好味都唔信，你唔會起第二度食到，個土匪雞翼都好正，飽到死都會叫黎食，d 香草幾掂，雞翼又唔會煮得老。我經常幫襯。但依家你去，走晒樣。我都無乜去。越黎越貴我都算，不過幾蚊，但真係越黎越難食。旺角店，非常難食，無譚仔既風味，米線好「泡」，D 湯又唔好味，雞翼又整到好咸。Sham Shui Po 兩間店都差晒，湯唔鮮甜，米線會食到些微「水味」，近似洗碗水味…不過都係比起旺角店叫好dd。真係唔同晒，好想好想投訴。我都唔希望再食唔番真正既譚仔米線呀…

好味但係一定要叫豬腩肉同埋麻辣湯底唔係就冇左佢個風味喇不過環境就一定差架喇~

我同daddy2個人叫咗一碗過橋米線,34元都好多嘢食,有:豬潤,腩肉,牛肉, 豬肉,牛丸,墨丸,九菜……不過好多肉甚至多過米線,吃得多,唔健康!!!但都低食!