西貢咖啡餅店

营业中

休息中

The egg tarts were just lukewarm... The puff pastry was not fluffy at all, as it already hardened when I ate them.-The pineapple buns are SO DISAPPOINTING. First, they’re already cold! Not even warm!!! To give you an idea, the butter in between the buns was still solid, meaning that it had not melt! So you know how cold it was now?-Another upsetting thing is that the cookie crust on top wasn’t crunchy too!!! I think they should really reheat the buns in an oven before serving them to customers..

呢排疫情愈黎愈嚴重，大家可以bookmark定遲啲再去！🧡 呢間麵包店好出名，離遠已經見到長長嘅人龍，難得黎到當然要朝聖一下🤤 佢地嘅葡撻同菠蘿包都好多人推介，仲要係新鮮出爐添🔥🔥菠蘿包（$11）個菠蘿包係新鮮出爐，攞上手仲熱辣辣😋 仲有成隻手掌咁大添🤚 菠蘿包皮好鬆脆，甜度適中，質感比平時既菠蘿包鬆軟，但又唔會食落剩係得空氣感👍葡撻 （$14）葡撻外皮酥脆，蛋整到好嫩滑，食得到濃濃嘅蛋香同微微嘅焦糖香，但對我呢個嗜甜嘅人黎講就覺得唔係好夠甜，如果再甜啲會更加好😆整體來講都算好食（最緊要係佢真係啱啱新鮮出爐‼️）但對比出面就有啲貴啦🙈 經過嘅時候可以試吓！

呢間餅店最出名既係菠蘿包同葡撻🥧，每逢周末假日就大排長龍👭👩🏻‍🤝‍👨🏼，店外有幾張檯同埋側邊亦有個帳篷區俾客人堂食，不過記得要入店內買左野食先好坐低呀🪑由於呢日食完lunch先入西貢，菠蘿包同葡撻之間二選一就揀左個菠蘿油黎試✔️******************************✨菠蘿油 ($17)呢度塊牛油都幾厚身，選用既係普遍餐廳都用既新西蘭Anchor牌鮮牛油🧈雖然菠蘿包唔係岩岩新鮮出爐💁🏻‍♀️，但包體仍然暖暖地，未有將鮮牛油融化所以食到牛油既甜香，極之邪惡，食菠蘿油既精髓亦不過如此😈 不足之處❌係包體空氣感偏重，咬落去既口感偏淋唔夠實淨；至於面頭既菠蘿皮脆身得有如食合桃酥🍪咁，帶菠蘿皮應有既香氣但就缺少左鬆化既口感，同埋睇到夾雜唔少砂糖粒所以有d偏甜相比之下個人鐘意食 #金華冰廳 既菠蘿油多d，因為後者塊菠蘿皮真係無得輸👍🏻，而且都只係索價11蚊🙈.㊙️呢度既菠蘿油17蚊，而菠蘿包係11蚊，CP值並唔高，塊牛油6蚊相對上算係好貴💸 除非閣下非要食塊牛油不可，否則個人認為試下呢度既菠蘿包就可以👌🏻******************************👧🏻人均消費：$1

去到既時候坐左係露天位置，由於當時樓上做緊工程，間中有少量碎石跌落，比較唔安全。因為有d石仔飛左落個包到，我就問下可唔可以換過個，店員都好好人換左個新個俾我，但亦建議可以開返帳篷防止碎石跌落影響安全。菠蘿油個包可能出爐好耐而變凍左，就冇得整溶舊牛油。食落牛油還牛油個包還個包，無食緊菠蘿油既感覺。菠蘿包既酥皮係幾脆無話淋曬，但係個包就無咩味，食落都唔鬆軟。17蚊食呢個包真係唔值得！

每次入親西貢都一定要食呢一間葡撻先至算心滿意足！每逢假日黎親都必定排長龍所以今次我就選擇左平日嚟，可能加上疫情關係所以當日都冇乜人嚟排隊。假如你想坐喺度食就要叫一杯嘢飲先可以堂食。我哋當日三個大人就最少叫兩杯野飲，我哋就叫咗一杯朱古力沙冰同埋一杯乳酪沙冰。另外每人再叫多個葡撻，葡撻真係新鮮熱辣，雞蛋餡食落真係非常之幼滑，加上酥皮酥脆有層次，真係食多幾件先夠喉啊！

✨西貢超班葡撻🥧菠蘿油💯次次入親西貢都排長龍嘅一間麵包店但我每次經過都好飽一次都無食過今次抱住平常心一試超有驚喜😍葡撻係酥脆 咬嘅時候最入嗰層會有餅乾脆脆口感 食落係有焦糖香 未食過咁正嘅酥皮蛋餡又唔會過甜 超好食🤩🤩🤩菠蘿油係太陽底下 牛油🧈2分鐘已經消失🤣但係菠蘿包皮脆脆的 包配埋牛油香真係一絕✨溫馨提示: 要叫野飲先有得坐低食.🧈鮮牛油菠蘿包$15🥧葡撻$11.📍西貢咖啡餅店 (西貢)西貢海傍廣場2號金寶閣6-7號舖地下

去西貢搭船出外島玩，當然要準備好糧食啦!😉 一到西貢第一時間衝去買最出名嘅菠蘿包，因為平時都好多人排隊🙊，今次仲俾我發現剛剛出爐嘅葡撻，心大心細，一於買哂佢地!😝😝 1. 葡撻 ($14)熱辣辣新鮮出爐，蛋餡濃郁奶香，質感非常細滑，酥皮超級鬆脆，平時係其他地方食嘅酥皮多數食到中間都係開始濕濕地，但呢個完全唔會焗濕👍邪惡之首!😈 好想食多個! 唔夠喉😝🤤 2. 菠蘿包 ($11)熱辣辣新鮮出爐，菠蘿皮非常香脆，麵包好鬆軟，好好味! 😍下次好想試下鮮奶撻😝P.S. 我未開船已經食哂! 😂😂😂

之前下午茶試過摸過一次門釘， 不是沒開門，而是菠蘿包已經沽清。今次醒呀！一早過來吃早午餐。當然係點菠蘿油同撻啦！店舖有少少露天座位，但與排買菠蘿包及葡撻是分開兩條龍的，所以如果你見人龍少，分分鐘排錯隊，就算你坐低咗，你都要行返出去排隊買菠蘿包，除非你諗住食其他或者買嘢飲啦！店員隨手用較剪，剪開菠蘿包中間，放嚿牛油變成菠蘿油，菠蘿包賣$11，加牛油$6＝$17， 奶茶&齋啡, 外賣杯上普通+正常。新鮮出爐嘅麵包當然好食，菠蘿面層香加輕脆，但特別易碎開出嚟，飽香味十足，牛油融化混合一起，新鮮出爐菠蘿飽和牛油，呢個真係絕配。 呢間嘅都算做得出色之一。我排咗十分鐘唔洗，但後來有聽到店員說下一爐要等三十分鐘，咁就覺得唔係咁值。另一個要排隊才可以買嘅牛油撻和葡撻都不錯。但不要太高期望。食物賣相＝(滿分20) 15食物味道＝(滿分20) 17服務質素＝(滿分20) 12裝修整潔＝(滿分20) 12性價比率＝(滿分10) 7回頭指數＝(滿分10) 7總評分。（滿分100) 70分

曲奇皮同酥皮 我一定會揀前者 有無人認同呢😜但今日講既係酥皮蛋撻😆 (曲奇皮I’m sorry😝)當日知會去西貢 就心心念念依個西貢出名既酥皮蛋撻 咁岩最近亦好想食蛋撻 依間麵包店就係cafe - Little Cove Expresso 的附近 所以都有好多排cafe既人去買蛋撻菠蘿包 不過麵包店亦大排長龍！勝在夠快 亦有不少人坐底享用菠蘿包咖啡 買了一個鮮奶蛋撻 眼尾見到個杏仁碎蛋白蛋糕 忍唔住再買多個蛋糕鮮奶撻超級好食！完全一解我這幾天對蛋撻既craving 酥皮恰到好處 最外層既係脆皮 中間係帶點曲奇皮的實質感覺 加上香濃既蛋 完美！ 唔會好實 係比燉奶再實一點點既texture 雖然價值$14 係蛋撻黎講都算幾貴 但值得Encore ! 杏仁碎蛋白蛋糕 $15十分甜！食左幾啖就無食了 都係食蛋撻好啲

閒日五點左右，唔洗排隊。好幸運食到新鮮出爐既菠蘿包！菠蘿包比屋企樓下麵包店貴一倍，但物有所值👍🏼菠蘿包｜$11「菠蘿皮」焗得好鬆脆，甜度適中，重鋪得滿成個包，絕對冇慳料，食落淡淡滿足感。加上底下麵包軟熟，咬落實在，其他麵包店既空氣麵包真係冇得揮。葡撻｜$14（下午茶餐$28 跟一杯$20或以下熱飲）可能因為擺凍左，個酥皮好硬，得個甜字，食唔出蛋香。下次如果唔係新鮮出爐，應該都唔會再翻兜。凍咖啡｜$23（跟餐補$3）以為呢類港式咖啡會偏苦澀甚至酸，點知都幾香濃，口感順滑，比想像中好飲。檸檬巨峰提子梳打｜$35（跟餐補$15）用濃縮巨峰提子汁，再俾一罐梳打水你自己溝，酸酸甜甜又有汽，好岩夏天飲。呢間店係自助形式，同埋要買飲品先可以堂食。推介：菠蘿包唔怕肥既就食菠蘿油啦！😂

次次去都要排隊既，因為疫情都吾洗排隊了～～～～～想食葡撻架！！！！ 但賣哂😭😭😭😭😭😭好傷心！！最後食左一個菠蘿包，一個鮮奶撻，飲左咖啡！菠蘿包都幾好食！吾係熱既但都脆口！！不錯！但係就比較貴！凍咖啡就普普通通啦！！佢有位可以坐下既 ，不過係買夠野先有～～～

放假入西貢行下順便食個下午茶，入到去當然要食菠蘿包，叫左兩件菠蘿油加一個鮮奶撻仲有兩杯咖啡，飲品就普通不過同其他茶記冇分別，菠蘿油就都keep到水準，皮脆麵包鬆軟夾埋件牛油真係冇得彈，鮮奶撻就用葡撻做法，個餡就用鮮奶做蛋撻皮鬆脆鮮奶滑do do , 入開西貢真係要試吓，但假日就要預多啲時間，因為都會排長龍

📍 Sai Kung Cafe & Bakery 🌟西貢⁣⁣ ⁣⁣🔸 菠蘿油🍍⁣⁣💰17⁣⁣👅8.5/10⁣⁣鬆脆既面加上脹卜卜既菠蘿包 (比平時食到既更軟糯 有啲似餐燒叉包既感覺😍)，夾住半溶既牛油🧈 脂肪黎喇....‼️ 菠蘿油愛好者必試！‼️⁣⁣⁣⁣🔸 鮮奶撻 // 葡撻 ⁣⁣💰14⁣⁣👅8.5/10⁣⁣層次感滿滿既酥皮包住奶香🥛味十足既蛋漿🍯⁣⁣熱辣辣🤩好好味⁣⁣⁣⁣🔸凍檸茶⁣⁣👅8/10⁣⁣好夠檸味🍋 茶好香 大熱天時 飲完成個人Refresh 返🤤⁣⁣⁣⁣🔸凍咖啡⁣⁣👅8.5/10⁣⁣有驚喜❗️勁香濃既咖啡味 配埋菠蘿油食 好夾👍🏻⁣⁣⁣⁣真係好多人，記住搵個靚位先好排隊買包包同野飲呀！

假日難得陽光普照 去西貢一日遊 唔係攀山涉水嗰隻 而係去長龍麵包舖 朝聖兼幫襯-🍍🍞菠蘿包菠蘿包走菠蘿 仍然熱賣 麵包新鮮出爐 人人爭住要 焗得脹卜卜 外脆內軟 係既熟悉又令人回味嘅味道 -🥚🥧杏仁碎蛋白蛋糕蛋白打得幼细綿滑 蛋糕軟綿綿 食落有少許濕潤 唔會乾爭爭 咬一啖連面層嘅杏仁碎一齊吞 富有層次感-🍋🍰拿破崙檸檬蛋糕傳統嘅拿破崙蛋糕嚟一個變奏 少咗層層疊疊嘅酥皮 換來檸檬味 不過酸味較弱 -📍Sai Kung Bakery

呢間食過好出名嘅咖啡餅店☕️每次嚟都要食一次，最正係真係新鮮出爐！姐姐真係好可愛，佢同我講阿妹唔好影得咁靚，會做死我哋🙉1️⃣鮮奶撻 $14咁多樣嘢之中，我最鍾意食呢個鮮奶撻！真係好香滑，有淡淡嘅奶味唔會太甜！酥皮好酥脆，咬落去卡嚓一聲😎🙆🏻‍♀️美味指數:8.22/102️⃣菠蘿油 $17菠蘿包真係新鮮出爐，所以牛油🧈溶得好快。菠蘿包上面嗰層脆皮，仲加咗少少糖喺上面。麵包香軟，不愧為邪惡之首😈🙆🏻‍♀️美味指數:8/103️⃣葡撻 $14酥皮好酥脆，不過我都係鍾意食鮮奶撻多啲，因為冇咁甜！🙆🏻‍♀️美味指數:7.55/104️⃣咖啡 $23港式咖啡都唔錯㗎，配包同蛋撻真係幾正！唔會好似咖啡店覺得咁香濃，飲到底仲有啲水添，不過炎炎夏日飲就好舒服！🙆🏻‍♀️美味指數:7.23/105️⃣奶茶 $23奶茶少甜就正正常常，茶味比奶味重。🙆🏻‍♀️美味指數:7/10💡整體來講，性價比一流，不過真係好多人，記住係坐低先好排隊買包包同飲品呀！西貢咖啡餅店 (西貢)地址🐾:西貢海傍廣場2號金寶閣6-7號舖地下