覓小食 (已結業)

今日下晝做做下野突然之間好肚餓，諗起附近好似有間小食店叫做覓小食，有啲小食賣，所以就去外賣app睇吓有咩小食可以當下午茶啦。好驚喜地佢竟然有韓式炸熱狗！因為我除咗小學嗰時食過，之後都好耐冇預過呢一種熱狗啦！見到梗係即刻叫啦！之後我仲叫咗個焦糖忌廉多士，仲叫左個泡菜豬肉飯，因為屋企人話好肚餓黎到之後都好滿意！個熱狗仲係熱辣辣，有脆既口感，呢一種熱狗加茄汁咁樣食真係超好味！佢個忌廉焦糖多士係厚多士嚟，個多士我都幾鍾意，唔會太熱氣，口感軟綿綿咁樣，再加埋啲忌廉焦糖汁，非常惹味泡菜豬肉飯都唔錯，好足料，好多豬肉，我都幾鍾意佢個外賣飯碗，感覺好實淨，味道都唔錯，不過多啲汁就更好