見見面 (打鼓嶺道)

营业中

休息中

同一區有兩間分店就知呢間舖頭唔少嘢啦, 仲要係九龍城食泰國嘢為主菜, 但係呢間川菜舖頭有分店, 所以真係冇得頂。今次兩個人去食lunch, 希望唔會食得過飽喇😂😂呢度係用電話點餐嘅自由揀辣度。酸辣粉, 惹味唔太酸 又有得自己揀辣度。水煮桂花魚, 呢個不得了又麻香又冇骨 啖啖肉酸辣涼拌木耳, 木耳本身已經有益爽脆, 仲要酸酸辣辣咁呢個我覺得好特別 涼拌大蜆, 我就第一次食,冇沙又鮮甜, 我又鍾意食芫茜好襯呀我仲要問佢攞多啲芫茜 姐姐即刻畀咗一碗我, 真係冇得頂埋單兩個人五百蚊有找廿蚊, 又係食到好滿足

食晏時間喺九龍城，經過呢度，望到裏邊大紅燈籠高高掛😆，咁我就打算搞搞新意思：喺九龍城都唔食泰國菜，決定發揮冒險精神，入去試吓😆一個人叫咗三樣嘢食😆：$98嘅「蔥油雞（半隻）」，$62嘅「清炒萵筍」，$48嘅「紅油抄手」😆「清炒萵筍」先上，顏色碧綠，食落幾爽脆，加咗蒜蓉炒，簡單得嚟幾好食😆。「紅油抄手🥟」跟住上，要咗極少辣，依然有紅卜卜嘅辣椒油浮面，底下就係味道濃郁嘅醬油，有四川風味😋。最後嚟埋「蔥油雞🐓」，不同部位嘅雞肉有不同口感，加埋爆香咗嘅蔥 同 醬油一齊食，幾香口😆