影片
营业时间
今日营业
11:00 - 01:00
星期一至日
11:00 - 01:00
以上资料只供参考，请与餐厅确认详情
平时都好中意食辣嘢嘅我哋今日去咗九龙城食川菜！餐厅位置有啲隔涉不过唔难揾。餐厅设计有啲似小茶楼，入面有十人左右嘅大枱，都几阔落。🍽️四川姜爆鸭 $168见呢个小菜喺招牌菜入面，叫咗一份试吓。姜爆鸭色泽几靓，姜嘅味道浓郁，带少少酸味几开胃。配菜笋丝几吸味，份量都几多。🍽️辣子鸡 $143一讲到辣嘢就会谂起辣子鸡先，叫咗一份好彩冇令我失望！中辣辣度啱啱好，出到嚟唔会好多油而且好够火候够唒干身！花生够脆口，鸡件份量多，粒粒都好入味味道均匀惹味。🍽️牛油黄金虾 $168黄金虾几有惊喜，虾好大只，口感结实弹牙。虾壳外层包覆住满满嘅金黄色酱汁，第一啖食落带浓郁牛油香气，之后咸蛋黄味喺口腔慢慢爆发出嚟，味道啱啱好唔会过咸同时一啲都唔油腻，好啱𩠌饭！🍽️四川担担面 $40担担面汤底浓厚，除咗蒜香仲有啲奶油香气，花生同芝麻香配上花椒辣味飘香会忍唔住一啖接一啖咁食。面嘅质地亦相对有咬口，唔会过淋。$40呢个价钱真系非常抵食！整体唔错，下次试埋佢哋嘅烤鱼！
继续阅读
今日同老公去左九龙城探亲戚，之后就去左食晚饭。天气冻冻地，不如食吓川菜暖暖身。餐厅充满中国色彩，以木系雕刻作屏风，横梁挂上红色灯笼。空间几大，好宽阔，环境舒服干净。呢度用QR code点餐，电子餐牌已分晒类，种类都几多，除左一般嘅鸡煲同烤鱼外，仲有小炒同干锅等。我哋就点左小炒、干锅同招牌菜各一，另外两款川渝粉面。值得一提，每款份量都好多，足料。而唔食辣嘅人，都可以拣辣度，甚至唔辣都可以。前菜：有咸花生同云耳，咸咸地，微辣，几好。糖醋里脊：里脊薄薄粉浆炸得脆口，食落唔觉得话好油腻，腍得黎偏瘦、软熟。味道酸酸甜甜，甜酸度中和得刚刚好，开胃菜之选。干锅田鸡：原锅仔上，下面有火keep住热。田鸡锅较干身，唔会话好多油。配料有洋葱、蒜头、豆豉、青椒同翠肉瓜等同炒，田鸡肉嫩，越食越惹味，有水准。酸汤肥牛：招牌菜之一，肥牛唔算肥偏瘦，汤底清澈无油，味道唔觉得太酸，泡椒味较浓但唔会太辣，底部原来仲有莴笋同红薯粉，红薯粉连汤食好入味，整体丰富。四川担担面：面条滑口、弹牙，汤底有花生碎加埋麻酱，味道香浓，足料。肉末酸辣粉：配料有肉碎、花生碎同雪菜等，辣度拣左极少辣同少麻，汤底偏酸少麻，唔太辣，红薯粉口感烟韧，非常挂汁，好好食。
继续阅读
今日行经九龙城找饭食，见到间叫见见面，以为是车仔面之类，原来是中式川菜馆，叫几款小菜加饭就啱胃口。店内每张枱都是很阔落，枱与枱都格很远，十分舒适用膳。今晚点了👉宫保虾球，鲜虾爽口弹牙，份量十足，麻辣味很出。👉糖醋脊里，即系猪肉，有啲似咕噜肉，但外皮炸过，脆卜卜，又冇骨，很正。👉干扁四季豆，正常发挥。👉瑶柱蛋白炒饭，唔太油，粒粒分明。唔够饱可以加多个👉炸馒头做甜品，点炼奶食，刚好一啖一口，很满足。
继续阅读
九龙城有很多食肆 ，今日拣了川菜， 餐厅的名字好亲切 ，叫做见见面， 大家坐低见见面聚下旧， 真是好名字 。在打鼓岭道80号地下铺， 餐厅装点得古色古香，很有中国风情 ，楼底很高 ，座位安排有致，私隐度高 ，好像每台都有自己一个包厢 ，坐得非常舒服的一个餐厅。在这里点餐非常友善， 知道香港人 接受辣的程度不同， 所以很多菜式都可以拣大辣中辣小辣微辣不辣， 也可以拣少油少盐， 好健康 。👍我们首先点了一个香辣鸡煲小辣， 用火炉煲住 ，阵阵香味扑面而来， 鸡煲里配料非常丰富，花椒八角少不了， 洋葱青椒芹菜芫茜， 整个鸡煲香味四溢，惹味吸引，还专门点了炸馒头送辣鸡 ，真是绝配。 四川菜的糖醋李脊也是经典菜， 上汤娃娃菜 是honey的选择， 主食又点了四川担担面 ，面质衣银韧香滑， 是担担面中的翘楚。 食完仲有冰粉送，只要在社交平台打卡 就可以送一个甜品 ，冰凉香甜 ，完满了这一餐。😋
继续阅读
约左朋友去九龙城食饭，成日都系食泰菜，今次就揾到间值得推介嘅四川菜一睇餐牌有齐鸡煲、酸菜鱼、各式小炒及汤品，好多选择炸馒头炸馒头外酥内软，金黄色的外皮散发著诱人的香气水煮花螺水煮花螺鲜嫩多汁，配以香辣的调料。色泽鲜艳的汤底中，花螺的鲜味与麻辣的口感交织，花螺好新鲜，配埋辣味好过瘾香辣鸡煲香辣鸡煲色香味俱佳，鸡肉鲜嫩，搭配各式蔬菜与香料，汤汁浓郁。辣味适中，带有微微的麻感，拣左细份，份量两个人岩岩好鱼骨腩豆腐汤鱼骨腩豆腐汤汤底清澈，鱼骨的鲜香与腩肉的浓郁完美融合，豆腐滑嫩，吸收了汤汁的精华。用料足，娃娃菜吸收左汤嘅鲜料，可作解辣之用叫左咁多野，卖单都系$400左右，好抵食
继续阅读