西關老祖 (葵涌廣場) (已結業)

呢間好出名外賣自取店，今次終於有時間嚟買咗啲外賣返屋企食。佢價錢好適中，一般價錢都係$20到$50之內，通常嚟到呢類型店舖都會叫多啲唔同款式。炸芝士薯條配黑松露醬口感偏香脆，建議盡快食，裏面有啲芝士，亦都另外配上一個黑松露醬，香味濃郁，估唔到仲有塊薯餅，同樣香脆乾爽。黑叉燒極黑暗然銷魂飯自家製黑叉燒特選西班牙黑毛豬鍾意食特色叉燒一定要試，呢一款黑毛豬脂肪同瘦肉嘅比例適中，瘦肉唔會太瘦，脂肪肥美，而且裏面個飯都有兩隻蛋，日本蛋大大隻而且好香，亦都有汁配搭飯，唔會太齋。川味辣香雞自家配製香料，獨有川辣味，大概係小辣嘅感覺，雞肉唔會話好滑，但絕對唔會鞋，辣香十足值得推薦！極上生蛋醬油拌飯使用日本生食蛋，平時好少用生蛋撈飯，原來都真係幾滑，不過呢一款飯就一定要加其他餸菜做配搭，否則會感覺唔夠餸。

去到葵廣一定要掃街，行行下見到有間新開既小食店，我比佢個蘿蔔糕同頹飯吸引左🤣突然間好想食，所以就揀左佢作為掃街既開始🤩🐽爆炒XO醬蘿蔔糕 $38呢度啲蘿蔔糕同XO醬都係自家製的，個XO醬好惹味，見到有好多蝦米，所以超級香，買一樽返屋企煮餸或者送飯都好正，另外蘿蔔糕係食到落左好多蘿蔔、瑤柱，口感唔會太粉，煎得香口，XO醬令蘿蔔糕既味道更加豐富🤤🐽老祖·Double至尊頹飯 $46至尊頹飯係西關老祖既招牌，小編仲叫左double，即係有2隻蛋同2塊厚餐肉，個底就叫左黑毛豬油撈飯，就咁聽都覺得呢碗飯好邪惡🤣蛋係半生熟蛋，將蛋汁撈落啲飯到食無得輸，呢度既餐肉口感較特別，食落比較彈牙，同真係好厚😳豬油撈飯有淡淡既油脂香，但又唔會食到滿口油🐽淨老祖·黑松露炒蛋 $28見到有黑松露炒蛋就即刻叫左🤣，雖然見到好似落左好多黑松露咁，但味道就唔會過份濃，太濃會變左石油氣味😂黑松露味唔會遮蓋左蛋香🐽XO醬·怒炸金龍燒賣（5粒） $20炸燒賣都幾出色，唔會炸到過份硬，仲係外脆內軟，食到燒賣本身既口感，配埋個XO醬都好夾，多左份鹹香😋

今日行葵廣，有間新開嘅食店，咁就去試吓啦！葵廣好多都有特色嘅小店，好似呢一間咁，好多嘢都係自家制！XO醬炒自家製蘿蔔糕都幾有鑊氣， XO醬有少少辣，有啲瑤柱絲添。個蘿蔔糕係自家製嘅，唔會好鬆散，有咬口！而且外面係有少少焦焦嘅！XO醬炒腸粉腸粉都幾彈牙，佢呢隻唔係太薄嘅，係有啲厚度！都算滑，XO醬炒一樣咁好味！有鑊氣！我的最愛，炸安格斯肥牛粽❤️❤️我係第一次試食炸嘅粽，呢個可以話係我嘅最愛！我自己鍾意食薄片嘅，成嚿都脆脆咁，有啲似飯焦但有煙煙韌韌！我屋企人就比較鍾意食厚身，食到入面嘅綠豆蓉同糯米！香口又唔會好鹹，調味啱啱好！最後仲叫咗碗關西瀨粉佢呢隻唔係平時食開米制嘅！佢有啲似上海麵，淋淋地但有咬口又粗粗地，質感幾特別！加埋自家製嘅黑毛豬油渣，正！

趁放假去左葵廣行街，一入葵廣肯定唔會餓住走二樓美食角落又多選擇又唔會間間差唔多，所以次次都會去揾好野食，今日試咗呢間西關老祖🤗門面簡單乾淨樸素，一睇食物照片好清楚有咩食簡簡單單就係最好唔好睇舖頭細細，餐牌選擇都唔少，有d菜式真係好特別，無諗過原來可以咁煮，幾特別，咁有特色既食店已經好少見我同朋友兩個行街行到太肚餓，點左五樣嘢食一齊食，炸黑毛豬肉粽、XO醬炸金龍燒賣、黑松露炒日本蛋、老祖秘傳蘿蔔糕，炸芝士孖薯配黑松露醬食到我地停唔到手，全部清晒炸黑毛豬肉棕第一次試，好香口又唔膩，入口脆卜卜有聲唔使加糖都好夠味，絕對唔係平時食粽咁又滯又黏口，加上中間個塊黑毛豬肉好嫩好juicy成個粽size唔太大，兩個人share剛剛好黑毛豬肉肥瘦相間，配埋外層又脆又香黑松露炒日本蛋，一打開蓋已經聞到黑松露即既香味，未食都已經好肚餓，加上炒蛋係即叫即炒熱辣辣，黑松露份量超多，老闆落得一d都唔手軟，咁既價錢真係超值之選，仲要用日本蛋，蛋味好香，同黑松露真係絕配蘿蔔糕係自家製，用料好足，啖啖都食到有臘腸蝦米，煎到火喉岩岩好，外皮脆口，全部都係心機之作一啖一粒，又方便又好味😋炸芝士孖薯配黑松露醬真係值得一讚，薯

一向回家探兩老都會斬料加餸，但今日回家的時候特別一點，正是3點3，就在轉車地方外賣些小食一齊下午茶吧！葵涌廣場食肆雲集，總會買到嘢，只是睇下有冇啲新店或特式食品吸引到我。這間掛上「古法」、「老祖」字眼的小店挺有傳統風味，仲有老媽喜愛的蘿蔔糕和老爸喜歡的糭仔，岩晒！別看店小小，選擇都唔少。有飯、瀨粉、糭、多士、蘿蔔糕、腸粉、燒賣、炸物等等，連糖水都有，唔錯！左想右想，最後要了一客炸黑毛豬肉粽（自家製）送可口可樂、一客淨老祖黑松露炒蛋（日本蛋）、一客爆炒XO醬蘿蔔糕（自家製）和老祖紅豆孖沙一樽。***************************蒸的糭仔就吃得多，炸就真係好少食，好有特色！炸黑毛豬肉粽（自家製）送可口可樂（$45）已切成一件件，每件炸至金黃，色澤平均，好靚仔！仲熱辣辣，香噴噴，令人垂涎！外層非常香脆可口，內裏軟綿香糯，加上用了黑毛豬肉取代燒腩肉，肉香更甚、肉質更腍嫩，亦沒有夾雜大量肥膏，岩晒兩老！老爸邊吃邊說又特別又吃。***************************一打開淨老祖黑松露炒蛋（日本蛋）（$28）盒蓋，黑松露香氣撲鼻，正！炒弄時間剛好，仍存蛋汁，鮮香滑溜

今日特登黎葵芳行街買野同掃小食，黎左呢間小店點左幾款港式小食，星期六的葵廣真係好多人，周圍都企滿人，要找位置食野都好難呀！-西關瀨粉 $15，另外加左黑毛豬油渣$10呢間小店最出名應該係自家製嘅西關瀨粉，有香菇、辣菜脯，瀨粉個texture 有少少似狗仔粉，加埋豬油渣撈埋一齊食，又林又硬既口感，味道提升咗，值得一試！-爆炒XO醬蘿蔔糕$38味道唔錯，加埋Xo醬一齊炒好味，又有D瑤柱，個糕唔算多蘿蔔，比較多粉，但味道係唔錯既！-炸安格斯肥牛棕$58店員推介呢個小食，我地都覺得好創新，將鹹肉糭切成一片片然後炸，味道有驚喜，好特別，都值得一試-Double至尊頹飯$46由於前面講既小食實在太足料同飽肚，個飯拎左返屋企食，呢個餐肉蛋飯見到個餸唔使問一定好食，有兩隻太陽蛋添，食得好開心！送飯一流！呢間小店都唔錯，小食都好特別同用心製作。

葵芳葵涌廣場2樓又有新店進駐🎉講到葵廣人氣嘅"貓麵"大家一定知係邊，呢間懷舊中式外賣小食就係正貓麵嘅對面，葵廣街坊打工仔的外賣店又多一好選擇，西關老祖主打廣州西關美食Menu有特式粽款、腸粉、豬油撈飯、蘿蔔糕等，當然就少不了要介紹係佢地招牌CP爆燈嘅西關瀨粉 !懷舊自家製招牌菜由十幾蚊至三十幾蚊都有的街坊價，認真超值。全自家製古法瀨粉 $15推介:⭐️⭐️⭐️⭐️⭐️超抵食西關瀨粉有如狗仔粉一樣，係廣州傳統小吃，每日新鮮用粘米粉手搓製作，幼滑煙韌又帶點米香，濃稠雞湯熬製達30分鐘，令瀨粉本身已吸湯味，再加湯外賣就唔會令粉條發脹👍一碗簡單$15瀨粉已經十分惹味飽肚。老牛特選和牛粽 $45推介:⭐️⭐️⭐️⭐️⭐️自家製特色炸糉，就咁睇可能會話乜係粽來的麼😂原來係炸到金黄色鬆脆外皮的炸粽脆炸糯米包住和牛鎖住肉汁，出面香脆入面煙韌，口感豐富，食粽連埋炒糖咸甜雙重滋味，有薯餅的外表又有食粽的內在，值得一試。XO醬怒炸金龍燒賣 $20推介:⭐️⭐️⭐️⭐️第一次食呢款金龍燒賣，咬口軟綿又彈牙，XO醬蝦米脆口入味。老祖臭草綠豆沙 $28自家老火綠豆沙，葵廣較少有的傳統滋潤甜品，包埋個玻璃樽，一個人嘆哂成樽真心正。下次要試下黑

次次嚟到葵廣都有選擇困難，因為真係太多吸引嘅嘢食喇！今次見呢間小店都幾新，未試過，同埋食嘅嘢都幾特別，就同個fd一齊試吓😆我個fd本身好鍾意食鹹肉粽😂所以佢最想食嘅係呢度最特別嘅炸．黑毛豬肉粽 ($45)🐖真係未聽過炸粽，有五大塊，咬開個香脆炸衣就會見到舊粽，口感好特別，可以話係外脆內軟～入面嘅豬肉都非常香，佢仲有跟咗一兜仔砂糖，覺得加咗砂糖食又有另一種層次，兩隻味好夾，又可以去膩👍🏻超有驚喜！另一樣就係我想食嘅嘢，爆炒．XO醬蘿蔔糕 ($38)🤤份量都唔少，切到一口size，我喺街都可以食得好方便～XO醬超香，好惹味，同時亦都唔會過鹹😋我哋仲叫咗個極上．生蛋醬油拌飯 ($28)🥚果然係日本蛋，蛋味好濃厚，加埋啲特製醬油啱啱好，好滑👍🏻見好多人都叫呢個西關瀨粉 ($15)，我哋仲要再邪惡啲加埋黑黑黑．黑毛豬油渣 ($10)🤣🤣因為外賣，好貼心地將豬油渣另上，唔會浸淋哂～個瀨粉就好似狗仔粉咁，有啲榨菜同冬菇，加埋豬油渣，有好local嘅感覺，亦好有油香😚本身個粽跟汽水，我哋加咗$15要個豆漿，豆味香，微糖啱哂我哋👍🏻食哂咁多樣嘢真係勁飽，食食吓發現全部都係澱粉質🤣不過真係幾好食😚

🥇最愛西關瀨粉😋係佐敦食過幾次呢間野，之前都介紹過比大家💕估唔到佢開到黎葵廣，難得有瓦遮頭，唔駛拎去公園食🤣🤣叫左一定必叫既瀨粉，夠杰又夠濃味😋$15一大碗，真係唔駛諗即刻叫！.XO醬炸燒賣既XO醬好似係自家製：足料又唔會過咸😋仲有好多蝦米仔😋炸粽今日就食左牛肉粽，少左啲油香🤣但一樣好似薯餅咁脆❤️建議重口味喜歡肥油如我老人家咁😁一定係叫黑毛豬粽😍仲外賣左一個煎蛋午餐肉頹飯比屋企人食，飯粒分明岩晒外賣拎走唔會焗到濕晒☺.#fatfat4ever_葵廣 #平嘆美食 #fatfat4ever

葵廣岀名多野食，個日行過見到呢間小店係新開，決定買外賣返屋企試下。選擇都算多，價錢又唔貴，叫咗幾款外賣返屋企食。~~老祖•至尊頹飯個飯加咗黑毛豬油同豉油，好惹味。午餐肉好厚切，煎得好香。蛋選用日本蛋，撈埋d飯好正。~~炸，黑毛豬肉粽而家好少地方有炸粽，一見到有就即叫。炸得好香脆，食落脆卜卜，入面d糯米好煙韌。加埋白糖，好夾。~~爆炒• XO醬蘿蔔糕呢個超推薦，好好味。蘿蔔糕即叫即煎，好香口。蘿蔔糕真材實料，食到有蝦米，臘肉等等。加埋自家製XO醬，好惹味。~~爆炒• XO醬腸粉XO醬加腸粉呢個組合冇得輸。腸粉好嫩滑，加埋XO醬嘅鮮味，好正。XO醬有好多蝦米，帶少少微辣同腸粉好夾。

葵廣新食店，葵廣近嚟又開咗唔少新舖。呢一間位置二樓嘅都係最近開張嘅小食店，連招牌都未裝🙈 佢嘅食物比較特別，係平時小食店比較少見，主打食物有瀨粉、經典豬油撈飯、炸糭、紅豆沙同綠豆沙等等😆炸黑毛豬肉糭 $45炸糭令我印象深刻，炸糭外皮脆身，脆卜卜，炸衣唔會太厚😉 糭身主要以黑毛豬扒豬肉帶味，有少少豬油撈糯米，特登滋味🤪 佢另外會有砂糖點糭食，我覺得幾得意XO醬炒蘿蔔糕(自家製) $38欣賞佢嘅蘿蔔糕係自家製，唔會淨係得一團粉咁，可以食到蘿蔔絲🥕 XO醬嘅餡料豐富，可以見到好多蝦米、乾瑤柱絲，微微帶辣，撈埋炒香咗嘅蘿蔔糕，令蘿蔔糕變得惑味芝士孖寶配黑松露醬 $38芝士孖寶包括一份炸薯條同埋炸薯餅，因為我係叫外賣拎走，所以啲薯條都有變冧咗啲🥲 不過佢嘅黑松露醬好多，黑松露醬好夠味😝 而佢嘅薯條都算係粗薯條🍟，有薯蓉咬吓紅豆孖沙 $28佢呢一種紅豆沙唔係傳統要煲到起沙嗰種，食落去幾香陳皮味😊 有唔少原粒嘅紅豆，如果你係鍾意食硬身紅豆，應該唔錯😜臭草綠豆沙 $28綠豆沙而家都比較少見有臭草呢一種材料，我覺得綠豆沙味道更加突出，同樣唔係煲到爛晒個款😆

葵涌廣場2樓新開左一間主打古法瀨粉嘅小店餐牌嘅選擇望落都唔少主要都係澱粉質為主但個價位真係非常之抵老祖炸·芝士孖薯配黑松露醬薯條嘅份量好多，加埋仲有一塊大薯餅喺下面黑松露醬嘅份量多好多食完都仲有得剩老祖·黑松露炒蛋多士多士係偏林嘅口感炒蛋亦都唔算話特別滑但就大有好濃烈嘅黑松露香味煎老祖·秘傳蘿蔔糕配甜辣醬蘿蔔糕切好咗一細細舊方便入口入邊亦都有好多嘅料，食落去好有口感同層次自家製關西瀨粉配黑毛豬油渣粒瀨感覺偏糊仔，配埋佢附上嘅菜蒲（都幾辣下）個感覺有幾夾加埋佢嘅黑毛豬油渣粒食落去吸收左瀨粉嘅湯汁，仍然保留咗少少脆口嘅感覺老祖·Double至尊頹飯入邊有隻煎雙蛋同埋兩塊超厚嘅餐肉配埋佢嘅秘製咖喱汁成個感覺超滿足老祖·臭草綠豆沙非常之清新解膩甜到啱啱好食完仲可以留返個玻璃樽十分之環保題外話呢間餐廳係設計餐具嘅上面都幾有心思特登訂做返有舖頭名嘅餐具同埋紙袋

🐝西關老祖🐝…今日同朋友喺葵廣行街嘅時候，發現有間新開試業中嘅餐廳就買左外賣食！🤩🤩…老祖·至尊頹飯 $32呢個頹飯其實都唔算好頹，雖然係煎蛋餐肉飯嘅combination，但係煎蛋煎得好靚，餐肉都好厚，相當唔錯！😍😍…淨 老祖 黑松露炒蛋(日本蛋) $28呢個炒蛋好滑，同時個黑松露味好看，幾好食。👍…炸 黑毛豬肉粽(自家製) 送可口可樂 $45呢個真係夠曬特別，大家一定要嗌嚟食，呢個粽同平時嗰啲粽有好大分別，係切開左一塊塊嚟炸，外層食落好脆，好似食緊薯餅，入面就有糯米飯同大大舊嘅黑毛豬，極推介！😋😋👍👍👍…整體評分食物：🤍🤍🤍🤍服務：🤍🤍🤍🤍環境：🤍🤍🤍🤍價錢：🤍🤍🤍🤍🤍…📍葵芳葵富路7號葵涌廣場2樓2003號舖

放假去葵廣shopping，呢個商場真係超旺超多人，有好多小店又有好多特色小食，可以黎掃街滿足口癮。揀左這一間一次過買比較方便，之後去新都會食有野餐feel。爆炒XO醬蘿蔔糕$38揀左甜辣醬，細細件蘿蔔糕食得方便，XO醬爆炒好香，加埋醬料一流。西關瀨粉$15有點像狗仔粉，粉仔等，$15大大碗，抵食，湯底有鮮味，可以飲晒，粉仔偏軟身。臭草綠豆沙$28比較水質的綠豆沙，可以用飲的，臭草有一種特別的味道，感覺比較傳統。自家製即磨豆漿$20好香豆味，不會稀水水，濃稠剛好，甜度較低，玻璃樽可帶回家再用。XO醬怒炸金龍燒賣$20炸燒賣香口脆卜卜，無得輸，XO醬放在旁，有好多魚仔，真材實料。

阿媽打電話黎話要加餸，咁啱喺葵涌廣場，咁多選擇，梗係唔好錯過啦！行過二樓見到一間新開仲係試業中，叫西關老祖既小店，主打外賣為主，即叫即制，叫完行個圈再返去攞就剛剛好！我叫左佢哋既招牌西關瀨粉同炸黑毛豬肉粽，另外再加爆炒XO醬蘿蔔糕，老祖黑松露炒蛋同埋XO醬怒炸金龍燒賣。西關瀨粉 $15 - 有啲似細個食嘅狗仔粉，阿媽話即刻諗返起以前喺戲院門口買嗰啲狗仔粉，配合埋上面嘅榨菜粒同蔥花，好滋味！炸黑毛豬肉粽 $45 - 佢炸到外脆內糯，咬落去感覺似薯餅，但係有咸咸地既黑毛豬肉，再加埋煙韌既糯米，出面已經好少搵到！爆炒XO醬蘿蔔糕 $38 - 好多XO醬，個XO醬清楚見到有蝦米，魚仔同乾瑤柱，同蘿蔔糕好夾。老祖黑松露炒蛋 $28 - 用左日本蛋，都炒得幾滑，蛋入邊仲有好多黑松露，食落去有淡淡黑松露味，但又唔會太濃蓋過日本蛋香。XO醬怒炸金龍燒賣 $20 - 街坊小食炸燒賣加左自家制既XO醬，即刻升格，香口惹味！呢度除左自家制小食之外，仲有自制糕點同盤菜，一大班人聚會或者過時過節，大家都可以多個選擇。