Noah Castella (Closed)

最近半熟的蛋糕大受歡迎，我之前都有吃過這間店的流心蛋糕，味道不錯。是日下雨，所以沒有人在排隊，看到之前常常賣光的綠茶蛋卷，便心郁郁買了一個來試試。不知道蛋卷會不會有流心的效果，所以我們吃之前先放溫室5分鐘，但最後仍然是沒有流心。蛋卷正常大小，可分為8片，但綠茶味偏淡，而且蛋糕不夠鬆軟，cream 和綠茶餡都不錯，但若果增加綠茶餡的比例會更佳。其實整個味道算不錯，但若然你也是綠茶迷便有可能會失望。…Read More

畢竟自己在北區經常出沒，不少食店都光顧過，有時候會覺得吃厭了，所以每逄有新食店出現都想試試。就在上水龍琛路的轉角處，近月開了一間連鎖蛋糕店，店子很面積很小，但人流不絕。跟平常的蛋糕店有別，店方主食售賣半熟蛋糕，反正不常甜品當正餐，一口氣要了兩個。第一次吃，沒心水下問問店員，要了限定草莓溶心芝士蛋糕 ($168)及焦糖碳燒咖啡布丁蛋糕 ($118) 。店員在蛋糕底部放置了乾冰，方便客人攜帶。食用之前要取出乾冰，再將蛋糕反轉取出，很有趣。先試試焦糖碳燒咖啡布丁蛋糕，布丁底雪得有點結實，但反而更有口感，布丁面滿是糖漿，濃郁的咖啡味很吸引，份量不多，兩個人吃剛剛好。另一個草莓溶心芝士蛋糕的糕面放滿了半開的草莓粒，一切下去很軟綿，原來是半溶的芝士，酸酸甜甜的，味道跟口感都非常獨特。兩者相比之下，似乎前者口味更大眾化，但喜歡草莓或芒果的朋友，也許試試溶心芝士吧。…Read More

最近掀起一股半熟熱潮，大家紛紛追捧 於2014年從台灣來的過江龍 <諾亞半熟蛋糕>，已在多區開設分店，不斷推出創新款式~~💛 鮮乳卷系列 (新品): 原味蜂蜜 / 京都抹茶 / 限定草莓王💙 溶心芝士蛋糕系列: 比利時朱古力 / 香蕉 / 限定草莓王 / 限定香芒💜 半熟蛋糕系列: 抹茶 crossover 忌廉哥 version / 原味蜂蜜 / 朱古力 / 低糖伯爵紅茶 / 檸檬💚 泡芙系列: 吉士 / 抹茶 / 朱古力太多款式簡直花多眼亂！這是第一次嘗試，就選了 <原味蜂蜜半熟蛋糕> ($75)。購買後，店員會細心了解你回家需要的時間，再給予適量的乾冰~~ 蛋糕盒頂部有雙貓耳朵，配合現時crossover忌廉哥的主題，非常可愛！ 底層則放了餐具，包括五份碟和叉。蛋糕中心呈凹陷形狀，即使凍食，流心效果仍然不錯，蜂蜜香味清新而不膩，口感綿綿細滑，$75是超值吧溫馨提示: 各款蛋糕有不同的最佳食法，留意店內指示即可！原味蜂蜜蛋糕可分熱食或凍食，店員建議回家後盡快將蛋糕放入冰格，想作凍食的話就在雪凍後於室溫放20-25分鐘，熱食的則可用微波爐叮1分鐘。推介分數:  (絕對值得一試) …Read More

今日去人地屋企食飯，禮貌上點都要買點東西上去人地度既，送禮不一定要送曲奇既，今次就行左去龍豐商場附近既諾亞蛋糕外面門面沒有太多的裝修，十分簡單，而有忌廉哥做推廣蛋糕款式很多，但我都系簡左朱古力仲要系比利時喎~~~買左之後店員仲好細心甘問我要用幾多時間回到家，原來有乾冰去保冷。回到家準備開動了~~個盒十分別緻，有貓貓的耳朵打開個盒預備食食食，正當諗緊點食，竟然有附送刀碟叉喎~~等左15分鐘溶溶地，根據蛋糕盒所講，這樣子最好味道~~~的確好濃的朱古力的味道，但感覺甜度不足，作為TEA TIME食配咖啡很搭的~~~…Read More

​早前知道上水終於開了一間諾亞～喜歡甜品蛋糕既我當然要試下～襯住買黎同同事分享～就買左芒果溶心芝士蛋糕$138～～滿滿既新鮮芒果肉和芒果jelly係面頭～聽店員講可以真接食～有少少似雪糕蛋糕～然後溶少少食勁流心～下層係芝士很滑～～蛋​​糕很軟不會太甜～～食完都唔覺得膩～～有別與一般芝士蛋糕，餅底直接用蛋糕，唔會太硬我鍾意～岩曬我食～超正～～店員亦好友善同詳細解釋點保存～會附上乾冰讓我拎到返屋企都唔溶～咁岩佢仲切左招牌既檸檬半熟蛋糕好味！岩好有得試～都係超級美味～蛋糕超軟～有點像有醬的海綿蛋糕～…Read More

有個朋友話諾亞好好食, 推薦左呢個蛋糕比我, 佢話經開上水不如一齊去拎個諾亞蛋糕, 見我個女都好鐘意佢既溶心蛋糕, 所以就要左一個啦估唔到會係呢個位置開蛋糕店, 火車站行過黎都要d時間見佢地有新產品, 所以買左個布丁蛋糕照住店員既講法, 食之前要將成個蛋糕反轉, 跟住拎個盒, 之後拎番張紙出黎, 等d焦糖流到底就可以食了反轉左後布丁係上面, 下面係海綿蛋糕底, 整體味道其實都幾好, 不過就覺得有d偏甜, 感覺上其實冇乜特色, 只係將布丁同蛋糕合併埋一齊食, 面頭既焦糖漿令個蛋糕底好濕, 整體黎講...普通一個消暑蛋糕, 但唔值108囉…Read More

最近知道上水開左新分店,對於住係大埔既我非常方便,趁今日得閒落去買返個先最近有新出品,布丁蛋糕,有2隻名,我選擇左咖啡布丁芝士流心蛋糕蛋糕保持一貫鬆軟,口感唔錯.咖啡味亦都非常濃,底部全部都係咖啡汁,好惹味而布丁係底部亦令到口感進一步提升,凍凍地果陣最好食舖頭亦都越黎越細心,比埋指引我地點處置,當然乾冷服務照舊保持啦下次再試新味道…Read More

諾亞終於在上水有分店了，想食他們的蛋糕就更方便了。知道他們有新品推出，炭燒咖啡布甸蛋糕，聽到已夠吸引。每個蛋糕都附有5隻叉碟和膠刀。揭開透明膠蓋，放上比蛋糕大的碟子，把蛋糕整個反轉，再慢慢揭開蛋糕紙，糖漿緩緩流下。上層是布甸，下層是海棉蛋糕。布甸不夠滑溜，一個個小氣孔，觀感上已大打折扣，其實淨的質感，令口感像豆腐乾一樣； 嚐不到咖啡味，只有糖漿的甜，海棉蛋糕雖然吸滿糖漿，但蛋糕頗為粗糙；整個蛋糕與“”鬆軟滑溜“”還差一大段距離。…Read More

今日返屋企既時候見到出左2款新蛋糕，咖啡焦糖同焦糖雲呢拿布甸蛋糕，聽個名已經好想食。可惜焦糖雲呢拿剛買晒，店員話只有咖啡焦糖味，而且今天質量不太好，d咖啡焦糖汁給蛋糕吸了，不能流，佢見我好想食，仲拎出黎俾我睇。由於食指已動，又咁啱經過，無理由唔買。買回家，咁啱全家都起屋企，快快手切左黎食。咖啡味超香，光吃咖啡焦糖布丁已經很讚，唯美中不足是真的沒有汁流落黎，視覺效果大減，唔怪得之焦糖雲呢拿味咁快買晒，下次要早d去買返個正常版本既♡咖啡焦糖布丁味道☆☆☆☆☆☆蛋糕味道☆☆☆…Read More

第一次見佢做特價所以即刻買左條 原味蜂蜜牛乳卷 黎試本來都想試抹茶卷, 但係見唔係好夠綠,抹茶味應該唔太濃所以唔試住咁就開始評原味蜂蜜牛乳卷我首先將條Roll Cake拆開3部份評1)蛋榚 (70/100)    算有彈性,濕潤,有蛋香,冇發粉/其他異味2)Crame (20/100)    食落似係100%植物性甜忌廉    完全冇奶味    甜,漏3)流心陷 (60/100)     橙黃色ge我諗係蜂蜜味但係食唔出     反而係有DD奶香     幾滑,甜度適中     但係得好少整體:主題係原味蜂蜜牛乳卷,但係0蜂蜜味,微量奶香最緊要係價錢正價$78唔應該係咁同美心$68一條比,人地都有比下Heart,有乳牛紋,淡忌廉,奶凍芯同普通包舖$2X比只係蛋榚嬴左少少慶幸唔係正價去試…Read More

放假返娘家晚餐，想不到上水也開了一家諾亞蛋糕，於是便買了一個回家跟家人一同品嘗。每款賣相都差不多，這次選擇了香蕉流心芝士蛋糕。店員建議先將蛋糕放在室溫20分鐘以解凍做出流心效果，但我覺得放30- 40分鐘的話效果會更好。基本上在開始晚餐時把蛋糕放在室溫中，晚餐後就剛好解凍。賣相絕不吸引，但一切開蛋糕便聞到濃濃的香蕉味。由於中間是流心的，所以覺得蛋糕中間部份質地挺滑的。而吃落亦很香濃香蕉味，甜味適中。唯一覺得蛋糕的芝士味稍為不夠，都給香蕉味蓋過了。一個份量4個人分享剛好，不多也不少。是家庭聚會的一個蛋糕甜點好選擇。…Read More

自問是甜品控一名, 對於所有關於蛋糕及甜品的資訊都非常雀躍, 近日在面書看到諾亞推出鮮乳卷, 用上全新配方, 忌廉以全人手打製, 實在按奈不住, 即使現在正積極修身, 還是決定買來試試。 三款全新配方的鮮乳卷, 分別是原味、草苺、京都抹茶, 而個人認為原味最能考驗師夫的真功夫, 亦能試到真正的味道, 所以最後決定要一個原味溶心鮮乳卷。 這次重新推出的鮮乳卷, 賣點是加重材料, 用上日本麵粉、日本海藻糖、澳洲牛奶, 中間還放了大量的流心忌廉, 單單看賣相就已經令人心動, 最重要是價錢照舊, 回家後第一時間試試。鮮乳卷大約可分為6件左右, 以HK$78元來說, 每件大約HK$13, 價錢相當合理。鮮乳卷的密度較一般市面上的蛋卷高, 質感富有彈性, 入口亦非常軟熟, 即使內裏加入大量流心忌廉, 鮮乳卷仍能保持清爽, 不會變得濕淋淋。 人手打成的忌廉味道超讚, 口感香濃柔滑, 而且味道淡淡的, 不會過甜, 大大減輕邪惡感, 配合外層帶有蜜糖香味的蛋糕, 感覺相當清新, 值得一試。 …Read More

今日返老家, 發現上水又開左間諾亞, 黃色BANNER, 特別易認, 它們擴展得好快, 難得經過, 買返個芒果流心芝士蛋糕跟家人分享(哈....哈.....其實係自己想食)家人見到可愛的貓貓做型餅盒, 個個都讚好靚!打開餅盒, 見到咁多芒果鋪係面, 跟士多啤梨一樣, 好鬼吸引, 睇到家人眼神就知, 佢地都好想食.....。已急不及待, 馬上動手, 第一時間,即切即食, WOW........芒果好甜, 好軟好新鮮, BUT..........唉, 又係太心急累事!! 唔記得要等10-15分鐘添。 所以, 芝士蛋糕有㸃硬, 完全沒流心, 於是立即叫停, 叫大家等10-15分鐘再食 , 請留意下圖10-15MINS後, 芝士已軟淋淋, 流心湧出, 芝士香濃軟滑，配合芒果一齊食, 簡直絕配!!…Read More

「自己喜歡的食店在屋企附近開分店」這個消息，不管是誰聽到都會感到興奮。之前吃諾亞蛋糕，要長途跋涉往荃灣購買，交通往來甚為不便之餘，也容易在回家享用的過程中影響蛋糕的質素。聽到上水開了分店後，就急不及待要再過來一下！跟上次一樣，店員也問我離家有多遠，好讓他安排乾冰的份量。由於這次回家的路程不過半小時，就不需要乾冰了！餐具也隨之奉上，周到之至。這次買了「草莓王流心鮮乳卷」($98)，蛋卷比較挺身，質感綿密，蛋味頗濃厚。内裡有兩種顏色的忌廉，分別是白色（牛奶味）和粉紅色（草莓味）的，份量多，幼滑得很。忌廉中有一些原粒草莓果肉，味道酸酸的十分醒胃，也使整個蛋卷不至過膩。最開心的是以後買諾亞蛋糕都非常方便！看其勢頭，分店越開越多，加上無敵可愛的忌廉哥代言，相信半熟蛋糕熱潮還會不斷持續！…Read More

登登登 ^_^ 諾亞其實一早已聞其名，分店愈開愈多，今次終於來到上水，這麼近當然要買來試試，喜歡試新野的吃貨mode又啟動了。雖然中學在上水就讀，不過仍是路痴，在研究龍琛路3號在那兒的時候，在對面馬路已看到諾亞搶眼的黃色裝潢，好順利來到。本來想買蛋糕及泡芙，可惜泡芙在我下午約3時來到前已售罄。半熟蛋糕也有好幾款，不過我買了最想試的抹茶卷蛋！最後帶走可愛貓咪的蛋糕盒。京都抹茶鮮乳卷 $88抹茶的綠色好吸引，看官方fb專頁這是新配方的卷蛋，用料不同之外，還有流心效果，不過我未品嚐過之前的未能作出比較。在上水回家差不多1小時，肉眼看忌廉還沒有溶化的現象，而且看到正中間的抹茶流心，現在吃時間剛剛好。我這個是切開第2件，抹茶分佈不太平均，因為第1件抹茶較多，給了媽媽。蛋糕未算很鬆軟，至於忌廉有濃郁牛奶味，質地很軟滑不錯不錯。最後單嚐的抹茶忌廉味道濃郁得來有點澀，如果跟海棉蛋糕、牛乳忌廉一起吃就剛好。整體我會覺得抹茶的比例對我這抹茶迷有點小，加上忌廉未夠多，因為本人的口味是喜歡多忌廉，這個吃了會口感較乾。下次再光顧的話會買出名的半熟蛋糕。…Read More