蠔站 (諾士佛臺)

营业中

休息中

同朋友係依間餐廳食生蠔🦪我哋食咗兩打24隻有個朋友食完當晚即刻嘔同屙，我隔咗一日先開始痾同嘔，發埋燒，依間餐廳有5間分店，出名食生蠔，好多comments 都話食完痾嘔，點解佢仲可以生存到？餐廳職員態度都麻麻！救命，好伏！大家千其唔好黎！食物中毒真係好辛苦🤮未試過係香港任何餐廳食完會食物中毒，人生第一次😭😭😭😭😭😭🤬🤬🤬🤬🤬🤬🤬🤬🤬😭😭😭😭😭😭😭😭😭

又有得食生蠔啦🦪想平平地過下口癮可以來呢到食😉仲有好多分店俾你揀👍🏻而家做緊特價$10隻，仲可以仼叫，都好抵食，Not Bad😋可以同d friend挑戰下大家食到幾多😂海膽都好新鮮，唔錯😋意粉fair，如果d汁濃d就更好(可不叫)，總之食生蠔同埋海鮮為主，下次再食其他😉(個人覺得每間分店質素唔一樣，請自選🙏🏻)10特價Tasmanian $100加掌大海膽 $458卡邦尼意粉 $138

這間西餐廳專注於生蠔，令我驚艷。新鮮生蠔呈現得恰到好處，海味十足，每一口都帶有淡淡的甜味。搭配醬汁，提升了風味。環境優雅，服務周到，令人倍感舒適。值得一提的是，餐廳的選擇多樣，供應不同產地的生蠔，是愛吃海鮮者的樂園。

嚟呢度一定要食生蠔，佢哋做緊大概$10/1隻，超抵抵！海膽唔記得幾錢，咁啱做緊優惠百零蚊，咁大隻，我哋三個女仔一齊分享，舔舔脷！叫咗份比目魚，我鍾意佢底下椰菜花嘅配菜，夾埋口感好match，魚亦正常燒到有少少燶皮，可以可以👍🏻當然有嗌一份青口，慢慢傾偈慢慢食，佢呢間嘅海鮮，性價比都ok, 食到最後啲汁就用蒜蓉包點黎食，唔嘥😋唔記得影份pizza，叫咗蠔站至尊和芝士薄餅，佢哋嘅Pizza都好食，我鍾意脆皮，啱我👍🏻臨尾加咗份甜品，唯一要挑剔就係，甜品的確一般，不過嚟呢度梗係食海鮮，所以甜品普通我係當然絕對冇所謂啦，志在想坐多陣傾多陣😆順帶一提，佢哋個服務招呼都可以，話說我哋係坐最入嘅沙發位，基本上需要嘅時候，舉手都會有人協助，而企喺出邊嘅侍應，都會周不時行過，睇吓我哋有冇需要，所以基本上招呼都有，都有禮貌👍🏻👍🏻不過如果預約咗，真係要早少少預時間喺樓下排隊等𨋢上嚟，下面部𨋢真係等好耐😆

香港生蠔🦪界的天花板希望吃生蠔🦪的千萬不要錯過！介紹完沖繩的蠔想吃🦪的癮起 在香港一樣有好地方吃！推薦大家Oyster Station每次去都有驚喜 每一次都有不同產地的生蠔這次試了店舖推介愛爾蘭Dooriel Creek $178 / 6pcs鮮甜海水味適中蠔邊爽脆帶點堅果香味我點了自選套裝Ostra Regal 法國皇室指定生蠔口感豐富溫柔的海水味，滿口鮮甜的果香味Gillardeau 生蠔界中的勞斯萊斯 我的最愛 也是必點之一Sentinelle以味道鮮甜 奶味濃郁而聞名入口帶有淡淡的榛果和杏仁的味道還有隱藏菜單10元購生蠔🦪數量不限偏鹹的海水味生蠔當然要配白酒啦清新爽口充滿果香的Calabria Guiding Star入口帶點桃子和柑橘的香氣！

蠔站 (尖沙咀)今次同舊同事gathering，朋友介紹食依間蠔站，10蚊一隻蠔實在太抵食，基本上諗都無諗就決定食依間，估唔到menu都好多選擇，而且野食都比我想像中好味，尤其PIZZA，芝士十分出色✨指定生蠔 ($10/pc)法國生蠔入口鮮甜，亦有天然海水鹹香味，蠔肉肥美飽滿，質感爽滑，唔會太腥，口感非常清爽，配埋檸檬汁或者少少紅洋蔥醋，味道剛剛好，依個價錢絕對無可挑剔✨炭燒加拿大保濕豬鞍 $308豬鞍肉質嫩滑多汁，最外層保持住豬肉天然嘅油脂香味，炭燒後帶有輕微嘅煙燻香氣，提升咗整體嘅味道層次。外層烤得微脆，內裡都依然保持軟腍，並無乾柴感，而且都好厚實，幾好食✨Pizza 蕃茄水牛芝士 $168簡單清新味道非常吸引，蕃茄醬汁酸甜適中，配合水牛芝士嘅奶香味，口感豐富且不過於油膩。餅底烤得脆口，個人最鐘意依款！黑松露野菌 $168黑松露獨特嘅香氣撲鼻而來，野菌嘅豐富口感帶嚟自然鮮味，餅底薄而脆，咬落去同時帶有菌類嘅柔軟同黑松露嘅濃郁，食落非常有層次感。超級海鮮 $178蝦、蜆、魷魚等海鮮配料滿滿，海鮮味同濃郁嘅芝士完美融合。好好味✨醬烤原隻魷魚 $108賣相吸引，魷魚外層烤得好香，醬汁鹹

從來唔寫食評今次為呢間開齋朋友生日近近哋就佢食過Lunch 1:30到去到餐廳，一個人都冇包咗場咁問侍應姐姐有冇set lunch？佢話冇咁唯有打開Menu睇（其實係有set lunch嘅）朋友話要食牛扒，點知件牛扒原來要1900 老老實實，Sheraton Morton扒房都唔使呢個價咁就嗌咗個$400嘅牛扒五成熟其實味道唔錯，幾好食又嗌咗兩打$10蠔，食完點知屙咗四次朋友生日諗住嗌個甜品仔俾佢吹吓蠟燭朋友吹完蠟燭問：點解冇叉同碟？其實一間餐廳除咗食物質素，服務都好重要，當時又冇其他客，點解都會犯呢啲低級錯誤？是日埋單折咗之後8舊水可一不可再

兩個星期前本來我生日，同朋友一齊四個人去食生蠔，除咗生蠔也有叫其他熟食。員工服務態度差都唔講啦，嗰餐食完後，返屋企第二日我哋四個全部都腸胃唔舒服，肚痾咗幾日，我仲要屙到周身骨痛同發燒……睇咗幾次醫生其實啲嘢食係OK，唔算太差，我亦都唔係第一次食呢間嘢，但嗰次嘅經驗令我以後都唔會再去呢度食。我本身腸胃不是太差，也會常常吃魚生同生蠔，冇諗過今次食完之後四個朋友一齊食物中毒。仲有，其實其他食物都係Over-priced

❣️環境係美麗華商場上諾士佛台第一幢大廈就係，大廈大部分都係餐廳酒吧，環境算大有窗邊位，座位分高櫈和梳化位。🪄食物👍🏻指定生蠔 $10/隻每次都必食！好抵食又新鮮，又不會太細隻，但有時開得不好會有少少蠔碎。👌🏻卡邦尼意粉 $138中規中矩。👎🏻黑松露野菌配大啡菇意大利飯 $148今次意大利飯偏硬，有少少飯粒甚至不熟。😍優惠用OpenRice訂位有九折，餐廳設有會員制，會有更大嘅優惠折扣。

📍 尖沙咀 - 【蠔站 Oyster Station (諾士佛臺)】尖沙咀諾士佛臺1號7樓(港鐵尖沙咀或尖東B1出口，步行約5分鐘）⁡記得呢間《Oyster Station》好多年前已經有好多分店，最出名當然係$10一隻生蠔，中間好大段時間唔記得咗佢。但近日同事講起呢間餐廳，約埋一齊再去食！估唔到多年後，都仲係$10一隻🦪仲諗緊會唔會超細隻又唔好食🤔點知😍😍雖然唔算大隻，但絕對唔會細到冇肉，而且仲幾好食又新鮮！海水味重，Creamy，略咸。我覺得比起好多自助餐嘅蠔質素仲好😋真係抵到爛❤️❤️⁡⁡

朋友去過幾次，介紹一齊去，我自己第一次食物抵讚嘅。2個人，要左2打生蠔加一個拼盤，質素吾錯家，好新鮮。但啲員工服務態度一啲都吾得，開瓶費要＄120，無問題，俾得起，要求要個冰桶雪酒，由第一次要求要冰桶，到上冰桶要左40分鐘以上先有，其間仲要叫左4次，之後加菜，舉手舉左6次，個女員工，應該係經理級or其中一個合伙人，對視左4次，其中一次直接係身邊經過，吾理，直接無視，好野，本人第一次見識到。其中一枱係熟客，見個女員工走去一齊飲酒，好野，其他客，完全吾理。厲害👍👍終於加左一個菜，醬考原條魷魚，等左40分鐘，想問其中一個員工時，對方已經知未上，吾知係米無催，定有催，最後埋單，都係無上到，照計我錢，同佢講取消，個女員工黑面。厲害👍

當晚餐廳見只係坐滿一半 唔洗等位再見到$10隻生蠔咁抵分兩轉嗌 第一轉6隻冇問題 就再同朋友叫多16隻生蠔大細係ok ！味道亦正常冇問題！除左生蠔亦有點白汁青口（熟既）同埋 大蜆意粉食 （都係熟既） 點知星期四25/4晚8點食 星期六27/4 黃昏5點開始唔舒服攬住個廁所 痾足20次又嘔足一日半同行朋友係佢自己既屋企病徵完全一樣 我地亦只有果餐飯係一齊食各自既同住家人亦都冇事已通報衛生署 訓左係廁所一日今次真係抵！🤮貪平抵我屎!

人流不錯，食物不過不失。十蚊生蠔係扺食，但鹹到你唔會再嗌然之後再食正價生蠔，味道好啲但都一般意粉可以，冇乜大問題整體約朋友，慢慢座，飲酒吹水，okay!但真係想享受美食，就再搵下！

第二次來蠔站了！想食平生蠔首選！$10一隻🦪係邊到搵😍 特價蠔海水味重，雖然比較細隻，但呢個價錢黎講，非常好！另外再叫咗個海鮮拼盤，生蠔可以選擇，如果想吃高級一點的可以補差價。拼盤刺身新鮮，有蝦🦐、赤貝、帆立貝、螺🐚，我們叫了一支sparkling wine，更加突出了鮮味！另外我們叫了蟹肉牛油果沙律，非常精緻，放在一個酒杯形狀上面。味道也不錯，濃濃的蟹肉味，加上牛油果味非常夾！主食方面，我們叫了香辣蒜香蜆肉意粉，非常惹味。但蜆肉味較淡！

適達生日月🥳友人知我鍾意食生蠔🦪🤤事前專登預備位於尖沙咀諾士佛臺的Oyster Station前菜：香芒牛油嬲果大蝦沙律，牛油果🥑份量十足黃金軟穀蟹扁意粉🍝初時見到粉量細細，同朋友都擔心唔夠食，點知食落，口感、飽腹度一流🤣🤣最期待就係好鍾意的生蠔🦪啦😍餐廳主打$10隻生蠔🦪每次一次打一盤12隻生蠔一盤打卡一流，味道仲有淡淡的海水🌊味個人最鍾意加檸檬汁味道已經好鮮甜我食左8隻以為食左好多啦點知旁邊兩位女士兩人食左4盤生蠔🦪真係好棒場🤣🤣最後朋友為我order甜品，confirm 名字後都寫錯個名🤣笑稱可以改名了食飽滿足☺️