西貢咖啡餅店

营业中

休息中

本身黎到呢間餅店想黎試佢最出名既菠蘿包，點知無哂誤打誤撞試左呢袋包，身為包控同蛋糕控，呢件包竟然可以滿足到唒我既慾望出面啡色係朱古力蛋糕，非常柔軟之餘仲帶點彈口，朱古力香味亦超級香濃，入面白麵包部份同樣出色，柔軟度不遜於蛋糕體！完美結合左兩件事 最impress我都係佢果柔軟口感！我放左日都keep到個texture!!!!呢間係西貢雖然出味菠蘿包，但大家如果黎到又係好中意食包就要試埋呢個～不過廿蚊真係幾貴一包4大片，我用5分鐘食完不過唔係成日試就算啦

正如之前我在之前的食評提及過，我在舖頭做收銀工作，下午休息期間會乘機在西貢墟各處尋找可以一試的美食。上次介紹過碗仔翅跟鯪魚肉的混合體，魚肉加翅；今次我要講的是，西貢另一間有名的人龍店，西貢咖啡餅店。「西貢咖啡餅店」離遠一望，覺得它有點像法國的路邊咖啡店，只可惜「西貢咖啡餅店」跟小巴總站還有一點點距離。所以「西貢咖啡餅店」充其量，只是提供座位給客人稍事休息的小餅店而已。「西貢咖啡餅店」下午無疑是有套餐，不過相對西貢其他食店，「西貢咖啡餅店」的套餐只是尋常的食物，遠遠不及他們的鎮店之寶，菠蘿包跟葡撻般出名。「西貢咖啡餅店」之所以成為人龍店，都是全靠菠蘿包跟葡撻的功勞。但是「西貢咖啡餅店」面積座位都有限，想試食菠蘿包葡撻，又想安坐在座位上，悠閒自在地享受菠蘿包葡撻，就要另外購買飲品，才能獲得安排座位給你。 結果我給錢買了餅店孖寶菠蘿油跟葡撻，另加一杯凍奶茶，餅店立刻安排了座位給我，我立刻放好葡撻奶茶，坐下來開始品嚐「西貢咖啡餅店」的鎮店孖寶。「西貢咖啡餅店」的葡撻即時製造，每日整點準時出爐奉客。我最初沒為意，新鮮出爐的葡撻原本這麼熱和燙，太過心急的情況下咬了一口，結果舌頭給葡撻燙傷了。葡撻是

呀媽嘈左好耐話要食，甘岩入開去就陪佢食。中午時間，人龍一般未係太多人，買坐左係個茶座到嘆個茶食個飽甘囉。叫左個菠蘿油加兩個葡撻，一杯latte同檸檬咖啡一共97蚊。兩樣都係岩岩出爐，新鮮熱辣，而菠蘿包一早好細心地切開左兩半，但佢個面係整得偏甜，食完個包再食葡撻，唔係好點食到佢咩味，但葡撻係做得香脆既，但要比當然唔及澳門既好啦～

麵包控，西餅控，包可以當飯食 。早餐包，中午又包我周圍搵不同特色的，有出名，唔出名，貴的，平的包都會一試今天終於一嘗這家包，平時假日入西貢常常好想試食這家，但每次都出海趕不了，今天行山早餐就試下，選了蛋白包，外賣了長法包，英式鬆餅 堂食滿滿蛋包，沒有預期中的新鮮熱烘，包是甜餐包口感，配蛋白，我個人覺得好難食 如果是咸包應該會好食d , 但包是鬆軟的 另外，長法包可能不是新鮮出爐，外皮韌，我也食個其他店舖的會比較脆口。 第二鬆餅也是普通沒有好特別，但價錢相當貴，性價比低，這價錢可以更好

見到排長龍，雖不太肚餓，但見菠蘿飽不停出爐，便打算買菠蘿飽和葡撻各一和老公一起品嚐。價錢：$12個葡撻，比巿面售價高一倍，除略帶椰子味外，無甚特別。$10個菠蘿飽，也是平時買開的屋村菠蘿飽的一倍價錢，但味道卻也是無甚特別。感想：食水太深總言之，買麵包，都是返屋企先買。

十次入西貢，九次都會幫襯呢間菠蘿油加杯凍檸茶！不過有幾次就因為遲左（其實都只係五點幾）就已經賣晒！雖然係好邪惡，但係新鮮出爐菠蘿包加埋冰凍牛油呢個組合真係堅持唔住！食完再行山先至充滿力量

西貢除了海鮮出名,查實還有其他美食。 這天吃完金山粥後,胃容量還有點quota,便去試試這個聞名不如見面的最強菠蘿包。 小店就在碼頭小巴站附近,挺好找的。 因為要堂食,所以「被逼」點了兩杯咖啡,味道不過不失啦。 主角當然是菠羅包出場啦, 菠蘿皮面積廣而脆,包身鬆軟又不會太空氣,真的見面尤勝聞名,吃了幾十年菠蘿包,居然這家能做到這個境界;一個字 。。。绝! 有小驚喜的是它的葡撻,酥皮鬆脆,蛋漿超香且滑,我說並不輸比澳門的老字号。

到西貢一遊，路經此店，見長長的人龍在排隊。觀望間，後面傳來男子聲音"睇住，借開！"，原來菠蘿包出爐。看見新鮮出爐麵包又大又圓非常吸引，但排隊人太多，龍頭看不見龍尾，只担心供不應求。說時遲那時快，又見剛才男子再拿出另一盆出爐菠蘿包，於是拿拿聲揾隊尾。找到隊尾後，只見前面有二、三十人。入嚟寫食評，講大堆廢話做咩？只係想講，排咗廿分鐘隊，就算只買咗一個菠蘿包，一個葡撻都值得。因為，菠蘿包外脆内軟，重拾兒時茶餐廳麵包果種質感，非一般市面連鎖麵包店嘅麵包可比。至於葡撻，鬆脆香滑，超正。剛剛從葡萄牙回來，在當地亦特地嘗試那裡的葡撻。兩者比較，我始終喜歡本地風味。蛋成份重一點，是香滑，有別於葡萄牙的，忌廉多蛋少，滑而不香。回講些店葡撻，比市面某炸雞店好得多，有澳門始創店水平，連我向來咀刁的太坐也讚不絕口。

唔講唔知呢間麵包舖係西貢幾岀名，而且仲有我喜愛既菠蘿油食！雖然要排隊，但好快就買到。買左兩個葡撻同一個菠蘿油，先講菠蘿油，個包的確好熱，可惜塊牛油太細塊，只有食到中間先食到牛油，而且牛油融得太快，要鬥快食！否則只有幾啖係食到牛油，其餘融曬係個包度。葡撻都係熱辣辣，唔太甜但偏油膩，食完個嘴邊都係油。總括而言，未食過可以一試，但唔係非食不可！一個菠蘿油$16，葡撻$12，好貴！金都菠蘿油比佢更平更好食。

呢間西貢餅屋都有d名氣, 聽講佢嘅菠蘿包整得唔錯~ 餅店就係小巴站對住嗰條小街, 好易搵! 余媽媽早就想嚟試吓, 不過次次嚟親都已經食飽野, 個肚無位。 呢度設露天茶座, 係餅店內買完食物就可以係度 悠閒地享受一番, 慢慢嘆~^o^~ 今次我地散買左個菠蘿包和兩個葡撻, 再叫多個下午茶餐 (包鮮奶蛋撻和一杯飲品)~ 菠蘿包個皮很鬆脆, 包亦很香軟~ 鮮奶蛋撻奶味很濃郁, 而且很香滑, 酥皮也做得很鬆化~ 葡撻當然比連鎖快餐店出售的出色, 美味又香滑~由於個菠蘿包和個撻本身都有番咁上下大件, 而且又香又美味, 所以余媽媽覺得都算抵食! 下午茶份量啱晒！仲有其他TEA SET可以選擇~ 余媽媽其實好喜歡食cake, 所以見到呢度嘅西餅都“心心眼”♡^_^♡ ! 當然唔少得各式各樣嘅包包啦啦! 賣相都幾吸引, 真係好想帶晒佢地番屋企呀！ 下次大家遊西貢, 不妨係度tea一tea吖！

之前都聽聞過呢間麵包舖個菠蘿包好正嗰日咁啱經過西貢都特登來朝聖下間麵包舖唔難搵門口見到一條好長嘅人龍就知係呢間啦我都唔係等左好耐嘅今次我買咗一個牛油菠蘿包同埋一個葡撻嚟試吓果然名不虛傳啊個牛油菠蘿包好鬆脆入面熱辣辣襯埋舊牛油，簡直係絕配呀個葡撻都好好味呀甜度適中外脆內熱兩樣都係must have items

I have been to Sai Kung for many many times, and I thought the famous food here is Seafood and Western Cafe... I was wrong... this is so far the best Sweet Bun I have ever tried... two times in a row in 2 weeks, still the best.  But you need to come in the right timing, as the freshly baked one is much much better.  They do offer seating there, and it's good to go with a ice-coffee or ice-lemon tea.  Chocolate Cream is good too, but I find it a bit too filling. Parking is always a problem in Sai

這家店一直存在於我的wish list之中，可是每次來西貢總是和它擦肩而過；是日明明在家已吃了早餐，肚子感覺還是空洞洞，行山之前還是拉著男友來這家人氣餅店吃個包才出發。 菠蘿包/菠蘿油麵包新鮮出爐，嗅起來香甜，一拿上手看到用來托底的紙吸滿油份挺嚇人，菠蘿皮脆酥香，比較油膩，整體味道和在市區買到的沒太大分別。而男友說牛油質素上乘，可惜擺位令人難以每一口也吃到，若然是打橫放在中間會更合心。 兩個麵包加一杯熱朱古力盛惠$40，性價比不高，總算是了結了一個心願；菠蘿包嘛，還是太子金華無可匹敵！

同朋友遊完船河 听個朋友講系碼頭付近有個好出名既菠蘿油，記得好細個果時系九龍城都食過一個好好味既 但而家已經執左 之後都無話試過邊間既菠蘿油會特別深刻 不過呢個真心正 可能甘岩我預正佢岩岩新鮮出爐 熱辣辣加埋佢好脆既面 個包又軟又煙un..牛油仲慢慢溶

和家人到西貢戶外康樂中心日營活動後，到市中心下午茶，同行建議食葡撻和菠蘿包，便到此一遊。同行15人，5人先到找了近門口一張細圓桌，葡撻，菠蘿包，各式凍飲齊備。葡撻：熱辣辣，好食！菠蘿包:熱辣辣，不會差到那裡。價錢$10個，和坊間$6-$7個"而好食的"質素差不多，真的有了名氣，什麼都不一樣。只可說坊間大部分麵包店不斷退步。凍飲：$21杯，檸茶無茶味，奶茶淡淡地，咖啡飲剩半杯不用多說了。店員態度：差，真的需要用嗎？人多要站在公家地方也不對，店員絕不是善意提醒，只是＂你們不要阻礙師傅出包，如被燙傷是你們的錯！＂大佬，係你非法擺桌椅在正門外賺錢，客人站在旁邊等位是錯嗎，不是店方應該格外小心嗎？如店員做得辛苦不開心要黑面，請黑你腦細，不是客人；如你是腦細，請想一想營商之道。態度說明一切！