西麵 (已結業)

朋友介紹話意粉好食 今日就同左朋友去食 個意粉唔錯 個牛迷飯係好食嘰 員工係非常熱情 食飯個陣 有隻蟲飛左去個飯到 個員工好主動話換返半份飯比我 一切都好好 走個陣重話會返黎再食重點黎啦走左之後 我朋友同我講 個飯根本無換到 隻蟲重係到 只係熱左個飯比返佢 佢食到最後先發現 但覺得小店係咁就無出聲 我就好大反應啦 比返個飯你都算 整走隻蟲先啦 重點由頭到尾都無叫你換 係店到個員工發現唔對路問咩事 都大大聲同你澄清左係飛落去嘰 唔緊要 你宜家咁 姐係呃我姐 唔換都唔會扣你分 都明嘰 你自己話換 點知係一場把戲 嘩 見唔到就食左落肚 加曬料 補充蛋白質 走個陣重話會返黎嘰我 覺得嬲左 比多句 做多左啦 媽咪！ 我宜家都重好嬲 呃人想博加分都比d心機呀 *朋友話聽到個員工同廚房話宜d情況唔理應該”車”左佢 佢理解係都預左比返個飯佢 我嘰理解係個員工想比好服務 我真係諗多左

即興約咗朋友食飯，結果我遲到😗即刻帶佢去食嘢安撫下佢心情🤣第二次嚟呢間餐廳😍好彩早少少嚟，坐咗一陣已經full曬🤣鋪仔細細，所以都要等一段時間先有得食😚食食下仲要見到隻勁Q嘅喵喵😻.#香煎日本帶子配墨魚汁焗飯 ($75)😋好味指數：(7/10)本身諗住食意粉，但係覺得個嘴會黑得仲誇張，所以就嗌咗飯🤣結果食完食摔到個嘴甩皮咁濟👄帶子唔會煎到太熟，幾好😛不過得2粒唔夠喉🤣黑蚊蚊賣相雖然唔靚🤣不過食落去味道都唔錯，係忌廉味，感覺有小小似食緊risotto😚雖然份量唔算多，不過食落去都幾濟幾飽🤔黑到連啲菇都睇唔到🍄🤣整體都ok，不過下次我會嗌番意粉🤣.加18蚊套餐升級餐湯、蒜蓉包同飲品.⭐溫馨小提示📌免加一咖😎

西麵又係位於屯門華都嘅一間小店舖今日嘅午餐有呢啲選擇金黃色嘅餐具顯得比較高尚香蒜和牛炒意粉 $68本來以為和牛先係今次嘅主角， 冇諗到個意粉會出奇地好食， 意粉嘅蒜味好香好重，而且軟硬適中又帶有少少咬口， 無論味覺定係嗅覺，個香味都令人食慾大增， 而和牛正常發揮牛味可以。是日餐湯+$6 柚子梳打+$6蘑菇忌廉湯好濃厚， 唔會稀到好似水咁， 入面有好多蘑菇， 呢六蚊絕對值得加!整體嚟講雖然呢度嘅地方唔算好大，但係長期都滿座，可見佢呢度嘅食物質素係有返咁上下

華都商場出名多小鋪。小鋪通常都有他們各中自己的特色，與大型連鎖食肆不同之處，他們往往都有一份堅持，對自己食物質素的嚴格要求和力求滿足客人的執著。可是，「西麵」完全令我感受不到！如果你問我，餐廳食物質素如何？我會答你，劣！ 那服務質素呢？劣！職員用心程度呢？感受不到。餐廳環境？平凡，小鋪很小，然而桌上有很多不設實際既擺設，浪費桌上空間。回到大家最關心既食物質素。我和朋友各自點了兩個意粉。我的是芝士肉醬意粉，朋友的是白汁芝士意粉。首先，我們兩人等了二十分鐘才上菜，這種效率已經讓人感覺很差。第二，意粉很碎，應該是overcooked吧。第三，非常差的體驗，焗意粉理應會焗到恰到好處，可是我們兩人的意粉猶如湯粉，整個碗都是水。餐廳連最基本的意粉也應付不來。如其名，西麵，食完包你西面！

寒風刺骨既一日，黎到屯門小店西麵，入面裝修幾温馨，每張枱都有小盆栽🎍裝飾。叫左個香蒜日本帶子炒意粉$68，升級套餐+$18(包餐湯，蒜蓉包同飲品)。餐湯係粟米湯，飲完真係好暖胃，唔洗驚出面咁凍既天氣啦﹗香蒜日本帶子炒意粉好香蒜味，帶子鮮嫰。裝熱柚子蜜個杯好靚，飲落去暖入心中😋﹗

華都小店特別多🤪 唔行落去真係難d發現~ 有人話 要知一間意粉店高唔高質 試個最基本既卡邦尼就有答案!什菌黑松露扁意粉 $60卡邦尼扁意粉 $60友人話未上菜已經好中意呢間餐廳 因為侍應好有禮貌好細心體貼 同埋等位可以同門口隻貓玩卡邦尼既芝士味唔太濃但都夠香夠creamy 食完一個都唔滯 扁意粉軟硬度岩岩好不過我同友人都一致更like呢碟黑松露什菌意粉🤤 啖啖菇 條條意粉都掛滿濃郁既黑松露忌廉汁 再creamy多少少就perfect池😍加$18轉set既南瓜湯同蒜蓉包 南瓜蓉香濃幾正 柚子蜜隻杯幾靚😂 (其實全部餐具都好靚)

韓國釜山嘅西面我去過，屯門嘅 #西麵 真係第一次去，呢間鋪真係名符其實嘅隱世小店，鋪面一眼就睇哂，我去到時都要等一陣位。餐廳唔只有意粉食，連飯都有，之但係人哋個名叫得西麵，我當然就叫咗個意粉試試，我就揀咗呢款雜菌黑松露扁意粉。因為佢哋所有食物都係即叫即整，所以都要等一段時間先食得，等嘅期間真係好難捱，因為我本身已經好餓😂仲要附近嘅人全部都食嘅好香嘅意粉，等到我肚仔都咕咕叫，好彩過多陣我個意粉就到了🎶佢個意粉佈滿咗黑椒，令到成個意粉味道都提升咗，黑松露份量不多不少，剛好足夠調味，又唔會太over～一流✔️

咗一麵一飯一小食，意式肉丸用蒸籠上超可愛，但味道不試也罷，個飯就普通嘢係牛小排幾香下，意粉先係主角，勁重蒜油香好好味，麵身軟度適中又幾彈牙，兩粒帶子如果轉用刺身級再輕煎唔洗咁熟就一流❤️

估唔到屯門華都會有咁嘅高質意粉小店。店仔細細，但入到去有高質的享受。我同朋友3個人，叫左3個意粉（+$15 轉套餐。首先上的是烤蒜容多士，脆脆地好食。之後上碗餐湯。今次是粟米湯。見到啲粟米碎，有口感的。佢地落咗ok 多的black pepper，所以辣辣地，適合冬天飲好暖胃。啲餐具好靚！之後就係3款意粉：鮮蠔忌廉扁意粉，creamy + 香蠔味的。煙三文魚拿破倫意粉。個鍋keep 到啲麵好暖，好正。和牛炒意粉。啲和牛好食！因為和牛好食，所以叫多一碟～個杯好靚呀！

呢日去咗屯門華都商場拎集運嘅嘢原來附近都幾多小店，俾呢間叫「西麵」嘅餐廳吸引咗，好特別嘅名~入到去叫咗個波菜蟹肉忌廉扁意粉🍝除咗波菜，個意粉仲加咗啲磨菇喺入面，所以食落個口感變得更為豐富，好有層次 入面嘅蟹肉係整碎咗，所以食每一啖意粉都會有埋蟹肉😋 好正！最出色嘅係雖然個意粉食落好creamy，但又唔會覺得太過油膩食一個意粉得飽得七七八八，但係我都係忍唔住叫多咗個小食！小食大多數都係$28一款我揀咗和牛粒🐮 一口一啖，因為份量唔算好多，眨吓眼就自己食曬一碟🤰🏼 

裝修極具中國風格調的餐廳店舖不太大 只能坐10人左右什菌黑松露扁意粉 $60附送是日餐湯及餐飲粟米餐湯份量豐富 每一口都是滿滿的粟米粒🌽什菌黑松露醬非常creamy黏稠 沾滿每一條麵條🍝餐飲選了茉莉花茶 想不到餐廳用了中國風的茶杯盛載極具新意🤣

今天繼續訪尋屯門小店，剛剛去了一間叫「西麵」的食店，主要賣扁意粉，名副其實的西洋麵食店。不過內裡的裝飾卻與西式主食「背道而馳」，走中式風格，挺有趣的，連餐單也用聖旨模樣示人。午餐堂食套餐包送餐湯與熱飲，若喝凍飲的話加3元就可以。最後我選了法式鮮蠔扁意粉，熱柚子蜜，另加一份香煎和牛柳，整頓午餐可說非常豐富。餐湯是我喜歡的南瓜湯，南瓜味頗濃郁，也煮得細滑香甜，飯前喝碗熱騰騰的湯品特別開胃。熱柚子蜜以舊式的鐵杯盛裝著，喝時注意別燙到，柚子蜜同樣足料，入口甘甜舒喉。法式鮮蠔扁意粉除了以鮮蠔作主要食材，還加入菇菌，菠菜，蟹籽，增添其鮮香口感。鮮蠔不算超肥美的那種，但鮮度十足沒腥味，扁意粉吸收濃厚的忌廉汁，入味得很。香煎和牛柳煎得不錯，和牛柳些微的油花亳不油膩，為嫩滑的肉質更添滑潤感，不需費勁咀嚼。唯和牛柳在調味略為重手，有少許過鹹，如果由食客按自己口味去調味會較好。

上網見有人推介，嗰名又特別，就嚟試一試佢一坐底就見到嗰餐牌好特別，好少餐廳會用布同埋聖旨做餐牌，裝修同餐具都行懷舊路線，幾有特式叫咗什菌黑松露扁意粉同香蒜和牛意粉和牛普通，冇乜牛味，份量亦都比較少。意粉比較咸，適合重口味人士。整體一般......什菌同松露味好濃忌廉汁好creamy ，什菌份量多，每一啖都可以食到意粉同什菌，值得推介整體食物質素中上，價錢唔算太貴。但午市人流比較多，食物亦都係即叫即炒，預多d時間先有得食

剪完靚靚頭就諗住去食好西 見傳媒有介紹呢間西麵 咁髮型師都有講話呢間讚讚呢 咁就來食啦 台面好搞鬼有懷舊小食 我認唔住。。。買左一塊旺旺 呢點心思同生意頭腦係要讚呢度係用懷舊菜茶記食西餐點子幾好 細細間 單支就請去吧台 咁呢 叫左蟹肉菠菜扁意粉 好食 個意粉軟硬度做得幾好 雖然我就鍾意硬少少但都算幾好架啦 不過呢 我全程呢都係沒咩口面咁去食 因為句飯真係美中不足係 。。。 我覺得服務真係有點我不太滿意 侍應有兩個 其中一位我本人係覺得佢真係奉行西麵宗旨 奉旨黑面 沒表情 可能仲年紀少啦 唔識笑。。。 問拎餐牌又當聽唔到。。。 我真心覺得廚房內忙左忙右架師傅讚好 佢煮得好食的 但係真係要再改善下個服務 因為我食完確實未有想再去架想法 。。。 但因為一樣咁簡單架野令到一間餐廳美中不足係可惜law

行過華都見到有間新嘢，而且個名⋯「西麵」有點吸引我入去試吓😂 每樣都是即煮的，所以食焗飯的話，請耐心等待，但食過就知道等是值得的。 點了4款餐，全部都好吃，相對上，好吃的卡邦尼意粉就變得比較平凡了😛 竹簡做餐牌也很特別啊！ 餐湯是粟米湯啊，將新鮮粟米打成蓉，很有口感，味道夠濃，喜好粟米的，應該會很喜歡喝。卡邦尼扁意粉，味道香濃，意粉好吃，小兒子自己一個吃光光！之後上桌的，是香蒜和牛意粉，一上桌，香氣撲鼻，很吸引！意粉爽口彈牙，和牛軟淋嫩滑，大兒子吃到咀lum lum等到兩個仔都差不多吃飽，我和老公的焗飯終於都出場喇！白汁芝士海鮮焗飯，很香芝士味，看著飯量不多，但吃光都已夠老公吃得飽肚。我叫的墨魚🦑汁芝士帶子焗飯，我很喜歡啊💕，雖然只有兩粒帶子，之後就齋吃一桶飯，但飯身軟糯，墨魚汁味道濃郁，亦帶有荷葉香氣，很好吃！小兒子也搶吃了好幾口，吃得小咀黑黑的餐飲杯子也很懷舊，蠻特別的！