西門町台灣麵食 (已結業)

5個人, 去左個fd介紹既西門町台灣麵食dinner~ 都冇咩期望~ 不過果度d野都ok既~5個人, 叫左個4人餐再加個大腸拼雞腎! 個4人餐都有好多野食~ 不過份量就少左d啦~我地簡左豬軟骨~ 麻麻地啦! 醉雞, 我覺得d酒唔太好味鳳尾蝦沙律~ 好味~ 蝦脆卜卜的炸雞塊~ 貌相麻麻, 不過味道ok清菜~ 正常仲有2個魯肉飯同2個擔擔麵~ 個麵嫌個湯太"傑"了!overall 黎講呢度d野ok啦~ 冇咩特別! 都可以一試既! 埋單都係50蚊~ 好抵!

星期六放工想去旺角行街,成朝諗緊晏晝食乜好,就search到呢間好多笑面既台灣食店~咁就一於黎試下~見佢有幾款set lunch,對面個太太見我睇到一頭煙,就解釋比我知點配搭,但係無我想食既牛筋擔擔面,於是散叫@$29再加個珍珠奶茶(+$4);個面湯底好濃,好杰,唔辣,d面都幾好味,再試下d牛筋,都好入味,夠晒唸,但係食食下就覺得好"溜"啦..最後都係食唔晒d面;對面太太食新竹米粉,好似好好味,佢話唔想食咁滯就食米粉,佢話係佢個仔帶佢黎食架,咁同佢傾左一陣.(^^都幾搞笑);同埋我杯奶茶就好普通,好似"希"左少少,我都係中意飲"易牙妙手"果d好飲d~~ 見好多人都係叫面啊米粉,下次我都要試下~~ p.s.果度d位都算乾淨,比我想像中好喎

06年9月1日看到那麼多開心笑的評語，下午就到這裏吃午餐叫了魯肉飯+ 冰香芋奶茶魯肉飯也不像大家說的那麼好吃，有點咸，肉太多，白米飯也太硬！香芋奶茶奶味夠，但太甜了，仙踪林的香芋奶茶好喝的多．．．．可能個人常到台灣去，對台灣食品要求較高，這裏真的吃不到台灣風味來．．．．另外，店不算小，但服務生只有兩位，等點菜也要等很久．．．午飯時間來真的會急死人

今日睇完戲心情大好，就去找野食，經過見幾好就入左去啦! 果時已經10:30啦~同個朋友叫左2人set~有3個菜~有2個飯or 麵~仲有drinks tim~都唔算太貴~我地叫左個"怪咪雞"是冷盤，涼伴苦瓜，同埋"五香牛肉牛根"仲有一個魯肉飯同擔仔麵tim~d菜的味道太重~食到好快"媽"木左味覺~而且近風口好冷~d菜好快冷了~我就飲左杯荔枝綠茶一d都唔特別，好普通tim~但是服務好好~我地話冷佢都肯同我地攪部空調其實over all 我都覺得ok~you can try

裝修後都冇幫襯過,所以今日特登中午來幫襯.新裝修舖比以前光猛好多.叫廟口魯肉飯,魯豬扒飯,紅燒牛肉新竹米粉同涼拌茄子.幾樣味道都幾好,不過鹹D,同埋份量比以前少!餐飲要台式飲品要加4蚊,以前係包埋o係餐入面唔使加錢!不過一點前埋單仍然減兩蚊...同其他女人街入面食店一樣.

搵咗好耐,今日終於搵到呢間鋪頭喇!試咗個二人餐\:有怪味雞,牛筋拼牛腩,涼伴茄子,魯肉飯,擔擔麵,飲品同甜品等.當中最好味既應該係牛筋拼牛腩喇!啲牛筋同牛腩都好淋,好入味,十分之好食.但全個餐\既份量都算細,如果大返些少就好喇!下次都會再黎.

早早黎到食晚飯....老公叫左個豬軟骨飯...我食左一舊仔肉...唔係太淋...普通! 我就叫左個魚丸擔擔麵...一樣...呢度既擔擔麵我覺得係最好食既...擔擔麵醬真係好香好濃! 再加多杯茉香奶茶加珍珠...明明叫茉香綠茶..不過...算啦! 唔想麻煩人啦...! 想食菜...就試左佢地既涼拌苦瓜....幾好..至少我呢個唔食苦瓜既人...都覺得唔太苦...可接受, 並夠凍!整體唔錯...但如果全店係非吸煙會更好!

終於試到嘉義雞肉飯啦！！！下面d 飯吸左上面o既雞油，好香呀~~~ 今日太晏無飲最愛o既泡沫咖啡，試左杏仁奶茶。點知同我想像中有d 出入，因為佢帶著好濃厚o既杏霜味，唔係我杯茶囉，唔關人事o既 七點後開始好多人，迫左d……但依然係我旺角區內首選。

見食評咁好，特登走去試。兩個人叫個二人餐︰怪味雞- 味道唔識形容，甜甜地又辣辣地，好味豬軟骨- 平時好鍾意食豬軟骨，但反而哩度麻麻，好油，個汁又麻麻地台灣菜- 三樣都唔食之下揀油墨菜，有魯肉係面，估唔到菜又幾好味喎魯肉飯- 好味，但魯肉好似少麵- ok蘋果綠茶- 好味，好味過仙跡岩好多(前排飲過勁難飲)加多個雞絲拉皮，個麻醬好味，好多鋪個醬都唔好味ga...早去所以坐到卡位，但之後好多人，聽到卡位都要搭，下次都係要早去食

上星期又同男友來食,牛肉牛筋飯就食得多, 牛肉牛筋擔擔麵都係第一次食,估唔到, 嘩!!! 仲好食!! 不過都幾辣架!!食緊果時我己經諗緊下次幾時再來食!!!!真係好正, 強烈推介!!!!!!!!!!!!!!!

之前係"開飯喇"見到LI間"西門町台灣麵食"正面既食評都幾多!!所以去試一試~~~我地都等左一段時間先有位呀!!!雖然有二人餐!!不過我地無叫到~~~已隔離個兩個人......叫左個三人餐!!勁呀~~~我同男朋友ORDER左一個魯肉飯,燕餃擔擔麵AND一個牛肉拼牛根!!!果然不錯呀!!!我記得係食評中見到個人話LI度既魯肉飯仲好味過係台灣食!!仲唔到同一番話會係男朋友口中講出~~~呵!!!睇黎我地仲會再來呀~~~我個人比較鐘意佢個擔擔麵d湯呀!!

睇左li個網都有一段日子~~~今日第一次黎留食評!!li個係我第二個食評~~昨日同男朋友專登去搵li間野~~~門口果然唔小人呀!!!我地第一次黎~~無叫兩人餐~~~叫左一個魯肉飯,燕餃擔擔麵AND一個牛肉拼牛根!!!果然不錯呀!!!我記得係食評中見到個人話LI度既魯肉飯仲好味過係台灣食!!仲唔到同一番話會係我男朋友口中講出~~~呵!!!睇黎我地仲會再來呀~~~我個人比較鐘意擔擔麵個湯!!好味~~

前幾日同男朋友去旺角, 專程嚟呢度試下..好!! 二人餐$108有兩杯飲品(要珍珠加$3). 仲有甜品都係幾抵.叫咗:台式菜. 牛筋牛腩. 醉雞. 魯肉飯同担担面.我鍾意食粉皮所以再加多個拉粉.最好食係碟牛. 又軟又入味. 值得一試. 只係地方較窄同要等位.

今日同男友要了一份2人餐，分別要左﹕怪味雞﹕好汁幾好，味道比較濃。牛根拼牛肉﹕幾「霖」，同入味。台式時菜﹕油墨菜幾好味，上面配有魯肉，幾特別。兩個細魯肉飯﹕好味。甜品(送嘅)﹕豆沙香蕉酥，比較油，但味道都ok呀。2人餐$108，包2杯野飲，仲有甜品送，抵。

尋日女友生日,所以上o黎openrice搵資料.想食o下台灣o野,見呢間咁多笑臉咪諗住去試o下啦! ....證實咁多笑臉係真o既...!我o地叫o左個二人套餐, 點o左個醉雞,豬軟骨,菜,魯肉飯,擔擔麵.包埋兩杯特飲,再送甜品.都係$108, 仲唔駛加一,好抵食.淨係杯特飲,響仙x岩都賣成廿蚊啦! 雖然各款食物份量唔多,但兩個人食真係好啱,可以一個餐食三種食物.食物方面,豬軟骨好入味,煮得夠"淋",好有口感! 醉雞好正,酒味夠濃,不過因人而異啦!魯肉飯好好食.我響台灣食過o既魯肉飯都無佢整得咁好食呀,令我對魯肉飯完全改觀! 咪以為個甜品話係送o既就麻麻地,佢o個個有D香蕉又有D紅豆o既酥,竟然可以咁配搭,真係無諗過會出奇地好!環境方面,本身舖位細,比較迫o左D,不過又好怪佢,旺角租金貴吖嘛!服務方面,其中一個光頭叔叔好有禮貌.呢D真係值得表揚啦!響香港,都唔係間間一流o既餐廳都搵到呀,面黑黑就通街都係!我同女友都覺得佢有超水準表現, 我o地下次一定再o黎!