影片
以上资料只供参考，请与餐厅确认详情
食家推介
今日去炮台山探姨姨，顺便去食个lunch，呢区我以前细个成日都去，原来而家已经变咗咁多，多咗好多新嘅食肆，行行吓见到呢间越南小店，都见到有午餐优惠，就入去试下。小店内座位不多，不过位置都算阔落，几适合喺附近返工人士嚟食饭。午餐餐牌价格便宜，$50左右就可，有饭及面可选择，还有数款小吃，外卖午餐只需$35，价格好优惠呢~香茅猪扒捞檬 $55捞檬好大碗好丰富，上面有大量花生碎、萝卜丝、青瓜丝、生菜丝及干蒜。檬粉干爽有口感，倒入餐厅提供的越南酸汁，拌匀后味道好惹味。香茅猪扒煎得香脆，而且预先切好一件件，方便食用。热柠水 $2午餐可以优惠价添加饮品。假日休闲吃个午餐，真是一个不错的选择。
继续阅读
今日同屋企人去咗炮台山食越南嘢。西贡越南真味系一间小型餐厅，所以我哋坐咗喺出面食。我哋叫咗一人火车头锅粉、半生熟牛肉汤粉、安格斯牛肉汤粉、越式粉包同埋网纹春卷。一人火车头锅粉份量非常多，而且有好多𩠌菜，例如猪什，白萝卜，同埋最出名嘅生牛肉。河粉配合𩠌菜同埋芫荽一齐食，有芫荽嘅爽脆，生牛肉嘅鲜味，同埋河粉嘅幼滑，令到一啖入面有好多口感同埋味道，几好食。另外，安格斯牛肉汤粉亦系另一个好推介。同其他半生熟牛肉汤粉唔同，安格斯牛肉有一半肥一半肉，所以食嘅时候口感比其他牛肉嫩滑，有入口即溶嘅感觉。除此之外，安格斯牛肉嘅牛味比其他牛肉重好多，各位钟意食牛嘅朋友一定要试吓。而半生熟牛肉汤粉比安格斯牛肉汤粉价钱较平，但味道亦唔错，而且牛肉份量多。喺小食方面，越式粉包好似潮州粉果，入面有花生，肉碎同埋葱花。但系粉包嘅粉皮比潮州粉果嘅粉皮冇咁烟韧，亦冇咁通透。不过未到方便亦唔差，更加可以配合酸辣鱼露酱汁一齐食，味道更佳。网纹春卷味道似酒楼嘅炸萝卜卷。外皮非常松脆，金黄嘅炸皮卖相诱人。而馅料方面，则有萝卜丝同肉碎。春卷皮会索晒啲酸辣鱼露酱汁，所以一定要配合酱汁一齐食。整体而言，价钱合理，份量不错，下次经过北角或者炮台山可以走入内街试吓。
继续阅读
今日食lunch好多人, 好彩系出面开到张枱同同事食饭, 但都等左好耐, 但店员都好有礼貌, 唔好意思都讲到足。香茅猪颈肉捞檬($55) 先上捞檬后上猪颈肉, 等到颈都长都未有𩠌.... 个粉质地好林, 个檬汁麻麻地, 猪颈肉就烧得好好食, 但个粉拉低左个分数。
继续阅读
自从喺澳洲返左黎香港之后都好少食越南野澳洲嘅越南河粉实在太好味因为全部都系真．越南人烹调喺香港暂时都仲未揾得返𠮶种味道但系呢日返娘家路经过见到呢间越南小店勾翻起唔少回忆决定去试吓叫左生牛肉檬粉同一杯青柠梳打系冇期望嘅情况下竟然有惊喜真系有澳洲食越南河嘅感觉味道清甜一啲都唔咸肉味浓郁而不腻神奇的是食完唔口渴之余仲忍唔住饮晒碗汤整体感觉好好味道值得一赞而且我觉得最重要的是美食．有时候唔一定要米芝莲几多粒星用多珍贵的食材其实就好似食神入边嘅黯然销魂饭一样最好嘅美食其实就系可以勾起你美好回忆霎时感动的弥足珍贵
继续阅读
陪老公来炮台山覆诊，午饭便顺理成章在区内解决。本来提议去木兰苑「金钻名轩」饮茶，点知嚟到时发现地下开咗间人气越南汤河店「Saigon Pho 西贡越南真味」。据知餐厅一直深受不少名人、明星及饮食达人捧场，没想到原来已经杀出西贡和九龙城，于食肆林立的电气道开设分店，反正没吃过，决定即时转軚。看看门外餐牌，午市套餐价钱非常经济，$50 起已经有交易，而外卖更只需 $35，非常抵食。 拉开趟门内进，原来店内地方不大，只有七张细圆台，但环境看起来不错，布置简洁明亮，带点田园风，令人感觉舒适。午市餐牌很简单，以汤粉、饭或捞檬类为主，而客人凡惠顾任何上述食品，均可以特惠价钱点选饮品及小食。大家都不约而同地看中了店里的半生熟牛肉汤粉 ($50)，一于一人一碗，唔使争。先呷一口汤底试试，据店员称，汤底是用了大量鲜牛骨来熬制，味道果然不俗，不太浓亦不太淡，既鲜甜又不油腻。牛肉色泽鲜红，轻轻浸汤后品尝即吃到浓郁的牛肉味，再伴以少许九层塔吃，简直是超级大满足！另外河粉同白萝卜亦有水准，河粉薄而滑溜，不会因为浸泡得过久而发胀； 而萝卜亦清甜无渣。饮品每人点咗杯薄荷青柠特饮 (+$18)，成品以一个透明玻璃杯盛载，用料十足，望落去满是冰凉感觉，清甜嘅青柠加埋清新嘅薄荷，倍添清爽！
继续阅读