今次同舊同事gathering，朋友介紹食依間蠔站，10蚊一隻蠔實在太抵食，基本上諗都無諗就決定食依間，估唔到menu都好多選擇，而且野食都比我想像中好味，尤其PIZZA，芝士十分出色
✨指定生蠔 ($10/pc)
法國生蠔入口鮮甜，亦有天然海水鹹香味，蠔肉肥美飽滿，質感爽滑，唔會太腥，口感非常清爽，配埋檸檬汁或者少少紅洋蔥醋，味道剛剛好，依個價錢絕對無可挑剔
✨炭燒加拿大保濕豬鞍 $308
豬鞍肉質嫩滑多汁，最外層保持住豬肉天然嘅油脂香味，炭燒後帶有輕微嘅煙燻香氣，提升咗整體嘅味道層次。外層烤得微脆，內裡都依然保持軟腍，並無乾柴感，而且都好厚實，幾好食
✨Pizza
蕃茄水牛芝士 $168
簡單清新味道非常吸引，蕃茄醬汁酸甜適中，配合水牛芝士嘅奶香味，口感豐富且不過於油膩。餅底烤得脆口，個人最鐘意依款！
黑松露野菌 $168
黑松露獨特嘅香氣撲鼻而來，野菌嘅豐富口感帶嚟自然鮮味，餅底薄而脆，咬落去同時帶有菌類嘅柔軟同黑松露嘅濃郁，食落非常有層次感。
超級海鮮 $178
蝦、蜆、魷魚等海鮮配料滿滿，海鮮味同濃郁嘅芝士完美融合。好好味
✨醬烤原隻魷魚 $108
賣相吸引，魷魚外層烤得好香，醬汁鹹甜適中，完美滲透入魷魚肉中，提升咗魷魚嘅鮮味。魷魚質感彈牙。
1
✨啤酒味薯條$68 ($25加黑松露)
幼薯，炸得香脆金黃，配埋黑松露濃郁可口，熱辣辣，作為前菜全枱最快清哂
✨蒜蓉包 $48
有驚喜，配少少芝士，脆得黎有好濃既蒜蓉味，兩者配合超夾
✨自家焗製蟹餅 $158
蟹餅外層烤得金黃酥脆，內餡滿滿嘅蟹肉鮮甜，蟹肉比例十分高，食落去可以感受到蟹鮮味十足。調味都恰到好處。
