覓小食 (已結業)

今日比較懶，唔想煮午餐😅於是就去屋企附近周圍睇吓有咩嘢食買，行行吓見到呢間小食店好似唔錯，就研究吓個餐牌，點知發現好似幾平咁，就決定幫襯下。我揀咗個瑞士雞翼煎蛋飯，個紙兜好大，餸下面全部都係飯，起碼有兩碗飯😝賣相唔錯，瑞士汁有少少甜味，又夠鹹香。菜同煎蛋都一般。整體來講感覺比較家庭式。😄由於驚唔夠食，就叫多咗兜燒賣，有驚喜嘅係佢嘅豉油同辣椒油都好香，好重麻油味，就算配上普通嘅燒賣都好好味！❤️❤️其實佢仲有其他糖水同小食，呢啲家庭式嘅小食店買少見少，下次試吓其他嘢再支持下先😋