覓小食 (已結業)

麻辣手撕雞飯（$58）-麻辣手撕雞飯的辣味和香氣非常濃郁，好值得一試🥰。辣度同麻度都好容易入口，不過真正令佢可以令到五粒星嘅原因係因為雞既份量多。雞肉份量我覺得有2隻雞髀咁多，再加埋大量切條嘅青瓜絲，有口感又超好食。而飯同樣都係大大份，食到超級飽。-平時餐廳係做學生生意，學生嘅話仲有折扣優惠，係好佛心嘅餐廳呢🥰-覓小食算係青衣區內性價比唔錯嘅小店，曾經都試過叫食物但都等一段長時間，所以今次聰明咗手機落單之後去拎，等都唔使等🥰-

可以用鮮汁豬扒飯去形容，成個飯得兩個蕃茄碎粒，其他全都係罐頭茄汁味。塊豬扒都算大塊簿身的，但真係好咸。d飯就好濕，一Pat Pat 的口感。嘢飲都算正正常常。做既都係街坊生意，但係呢間嘢既服務態度就真係偏差。將貨就價，唔會特登幫襯。

今日剛剛買咗個腐竹糖水。 嘩!越嚟越差.. 煲好嘅腐竹糖水再溝水一樣。佢剛剛開嘅時候我經常去買， 但每次嘅品質都唔一樣。 但是附近只有一間有糖水賣， 如果想食糖水， 下次都要諗過先，食完只會心情更差好像畀人呃了一樣😤

收工夜晚返到樓下買外賣自己一條友就求其買啦就去左呢間外賣小食店買左個燴意粉老實講就真係麻麻地性價比唔高唯一好處係夠大份 實飽我就食淨左一半嘅意粉已經滯左（唔係講笑真係好多意粉）如圖所見 鴨胸絲得好少火腿就多啲啲嘅同埋海量嘅紅蘿蔔（我都ok中意食紅蘿白所以呢個point係欣賞嚟嘅）味道就正常canteen頹飯白汁味擺得入口咁啦醬汁都足夠 又唔會結達達之前仲有食過焗肉醬意粉嘅我會比較推薦肉醬意粉足料又夠香不過就太肚餓無影相喇

昨晚到青衣長康邨2期的"覓"買了個煙鴨胸火腿燴意，單叫沒飲品，盛惠$43.返到家一看，只見滿滿的意粉及火腿條，就是看不到有煙鴨胸。我還以為自己睇錯叫了火腿意粉。好在我是買給女兒食，影了相要她選。看見只有火腿的意粉下，我左揾右揾。終於齊合數條鴨胸，但都不及一片細裝tempo紙巾大。大佬呀出面一嚿鴨胸幾錢，俾一兩片都得掛，唔係咁都慳？這個似火腿絲意粉多啲，唔夠鴨胸就收平啲啦，收$43沒飲品。我寧願係屋企煮個公仔麵好過啦。生意真的很難做嗎！！！！

今日比較懶，唔想煮午餐😅於是就去屋企附近周圍睇吓有咩嘢食買，行行吓見到呢間小食店好似唔錯，就研究吓個餐牌，點知發現好似幾平咁，就決定幫襯下。我揀咗個瑞士雞翼煎蛋飯，個紙兜好大，餸下面全部都係飯，起碼有兩碗飯😝賣相唔錯，瑞士汁有少少甜味，又夠鹹香。菜同煎蛋都一般。整體來講感覺比較家庭式。😄由於驚唔夠食，就叫多咗兜燒賣，有驚喜嘅係佢嘅豉油同辣椒油都好香，好重麻油味，就算配上普通嘅燒賣都好好味！❤️❤️其實佢仲有其他糖水同小食，呢啲家庭式嘅小食店買少見少，下次試吓其他嘢再支持下先😋

今日下晝做做下野突然之間好肚餓，諗起附近好似有間小食店叫做覓小食，有啲小食賣，所以就去外賣app睇吓有咩小食可以當下午茶啦。好驚喜地佢竟然有韓式炸熱狗！因為我除咗小學嗰時食過，之後都好耐冇預過呢一種熱狗啦！見到梗係即刻叫啦！之後我仲叫咗個焦糖忌廉多士，仲叫左個泡菜豬肉飯，因為屋企人話好肚餓黎到之後都好滿意！個熱狗仲係熱辣辣，有脆既口感，呢一種熱狗加茄汁咁樣食真係超好味！佢個忌廉焦糖多士係厚多士嚟，個多士我都幾鍾意，唔會太熱氣，口感軟綿綿咁樣，再加埋啲忌廉焦糖汁，非常惹味泡菜豬肉飯都唔錯，好足料，好多豬肉，我都幾鍾意佢個外賣飯碗，感覺好實淨，味道都唔錯，不過多啲汁就更好

覓小食係長康邨裡面，做街坊生意，價錢也很特惠，重點係價錢平得黎，味道都唔差🥰鋪面座位唔多，得幾個吧枱座位，個人認為比較適合外賣食啦，住附近既真係要試下😉餐牌無套餐包野飲，所以後面有賣不同既飲料比大家揀雖然係街坊小店，🤗但鋪面算幾光鮮，餐牌都有唔少選擇🥺而家好難揾到三十幾蚊既飯啦外賣盒唔係普通發泡膠盒，而係銀色圓桶紙盒👌賣相算係幾唔錯🐓瑞士雞翼煎蛋飯 $38有四隻瑞士雞翼雞翼入味，夠甜😋🍳煎蛋仲流心添🐖香茅豬扒煎蛋飯 $45豬扒夠大塊，唔會太乾👅每盒飯份量都幾足，絕對飽肚

附近新開一間小食 乾淨衛生 夜媽媽肚餓試下有驚喜 白汁豬扒飯雖然唔係即煎豬扒但我覺得都幾好食 ,口痕就嗌多幾個小食 炸雞髀應該係即炸等咗20分鐘 唔錯 送啤酒一流加多一個鹽酥雞 幾惹味

平時食開住家飯，要係無咩飲食選擇既青衣搵一間價錢ok又好食既餐廳可能難過係馬鞍山搵醒起屋企附近有間小食鋪未試過，於是就去試下去到門面好企理乾淨，同埋雖然話係小食鋪，但係其實都有啲飯/主食賣下，見到有個原條鰻魚飯賣$58蚊咁抵就叫左食物包裝上面都有花心思，唔係淨係搵個白色飯盒載住，係用平時食日本野外賣個種圓型飯盒，起碼觀感即刻加分先本身就咁睇都已經覺得幾足料一打開拎起條鰻魚有驚喜 真心大條，同埋夠熱夠淋，肉質同個汁都好正常，鰻魚本身無刺依個價位就唔好追求米係咪咩日本珍珠醋米，所有野都好正常、鰻魚足料味道正常已經好好，絕對食得過

探朋友路過，突然肚餓，入去醫肚咖啡師推介咖啡多士，咖哩魚蛋好味！聞到生炸雞脾非常香我也叫了一客，朋友也叫了炒意粉，再叫了燒賣腸粉，吧枱後有很多飲料自己選擇非常方便，咖啡師親切又有禮！

最近吃住家飯的機會越來越少， 卻多了尋覓家附近美味小店的機會， 最近樓下有小食店新開張， 覓食又多一個去處！覓小食以外賣為主， 也設有數個座位可以堂食， 開放式店面光潔， 加上落地玻璃可以阻隔外間塵埃更衛生。食物種類不算少， 有正餐也有小食， 還有附近食店缺乏的香口炸物跟糖水， 宵夜又多個選擇！下班時間買外賣的人流不少， 可能新店還沒上軌道吧？ 下單全憑記憶較為手忙腳亂， 也會忙中有錯， 幸好不用等太多就拿到熱騰騰的外賣了！ 外賣包裝設計簡約， 用紙杯紙碟取代膠製品這點蠻不錯的！香脆雞軟骨 $20/份 即炸雞軟骨口感香脆， 微微帶辣特別惹味， 忍不住邊走邊吃相當邪惡。香蒜牛肉炒意 $35 即點即炒的意粉炒得乾身還散發濃濃蒜香味， 牛肉分量不少而且件件厚切， 作為晚餐足夠飽肚。炒意粉加小食一共$55， 價格合理， 娘親大人也外賣了好幾回來加餐， 期待將來會推出更實惠的套餐呢！