諾亞半熟蛋糕專門店 (已結業)

以前諾亞只在九龍城，招牌半熟蛋糕令多少人慕名而來﹔如今諾亞的分店眾多，連味道也變得平凡了。今天，驚覺諾亞已經擴張至上水。作為北區人，見到有一間諾亞，總好過多一間藥房/水貨鋪吧！於是，我也買條「京都抹茶鮮乳卷」，算是為食店打打氣。可惜，味道卻徹底令我失望。卷蛋的抺茶味很淡，令人質疑他選用是京都哪一家的抹茶粉。蛋糕不鬆軟，入口更有「鞋」的感覺。忌廉屬正常水平，奶味不重。大膽講句，早前東海堂的抹茶糕更好味。或者半熟蛋糕才是他們的皇牌，下次還是買半熟蛋糕好了。…查看更多

.............大推介：士多啤梨芝士蛋糕 $169👍👍👍👍👍😍 (5分滿分).............極度推介既芝士蛋糕真心好好食阿紅當當的顏色很吸引，所以二話不說再次購買此蛋糕！而且寫著#季節限定 ，錯過今次，吾知又要等幾時啦上層 ：採用 當季最新鮮的士多啤梨 ，每粒草莓 都好飽滿好香甜。 帶點微酸的士多啤梨 同芝士蛋糕好夾，小甜小酸而不會太仔。中層 ：以 #澳洲忌廉芝士 同 #德國鮮奶 等材料製作而成芝士蛋糕 ！ 芝士蛋糕配上士多啤梨，令整個蛋糕帶有不同的層次，2-4個人share岩岩好內層： 一切開來就如爆漿一樣流出嘩！係大叫的時候了！記得不要浪費依d精華阿！下層 ：乃朱古力 底 ，不同顏色的配搭，很漂亮，而且朱古力濃度岩岩好不會搶士多啤梨同蛋糕的味…查看更多

平安夜, 係屋企開PARTY, 係樓下買左個比利士朱古力溶心芝士蛋糕做最後甜品面頭真係好厚既一層朱古力, 不過個賣相就差少少, 影相唔係好好睇放左係下格雪櫃, 諗住唔洗再等都係唔得, 未溶得曬, 好彩佢有跟埋把刀, 唔係都真係好難用自己把刀切. 個蛋糕有4 個層次, 個底有一層薄薄既朱古力SPONGE CAKE, 上面係芝士蛋糕, 中間係流心, 頂層就係比利時朱古力, 好豐富既口感, 不過就好FULL. 我地4 個人要分兩次先食曬成個. 不過到第二次食, 放耐左, 真係溶得再勁D, 又好食D…查看更多

今日路經諾亞，見到有兩款得意新產品，跟之前平淡, 寫實型不同, 現加入卡通造型, 似乎由OL轉攻小朋友啡熊Tiramisu $98黃鴨Lemon Cheese Cake $98好奇地問一問店員什麼時候出的，原來出咗幾日咋！為左氹家中小朋友, 於是急不及待買咗個啡熊T 返屋企試一試.外觀上，佢係一隻可愛嘅熊仔,  咁Q, 不太忍心食左佢, 但係，又唔可以唔食佢,一口咬落去，就感覺到軟棉棉的芝士同埋海綿蛋糕嘅混合體！芝士的味道好清香，唔太膩。而上面一層薄薄的朱古力粉，不過多，酒味不是太香濃, 恰到好處！似乎這個CAKE, 跟我買的目的一樣, 是針對小朋友而製造…查看更多

這之是之前到友人家中時,他說想吃流心芝士蛋糕所以才買的,友人住在上水,上水的諾亞蛋糕十分多人,要一會兒隊才買到今次選了比利時朱古力芝士流心蛋糕,蛋糕依舊香滑,朱古力味十分香濃,可能由於今次男仔較多,大家不消一會便吃完.特別的是朱古力的部份十分多,跟強糕完全溶合了,值得一試!!!…查看更多

很快就要離開上水這個工作了數年的地方，之前在馬會道附近食完午餐就會經過「諾亞」，今日特意買了諾亞的半熟蛋糕給同事一起品嚐一下。款式選擇都有很多，最後選了<<芒果流心芝士蛋糕>>($138)。如果是拎得遠的話，店員有乾冰可以提供，是不用加錢的，服務不錯！個人本身是十分喜愛芝士蛋糕及芒果的，這個蛋糕真是我的至愛！整個芝士蛋糕，大概有１／４是芒果，芒果很鮮甜。跟芝士蛋糕一樣橙黃色的，外觀上很配合。一直都很疑惑，究竟半熟的蛋糕是什麼來的？是唔熟的蛋糕嗎？！原來半熟蛋糕就像半熟玉子一樣是流心的！當切開蛋糕的時候，中間的一層芝士Cream，像是會流出來一樣！芝士蛋糕的芝士對於我這個芝士迷來說，芝士味濃而不膩，還很幼滑的。餅底亦是十分讚的！是硬身的餅碎餅底，用以可以承托軟身的芝士蛋糕，亦十分美味！另外，當煩惱緊要用餐具的時候，發現蛋糕餅內收藏了餐具，真是很貼心的服務！…查看更多

之前已經試過諾亞的朱古力流心芝士蛋糕和草莓鮮乳卷，這次順路經過，又再被櫥窗的各式蛋糕吸引，經考慮後就買了他們出品的「芒果流心芝士蛋糕」($138)。同樣地，店員貼心地囑我留意盒上的指示，取出後要在室溫放置一會才享用。這次她特別強調要倒掉盒內的乾冰，避免小朋友直接觸碰溶掉的冰水，唔……可能之前發生了一些不太好的事吧……晚上，我就從雪櫃取出這個芒果流心芝士蛋糕，蛋糕上層是呈凝結狀態的芒果果凍，芒果肉份量頗多，多甜微酸，算是高質素的芒果肉，沒有叫人失望。蛋糕中層是半浴的芝心，這次我特意在室溫放久一些，讓芝士可以有足夠的時間溶解，從而加強流心效果。而蛋糕的芝士味依舊香濃，可能因為是芒果口味的關係，酸微的味道消解了芝士的滯膩感，味感相對比較清新。對諾亞已經投了信任票，半溶芝士蛋糕既美味又邪惡，哈。…查看更多

諾亞半熟蛋糕… 一早就久仰大名, 可惜一直都未有機會買嚟試下。剛好今日經過上水俾我踫到諾亞, 咁就梗係要買番個蛋糕返去同屋企人分享啦~~雖然時候都吾早但係都要排隊, 不過都值得一等既...我仲要求店員提供d 乾冰俾我雪住個蛋糕, 等佢可以保持溫度。返到去打開見到d乾冰溶晒以為吾洗解凍就食得，切到中間既時候發現中間仲好硬……😓睇番外盒既食用方法先知道要係室溫擺放十至十五分鐘先會有流心既效果。或者我太心急喇，應該係室內放多一陣個效果會好d😊至於蛋糕既味道香濃、甜而不膩…內裡加左d朱古力碎立刻令到成個口感都豐富左。食左四分一個都吾覺漏 Yummy😜…查看更多

BB半歲大，我妹妹帶了兩個諾亞蛋糕給我。一個是朱古力芝士。盒子內有餐具，方便是方便，但就不是太環保。這把刀子我洗了重用，希望大家都可以幫手減廢。朱古力幾香濃，芝士蛋糕餡料亦恰到好處，不太甜，我覺得幾好的。芒果芝士，望落去幾吸引的，看到粒粒芒果肉！沒令我失望，而且我覺得反而比朱古力更出色！果肉新鮮，沒加糖所以味道像真。…查看更多

慶祝新屋入伙，買返個蛋糕返屋企先，揀左比利時朱古力同芒果芝士蛋糕，兩個加埋都幾墜手。朱古力味～朱古力味好濃，好喜歡呢種苦苦地嘅朱古力味，配埋個甜甜地嘅芝士蛋糕好夾。芒果，滿滿嘅果肉。呢款比朱古力略甜，芒果香甜，雪凍左真係幾好味。兩個蛋糕嘅芝士都係真材實料，芝味濃又軟滑，濕潤有口感，唔錯唔錯。食唔哂雪左聽晚再食過，個餅底濕左，其他味不變，依然好味道，不過都係新鮮食會好啲啦。…查看更多

好彩朋友屋企附近開左間諾亞, 我地幾個先唔駛帶兩梳蕉上去house warming. 個蛋糕既可以慰勞屋主執屋之辛勞, 我地又可以借D意共享~ 哈哈哈.上水分店存貨充足. 唔覺眼有邊款sold out雖然有好多新款好似布丁蛋糕, 溶心蛋捲等. 但我地意志堅定的要食佢既成名作- *蜂蜜半熟蛋糕* ($75)蛋糕賣相平實而有趣 (我地笑左佢巢皮好耐~~), 拎起蛋糕暗藏紙碟夠細心. (雖然我地後知後覺食完先知... )味道真係唔錯喎, 清甜軟綿綿, 重蜜糖味, 好濕潤. 難怪呢款蛋糕以前成日好早就賣晒.美中不足係"半熟"成份好少. 蛋糕接近9成熟. 切件後只有個尖dur先有點點流心出現.一行6人同屋主都滿意呢個蛋糕. 期待下次再買呢個蛋糕去人地屋企倒蛋之時~…查看更多

返完大陸探舊同事之後,經過上水,由於太夜,都係食埋晚飯先走係附近餐廳食完飯之後,咁岩經過諾亞蛋糕,順便買一個返屋企食先由於太夜先去買,都無其他選擇,所以買左個香蕉半熟流心蛋糕.估唔到香蕉味咁重咁濃,芝士味顯得無咁重.不過返到屋企幾個女仔都食唔曬,好飽,有D濟,下次都係唔好貪心一次過食曬…查看更多

妹妹想食蛋糕,哥哥義不容辭,咁岩去開上水,就去諾亞買個半熟流心蛋糕係附近泊好車之後,處理好D私事,就行入去買最後選左個芒果流心芝士蛋糕,芒果肉好甜好新鮮,加上半熟既芝士流心,食落好有口感,而且一D都唔膩蛋糕底好軟熟,同妹妹2個人SHARE食都食得曬下次再試其他味先…查看更多

一個綿綿細雨既下午，心血來潮想食個cake做下午茶，走到位於上水這間諾亞半熟蛋糕專門店，其實一早在網絡上認識這間來自台灣的人氣爆燈蛋糕店，主打多款半熟蛋糕，花多眼亂，選擇困難症又出現，最後決定試試新款式，來個焦糖雲尼拿布丁蛋糕。購買前親切的店員會簡單講解處理蛋糕步驟和詢問客人需時幾耐才能回去雪起蛋糕，由於我的路程不太遠所以就不用提供乾冰保持冷藏溫度。蛋糕盒的手挽是貓咪的耳朵，可愛感UPUP。打開蛋糕盒會見到一張圖文並茂的溫馨提示，第一次食蛋糕用咁特別既方法，跟著步驟小心翼翼地反轉然後取開膠盒和紙。盒底藏有4套餐具和蛋糕刀，超體貼耶! 有時在街上突然想買個蛋糕同朋友們開心sharing，都唔洗煩冇餐具進食啦!蛋糕層次分明，豐富的焦糖液隨隨傾瀉在碟上，而底層鬆軟的蛋糕好似海綿咁吸飽焦糖液，未食都已經覺得非常吸引。雲尼拿布丁蛋濃醇香，絲絲滑滑的口感，富有彈性的外觀，配埋下層海綿蛋糕，吃起來不會太濕潤，焦糖味甜而不膩，我和家人都愛不釋手，話咁快就食晒，大滿足!…查看更多

由於補習老師在上水區的關係,每星期總會有一次來到這兒,剛巧諾亞蛋糕在附近,每次總會買走一個帶回家作為甜品享用今天買了他們的香蕉芝士半熟蛋糕,由於有乾冰的關係,回到市區也是沒有問題.回到家後跟家人共用,香蕉味道的確十分濃郁,跟芝士味亦能接軌,沒有亙相排斥,而蛋糕亦十分軟熟,吃起來口感柔軟,份量看起來雖然小,但由於是流心芝士,吃半件已覺得非常飽滿,所以跟家人並享是最明智的決定,獨食易肥…查看更多