西麵 (已結業)

基本上久唔久意粉癮起都會去幫襯，因為佢嘅意粉真係好好食！以往食過佢好幾隻意粉，有卡邦尼有墨汁，但係有一次試過法式鮮蠔忌廉汁扁意粉，我以後幫襯都係食呢一個 因為佢真係好重蠔味又好creamy，好正！不過佢係有少少膩嘅，所以真係一個粉夠哂！至於飯類就唔多推介，因為真係普普通通無咩特別，有名你叫西麵，始終都係麵類先係佢嘅主打😂 但係一個意粉/飯單價都60幾70幾蚊，如果加埋$18轉餐(有蒜蓉包粒+粟米湯+一罐嘢飲）（p.s. 鍾意飲粟米湯嘅人可以試下，大量粟米蓉！)，都幾貴下。