街坊Cafe (已結業)

聞說位於旺角的<街坊Cafe>長期高踞OpenRice榜首，作為<為食小肥兔>當然要找機會去一試啦！別以為Cafe就一定要上樓上，街坊Cafe是一間地舖來的，入口位於女人街。有別於傳統Cafe的風格，<街坊Cafe>比較像餐廳。內裏的壁畫充滿了港式風味，絕對是屬於香港人的集體回憶先來一個極上龍蝦湯，龍蝦味很濃郁而且加了忌廉所以質感柔滑，以加配的價錢來說絕對是性價比高，推介大家一定要試呢！再來和牛豬仔包漢堡。想不到薯格很有驚喜，外表很香脆而且不油膩非常乾爽。沙律菜亦非常新鮮爽脆，中和了和牛漢堡和薯格的飽滯感豬仔包烤得外脆內軟，再配上芝士.和牛漢堡扒和多種新鮮蔬菜及酸瓜醬。和牛漢堡很多汁，牛味甚濃！而酸瓜醬亦很有驚喜，完全中和了和牛的肉肉感，絕對是非常好的配搭呢大蝦龍蝦汁沙河粉亦是高水準之作，蝦非常大隻呢每一條河粉都均勻的扣着龍蝦汁，而且蝦肉爽脆沒有雪味，最驚喜的還有蘆筍呢！性價比如此高，怪不得長居OpenRice榜首啦

午餐去了人來人往的旺角通菜街(女人街)有間「街坊cafe」餐廳，單看店外廣告是提供地道或外國特式飲食(包括日式台式等)。日式海鮮地獄湯拉麵，一談日式海鮮，自然不少得蟹柳片、青口、蜆、蝦隻、魷魚、帶子......作配料，款式相當豐富，再加上熟蛋椰菜等，以及香辣美味的靚地獄湯底，和爽滑質彈性的拉麵條，真是食過都想再食。芒果班戟伴雪榚，班戟薄餅皮包著香甜的忌廉連芒果粒在內，再加上雲呢拿雪糕球，食落心都甜。芒果菠蘿藍蝶花凍飲，以甜味十足的芒果及菠蘿濃茶兩溝，再配以冰凍的冰粒及啫喱粒。

這是一間不錯的Cafe👍，食物中西合璧，以為是普通的茶餐廳，但食物一點也不普通，有不錯的賣相之餘，食物的味道也不差，我們叫的大蝦麵味道濃郁，碗仔翅也有水準，材料多，配合素鮑魚海參，有驚喜 😊 沙律也新鮮美味，鮮蝦萍果配搭清新好味，紫薯薯餅也炸得剛剛好，內軟外脆，是不錯的小食 😍，鷄旦仔配抹茶雪糕做甜品夠特別，也不會令人覺得太甜 😋 只是咖啡略為遜色，以cafe來説……只可説剛及格。總括來説，值得一試。

本身經op訂左5位，去之前先知有多兩個朋友會去，所以confirm booking既時候加多兩位，點知佢話6人以上用餐無折，但係op訂7位又照舊有折喎。咩玩法？叫左一份蘋果大蝦沙律，五香肉丁肉醬意粉，兩粉豬手，一份黑毛豬排，一個套餐，一份海鮮意粉，再加左4份龍蝦湯跟飲品。第一，野食係ok既，但份海鮮意粉細份左小小。個侍應連自己舖頭既沙律用咩醬都唔知，仲要亂答。沙律醋變芝麻醬。。。第二，龍蝦湯上枱時已聞到燶味，懷疑餐廳將燶左蝦頭去煲湯，事關個湯已經無乜其他味，只有燶左既小小苦味。顏色如圖，比一般既深色。點解我地唔換呢，事關佢入座時先話得"一個半"小時用餐，佢仲要好趕客咁問你地叫野食未？你地另一個朋友係米黎？(隻手已準備搬枱)坐多陣都未夠粒半鐘既時候，一個鐘個陣就叫我地埋單。如果真係咁唔得既話，當初請拒絕我加人既要求。亦都唔好係我地叫少冰少甜既時候反我地白眼。總結: 佢地服務態度好差，又趕客，唔會再去食！

街坊cafe最近好似幾受歡迎，openrice訂座晚餐正餐有79折，甜品係無折架🤔eatber好似都有7折，其實GM係為左個甜品黎既，甜品還好，但係正餐真係有進步空間，好麻麻又細碟。食完覺得有折先係合理價錢🙈-阿華田吉士雞蛋仔伴雪糕首先係幾乎食唔到阿華田味，只係雞蛋仔上吉士灑上阿華田粉，有d失望，而吉士部分唔係全個雞蛋仔有，不過雞蛋仔配吉士又幾夾，再撈埋雪糕同燒棉花糖，係幾好食口感幾豐富既，不過依個價錢貴左d，好似可以食更好，所未必有下次🤣🤣🤣-Tiramisu吉士法式西多士伴雪糕 其實除左雞仔仔變左西多後，食評同上面差唔多，因為都係個d味同伴碟🤔😂依舊無Tiramisu味，只係吉士上囇上Tiramisu粉。西多士炸得幾脆口。-皇牌卡邦尼炒河粉依到特別在用意粉汁炒河粉，又幾夾啵原來😂😂不過卡邦尼汁都幾希，您見到d河粉都係淡淡黃色透白，但味道ok既，係有d細碟囉依個價😶-明太子溫泉蛋意粉umum係有幾多明太子粒既，不過唔知係咪溫泉蛋關係，個味爭d，無我食開既明太子意粉咁好餓，意粉煮得偏硬呀，要改善😗-大蝦墨汁意大利飯意大利飯一啲都唔creamy，一舊舊咁，口感唔太得，飯裡面有青椒，份量偏

上網見到旺角有間特式fusion cafe 幾多好評，裝修以平民街坊feel做gimmick ，一於去試試。餐牌有好多款式，睇到流哂口水，一於黎個西板牙海鮮飯二人份量墨汁帶子河粉，碗仔翅同埋雞翼黎食下。先講海鮮飯，多料到兩個人都食唔哂😂😂粒粒飯都充滿住海鮮味，飯粒唔係硬身risotto，有點似用上珍珠米，海鮮有青口，大蝦，蜆，魚柳，再加上蟹子即刻有咬口！我個高要求朋友都話好食！！到墨汁帶子河粉，整體有少少偏油，但墨汁襯河粉幾有創意配上大大粒帶子都已經好飽。兩個人查實叫左四樣野係有D癲，但個人比較貪心😏埋單時，staff  話有個叫eatber嘅app可以買優惠券，有剩的eatpoint可以下次用，即場download買完，比錢時有discount，下次可以去其他食肆用剩番嘅eatpoint，隨時增值都可以!方便易用，埋單時係食肆scan 埋QR code 就會自動扣除eatpoint 了！味道：4／5環境：4／5服務：4／5價錢：4／5

用餐係平日4：30 ，當時得1檯客，落完Order 好快有野食，係廚房職員上菜，服務員都唔為意上左菜，因為佢同另一職員傾緊計，可能佢諗住一人一個Set 唔使用碟食意粉，叫佢先識比隻碟,最好笑係差不多食晒，野飲都未到？其實慢 太多客做唔切 漏單好正常，得我地1檯新客都漏單， 唯一解釋就係店員發緊夢，當然又係唔好意思都無句擺低杯飲品就行左去，最後埋單原來要用APPS 掃返QR Code 先有折，某D set 同甜品係無折頭，其實可以寫多小小條款 等客人清楚，食物係OK ，可惜服務差絕不會再去

在OpenRice 訂座，有79折，但只有單點先有呢個價。見有甘多好評，就點了貴啲既套餐，套餐是沒有折的，因為相中的套餐比較吸引，所以點了比較貴的和牛套餐，諗住同餐牌啲相一樣…點知中伏，碗仔翅還可以。二人餐來說份量算少,只有一人份意粉及沙律兩人分，再有兩杯野飲。和牛等了很久才上，一上,好失望… 有1/3都是肥膏，肉大概有一隻手掌大，厚度薄過0.5cm. ，薯菜也很少，不夠飽。幸好有甜品，很甜很漏，最終有飽肚感。埋單$548，這價錢有更好的選擇😟。如果要食，單點都可以既，不過見隔離左右枱，除左扒餐外，意粉同飯都好細碟。

今次專程是為雞蛋仔甜品而來的！8點多來到要滿座咁濟，所以我都唔哂時間馬上點餐。見到有豬手應該不錯，所以叫左個脆炸德國豬手。豬手大大份，外皮有少少硬所以要用力切，不過食落都脆口，有少少一層脂肪，半溶狀態，不會太膩。肉身都不算鞋口，成件豬手都好厚肉架，有少少似食緊我地中式既燒肉，太大份一個女仔真係食唔哂。另外仲叫左份吉列蟹肉忌廉薯餅，一客有4件，配沙律醬。薯餅入面好creamy，有淡淡蟹肉味道，忌廉味濃郁兼夾薯仔肉，超好味！到最後重頭戲來了，本來想試麥提歲朱古力吉士雞蛋仔件雪糕，但因為店員指已沒有了，所以轉了要金莎的。一黎到超大份雞蛋仔，旁邊有綿花糖同雪糕，係溫熱的鍋上面漸漸溶化，非常甜美，雖然很甜但非常好吃。大大劈吉士係雞蛋仔上面，上面有一粒金莎，吉士搭雞蛋仔顯得微甜，令雞蛋仔不會太乏味。當我想起你，一杯非常美的藍色汽泡水，是金桔和藍橘味，味道不錯，要先拌勻個底，又有樣又有味道。

之前係apps試左個下午茶套餐，食過返尋味，所以再嚟試晚餐，環境都算舒適，服務態度唔錯。今次兩人叫了個二人套餐，街坊素鮑參碗仔翅，燒美國肉眼扒，龍虾汁海鮮河粉，綠茶吉士雞蛋仔伴雪糕 ，兩杯特飲這個素翅有隻非常大隻的素鮑和素參，份量十足，味道都唔差，睇到都流晒口水沙律就無什麼特別龍虾汁海鮮河粉，好正，海鮮算多，足料，味道調控得相當配合，很喜歡這河粉，啖啖龍虾汁配上河粉，完全吸收晒啲汁這個肉眼扒都唔錯，不過肥膏比較多左點，而且熟了點，但本人已點選4成熟，可能塊扒比較薄身，加上那熱板恒溫，所以會變熟了點，但味道都唔差，所以下次我會叫3成熟，咁就應該會比較好一點綠茶吉士雞蛋仔伴雪糕，超濃郁綠茶味，淨係食過甜品都飽晒，很有特色的甜品，不過本人比較喜歡食西多士那甜品多點，因第一次是食甜品西多士那款，比較有口感和配搭上比較好食點，雖然這個一不差，但兩個相比起，西多士甜品好食點兩杯飲品都唔錯，有得食有得睇。總括來說，價錢也可以，值得一試再試

街坊cafe旺角咩種類餐廳都應有盡有!搵食係冇難度，不過選擇多左，真唔知食咩，行左入女人街兩邊搵下，入左呢間，最吸引就係麥兜塗鴉牆，確係幾靚好有香港主題特色，唔怪得爆場見好多人叫左個招牌翅，街坊素鮑參碗仔翅窩，咁大一煲，估唔到咁足料，雖然係素，口感很爽口彈牙，湯味濃。叫左個鮮茄海鮮意粉，首先份量十足，五顏六色幾吸引目光同食慾，蕃茄味道香濃，甜中帶酸，胃口大增，入口都是蕃茄味和海鮮的鮮甜味，蛽同蝦新鮮，估唔到啲蝦咁新鮮咁彈牙是我的錯⋯⋯蘋果加菠蘿，每次望到個名都忍唔住笑，呢間cafe 嘅飲品名字實在太特別，以為得個名同個樣，但飲落好飲一啲都無錯服務員態度良好，唯一缺點是比較嘈吵，都合乎主題街坊的親切

星期六，本來四個女生約會，但其中一個竟然臨時要上班來不了，結果只好三個久別重逢的女子形成一個墟。看看菜單，花多眼亂。由於我們也不太肚餓，而且還要等朋友下班，所以我們花了好一陣子選擇點什麼菜式。南瓜帶子意大利飯$88，外型精美， 但南瓜味欠奉，反而芝士味濃。 帶子煎得挺香。明太子鮮蝦牛油果意粉$86，意粉不入味，牛油果太生不夠淋。傳統BBQ燒豬仔骨$138，入味又香口。荷蘭班戟新鮮熱辣的草莓荷蘭班戟$68好香牛油味，配上冰冷的雪糕和草莓，一冷一熱，完全無法抗拒🤤🤤🤤

旺角既横街窄巷經常都隱藏左好多好正既餐廳，今日經過女人街，見到呢間cafe好似幾得意，就入左去試下，無令我失望室內環境好正，好多油畫，充滿香港味道，果然無改錯名，叫"街坊"cafe, 夠哂地道。係麥兜呀，我以前細個好中意睇嫁我order左塊牛扒，超級大塊，真係仲大塊過隻手！鐵板上，熱辣辣，渣渣聲，非常吸引！好嫩好香牛味我仲叫左個心夾軟，好驚喜！估唔到除左雪糕之外，佢竟然仲有3 粒烤過既綿花糖！除左bbq 之外，我好少係出面既鋪頭食到，佢仲有士多啤梨同藍莓，令到我對呢餐飯更加滿足

朋友介紹花園街呢間餐廳套餐都豐富多樣選擇：街坊素鮑參碗仔翅窩傳統凱撒沙律脆炸德國豬手配蜜糖芥末汁墨魚汁帶子河粉紫薯吉士法國西多士拌雪糕特色飲品二杯賣相唔錯，味道高質推介

其實兩個半月前已經幫襯左，但竟然唔記得寫食評…相都無埋，得番最後兩張甜品相…=_= 唔緊要，照寫。當初留意到呢間，係因為佢喺OpenRice既排名同個名夠貼地，而且用OpenRice網上訂座仲有折扣優惠，6點前訂座竟然有半價 (不過留意返，只限單點食物，套餐係無折架)。 間舖位於旺角女人街地舖，其實有少少難揾，招牌唔顯眼，所以好容易就會行過左都唔知 (定係得我先會咁呢?XD)，我來來回回行左幾轉，舖頭職員打俾我先搵到，哈哈XD，時間算早，唔使等位直入坐低。由於正值夏天，天氣炎熱，真係熱到喊，一坐低即刻睇飲品menu涼一涼再等齊D遲到既朋友。Menu入面，飲品名係用香港歌名，感覺既熟悉又好親切，好有香港特色，即時諗番起童年回憶，舖頭仲要不斷播廣東歌，真係非常貼地，值得欣賞。叫左兩個二人套餐再加單點:-1)    街坊素鮑參碗仔翅窩: 好大隻素鮑魚同海參，碗仔翅有大量配料，好足料而且味道幾好。2)    皇牌極上龍蝦湯窩: 味道好濃，有少少苦味，有比較下，個人鍾意碗仔翅多D!3)    脆炸德國豬手配蜜糖芥末汁: 隻豬手好脆但好難切，有肉汁，都好味!4)    燒美國牛柳伴龍蝦: 牛柳叫左