西門町台灣麵食 (已結業)

和男朋友看‘超人回歸’前在這裡醫肚．在女人街走了幾轉才找到這小店．叫了大家都推薦的擔擔麵和魯肉飯．兩樣都味道很濃．香蕉豆沙餅的酥皮很鬆化，不油不膩很好味．我們坐卡位，挺舒服．抵食又好味，難怪嬴得那麼多笑哈哈．

食物份量ok嫁!個台式青菜好好味,因為d菜上面有魯肉,同埋d汁有d味!仲有蔥釀炸大腸都好脆好味!醉雞好似太醉有dd苦!鹽酥雞塊都幾好,不過好易滯!香蕉豆沙餅勁好味!XD如果d飯同麵落多d魯肉仲好!好平呀2人餐都係$108咋d小食都係$2x-4x!GOOD!

裝修左比之前正好多好多~ 果廚房搬返去入面~位就差唔多, 多左D 卡位~D麵係$28 + $8 有野飲(好似冇改到)不過. 我既紅燒牛肉麵, 就真係差左好多呢??? 點解, 係今日失手定係廚房轉左人呢??? 好失望, 因門口果伯伯都認得我地係熟客了(冇同佢傾過計喎) 咁我估下之比多次機會啦, 如果真係唔得既, 唔再幫襯了~ 因我次次黎食都係食呢隻麵~

好耐都無寫食評啦我, 皆因小女子病左=.=" 咩都無得食, 要戒口+ 無心機....可憐呀我-.-尋晚(14/07)五, 因為要拎鞋去整, so被迫出左旺角, 其實都想出去好耐, 因為睇開飯見到呢間"西門町" 好吸引, 不過病左, 無計, 但咁岩今日出左旺角, 一定要試下食...去到門口都見到好多人係入面食緊架啦, 間野真係唔係好大間, 不過好易搵到, 因為佢有個好大o既招牌係門口個伯伯同我地講要等等, 下張到我地, 我都預左架啦, 呢間野咁多好評, 又要係禮拜5, 等就梗架啦, 唔駛等先奇, 唔駛等o既真係唔食好過食..我地係門口等位個時問定個伯伯拎餐牌, 睇定有咩食, 雖然我地有3個人, 但細食怪係度, 妹妹又唔舒服, so我地諗住叫個2人餐就夠食(其實仲有3, 4, 6人套餐架), 2人餐有a,b,c揀, 都係有3個小菜+ 兩碗魯肉飯/擔仔面/擔擔面+ 兩杯野飲= $108, 好抵咁, 其實d野食都好吸引, 但係我地有病, a,b,c都唔岩我地食, a有怪味雞辣o既, b,c有牛肉,我地最後揀左散叫,咁可以揀我地想食o既野, 等左1陣已經有位(我諗因為黎呢度食o既人都明白呢度地方

上個星期四晚同男友及友人來西門町,叫左個二人餐再加小食來share!我既最愛係牛筋牛肉, 好腍好入味, 食到唔停得口,怪味雞都幾嫩滑! 不過如果叫醉雞, 我會更喜歡!~魯肉飯好正, 忍唔住再叫多碗....哈哈.....老闆仲送左個甜品俾我地, so nice!!!

今日下午行下行下...終於搵到呢間鋪....原來通菜街一帶都有好多細細類似既鋪...日式, 西式, 泰式等等...呢間台式既...我見食評咁多人讚就呢試下...叫左個擔擔麵套餐...芝麻醬湯底果然好正好夠味! 另外叫左個茉香珍珠, 我望望下...見到個餐牌有台式燙青菜...遲左叫...個姐姐好cool 咁話...今次寫埋俾你...下次唔得啦...好驚呀...另外兩位叔叔好似好人啲! 第一次黎無睇得咁快ma....! 不過...個油麥菜又幾好食! 總括黎講....會再黎試其他野...!P.S. 一點前埋單平多兩蚊!

尋日同男友食左二人餐($108)，有醉雞、牛筋拼牛肉、台式燙青菜、擔擔麵、魯肉飯同埋兩杯野飲。先上醉雞，酒味幾濃，雞肉亦滑，唔錯。台式燙青菜係唐生菜，上面有肉燥，鍾意菜既我地好快食完。牛筋拼牛肉不過不失，不過好濃好入味。三樣菜全部都係細細碟，不過又幾飽。魯肉飯即係菜上面果ｄ肉燥加飯，同擔擔麵一樣細細碗。擔擔麵係全餐最好食既野，花生麵好香，好好味！野飲我叫左蜂蜜綠茶加珍珠，應該係老闆既大叔話全部飲品都可以加珍珠。男友叫左芝麻奶茶，好香好好味，反而我既蜂蜜綠茶就偏甜。不過味精好似重左d，之後一直都好口渴。環境細細間幾整齊，老闆大叔好好人，叫o係外面等既人入黎坐住先。如果食厭左大型連鎖店不妨支持下呢ｄ細鋪仔。

成日去台灣食野, 西門町係我其中一間o係香港覺得做台灣野味道好而價錢平o既一間~ 推薦魯肉飯同涼拌苦瓜, 仲有佢杯泡沫咖啡!!! 紅油抄手就麻麻地!!!不過我會一路支持佢!!!今日又食, 我叫左個魯肉飯, 家姐要牛筋麵,叫左杯咖啡同一個苦瓜~~共計$75~~咁好食O係邊度搵, 抵佢成日坐到滿~~佢D 員工仲超級有HEART tim 呀

點了個台式擔擔麵+ 凍檸水, 加了$4要一個香蕉豆沙酥.湯底用了很香濃的花生芝麻醬, 是精華所在! 肉碎雖然少, 但很入味! 沒有令我失望! 真是好好好好好好吃!另外不得不讚的是最後那道甜品! 酥皮頗脆, 不會太厚; 裏面很熱, 香蕉是半溶的, 混著甜度適中的豆沙, 令人一試難忘呀!! 這道甜品令我對酥皮完全改觀! 我記憶中的酥皮是又厚又滯的!!!服務很好, 兩位叔叔很好笑容, 也很有禮貌!相片: http://food.crossfacer.com/cgi-bin/weblog.pl?reply=29

上網找找看，睇下旺角有咩地方有好野食見這間好似開心多過苦埋口面多好多也就跟朋友試試看環境：裝飾也有心思，只係坐得有點迫食物：總括而言，都幾好食，可再一試服務：上菜很快呀，侍應也好有禮貌，讚Total 三個人，因為第一次黎唔知間野有咩好食見有個三人套餐，好似可以一次過試好多樣野也就懶得諗，叫這個餐試下吧依個餐．．．總共可以揀五個送+ 三個(魯肉飯or 擔擔麵) + 三杯台式野飲+ 甜品而我跟朋友就揀左涼伴茄子．個味道幾好架，只係個茄子皮有Ｄ硬怪味雞．這個值得一試呀，Good炸蝦棒．Hum... 無咩特別... 每人只分到一條...雞絲粉皮．伴花生醬、味道幾香，只係粉皮稍嫌唔夠滑鹽酥雞球．唯獨這個賣相很不討好，食落香料太重喇，但都食得落口既魯肉飯& 擔擔麵．兩樣細細碗，但會夠食，而兩者之間，後者好食Ｄ而我自己就叫左杯朱古力奶茶，都幾好飲最後上埋甜品忝，是香蕉豆沙酥可惜我不嬲都唔好酥類既野沒有試到，比唔到Comment而價錢$158，其實都幾抵可以再黎一試

尋晚諗唔到去邊到食飯. 所以上網搵下有邊間餐廳係掂既. 發現原來係旺角有4分既真係唔多. 最終試o左西門町...叫o左一個$108 既二人套餐. 有三款餸. 兩碗麵. 兩大杯飲品.& 甜品. 全部都好好味. 特別係醉雞. 滑得o黎好有酒味. 好正... 舖頭細細. 老實講有點擠迫. 但食物好味. 價錢平. 值得推介. ^U^P.S. 職員十分有禮貌.親切. 小小舖頭能做到此水準. 好!

岩岩黎呢度食完lunch，我order 左魯肉飯、涼伴茄子、跟凍檸茶。同事A order 左擔擔麵、炸春卷、蜂蜜綠茶加珍珠。同事B 就order 左四寶粉絲、蜂蜜綠茶。我果份- 魯肉飯食過幾次了，仍然好味！涼伴茄子第一次試，幾好，個汁幾醒胃。平時都會揀飲珍珠奶茶，但天氣太熱了，所以想飲返凍檸茶，但呢杯野唔及出面茶餐廳既好飲喎！另外我試左同事既炸春卷，都叫做ok 啦。擔擔麵係我介紹俾果位同事的，佢都覺得好食。而order 四寶粉絲果位同事都同我黎過呢度好幾次，佢多數都係叫買寶的，我都試過四寶，都可以，但我暫時未試過呢度既粉絲，下次試下先。另外提一提大家，如果order 蜂蜜綠茶，加珍珠係唔洗加錢架。今次都係... 見到果位好nice 既阿叔，佢真係好好人呀！我地未有位果陣，都係佢叫我地企入去，無咁辛苦，佢真係好好人唷。而且可能佢知我地趕住返公司，未有位既時候就俾左menu 我地睇，仲話幫我地落左單先，咁樣會快d，好細心！仲有，呢間餐廳唔收加一的

上個星期去食, 叫左個嘉義雞肉飯, 紅燒牛肉麵(另加魯肉), 台式燙青菜同埋紅油肩食, 整體黎講味道唔錯, 價錢又唔算貴, 個嘉義雞肉飯都幾好味, 紅燒牛肉麵就爭左d, 反而魯肉幾地道, 似係台灣食到個種, 菜就係面頭加左魯肉, 咁食會開胃d, 個紅油扁食都好味, 但係就略嫌唔夠汁, 乾身左少少~地方唔算大, 算係乾淨企理咁啦, 招呼都唔錯, 食得過既!

呢度已經成為我常去的lunch 地方今次order 左豬軟骨飯($24) 跟珍珠奶茶(+$4) 再加個小食- 鹵水蛋同豆腐(+$4)豬軟骨好淋，又入味。個鹵水豆腐幾好食.. 蛋就一般。珍珠奶茶當然keep 到水準啦。

上次唸住同朋友幫襯搵極都搵唔到, 所以以為拾左笠, 後尾上網睇先知原來只係裝俢。裝修後比以前整齊同乾淨左, 但係將個廚房搬左入裡面, 地方好似細左, 坐得無以前咁舒服。食物方面比從前少左選擇但加左幾蚊價喎, 今次我地叫左肉燥飯, 紅油扁食同埋第一次叫既茄子煲, 除左茄子煲唔好味, 好油加上好燶(痴晒底)；其他味道跟之前一樣, 都係唔錯。