西麵 (已結業)

基本上久唔久意粉癮起都會去幫襯，因為佢嘅意粉真係好好食！以往食過佢好幾隻意粉，有卡邦尼有墨汁，但係有一次試過法式鮮蠔忌廉汁扁意粉，我以後幫襯都係食呢一個 因為佢真係好重蠔味又好creamy，好正！不過佢係有少少膩嘅，所以真係一個粉夠哂！至於飯類就唔多推介，因為真係普普通通無咩特別，有名你叫西麵，始終都係麵類先係佢嘅主打😂 但係一個意粉/飯單價都60幾70幾蚊，如果加埋$18轉餐(有蒜蓉包粒+粟米湯+一罐嘢飲）（p.s. 鍾意飲粟米湯嘅人可以試下，大量粟米蓉！)，都幾貴下。

好食黃色小店💛今日食左墨魚汁意大利粉上面有炸軟殼蟹個意粉煮得好好 軟硬適中加上好濃郁嘅墨魚汁有d咸咸的海鮮香味超級推薦一試難忘👍🏻但店如其名係真的🤣不過好食又黃 都要支持👍🏻

好似開左一段日子, 終於wfh既日子可以試試佢~ 小店位置唔多, 大概十個位~ 人齊先有得入座!~ 🔰猶如黑社會🦑🦑我其實好鍾意墨汁意粉❤️❤️ 然後係門口等位見到個小朋友食到成個咀黑晒就知佢好足料 然後就揀左佢🤣🤣 汁多!cream 味都重! 都有蒜香爆過既飄香~ 不過炸左既魷魚就有些少油膩🙊🙊🔰泡砌生豬肉🐷🐷煎香過既五花腩肉🐽配韓式泡菜 配番隻燒汁減低番個肥膩感👍👍加埋隻蛋~ 真係好滿足!!!

朋友介紹呢間好食嗌完個外賣再睇吓張餐牌 咦 有嘢飲㗎喎我又見到前面拎外賣嘅都有兩杯嘢飲咁我拎外賣果時問吓店員係咪有嘢飲㗎佢諗一陣 就話 「無呀 你想要？」但明明張menu寫住有 成場堂食都有 前面外賣都有 得我無，哦好囉 唔老實幾好食都無下次 仲要專登兜過去買外賣thanks

1️⃣泡砌生豬肉 $68煎蛋泡菜燒汁黑毛豬飯：顧名思義，有白飯、煎蛋、少量泡菜同三片黑毛豬肉。但因為每樣嘢嘅調味都係淡，加埋一齊食冇咩驚喜，所有嘢都係普通。就算有燒汁配埋都係只有燒汁嘅鹹同甜味，所以整體味道略嫌單調；而且黑毛豬肉食落有啲柴，唔太推薦。2️⃣煙壓瘋 $60香蒜煙鴨胸炒意粉：食得出蒜香味，唔係燶咗嘅蒜；意粉口感啱啱好同埋炒得夠乾身，食落都唔錯。3️⃣什菌黑松露扁意粉 $60 意粉口感啱啱好，份量正常；黑松露醬汁好creamy又有濃濃嘅黑松露味道，加埋醬汁勁多，可以啖啖都有黑松露味，所以鍾意菇菌類嘅一定唔可以錯過。唯獨佢醬汁勁多，所以食到最尾會好飽同埋有啲濟，不過都好出色。✴️整體而言，幾推薦黑松露意粉，係食咁多次入面最出色嘅一樣食物。店舖環境比較細，經常有好多人等位，要食嘅建議大家買外賣👍🏻

有時候偏遠既地方都有可取之處，至少要專程嚟到先至感受到美食既樂趣😻。而今次小編去既呢間小店個餐廳名好特別🧐，叫做「西麵 West Noodle」，真係香港人先至明既詞語😼。但唔知係個店主西定係廚師西呢?小編緊係要試下食完會唔會西面咁走啦🤔。✦✦✦✦✦✦✦✦✦✦✦✦✦✦🎈泡砌生豬肉 $68呢一列菜式個名都相當特別，尤其係小編點呢個「泡砌生豬肉 」，有泡菜、煎蛋、當然唔少得既燒豬肉啦😳，而且呢款特別餐單仲有野飲跟送。係賣相方面，應該都唔係可以點評價既地方，用外賣盒裝住，賣點就係裝住燒汁既醬汁碟🤔。雖然望落好似唔係好吸引，但其實豬肉食落亦唔差，小編慢慢將醬汁倒係豬肉咁食，煎得恰到好處👏，豬肉煎出油既香味，雖然略太硬不過唔乾，非常有口感😳，加上燒汁後，好食。另外，飯入面仲有泡菜調味，酸酸地好開胃。✦✦✦✦✦✦✦✦✦✦✦✦✦✦整體嚟講，小編覺得呢款特別餐牌係好味同用料方面係唔錯，尤其豬肉整得好食👍，蛋加上泡菜係飯上面，口感層次亦豐富🤭。不過就著賣相、價錢嚟講係稍為失色，如果餐廳能夠係呢方面調節一下，性價比應該會更高🤣，又或者繼續推出不同新款特別菜式，吸引喜歡新嘗試既朋友👏。餐廳位置係華都商場地下

受累於限聚令影響，本來已經少位既小店更加難搵位。每次經過都會見到唔少人等位，今日人數稍為少，又唔趕時間，就試試西麵。香蒜和牛炒意粉　$68等位及等餐時間稍長，但環境上適合同朋友傾計。賣相睇落企理，意粉熱騰騰，感覺係有單即做。和牛粒嫩滑，配合香蒜，食完有種齒頰留香既感覺。

10.10全民感謝日‧黃圈一周年.2020年是特別的一年，今日一定要用行動支持下黃店&本土經濟呢間西麵好出名，網上有人話無屯門人唔知~~.嘩~~咁誇張!! 身為屯門牛牛，梗係唔可以唔識啦!!.大家都好支持黃店喔! 真係好多人等位呀！.香煎日本帶子配墨魚汁扁意粉 ($75) (包飲品).應該係即叫即整，上菜既時候碟意粉係熱辣辣，墨魚汁相當濃郁，每一條扁意粉都比墨魚汁包到實一實，有2粒日本帶子，帶子煎得好靚，表面煎到金黃色，個樣睇落真係好吸引。不過食到最底就有啲咸，可能炒得唔夠平均。

屯門小店 值得撐食物質素唔差 尤其係墨魚汁意粉個人首推 好好味不過老實講 份量唔係好多食完都覺得未飽而且座位好窄 我諗肥少少都入唔到去😅會播好多卡通片歌🤣好大聲基本上係完全傾唔到計食完野好即刻走😂

Waiter服務態度差- Lunch hour黎到想叫外賣，開門入舖同帶cap帽男waiter講想叫外賣，結果waiter大聲夾惡咁話叫外賣門口叫，服務態度認真一般。店名改得貼切，店如其名，服務差！ 食物方面 - 叫左2個意粉，2個小食，份量正常，食物等候時間大約20分鐘。意粉口感ok，菇類配料頗多。黑松露意粉creamy，墨汁意粉味道還好，帶子juicy，牛肉粒都ok。希望男waiter服務態度可以有所改善！

想食好耐嚕，今日終於嚟到撐一撐一點左右嚟到都等咗成20分鐘左右依版menu夠晒過癮兩個嘅賣相都好正白色恐怖 (卡邦尼意粉) $60好港式嘅carbonara燶邊太陽蛋即刻好有茶餐廳感覺有大量芝士粉，食落好芝士好creamy依個真係好睇個人嘅接受能力味道幾好，但都真係幾膩吓一行3人，2:1話好食香蒜日本帶子炒意粉 $68聞落好香但我就無試到嚕埋單蒜帳 (香蒜肉醬長通粉) $60依個好好味肉醬好多😂😂😂個frd食到最後得返肉醬而且仲係啲有咬口嘅肉調味又啱啱好香煎和牛粒 $28肉質中規中矩但係。。。好。鹹。今餐嘅MVP埋單蒜帳 (香蒜肉醬長通粉)

一直都想試呢間屯門出名嘅黃店，奈何之前太多人排隊，難得今日6:30前嚟到唔使排隊，終於可以一試。除咗意粉，呢度仲有飯。我叫咗咖喱野菌滑蛋黑毛豬飯，再加$18轉套餐。套餐有湯、餐包同飲品。例湯係粟米湯比較傑身同埋甜。咖喱野菌滑蛋黑毛豬飯整體唔錯。咖喱係日本甜咖喱，我啲friend都jam咗啲汁黎撈飯。個人覺得最大缺點係咖喱比較油，望上去都有一層薄薄嘅油。滑蛋比起煎蛋係一個明智嘅選擇，滑蛋都幾滑，鋪喺飯面，撈飯食一流。黑毛豬數量只有4片，但味道做得好，有甘香味，係加分位。但同時有朋友覺得太鹹。對於重口味嘅我黎講唔覺。一路食一路聞到係廚房傳出炒意粉嘅香味，有機會嘅話會再嚟食。

睇啲佈置就知佢黃到發光啦，舖頭入面仲會播埋歌，樓面得閒又唱番兩句，幾好氣氛啊。舖頭唔太大，大概坐到14個人左右，但環境乾淨，水泥風，灰黑配木既設計，not bad～身為屯門牛就梗係叫咗個馳名無敵屯門牛啦，牛小排粒粒煎得幾juicy，唔會𡁻柴皮咁，加埋個甜甜地燒汁，同埋隻荷包蛋，配飯一流啊，再加埋少少韓式泡菜，唔會太膩。再叫咗個煙鴨瘋，香蒜加埋煙鴨胸炒意粉，重口味人士必點。跟餐仲包杯嘢飲，揀咗加$6，要咗個朱古力咖啡，咖啡味唔會太濃，不過不失啦。唯一想改善嘅就係唔好用即棄餐具會更環保一點～

好香蒜味！一打開個蓋就聞到蒜味，啲蒜蓉溝埋咗喺啲意粉度，啖啖都食到，兩粒帶子都煎得好香，配料方面仲有啲鴻喜菇。不過份量就略嫌少，男仔未必夠飽。同埋外賣無飲品跟嘅，如果想飲嘢可能要去附近嘅東喜茶或者尖茶喇😛 

黃黃好味的西麵🥳一定唔會食到西面既西麵\(≧▽≦)/🐽 蟹肉菠菜扁意粉🦀 ($68)好creamy既忌廉意粉🤤🤤同埋好多蟹肉 夠曬足料!🥳意粉岩岩好 有咬口🤪🐽 香辣海蝦炒意粉🦐 ($65)依個意粉好惹味! 個人都幾鐘意辣味🥰🥰有埋蒜一齊炒 好香😼入面有5隻蝦 都幾彈牙😙🐽 香煎日本帶子✨ ($28)有兩粒帶子 雖然唔大粒 但味道幾好而且幾彈牙😼🐽 主食加 $18 可以升級做套餐😗有餐湯 包 同飲品🍹凍朱古力咖啡☕️ & 凍柚子梳打🍹