西貢咖啡餅店

营业中

休息中

《 西貢著名菠蘿包 》去西貢食完威士忌雪糕，就緊係要食埋菠蘿包先走喇！😋🔹 菠蘿包 $11$11 個菠蘿包可能會覺得有小小貴，但哩個包真係值哩個價。每個菠蘿包都係新鮮出爐，咬落去十分鬆軟同時菠蘿脆皮甜度適中，真係好好食架！* 如果想叫菠蘿油就要 $17 

呢間位於西貢嘅人龍餅店，出名嘅野食已經唔使多講，每次行完山、玩完水上活動後必叫菠蘿油！菠蘿包外脆內軟，配上牛油，口感味覺上都極為享受。菠蘿包賣得好快，差不多每分鐘都見師傅送上剛出爐嘅包品。萄撻都係另一個受歡迎嘅食品，但我就覺得寫澳門個兩間/kxc嘅好食啲。如果想坐低休息，就要叫野飲。今次叫左一杯熱奶茶，一杯凍奶茶。熱奶茶係茶包奶茶，一壺紅茶另配上淡奶，跟據自己喜好倒到杯內，感覺似high tea個種，可惜茶味唔出唔濃，加埋奶，似奶水多過奶茶，如果有多個茶包同茶滾啲會比較好。凍奶茶已經叫左少甜少冰，但都好甜，同熱奶茶一樣無茶味，係一杯加甜凍奶水。總睇唔推薦奶茶類，建議都係外賣菠蘿油。

又係喺西貢遊蕩嘅一日本身未諗到食咩但一落車就聽到有人講「快啲去排菠蘿包啦」好啦我決定咗第一站就係食菠蘿油一去到果然勁多人排隊條隊起碼有成40人不過都排咗10分鐘就買到個菠蘿包皮好脆呀因為疫情關係我最近都有成日喺屋企玩整麵包自己都有嘗試過整菠蘿包但係個皮就冇辦法做到佢呢種效果咁多人排隊果然有佢嘅道理塊牛油凍冰冰成1cm咁厚夾喺熱辣辣嘅包中間真係好好味見到佢啲葡撻都好吸引不過要留肚食甜品同晚飯今日就食住咁多先下次再排隊買葡撻試試

朋友話之前嚟過呢度食菠蘿油, 之後一直都念念不忘😂 所以今次嚟到西貢一定要再食😋我哋遠遠已經見到人龍排隊等緊新鮮出爐嘅菠蘿包~ 其實呢間餅店有少量嘅座位, 除咗麵包, 仲有麵同飲品等等, 不過大家主要都係買菠蘿包/菠蘿油/葡撻🍞🥧菠蘿包($11), 如果要菠蘿油($17), 店員就會即刻剪開菠蘿包攝塊牛油落去😋新鮮出爐嘅菠蘿包真係冇得輸:- 塊皮熱辣辣, 脆卜卜🤤- 包嘅部份亦都好軟熟🍞, 唯一挑剔嘅地方係我覺得佢嗰塊皮比起麵包多, 如果個包大啲就更加好~ 整體來講性價比高, 值得一試😋

西貢餅店大家無可能唔知！最出名嘅菠蘿油大家無可能唔知！睇完網上正評俾野食但負評俾服務態度，倖存者預料外賣自取先係皇道！倖存者一直都覺得菠蘿油係矛盾嘅包，因為佢考究嘅地方係對比：包括質感對比、味道對比同溫度對比。質感嘅對比指香脆菠蘿酥同軟滑牛油-呢個控制得好好，咬落啲菠蘿酥有食crunch嘅感覺，而鮮牛油嘅軟滑無可挑剔。味道對比指牛油油酥味同菠蘿包甜味嘅平衡-兩都味道都濃，但唔會話側重一邊。溫度對比指鮮牛一定要凍而菠蘿要熱（最好岩岩出爐）-呢到絕對做到冷暖要求一有新包出爐，人龍就會隨之而出現。倖存者排咗10分鐘左右。

呢間店嘅成功俾人睇到天時地利人和嘅重要十幾蚊個菠蘿包/葡tart、二十幾蚊杯black coffee,喺第二度應該出事，但喺西貢市中心，係會大排長龍。因為，喺西貢玩完活動會想食啲西貢出名嘅嘢。朋友話呢間菠蘿包好出名，於是一個人攞位，一個人排隊買嘢，排咗十幾分鐘。。新鮮出爐嘅面包嚟講，係好易好食。佢個菠蘿包係鬆化，冇臭粉味，幾乎滿分，不過盛惠$11 定$14 ，如果你都係食菠蘿包大嘅，或者同我一樣會覺得排一次就夠，好食嘅程度，係唔想企嗰十幾分鐘。葡tart好香牛油味，個so 皮好似比安德魯厚啲，個人認為薄返少少個好啲。咖啡以送口計絕對可以接受，不過$26杯filtered coffee 就。。。hm......總括嚟講，未試過係值得一試嘅。如果再入西貢，就可能未必會再排了。最後想講，樓面店員（/老闆）阿Ling小姐對客人有禮，喺咁忙嘅鋪頭居然冇向客人呼呼喝喝真係好難得。俾個like 佢。

叫左個菠蘿油，葡撻，凍冷茶，芝士火腿酥，個好似掉返轉係我求佢賣俾我咁，未食佢既野已忍唔住俾負皮，再好食都唔會再幫襯。想問個廁所喺邊，佢答我要去碼頭，我話我堂食都係? 佢先即刻改口話入面有。簡單講，唔會再幫襯

菠蘿包 講真，係好食既因為新鮮出爐同埋佢落既料都足 所以焗起好香口 而岩岩出爐就更加脆口不過以前屋企人開面包鋪 知道包既成本幾毫子就搞掂而佢賣成12蚊個... 所以性價比就...：）

賣都出哂名就可以不可一世的麵包店。菠蘿包好多油油油兼油酥味濃。質素普通不值咁貴，普通包舖水準，我覺得仲有好多好食過佢好似無咩特別，一啲都唔正。🤔好耐以前都有幫襯過，覺得閒時嘆杯野飲食個菠蘿油都算正常。但今次員工態度極之惡劣，態度不友善未試過去一間餐廳會咁🤬🤬衰。好似唔憂做咁趕客。難得入去行下，完全破壞入西貢chill既氣氛。入西貢仲有好多好食既係左近👍👍😎😎個人以後都唔會幫襯。多謝你的服務。

大家會覺得菠蘿包好食，小店除左菠蘿包，其實仲有朱古力方包、葡撻好食試過會有比較吾介紹朱古包比大家，大家以為淨係得菠蘿包出名，其實小店朱古力🍫方包比菠蘿包質素更好，試過知無介紹錯朱古力方包小店做得好軟熟，與其它麵包店比較依間方包較好食，方包帶朱古力味葡撻皮夠酥脆小店最近菠蘿包同之前比較味道無變，但包就無以前咁大個，買開會有比較另推薦小店蛋糕🍰款式多、大件吾會偏甜小店有堂食、留意假期、星期六日較人多需要排隊買包

\\ 西 貢 必 食 馳 名 葡 撻 ♥️\ 必 定 覆 桌 🤤 ｜ 菠 蘿 油 同 樣 出 色 🌟\一直bookmark咗呢間好耐🤤🤤，難得嚟到西貢，終於食到☺️；聽講假日嚟嘅話會大排長龍，當日閑日下午時段來到，超幸運地唔洗等，買埋杯野飲就可以坐低食🌟\\\\葡撻 $14鮮牛油菠蘿包 $17Tiramisu $42·葡撻同菠蘿油都係新鮮出爐，熱辣辣🤤。葡撻酥脆，具濃郁蛋香，香甜滑溜，甜度恰到好處；鮮牛油菠蘿包同樣出色🌟，牛油呈半溶狀態，包面好酥脆，甜度適中，內裡超軟熟‼️ 絕對唔係空氣包；同行友人係西貢原居民，佢話Tiramisu都係必試，價錢就有小小貴，但明顯同平時食開嘅有少少唔同，層次分明，口感滿滿，不過咖啡味就唔會好重，餅底就有少少硬。·推薦指數：★ ★ ★ ★ ★··📍 西貢咖啡餅店 (西貢)西貢海傍廣場2號金寶閣6-7號舖地下🚌彩虹黨鐵站外轉乘1A綠頂小巴🚌沙田新城市巴士總站轉乘299X九巴

朝早來到西貢，點可以唔食返個這裏馳名的菠蘿油？因為閒日，所以朝早新鮮出爐的菠蘿包包仲有好多！仲有一隻隻金黃香脆的葡撻，真係令人想一打咁買走！二話不說點了一個菠蘿油，拎上手仲係熱辣辣的！金黃香脆的菠蘿包外皮加上軟棉棉的麵包，仲有厚切的牛油，簡直邪惡非常！但因為一陣去爬獨本舟，所以肥膩一點都沒有所謂！那啖啖牛油香和菠蘿皮的香脆，簡直最佳配搭！奈何因為我已經遲到，所以冇得坐低再嘆番杯熱奶茶，感覺有點可惜～

————————————————————————下午茶食個菠蘿油加杯凍奶茶都系一個唔錯既選擇🥰✨菠蘿油 （$17）✨凍奶茶 （$23）呢間菠蘿油系西貢keep住多人排隊，因為新鮮出爐，賣完即止！而味道方面，菠蘿油外皮好酥脆，菠蘿包整得好軟熟，熱辣辣嘅菠蘿包夾住一塊鮮牛油🧈溶化系入面，不得了🤤🤤🤤🤤簡直想再來一個！而凍奶茶叫左少少甜，茶味都算濃而且帶點澀味，不錯不錯！好味指數：9/10————————————————————————🏠西貢咖啡餅店 📍西貢海傍廣場2號金寶閣6-7號舖地下#美食 #相機食先 #香港美食 #吃貨 #西貢美食 #菠蘿油 #奶茶 #milktea #hongkong #hongkongfoodie #hongkonggoodfood #food #foodssss___

IG @karlatimes卡拉👧🏻評分🌟 4.2 / 5價錢💰$14 好耐冇去澳門🇲🇴想去想去😟所以食咗葡撻啊！咁啱行過排咗1分鐘就已經買到啱啱新鮮出爐嘅葡撻 係熱辣辣嘅 即刻食好可能辣口😂幾鍾意個撻皮 佢個酥皮真係好吸引同埋脆到你...OMG超級容易整碎個皮 脆脆撻皮係厚厚嘅 唔似出邊食到嘅比較薄 之前最常食KFC葡撻 但食完呢個西貢葡撻 唔會再想食KFC(?)😚 入面嘅部分好滑脫脫咁(?詞窮/冇形容詞)而且蛋香味都幾重 正🤩

每次入西貢都一定要食呢度嘅菠蘿油同葡撻架！因為真係超級好味呀！！！😋菠蘿油呢個真係我食過最好味嘅菠蘿油！個包非常鬆軟，最鍾意包入面嘅奶香味。菠蘿皮好脆，甜度適中。最重要係佢每一次嘅包都係新鮮出爐，熱辣辣架！！大大個，真係好正！不過我就不太喜歡牛油太油膩了，所以就咁叫菠蘿包都ok架！評分：8.5/10🤩👍🏻👍🏻👍🏻價錢：$17(菠蘿油) $11(菠蘿包)😋葡撻成個酥皮非常酥脆，唔會有啲地方淋左架！蛋漿方面甜度恰到好處，好香蛋同奶味。焗得啱啱好！咁好味，真係肥啲都抵呀😂😂不過價錢就比其他地方貴啲啦。評分：8.5/10🤩👍🏻👍🏻👍🏻價錢：$14嘆埋杯凍啡，真係relax呀！我下次入西貢都一定會再食！必推薦呀！😆