譚仔三哥米線 (福榮街)

营业中

休息中

試過幾間譚仔，始終呢間既水準較平均。環境，服務及衛生唔係好理想，但咁既價錢吃到味道尚可既大碗米線仲想點﹖點了清湯魚蛋米線，魚蛋十分彈牙，米線份量多，唔駛二十蚊一大碗真係好抵食。另外品嚐過過橋米線，配料雖多，但豬肉牛肉雞肉每樣一兩塊加埋其他配菜，總覺得太雜，米線份量亦同普通單拼米線差唔多，都係食返魚蛋米線算。

雖然係要得好耐等2張檯都要等成10分鐘而且好鬼死迫~明明張檯只可以坐2個人但係佢都會強迫3個人一齊坐~當然D人唔SO佢啦~唔好講SERVICE唔好講環境唔好講咩食客你去到係為左食而已係深水埗呢一間真係多客到爆~反之係其他的地方又唔會係咁WOR不過佢係最穩定又最有水準又係最夠味既一間~其他既店唔係唔夠辣就係唔落得多火線~一係就唔知點解野飲會咁貴?5蚊不過呢一間係好食D嫁~米線~夠~辛辣度~正~個湯~掂雞翼~好食呀~不過個杯3蚊LEMON TEA就好淡味~不過你都係想要杯凍既下火而已~算係咁啦~

之前聽過fd講譚仔好好食....去0左食...我覺得都係不外如是...唔值得咁多人冒名而去..講味道...我真係食唔出同其實米線舖有乜分別...如果揀清湯...咪又係味精水....酸辣湯唔覺特別....所以唔明點解成日都咁多人去食...可能係雜誌介紹啦...0的人就擁住咁去...我寧願過對面維記食豬潤麵好過...

由於係個頭番學..所以成日食..我次次去都係叫雞肉清湯..炸醫另上..個湯好好飲..我次次都會飲埋..諗起都正- -"有一次同個FD一齊叫左特辣..食到個咀紅哂..飲一杯野飲唔夠,,可能食得多..個呀E FD左..佢主動幫我地加湯...好NICE..雖然譚仔呢D食店唔係好高級..不過次次食都好開心..有一份好親切既感覺..好有人情味^^

每次去深水埗都會食,今日食竹生鷄肉豬潤酸辣米線,保持水準, 大大碗只係廿幾蚊,加杯凍檸茶都係加三蚊,好抵!!!仲有土匪鷄翼&涼拌青瓜都好好味!!今日二點幾去到,等左十分鐘左右,ORDER完大約五分鐘有得食,可以接受!!!P.S.如果女仔細食最好一碗SHARE,或者叫少米線,惜飲惜食!!!!

久仰譚仔大名,今日有幸一嚐,但係極奇失望首先,個湯底似係咸菜水加辣椒粉, 雖然d酸味有d開胃, 但d米線同d餸實在唔多好食, d雞肉同腩肉似煲湯肉, 個炸醬凍冰冰, 佢\d麻辣同四川菜那種麻辣有d唔同, 冇四川菜那種特有的麻香味, 老實講, 我覺得佢\d麻辣有d偷工減料, 我基本上唔會再幫襯

和周勤同石頭來到深水步對此店和維記聞名已久,見到條街都有幾個鋪位就知自已想試潤牛通, 可惜友人對豬潤無興趣所以就選了這裡...入到去見到餐牌就有點後悔, 甚麼1個送$18, 甚麼加送$5格調和車仔麵一樣, 本人對車仔麵一向帶有偏見所以決定和友人share食(好彩無最低消費...)叫了牛丸米線($18), 炸醬酸辣米線($19)來到, 兩碗自已都煮到的米線真係無驚喜...配料普通, 湯底更普通, 米線也普通唯一好處就係米線份量很多, 填胃十足.個人覺得雲南野食番d小鍋米線總比車仔米線好.下次來, 只想試土匪雞翼, 其他就也來飽肚便成

間中都幫襯，很久沒去，昨日去到很失望。食物退步，市面上多了很多米線店，味道比它還好。晚膳時間，一放下筷子店員就好似搶你隻碗去，大佬，我杯飲品都未飲，但亦只好快快飲完走人。份量也小了，日後也會少去。

我係經個fd介紹去食o既,一路都係去總店.第一次去食,我個fd同我呀妹食到一半因為受唔到辣,所以想叫多杯野可樂,點知個呀嬸就話"o下?!好貴嫁喎而家先嗌!!"但係佢地真係受唔住,所以都話冇所謂,佢地淨係想快d飲到野,但係個呀嬸就好似驚死我地冇錢俾咁,重覆問左三四次係好貴o既,搞到佢地勁不耐煩....之後有一次,我又同我d fd去食,我地著住校服入去,我地因為之前買左野飲,所以就埋入去,點知班呀嬸居然企響度啤住我地,我地都叫左野飲啦,又唔係唔幫襯><跟住佢地仲響我同我個fd未食完果時收我地個碗,問都唔問食完未,一睇就知係想我地快d走囉!!跟住我地又去食啦~今次我地都好多人下,咁個呀嬸黎幫我地落單,我地一共5個人,個呀嬸好似聾左咁,我地講左幾次都聽唔到,最後仲落少左一份(p.s.果時我地唔係好嘈)跟住我地傾得兩傾突然high起來,大家笑到好鬼大聲(我笑笑下都覺得大聲左,滋擾到人sorry><><><!!!)跟住有個呀叔埋單果時勁嬲咁話"呢班人好嘈,成班都癩!!)我同我d fd都嚇左一跳,都即刻呆左(雖然我覺得個呀叔一黎就鬧都好

跟朋友ＲＵＳＨ　ＨＯＵＲ來，吃個ＱＵＩＣＫ　ＬＵＮＣＨ，又是要了例牌野，沒特別米線，可能浸得太久了，稔哂，完全吃不出應有的口感，牛肉竹生就保持水準，但最令人失望的是湯底，一向吃３小辣，今次的毫無辣味可言，每次的水準都不一樣，很難叫人接受吧！吃了多年，水準似乎走向下坡，絕對有再改善的空間和餘地，當然，價錢是合理的！

請留意，之前的comment 都是我的！近幾天，我再去了兩次此店！我覺得這個經濟的價錢想得到d 咩服務呢？但這天，我真的忍不住了！我再次上來評論！我無咩見到而家的服務可以叫無禮物"喝" d 客人！仲有，落單d 態度！勁差！仲有，佢地完全只顧做多d 生意！搞到張張台都迫到爆炸！我真的很難找到這樣差的服務！當你食完野，好立即起身走！否則，會有職員望住你！我對這間已失望了！而家，唯有搵過間午餐食飯的地方啦！

兩餸加凍飲,加價後變了廿五元.叫了腩肉加豬潤和凍啡,不可算不抵食,所以下午三點仍然滿坐.要等十五分鐘才有得吃.湯底仍然好味和濃,正合我意.辣得過癮.可惜豬潤只得幾片,腩肉還好,有五六片,米線是一貫的爽滑.不知是否凍啡的冰塊不衛生,食完肚痛.

一樣料米線+飲品都係$21！你可以希望得到d 咩服務呢？三年前(不是此店)，曾食過一次！到現在，已成為經常食既午餐或晚餐啦！不過，這幾年來，真的不斷加價(物價真的上升了)！服務就唔可以話好差！但真的唔太好！為了做多點生意，我見過有人未食完！但碗米線就被佢放左d 紙巾或杯入麵度！加上，安排入坐的情況係非常混亂！完全令人發皮氣的！不過，佢碗米線真的唔錯！d 料味道幾好！米線又多！適合食量較大的人！d 酸辣及麻辣都好好！

九點九，不用等，亦可以兩個人擺佔一張檯!叫左個米線套餐，即係咩材料都有，好味道!另外一個土匪雞翼，好惹味呀!用平、靚、正形容呢一餐，是最貼切的!

第一次係度寫食評，因為我真係好想講出我既心聲，我由第一間長沙灣總店就已經開始幫襯喇，個時真係好好好好食，由其係黑柏葉，個湯底都好正，個陣真係好多人山長水遠都係為黎食碗米線咋，慢慢譚仔越開越多分店，本來對我地呢D住得遠既人黎講都係好事，起碼唔洗晒一定去長沙灣先食到，但係越做越大個後果就係水準下降，我都食過好多間分店，間間個麻辣都唔一樣，一時辣D一時又唔夠辣，個湯有D分店仲唔熱咖添，講真成日加價都不特止，一陣加湯又要錢冰又要錢咩都要錢，D阿姐服務態度差都算啦，幾十蚊碗野都唔望有咩service咖喇，但係連基本既記性都冇，真係好過份囉，由其係觀塘分店D阿姐，次次去食都落錯單寫錯野又冇記性，我次次去都見D客同阿姐為左呢D事嘈，唉...其實我以前真係好鐘意食譚仔咖，希望佢老細真係可以正視問題改下！係咪間間食肆一出名就一定會變差呢?!