西貢咖啡餅店

营业中

休息中

📍#西貢咖啡餅店🇭🇰香港西貢海傍廣場2號金寶閣6-7號舖地下人均消費: HKD18味道: 👅👅👅👅賣相: 👀👀👀👀價格: 💰💰💰服務: 👨🏻👨🏻👨🏻性價比: ⭐️⭐️⭐️回頭率: 🔆🔆🔆到西貢好自然會買個菠蘿油食！⭐️鮮牛油菠蘿包🥯$18菠蘿包的確是香脆，包口感亦軟熟！加上厚厚的鮮牛油有夠香！不過我覺得鮮牛油應該要橫放，直放好難食到每啖都有牛油，食起來挺麻煩個人認為是好味的，未到必食推介，但難得入西貢食食又無妨

西貢人氣葡撻店，每次都熱烘烘的出爐😛😛今次專程來排隊購買。價值$15一個葡撻，人氣十足，每次經過都人山人海，今次終於可以一試。大熱天時也是買外賣回家吃比較好。經過氣炸鍋返熱後，葡撻酥皮鬆化吹口，蛋漿香滑，配上朱古力雪糕，一冷一熱，超級完美。

見到好多網民推介呢間小店，一早去到西貢，就係到食小小野做早餐。鋪頭側面有幾張枱係到可以堂食，平日去冇咩人完全唔洗等位。​​葡撻（$15）​買個時出爐左唔係好耐，仍然熱辣辣，外層酥皮🥧香脆，蛋漿🥚甜度恰恰好，拍得住澳門食既葡撻。​​凍奶茶（$23）​奶味🥛比較重，都香滑既，不過食完葡撻再飲就會覺得佢唔夠甜，要飲水清一清口入面既甜味先飲。😂​

1. 菠蘿油個包係熱，但熱到個牛油都溶埋，搞到個包油淋淋，個包仲要係空氣包，$18我真係唔知食咗啲乜，食過好多舊式麵包舖都好食過佢🥲完全唔值呢個價。2.葡撻凍咗，個酥皮似係平時啲酥皮蛋撻，個蛋漿完全唔甜，$15一隻，又係完全唔值。我覺得KFC個葡撻仲好食過佢，仲平過佢添😕3. 咁多人排隊，佢都唔憂冇客，態度都真係麻麻地。好似喝住問你要乜咁☹️總括而言，唔會再試。唔好見咁多人排隊就去試，因為真係只會浪費自己個胃既空間，留肚去食其他更好食既野好過。。。

🍞🥧🥖🥤今次經開來做嘢，一定要來幫襯鮮牛油菠蘿包、葡撻，加埋凍奶茶就最正😋，法式吞拿魚法包都好味，每次來到都要排隊等新鮮出爐的菠蘿油，不過都唔使等好耐，還有其他套餐選擇，如意粉、通心粉、出前一丁等，旁邊都有幾張檯可以坐低慢慢食，不過座位唔多都要預時間等位，有時仲等得耐過買麵包😅🌟菠蘿油通常賣到下午四至五點就賣完，不要太晏去呀，一定要買剛剛出爐新鮮熱辣辣的鮮牛油菠蘿包，變了室溫就無咁好味，未食過一定要試試👍🏻🌟堂食或外賣均可

今日去西貢行下，第一時間就諗起呢間餅店嘅菠蘿油，並唔係因為我食過覺得好正而想再食，而係聽聞好好食但未食過，上之黎又話賣哂...今日四點幾黎到，即刻到左呢間餅店問有冇菠蘿油，店員竟然話有，仲要唔使排隊😳買左兩個，相機食先！呢個菠蘿油真係有哂好味嘅元素，麵飽微暖，菠蘿包皮鬆脆，重點係舊牛油厚得黎仲要微凍❤️❤️❤️有時就係怕個飽熱而整溶左舊牛油；又怕當個牛油凍嘅時候，個飽凍冰冰...呢個菠蘿油真係好滿足！相信下次再黎西貢，我唔係因為未食過想試而第一時間就黎買，而係因為太好味而想再食😍

招牌菠蘿包😛平日下午5時左右到達店鋪 買的時候 菠蘿包只有微暖 不過仍無礙菠蘿包的美味 這店的菠蘿皮比起坊間的更要厚一些 脆一些 🫓 也同樣地牛油味濃一點 🧈甜度多一點 真的好好吃 不敢想像要是新鮮出爐的話 會是多出色😚😚 另外加購了葡撻和鮮奶撻🥧葡撻同樣微暖 撻皮酥脆到不得了 一咬下去卡嗦卡嗦聲不斷 酥脆而不會硬實 很好吃！蛋餡甜又滑溜 很香奶酥味 與撻皮比例剛好 一絕！這要是熱的 我一定能吃半打！鮮奶撻則是冰冷的🥶奶香味不及葡撻 不建議大家購買🥵-除非點飲品 否則不可堂食 只能在公共設施進食 大熱天時 水洩不通時 可能會有點狼狽🤫 -無服務可言 皆因購買過程只有上前下單 付錢 店員入袋 走人😆 店員動作迅速 手套上膠袋為我們包裝食物 我們也不冀望有更多的交集😆所以不過不失吧。

西貢呢間超人氣餅店都冇乜人唔識，週末仲一定要排隊先買到。佢哋最出名嘅就係菠蘿油同葡撻，嗰日我就試晒兩種喇！新鮮出爐熱辣辣嘅菠蘿包，外層酥脆又充滿奶油香味，再加埋一塊厚切冰凍嘅鮮牛油，冰火感覺超邪惡，真係好好食！葡撻酥皮有層次，有濃郁蛋香和焦糖香味，食落非常香脆鬆化而且唔油膩，中間蛋漿好似燉蛋咁好幼滑，甜度啱啱好，食完會有好幸福嘅感覺！

有機會同大家一樣，經過舖頭，覺得咁多人排隊一定好好味。於是，我立刻上網尋找相關資料，發現他的菠蘿包同葡撻原來係西貢名物。懷著激動的心情，我內心還慶幸條隊唔算很長。因為菠蘿包同葡撻都已經預先整好，所以雖然前面有10幾人，但係我等咗10分鐘唔到就已經買到左菠蘿包同葡撻。10分興奮，咬落去第一啖之後，就變成10分失望。菠蘿包的水準，連香港傳統的一般麵包舖都不如。更加可惜的是，菠蘿包有少少温度的，連溫暖都算不上。之前仲擔心緊係咪買少咗，呢一刻好慶幸自己只係買咗一個菠蘿包同一個葡撻。葡撻更加連少少的溫度都冇，係凍㗎！懷着保護環境，不浪費食物的心情，我堅強的食晒了他們兩個。不論是$3或者$12.1個菠蘿包，我若果一早知道他的質量如是，絕對不會是，哪怕是免費試食也不會。西貢最失望的一次嘗試，沒有之一。如果你哋都想試，是之前請三思😭😭😭

我一直都係呢間菠蘿油嘅fans，仲好記得第一次食時仲有驚為天人嘅感覺貴，但值不過我今次真係好失望點嘅三款野食都係凍冰冰，唔係話難食，但就係普通到不能再普通只得蛋糕覺得唔錯，蛋香味夠如果我下次再幫襯，一定會睇下係咪剛岀爐🥲凍奶茶點咗少甜，但都超級無敵甜🙃🙃🙃熱奶茶就還好，起碼自己沖😂😂

真係吾明點解啲人會話好食，野食吾難食，但本人覺得稱不上好食，服務態度差、好差！今日同屋企人經過，佢地話出名，想試下，我巳經勸告無乜特別，又賣得貴，完全吾值得賣呢個價錢，最後陪佢地去，本身諗緊堂吾堂食，諗緊嘅時候巳經比個職員不停催，我媽話諗緊，佢再催: 點樣，堂吾堂食？其實完全無客，無人排緊隊，點解要不停催？態度又差！最後想買菠蘿油，個態度差嘅職員話堂食就要跟餐，結果原本吾值$18嘅菠蘿油要加$22跟埋杯普通過茶餐廳嘅凍檸茶，佢拎到黎，見我地四個人，要我地加多杯飲品，其實成間鋪無客，有無需要呢？不過吾緊要，我地吾食嘅就吾坐，坐去對面啲公園櫈，最後問番我屋企人好吾好食？佢地最後加埋個葡撻，都係認為好一般！仲要食到一肚氣咁走，以後吾會再食，都吾會推薦朋友！

今日經過西貢🌊，就去食吓都幾出名嘅麵包店，叫Sai Kung Cafe & Bakery🍞。依間店出名菠蘿包、菠蘿油同葡撻。店家好貼心💛，會有免費自取嘅搓手液提供比客人。注意⚠️: 堂食需要買飲品！-🍴菠蘿包(早餐)($28) - 只係需要同店員講想要咩包，店員會幫手夾。雖然係堂食，但係個菠蘿包係凍嘅🥲。不過仍然好好食😋！面層脆度好夠，唔係淋嘅，好香口，而且個包好大個！食完都好滿足😆。-🍴凍咖啡(凍飲+$3) - 一啲都唔細杯，而且用膠杯裝，方便客人飲唔完拎走👍🏻！另外，甜度啱啱好，每一啖都飲到咖啡小小嘅澀味，同事有強烈嘅咖啡香味🤩！唔知係咪因為坐喺度chill吓，咖啡會特別香呢😚？

經過見到大排長龍好奇心之下又跟住一齊排雖然已經好飽 但都買左一個葡撻捧下場一拎上手熱辣辣然後就成手油🤣食落去唔太甜 個酥皮都幾好食 算係一個好食既葡撻 難怪咁多人排隊總結而言 經過順路可以食下但冇乜必要專登走入黎食

諗住咁多人排隊就買左佢個菠蘿油同埋葡撻試下啦，唔難食，但又唔係好食，好普通，同普通麵包鋪出品無分別，菠蘿包十分空氣，牛油都係用最普通個隻安佳，葡撻皮太硬，太甜，只係叫做新鮮出爐掛，價錢出奇地貴，成$18個，我諗有10蚊係拎黎交智商稅，之後先發現原來付近仲有另麵包鋪唔記得好似叫文化烘焙都有賣一樣既野價錢係佢一半都無，又買黎試下，我覺得仲好食過佢，相對麵包無咁空氣，而且葡撻比較酥亦都無咁甜，連服務態度都好好多😂

同朋友去工玩水上活動，出發之前諗住再食少少野，見到好多人排隊，又啱啱出爐🤣🤣咁就叫咗一個蛋撻、奶茶同埋菠蘿油！菠蘿油超級厚牛油🧈，超邪惡大滿足🤣 同埋因為啱啱出爐，所以包熱辣辣好正，麵包唔會太空氣，都實在，個皮夠脆，奶茶就不過不失偏甜，整體經過可以encore