見見面 (打鼓嶺道)

营业中

休息中

雞煲有頭!!!好明顯係白色頭髮，仲話係雞毛！！店員話唔係頭髮係雞毛，我覺得超級無語，態度又差，雞煲冇雞煲味，又唔辣又唔香！超級差態度，尤其眼睫毛長長嗰個店員，十問九唔應！趕收工，唔係講到咁啱？第一次試呢間店啲嘢，本身仲滿懷驚喜，點知勁差勁，唔會再推介其他人過嚟食！客人叫唔該想叫嘢，係咁呼喝客人，態度又差嘢又唔好食

見見面我基本上一個月食一次呢間分店最好食每次必點酸菜魚+寬粉最近愛上千頁豆腐呢個可以一試佢連埋爐上枱所以好夠熱同埋呢個口感既豆腐我係未食過佢有啲似魚片所以好飽肚今次新嘗試炒蜆呢個就好一般應該係炒過龍所以偏硬蒜泥白肉切得好薄係好食，不過就唔太抵食如果喜歡濃味+辣呢間係不錯既選擇

好友生日特地同佢試吓呢間川菜館。係一個喜出望外嘅吃貨體驗！係九龍城有啲古色古香嘅店面，座位分布比一般本地小店舒適闊落。我哋點咗水煮魚、豆花牛肉、酸辣士豆絲同牛油黃金蝦。每個菜式份量超大，好抵食！麻辣菜式我哋選擇小辣，咁樣可以食到食材原味 … 四碟餸都好好食 … 土豆絲爽脆入味 … 水煮生魚非常嫩滑 … 牛油黃金蝦鹹香惹味 … 但係最令我哋食唔停口嘅係豆花牛肉。麻辣鮮香，豆花跟牛肉口感鲜嫩。幾咁飽都唔可以放過甜品 … 我哋叫咗桂花冰粉 （清新解辣）！仲有爆漿紅糖糍粑口感酥脆軟糯，這個一定一定要試！

川菜本來就係好過癮嘅食物，但係最怕就係只係食到辛辣嘅味道，或者一味得個麻，變成基本上食唔倒食材本身的味道。或者本身食材好好，都因為咁樣，俾麻辣嘅味道遮蓋左。見見面之前從來都未聽過，主要成日喺九龍城食泰菜，所以想轉下口味。咁啱見到就入左去。但係反而好有驚喜。諗住叫既都係基本嘅酸菜魚，涼拌三絲。同埋水煮牛肉，加上佢聽落比較特別嘅豆花底。其實做到一般水準就收貨。點知真係幾好味，叫左小辣，麻辣嘅味道調配得恰到好處。我地俾既評價，每一樣材料都係一個字，嫩。牛肉幼嫩，配上嫩滑，但唔容易散開嘅豆腐。魚片一樣係好嫩而且無骨。酸菜魚嘅湯底更加係辣得黎又清新。散發著陣陣嘅檸檬香。除咗見到兩三塊嘅檸檬，相信入邊亦都加左檸檬汁。我都飲左好幾啖。香港真係有好多唔高調但係又好味既小店。

我哋早食嘢六點幾時都冇乜人, 但係七點之後好多客入座無虛席, 睇嚟喺九龍城呢間川菜都好受歡迎👍🏻 而家做緊五周年慶, 晚市6點後全單9折 (以下介紹為原價), 食滿$350仲送紅糖糍粑一份; 勁欣賞佢手機落單可以好大幅度咁調教口味, 辣/麻/芫茜/油/咸都可以走或少👍🏻孜然羊肉 $108羊肉好軟腍, 同洋蔥辣椒一齊炒好有鑊氣; 走咗芫荽🤭 但孜然味好濃好香係正宗川菜既味道大盤花菜 $88除咗椰菜花, 仲有少少腩肉, $88好抵食勁大盤; 用少少辣椒炒好鹹香炸饅頭（6件） $38一口size成舊點勻煉奶直接啪入口, 炸得金黃酥脆勁正

見見面 (打鼓嶺道) (九龍城)九龍城打鼓嶺道80-82號地舖繼上次幫襯過之後好想再去，今次特登帶埋喺外國返嚟嘅屋企人，一試招牌酸菜魚🐟酸菜魚(生魚)-例牌$188屋企人不停大讚魚片超級滑溜，相信係新鮮魚先會有依個口感，入口即化，索曬啲汁好正👍 加上魚嘅份量超級多，依個價錢性價比超高。我哋揀咗少辣少麻，酸度我覺得恰到好處，湯內仲有幾片檸檬，減輕油膩感之餘仲覺得好清新!! 值得一提除咗辣度、麻度，客人仲可以選擇少油少咸多蔥多蒜等等，因應個人口味自行調整，好貼心❤️ 如果想豐富啲，可以加寬粉、蓮藕片、蘿蔔等配料!! 魚骨腩豆腐湯 $88我好鐘意飲魚湯，好飲又超有營養🧐 飲落胡椒味味好香濃，每啖都充滿魚嘅鮮甜味，一啲都唔腥，配上超級滑豆腐，口感一流👍 仲有海量魚骨腩，十分足料，唔怪得咁鮮甜!! 雞軟骨串 五花肉萵筍串 燒厚切牛舌上次太飽無嗌到串燒，今次有機會試下🤩 可以揀四川/鹽燒，我哋揀左鹽燒都十分夠味!! 估唔到串燒都幾有驚喜，特別係五花肉萵筍串咬開爆汁，極邪惡不過好正🥹香辣秋葵 $48上湯娃娃菜 $58秋葵都有得揀辣度同少蒜少油少咸，食得健康啲幾好🤣 涼拌秋葵好爽口，送酒一流!! 想清淡

由幾年前疫情開始，食完一次就返唔到轉頭，最瘋狂係疫情晚市停業，都要特登搭車落去買外賣返屋企食，係咪正宗我就唔知，但佢個烤魚係真係好好食，烤魚下邊有芽菜，萵筍蒟蒻等等薦底，另外都推薦大家試吓麻辣涼拌花甲，呢個都係我每次去到必點之一，亦都好鍾意呢度有得自行選擇大中小辣，少油多麻走蒜等等，另外今次試咗農家小炒肉，大家可以睇吓張相，啲肉多到少少嚇親，之前都食過大盆菜花，回鍋肉等等小菜，樣樣都好好送飯，大家去開九龍城可以試吓。

以前住大圍，經常相約好友八個六個成群結隊去賈炳達道首家店吃。歷經幾年嚴峻疫情，屹立不倒還連開幾間分店，自然有他的實力！這實力絕對來自廚房來自菜品來自味道👍最近朋友們都陸續去吃，我也必須去品嚐久違的美味呀😍果然水準一如當初的好👍雞煲內的雞肉滑而嫩，中辣對於我來說有點辣🥵，不過在能接受的範圍內，好吃😋刺激三條黃骨魚（算是很大條了）被我吃了兩條😅乾扁四季豆吃光光😋和姐妹一人一支啤酒🍻微醺的感覺很好

九龙城里最地道的川菜❗️见见面 又是在九龙城里寻觅美食的一天，大家对九龙城的印象可能停留在泰国菜里！其实九龙城里也有好多超级无敌好吃的川菜，今天就来给大家推荐一家。 这家餐厅叫见见面，环境非常舒适，古香古色的中国四川风。红红火火的色调，非常喜庆！我们点了：☑️辣子鸡这盆辣子鸡，光看卖相你就懂肯定超好吃。‼️真的好喜庆，吃出了过年的感觉，辣度刚刚好，鸡肉也不油腻，超级香还带点酥脆！☑️孜然羊肉孜然羊肉炒的太入味了，有点微辣，刚好把羊肉那点骚味盖过了，孜然粉配上洋葱🧅青椒和羊肉炒一碟，上菜热气腾腾已经闻到它的香味了！☑️椒盐虾椒盐虾也是川菜我比较爱的，虾炸了表面，和一些干蒜头炒在一起，非常香脆，也很下饭！☑️豉椒大蜆这个大蚬真的要夸一下，蚬肉真的巨大，炒的非常鲜嫩入味，绝非一般水平。推荐你们点点点，吃过让我念念不忘。❗️見見面 (九龍城)九龍城賈炳達道45號地下A1-A2號舖

酸菜魚(生魚)酸得嚟唔會太鹹🍲，魚肉細滑，薯粉(+$30) 吸晒啲汁好入味，仲有啲配菜豆卜同蘿蔔喺入面，如果覺得唔夠喉可以選擇加唔同嘅配料， 建議：薯仔，萵筍都係唔錯嘅選擇上湯大白菜上湯再加少少火腿娃娃菜，好味到可以飲埋啲湯，感覺似住家菜回鍋肉回鍋肉味道，偏濃炒得好有鑊氣但啲肉就太過薄🥓，無乜口感，溫馨提示：唔好亂咁挑戰啲辣椒我飲咗兩罐王老吉先冷靜到Walk-in多人嘅時候，要排隊等一陣先入到座位比較狹窄，嗌咗個酸菜魚之後啲餸都唔夠放📍九龍城

一進門口感覺好熟悉 同翻大陸食嗰啲餐廳環境好相似 每張枱舖紅枱布 餐具都好有中國味道 叫咗三個餸 手撕包菜好入味 好好食 奇味雞煲同係大陸食嘅口味一樣 但蓮藕相對差啲 無乜味 呢度嘅服務都好好 啲姐姐都好有禮貌

📍見見面 (打鼓嶺道) (九龍城)呢間算係👩🏻嘅川菜愛店。菜式味道濃郁豐富，但又唔會太油膩。炒嘢一律超有鑊氣👍🏻。✨椒鹽蝦 $158炸到卜卜脆，基本上成隻蝦都食得，仲要有埋蝦膏😍。大量炸蒜同椒鹽粉，再加少少辣味，鹹香又惹味。✨大盤花菜 $78椰菜花爽脆清甜。味道又香又辣，因為加咗五花腩片，所以有啲豬油香味。✨飄香辣子雞 $143雞肉經過油炸，又脆又多汁。味道濃郁又豐富，同一時間有晒孜然，辣椒、蒜頭、薑、花椒嘅香味。✨桂花冰粉 $30冰凍香甜，好適合解辣。📍見見面 (打鼓嶺道) (九龍城)九龍城打鼓嶺道80-82號地舖

平時去九龍城，個個都係話食泰國野，今次黎到九龍城見到呢間主打地道川菜既～見見面～🔥，即刻引起我既興趣，同朋友提議就係度食個午餐。餐廳裝修好雅緻，仲古色古香，坐得又舒服。 餐廳可以做得咁四川地道風味，原來啲香料，全部都係四川🌶️🌶️入貨。川菜裹面我就最鐘意食酸菜魚🐟，今次揀左生魚片，呢隻仲可以揀啱自己既麻度同辣度🌶️，今就返啲朋友，食微辣。以為例牌份量會少啲，點知原來都係一大碗，酸湯味濃，魚片份量多，魚片結實又滑嫩。裹面除左魚片，仲有爽口既萵筍同QQ既寬粉。四川酥肉，外層炸得酥脆香口，仲係金黃色， 而肉腌得好好味，好腍好juicy。川菜入面嘅炒菜菜式，點少得呢個大盤花菜，花菜同埋腩肉片炒，炒得好惹味，餸兩碗白飯都得。炸饅頭都係我非常想食既小食，饅頭炸到超酥脆，點埋煉奶食就無敵。紅糖糍粑，呢個特色甜品，煙煙韌韌， 每舊我都點最多既紅糖食。呢度晏晝食唔洗加一，今餐食得好飽，晚餐都唔洗食添。

朋友預祝生日食飯，去咗九龍城呢間「見見面」食番個 late lunch 慶祝先。兩點零左右去人流較少，食得更暢快。餐廳乾淨整潔，環境裝潢古色古香，坐位寬闊。自助落單十分方便，午市有一人套餐供應，吾使下下叫大大盤，一個人都可以食到酸菜魚/水煮魚等等。食生日飯當然要食得豐富啲。先要了份涼拌《麻辣牛柏葉》($48)香麻爽口，越食越麻香。《清炒萵筍絲》（$74），炒得啱啱好，清甜鮮嫰。《毛血旺》粗薯粉加底，香辣足料。《雙色剁椒魚頭》，第一次試雙色椒，魚頭超級大個。《酸菜魚午餐套餐〉($72)，包一罐飲品，可以自選加飯、麵或紅薯粉。一人份量，經濟抵食。最加個甜品〈紅糖糍粑〉，即叫即做，外脆內軟，煙煙靱靱，非常滿足。埋單六百有找，低食性價比十分高。

📌見見面（九龍城）川菜一直係至愛菜式之一，見見面係朋友私心推介，菜式由正宗四川師傅誠意炮製，有齊水煮魚、酸菜魚、烤魚等菜式，吸引不少捧場客✨✴️酸菜魚 （生魚）湯底酸、辣之中帶胡椒味，味道濃郁，令魚片都好入味，而且魚肉肉質嫩滑，大大片，基本上係啖啖肉🤍只係偶有一兩片有細骨落單時揀咗中辣，滿滿嘅胡椒味十分醒胃，魚片份量好多，以$188呢個價錢性價比唔錯配料係另加嘅，我地加咗寬粉，厚身嘅寬粉索晒辣汁好惹味✨✴️宮保雞丁呢款係唔辣嘅小炒，味道有驚喜🤍鹹鹹甜甜之中帶醋香，酸酸哋好開胃，雞丁之外，有蓮藕、木耳、花生等等，口感同味道都唔錯，下次再嚟都會encore✨✴️手拍青瓜醬汁濃郁，蒜香味十足，青瓜口感清爽，解辣解膩一流✴️手撕茄子醬汁同手拍青瓜味道接近，分別在於茄子較索汁，辣味同蒜味同時充斥口腔，重口味之選🤤✴️紅糖糍粑$38糍粑即叫即炸，上枱時係熱辣辣㗎份量好足，幾抵食，炸皮脆而內裡糍粑煙煙韌韌，放耐咗依然脆口，點紅糖醬食，感覺甜絲絲🥰✴️桂花冰粉$30冰粉質地滑溜，加埋黑糖桂花清涼解辣食完重口味嘢，食返碗冰粉感覺清新晒