裕興咖啡

营业中

休息中

講真，對我一個住在九龍東的人來說，要晨早跑去中環只有一個目的，就是坐船去離島旅遊，而這最近兩三年前來多了 此行的目標-裕興咖啡。第一次去的時候驚為天人，從此就愛上，比起很多只提供白包作為早餐的快餐店，它只提供麥包，而且配搭我最喜愛的花生醬，加上獨特只此一家的爽脆椰菜絲，這頓早餐吃下來狼吞虎嚥，夾起三文治吃時那個狼狽樣真的只有在這間才能會有，當然缺點是要等候一段長時間：三十至五十分鐘不等，但也算值得去試的，蓋因一個人製作，所有東西都要等候，也不能叫定，這應該是店家的堅持！也是香港人所缺乏的-慢條斯理。今天陰差陽錯點了司華力腸炒蛋多士餐，老闆娘問我是否奄列那個餐，我不假思索答是，原以為是我以往點的那個餐，結果端上來的是那塊司華力腸炒蛋上放了一塊麥包多士，知錯難返，唯有將錯就錯，同樣也是驚豔。那塊薄的麵包竟然可以切開一半，搓上滿滿的花生醬加煉奶，於是將那塊炒蛋放入多士，味道真是的確一絕！和那個三文治餐沒兩樣，很讚！仲要平幾元，下次可以再點！而那裡的熱餐飲今天就略為遜色，飲的滿是茶澀味，當然瑕不掩瑜，多士才是主角！用餐的時候發生了一段小插曲，坐在對面遲來的男顧客想為即將到來的女朋友點餐，被老闆

士丹利街又有水記又有粥檔，至於裕興，連遊客都識，呢度只做星期一至五，晏啲黎都冇架喇。一坐低直接同你單聲 要等幾耐 ，運氣好嘅，等十零分鐘至半粒鐘， 一人製作，有耐性等，總會等到嘅。 炒蛋五香肉丁三文治烘底 $38 (配凍飲)三文治嘅厚度正常，但餡料好多，除左炒蛋、肉丁，入面仲有椰菜絲、花生醬。肉丁真材實料，炒蛋濃濃地，又香又脆。加埋花生醬，口感複雜，啖啖滿足。多士烘底金黃色，脆得黎唔乾，菜絲多汁。食嘅時候雖然狼狽，花生醬會滴滴滴，但當下都唔理，擘大個口就食。炒蛋咸牛出前一丁 $46 (配凍飲)強調使用個別包裝嘅一丁麵同福米~由細到大我都好鐘意食咸牛，成塊咸牛炒蛋蓋住碗麵，食落唔會太鹹，但好香。不設單點，全部跟杯飲品，價位喺中環黎計都好有良心啦。

週中休假，小人專程早些跑到裕興吃遠近馳名三文治，怕遲了會賣光。慶幸抵步時仍然有，小人點了鹹牛肉蛋治，萬分的期待。單單望著高高的雙層的三文治，份量驚人，已教人垂涎三尺。充實的餡料被壓得實一實，不過也是一定要這樣才可以一口氣咬到所有的材料。鹹牛肉好味，炒蛋好好味，花生醬好好好味，烘麵包好好好好味……總之全份三文治完全是味力沒法擋，小人是徹徹底底的拜服在這份三文治之下！還有奶茶都不錯，奶滑茶濃，絕對體現到茶記奶茶的風味，百分之百的滿足！

🔹炒蛋三文治餐🍕 ($34) ⭐️8/10要食裕興既早餐，係要有耐性💪🏼一早未夠9點黎到都已經坐滿人😮因為係一人製作，即叫即整既🙇🏻三文治等左45分鐘🌞麵包烘得好香微微脆，夾住炒蛋好厚，我地揀左咸牛肉、芝士、椰菜，配花生醬炒蛋🍯夾埋椰菜爽口，口感好豐富，又熱辣辣，等左咁耐又肚餓，好正啊😋-🔺真係只可以黎食早餐，1pm就關門架啦✋🏻-更多食評ig: hungrykays 🌸

昨天朋友来找我吃午饭，刚好带我逛逛我公司周边，告诉我有什么不可错过的地道美食。路过这家，他信誓旦旦的告诉我，这家早点，要等很久我不死心，特意八点就到了，点了蛋+五香牛肉三文治，点餐时忘记看评论，点完之后才知道大家都要强调烘底，等待的15mins我一直在想店家会不会给我一个没有处理过的三文治，结果上来时很开心！饮料我永远选咸柠水，大赞，要外加3块钱早餐吃将近50不便宜，但是还是挺值得来尝尝的

裕興真係會令人上癮，過一排，會突然有個心魔叫你去食，不管天氣係點。呢個心魔，令我喺成三十四度之下，都要去食止一止癮。天氣熱去食，有個好處，就係唔駛等咁耐，今日十五至二十分鐘，如果秋天，要等四十五分鐘，次次都食唔到。例牌叫全餐公仔麵同凍奶茶，奶茶真係好好飲，茶奶份量剛剛好，又無劫味，我必飲。咁熱天氣食公仔麵，食到大汗疊細汗，不過值得，雖然好平凡，但真係有在家嘅感覺。所以時不時就會掛念呢個味道。如果大家都想lunch time去試，夏天機會大d, 不過夏天佢1:30pm都售罄所有食品，所以要一放飯就沖去

「一日之計在於晨，超正三文治在裕興！」好詩好詩 🤤 講到全港最好食既三文治，除左本寶寶出品之外，最好食既朕認為係裕興！唔好以為舊治個樣成堆屎咁就唔好食呀，只能說：少年，你太年輕了！呢件同寶寶一樣都係唯一一樣都係呢個世界上係獨一無二既反正常定律！係咩？之唔係愈屎愈正 😎 有的卻是內涵！(同我很醜但我很溫柔既道理一樣)今次叫左 #炒蛋雙拼三文治，揀左配五香肉丁，因為夠哂重口味，又鹹又辣既味道再加埋邪惡既花生醬真係叫人如何抗拒 🤤 最緊要啲料真係夠哂爆，塞到爆一爆，啖啖都充滿幸福滿瀉既感覺 (台劇果隻) 😍 不過真係好大份，搵埋你既吃貨朋友一人一件 share very good！記得叫烘底呀！——————————————————————#單拼三文治 配熱飲 $31 配凍飲 $33#炒蛋雙拼三文治 配熱飲 $34 配凍飲 $36——————————————————————#裕興咖啡中環士丹利街 82 號舖

在開飯網上久聞裕興大名，卻因為只開星期一至五的上午從未有機會光顧，這天平日剛好上午要往中環辦事，二話不說立刻鎖定裕興要光顧一次！吃慣中環的九紀和勝香園要大排長龍，來到裕興竟然立刻有位坐感到幸運。聽聞此店不論多士還是公仔麵水準也甚佳，只是今天得小儀一人，便先品嚐非吃不可的三文治餐了！只有夫婦二人打理的小店全部order即點即做，平均15分鐘一單，小儀的三文治餐便被告知要等大概25分鐘，後我幾位來的更要等1小時，因此也有好幾位客人離開，怪不得不用排隊等位～凍奶茶走甜小冰：8/10在等三文治的時間便先品嚐奶茶，茶奶比例適中香滑，有水準鹹牛肉芝士炒蛋三文治烘底$44: 8.5/10值得等待，一份三文治有幾種口感丶味道，最外邊有花生醬多士的甜香，吃到鹹牛肉芝士炒蛋時變成鹹香惹味，咬到中間的椰菜絲，熱辣辣有菜汁，又咸又甜又有口感，可說百味交雜，而且包保前所未嚐雖然整體味道過於濃烈，但真是令人身心滿足的一餐，為一天帶來充滿動力的好開始！而且看到他們夫婦有默契，井井有條的分工合作，而且店舖雖小卻十分乾淨整潔，讓人安慰在香港還有這樣的小店存在，雖然下次可以平日光顧不知何時，也希望他們可以一直經營下去！

2017年5月17號天晴早上11點八點幾起身忽發其想趁今日有少少時間，快快手沖完個涼換好衫化好妝去食個夢幻三文治，我嘅目標係要10:00去到，很可惜拖拖延延，11先至去到，老闆娘一句冇嘢買啦。。。我只好傷心地離開。我同身邊嘅朋友講，七次都食唔到，佢哋話我點解咁有恆心去到第七次都堅持會去，我話我淨係想出trip之前食到呢度嘅鹹牛肉煎蛋，很可惜最後一次機會都冇啦。2017年5月18號天晴中午12點今日係我第八次行到過嚟食裕興，各位千祈唔好以為我係食咗第八次，係泥左七次都食唔到。今日係超級超級忙嘅一日，有700樣嘅工事，有N個會要開，要一日裏面做好一個月嘅數。點知失魂阿哥一早唔記得攞嘢，又要我抽時間特登攞比佢，既然嚟到中環，十二點又要趕返工又未食過野，已經灰到嘔嘅我，決定再博一次，如果今次我都食唔到，我認命！阿哥問我咁你食咩啊？我答佢一句裕興，佢講咁耐冇一次係食到，我答佢我來左七次都食唔到。今日係最後機會，博一下無所謂。行到上嚟12點鐘，坐咗大概七成位，我坐低用上好誠懇嘅眼光望住老闆啦，老闆娘望一望我冇晒三文治啦公仔麵啱唔啱啊？呢一刻我有說不出的感動，我唔係再聽到冇嘢食啦，下次早啲啦！而係同

這裡的一份三文治, 是早起鳥兒的限定款。烘至金黃色的烘底多士, 切口齊整, 把已經柔搓成絲的五香肉丁作為餡料, 鹹香帶辣味道濃郁, 成為了十分突出的主角, 讓那必點的半溶芝士變成了配角。每一份三文治裡面還會夾雜能夠輕微減膩的爽口椰菜, 加強了食物層次, 而且勝在塗上了滑潤的花生醬, 中和了五香肉丁的鹹, 還有滿口花生醬的香。除了三文治, 這裡的麵食都同樣出名, 雖然呼聲沒有三文治那麼受歡迎。一塊大小剛剛好的鹹牛肉薄片炒蛋鋪在碗面上。吃下去是微焦的鹹牛肉加上脆邊的炒蛋, 感覺鹹香又惹味。在炒蛋和米粉的中間夾著的是一層碎切椰菜, 恰好可以地平衡炒蛋的油膩感。雖然麵配就是一包普通的丁麵或丁米, 但伴上這麼好吃的鋪料, 也是很美味的早午餐。

要知一個地方的人是否很急很趕，只要你以正常速度步行，如果其他人都「爬頭」，這個地方的人就很急了，香港如是，東京如是。正因為急，才有快餐或速食文化，叫餐後最好幾分鐘便到來，用十分鐘解決掉就結帳走人。也因為這樣，餐廳的食品也只會溫熱，因為太熱便不能令顧客速食速離。到裕興，個人的急就是要被打破，一坐吓，老闆娘就會說食物要等多久才可以送上，常聽到的時間是三十分鐘，「但我十五分鐘就要上班，怎辦？外賣可以嗎？」「我們不做外賣。」嘩，串嘴吧！其實不然。看看檔門得老闆一個人在煮，做個早餐都即叫即煮，煮一碗即食麵都要三分鐘吧！加上其他配料的烹調時間，一份早餐要五分鐘時間其實不為過份。明買明賣，不過份吧！但很多人都不知就裡，一句：「洗乜咁耐」就離去。我是一個來了數次裕興的非熟客，至少我不相信老闆會認得我吧！我只是一個小小的食客，喜歡慢慢品嚐他們的出品。之前吃過他們的餐蛋叮面實在太飽了，因為他們的配料實在很多，今次吃的是餐蛋治烘底。裕興的三文治絕不簡單，除了餐蛋，還有花生醬和菜混在一起，實在豐富得過份，一拿上手，花生醬已流出來。整個三文治熱辣辣，真的不可以狼吞虎嚥，只可以慢慢品嚐，這不是變相令你要變得慢食，

見到有好多都介紹呢到嘅三文治好好食，特別係喊牛肉芝士三文治。今日差唔多12點去到諗住坐低食三文治，點知老闆佢話已經冇晒一切嘅三文治同埋麵包類，而午餐是12點先開始，所以而家只有麵食。甘都要食d嘢，無計。老闆推薦了全拼餐，話最多人叫，原來拒嘅午餐肉，司華力腸都係切片，然後加埋蛋一齊煎。煎出嚟係乾身香口型，沒有蛋汁，吃落較乾身。用嘅麵係出前多一丁，不過無加到味粉。麵內仲有椰菜，食落去似住家麵的味道，你話好特別又唔算得上。但全程一個人煮，要等15至20分鐘先有得食，餓嘅話都幾辛苦。而且價錢差不多50蚊，有點兒貴。

朋友介紹我去呢度食三文治，介紹左好耐。其實曾經有幾次都想去呢度食，但係往往就會比 自己舊時嘅回憶牽扯到西營盤先至食，但係今次立心就一定要係搵到呢一間，食佢個三文治。今日去到大概11.3左右，又落緊雨，其實塭都唔容易，去到時間見到好多鐵皮檔，但係唔知邊間，經過問人之後先搵到。點知好唔開心咁樣諗住坐低，老闆話早餐已經完咗，同埋已經冇晒多士同埋三文治。咁我唯有好失望咁樣想走，但係都想問多老闆娘兩句幾點會有機會食到。呢個時候老闆娘就叫我等一等，話佢哋自己有一份剩，整埋比我食。當時個中心嘅感覺真係好開心！等左15分鐘到終於有得食，係點左芝士咸牛肉蛋三文治，仲要烘底。一食落去只有幾個字浮現， 就係果然名不虛傳。好特別嘅一個三文治，芝士咸牛肉雞蛋外還有椰菜，令整個三文治好豐富。幾者夾埋嘅口味又何其地夾，仲夾雜住花生醬嘅味香，一啖啖的滿足雖然有罪惡感，但卻不能停下。很誇張？你試試就知。我最佩服嘅係拒個餡竟然整得唔油，食嗰時唔會有油流出，只會有汁。另外拒竟然唔會令個包皮因爲吸收左汁料而軟身，食落仲係好脆，果然有功夫。另外杯奶茶都係好味，奶香茶濃，我無加糖飲，覺得反而更能飲出拒嘅原有味道。

之前聽朋友同事介紹得多，講到d多士同公仔面有幾好食，野食好快賣哂同埋要等勁耐咁，搞到減緊肥架我都要冒住食完會重幾磅架風險去試下究竟咩料子。知道佢係開8:00，我同同事所以約8:00係果度等，諗住做第1枱食客啦，去到點知已經差吾多滿座得番3,4個位到，拿拿林坐低等叫野食。輪到我地落order架時候，老闆娘話要等45mins喎，我地異口同聲都話：ok!!我地order左奶醬多士同炒蛋芝士棷菜花生醬多士，大概25mins後奶醬多士來了!!原來吾洗炒蛋架多士會怏到d，非常好可以食住等可能本人見識少，真係未見過咁多奶醬架多士，自己係屋企整都吾會多成咁啦!多士係用麥包烘的，感覺上即刻健康番多士望落都覺得好脆，食落口都係好脆一路食d奶醬係多到滴出泥omg!再等多25mins到，炒蛋芝士棷菜花生醬多士到喇!!老闆娘提我地話如果想香口d可以加d黑椒粉，第1啖食落去其實都幾咸，因為未咬到d菜。當咬到d菜架時候完全中和番芝士架咸味，我地都專登淨係食左d芝士，發現原來d芝士係有麻油味架!!!而且食到淡淡架花生醬香味，果然好配搭。加左黑椒粉真係特別香口惹味，一定要加黑椒粉!!!呢個早餐絕對值得等咁耐，食完實在大

今天去了裕興吃了一個超肥早餐，芝士咸牛肉炒蛋多士加奶茶。不要以為這個多士就只有這三款餡，其實每款多士還附加椰菜和花生醬，所以真的是超級肥！不過很讚的是這裡雖然是街邊檔，但服務異常親切、有禮。排檔由年青夫婦經營（希望沒有講錯），所以食物也是比傳統的創新，多士的組合有很多，不同配搭都會為你帶來驚喜。今次選了芝士、咸牛肉配炒蛋，即叫即做，熱辣辣，餡超多，加上金黃色多士，單看賣相已很吸引。咬第一口，脆卜卜，但吃時要小心，因花生醬溶化後會容易滴汁，不過排檔很貼心，枱上已放好紙巾給客人使用。雖然餡料配搭新穎，但味道異常夾，好味。而奶茶亦很有大排檔風味，茶香、濃滑。不過一早就吃這個多士對女孩子來說的確有點heavy，但如等晏點才來吃就可能會售罄，所以下次可多找一位朋友或同事與你開心share，既可滿足口福，又可試埋個麵，一舉兩得。埋單盛為$41，老闆娘問我有沒$1，正想轉身在背囊找散紙包，老闆娘見我論論盡盡，即時同我講：「唔好轉身揾啦，等我找比你」，又一貼心服務。謝